رواية رفق الفصل الثالث 3 بقلم روح الفؤاد

رواية رفق الجزء الثالث

رواية رفق البارت الثالث

رواية رفق الحلقة الثالثة

بعد يومين
تيم : بتول تعالي رفق بترن عليكي تعالي ردي
بتول : رد عليها وانا جايه اهو
تيم مسك التلفون ورد عليها
رفق : ايوا ي بتول انا محتاجاكي
تيم بخضه : انتي كويسة ؟؟
رفق : ازيك ي تيم . انا كويسة الحمد لله . عيزاها بس تجيلي ، هي فين ؟
تيم : لحظة هديهالك اهو
بتول : نعم ي رفق
رفق : معرفش ماما قالت لأمك ولا لاء بس ف عريس متقدملي والمفروض جاي انهاردة وانا عيزاكي تكوني معايا
بتول : عرفتيه منين
رفق : مش دا المهم دلوقتي هبقي احكيلك ، هتعرفي تيجي ؟
بتول : ايوا طبعا نص ساعه واكون عندك
طبعا تيم كان جمبها وسامع كل حاجه بس كدا اتأكد انها بتحب حد تاني ف حمد ربنا انه متسرعش وطلب ايدها عشان ميخسرهاش خالص زي عمر
عدا الوقت وبتول راحت ل رفق ودخلتلها اوضتها
بتول : مين بقا دا
رفق : زميلي ف الجامعة
بتول : وانتي بتحبيه وكدا
رفق : هتفرق ؟!
بتول : مش انتي اللي قولتي مش هتجوز صالونات وشوحتي بإيدك كدا
رفق : أنا مجرد هقعد معاه واشوفه مش اكتر
بتول : اسمه اي
رفق : بصراحه مش عارفه
بتول : للدرجه دي
رفق : شوية وهتعرف عليه خلاص بقا
وشوية وجه العريس واهله ودخلت بتول قدمت القهوة وشوية ودخلت رفق
رحيم : حابه تعرفي اي عني
رفق : اللي حابب تقوله
رحيم : انتي مجبره ع القعده دي
رفق بهزار : أنا محدش يجبرني ع حاجه وكملت كلامها : لا قاعدة بمزاجي بس بعد ضغط من اهلي طبعا بص لو قولت دلوقتي اني مرتاحتش او انت قولت كدا هيبقي فيه مشكله
رحيم : مش حابه تديني فرصه ؟
رفق : ليه اتقدمتلي
رحيم : معرفش بس انا عارفك من الجامعة وبحترمك وأهلي ضغطوا عليا عشان اتقدم وكدا ف انتي جيتي ف بالي
رفق : خلاص . ممكن نعتبر القعده دي محصلتش وخلاص
رحيم : ممكن سؤال ؟
رفق : اتفضل
رحيم : مين اللي دخلت من شوية
رفق بإبتسامه : اشمعني بقا
رحيم: لو عندك مشكله مترديش
رفق : دي بتول بنت خالتي . بس قولي يعني عشان اساعدك
رحيم : انتي بجد مش مدايقه
رفق : أنا أول مرة اشوفك ف حياتي هدايق لي
رحيم : هي مش مخطوبة صح
رفق : لا ، اشمعني
رحيم : تسمعي عن الحب من أول نظرة
رفق بإبتسامة: كدا انا فهمت
رحيم : بس طبعا هتحصل مشكله لو اتقدمتلها بعدك
رفق : لا خالص . سيب عليا الحوار دا
واستأذن من أهلها ومشي
بتول : ها ايه اللي حصل ، ارتاحتيله
رفق : لا محصلش نصيب . انتي شوفتيه؟
بتول : يعني لمحته وانا داخله بس مش اويي ، اشمعني
رفق : لا مجرد سؤال بس
شوية وأهل رفق ندهوا عليها عشان ياخدوا رأيها
باباها ( محمد ) ومامتها ( علا )
محمد : ها ي بنتي اتفقتوا
رفق : هو شخص كويس بس احنا نهينا الموضوع
محمد : انتوا ملحقتوش لسه
رفق : بابا ممكن اتكلم معاك ف موضوع بس ياريت تتقبله
محمد : اتكلمي ي حبيبتي
رفق : حضرتك عارف اني قعدت مع رحيم ارضاءً لحضرتك عشان كنت اتفقت معاهم
محمد : ايوا وبعدين
رفق : رحيم عايز يطلب ايد بتول
علا : بتول بنت اختي ؟!
محمد : ازاي يعني وهو عارفها منين
رفق : هو شافها لما دخلت وقالي وانا بطلب منكوا ان محدش من العيله يعرف عشان ميحصلش مشكله
محمد : ازاي يعني يقولك حاجه زي دي
رفق : ي بابا انا مش زعلانه ولا مدايقه وهو مقالش كدا غير لما قولتله ننهي الموضوع وان حد فينا يقول انه مرتاحش وخلاص
علا : خالتك مش هتوافق ابدا
رفق : عشان كدا بقول محدش يعرف وهو هيتكلم مع أهله وانا قولت اعرفكوا عشان لما تشوفوه بعدين لو حصل نصيب مع بتول
محمد : يعني انتي مش زعلانه ي بنتي
رفق : ابدا ي حبيبي والله . انت ناسي العياط بتاع امبارح عشان مقعدش معاه اصلا. انا هتكلم مع تيم ف الموضوع وحضرتك ابعت رقم تيم ل رحيم عشان يكلمه هو كمان
محمد : ماشي ي بنتي اللي يريحك