رواية رفق الفصل الرابع 4 بقلم روح الفؤاد
رواية رفق الجزء الرابع
رواية رفق البارت الرابع
رواية رفق الحلقة الرابعة
يوم الجمعه
يوم تجمعنا عند جدو وانا رفضت اروح عشان موضوع عمر وعشان ميحصلش خلاف وماما واخواتي راحوا وبعد فترة لقيت ماما بترن عليا
رفق : نعم ي ماما
جدو : الحلوة لسه نايمه
رفق : لا انا صاحيه وفايقه اهو
جدو : مجتيش لي
رفق : تعبانه شويه ي حبيبي
جدو : اجي ازورك يعني
رفق : تيجي تنور ي جدو طبعا بس انا الحمد لله كويسة مفيش داعي
جدو : خلاص يبقي تيجي
رفق : ماشي ي جدو
جدو : هبعتلك حد من الشباب ياخدك
رفق : لا هجي بتاكسي وخلاص
جدو : استني لحد م ارن عليكي اقولك تنزلي
وكأني متكلمتش ، جدو محدش يقدر يناقشه ف حاجه اللي عايزه هيعمله وهو عارف اني مجتش عشان عمر واني مش تعبانه ولا حاجه ف غصب عني هروح
لبست واستنيت لحد م جدو رن وقالي انزلي . نزلت وانا بتمني انه يكون تيم عشان مش قادره اتخانق مع حد وبالفعل كان هو . فتحت الباب وركبت
رفق : ازيك ي تيم
تيم : عايش
رفق : اي التفاؤل دا كله
تيم : شوفتي بقا
رفق : عايزة اكلمك ف موضوع
تيم : اتفضلي
رفق : انت عارف ان حد اتقدملي من زمايلي
تيم : ايوا الف مبروك
رفق : اصبر بس ، وبتول مقالتش انا وافقت ولا لا ؟
تيم : قالت معرفش
رفق : ع العموم محصلش نصيب ومش دا الحوار
تيم : اي الحوار ؟
رفق : رحيم عايز يتقدم ل بتول
تيم : ازاي يعني الكلام دا
رفق : عادي يعني شافها واعجب بيها وانا قولتله هكلملك اخوها
تيم : وانتي مش زعلانه ؟
رفق : هزعل لي ؟ . تعرف انه زميلي ف الجامعه بس عشان اكبر مني ف منتبهتش له اويي وكانت اول مرة اشوفه فيها عندنا ف البيت
تيم : عادي م هو كان أول مرة يشوف بتول برضو
رفق بتلقائيه: م هو قلبه فاضي بقا
تيم بهزار : وانتي قلبك مليان بمين بقا
رفق : اي دا وصلنا
وطلعت تجري طبعا وتيم ركن العربيه ولحقها فتح البوابه ودخلت ف اتكلم : هاتي الفون
رفق : ينهار ابيض هو لسه جدو مصمم ع الحوار دا
تيم : والله أوامر جدك ولو تقدري تعترضي انا معاكي
رفق بضحك : انت بتردهالي يعني ، لا ي عم خليه معاك مش عيزاه اصلا
ودخلنا سلمت ع العيله كلها وقعدت مع جدو شوية وبعدين دخلت قعدت معاهم . كنت بحاول اتجنب عمر عشان متحصلش مشكله . جدو خد الفون بس فِ كتب كتيرة ف الاوضه ف قررت اجيب كتاب اقرأه وخلاص . روحت وقفت قدام المكتبه بختار كتاب لقيت تيم ورايا وجاب كتاب وقال : اقرأيه حلو اويي
رفق : ع ضمانتك يعني
تيم بضحك : عيب عليكي
رفق : ماشي ي عم
بدأ كل واحد ينشغل بحاجه غير الفون وقرأت شوية وزهقت ف اتكلمت : تيم عايزاك شوية
تيم : مستنيكي ف البلكونة
عملت القهوة انا المرة دي ودخلت قعدت
تيم : عيزاني ف اي بقا
رفق : موضوع بتول ورحيم دا انت موافق عليه صح ؟
تيم : لو انتي مش زعلانه ف ماشي يتقدم واللي فيه الخير هيحصل
رفق : هبعتله رقمك مع بابا بس بلاش حد يعرف انه دا اللي كان متقدملي عشان هيفضلوا يتكلموا كتير بقا ويعملوا حوارات
تيم : خلاص اتفقنا ، اتكلمتي مع بتول ؟
رفق : لا حبيت اتكلم معاك واضمن انك موافق الاول
تيم : خلاص عرفيها بقا، القهوة حلوة اويي بجد
رفق : عشان معموله بحُب بس
رفق أدركت اللي قالته ف قالت : مش قصدي بس انا بحب القهوة يعني ولما بحب حد بعمله قهوة
تيم : اعتبر انك بتحبيني يعني ودا اعتراف
رفق شرقت وفضلت تكح ف اتكلم تيم بضحك : انتي كويسة ي بنتي
رفق : مش قصدي كدا ، أنا قصدي ..
قاطعها تيم بضحك : م انا خلاص فهمت قصدك
وخرج وسابها بتستوعب الحوار وخرجت جري وراه وكان قعد معاهم واتكلمت : أنا لازم اشرحلك قصدي
تيم : ي بنتي قولتلك خلاص بقا
رفق : مش عملاها تاني اصلا
تيم : حرام كدا وانا ذنبي اي
بتول : م تفهمونا اي اللي بيحصل
تيم : حوار كدا ميخصش حد
رفق : تعالي كدا عيزاكي
وقامت اتكلمت معاها وفهمتها الوضع وبتول كانت رافضه بس وافقت تقعد معاه بعد م رفق اقنعتها انها مش زعلانه وكدا
ورجعوا تاني قعدوا معاهم وكل واحد ف حاله وشوية وجه ميعاد الغدا ف دخلت مامتها علا : اتنين منكوا يقوموا يخرجوا الاكل
رحمة وبتول ف نفس الوقت : مش قادرين
علا : رفق حبيبتي اللي هتقوم
رفق : ايوا اضحكي عليا بكلامك الحلو ، هجي حاضر
علا : واحدة فيكوا تتحرك او واحد فيكوا
عمر : أنا راجل مش هجي اخرج شوية اطباق
رفق بنفخ : خلاص يماما هخرجهم انا الموضوع مش مستاهل
تيم : روحي وجاي وراكي
دخلت المطبخ وكانت ماما وخالتو ومرات خالو بيفضوا الاكل واحنا هنخرجه الصاله عشان نتغدي فيها وخلصنا وراحوا عشان يندهوا لجدو وخالو وانا وتيم روحنا ننده ليهم وبنتكلم واحنا رايحين
رفق : غريبه يعني انك قومت تساعد
تيم : لي غريبه ، ايه اللي فيها لما اساعد ولا هناكل بس
رفق بضحك : لا مش انت راجل وكدا
كنا روحنا عندهم
عمر : وانا اقول ست رفق جات لي ، ودلوقتي عرفت السبب ، ف الأول يروح يجيبك وتيجوا تتكلموا مع بعض وتعمليله قهوة و تخرجوا الاكل سوا وجايين بتضحكوا كمان
تيم : عمر مش عايزين مشكله تحصل ف اسكت احسنلك
عمر : ولو مسكتش هتعمل اي
رفق وقفت ف النص بينهم واتكلمت وهي باصه ل تيم : عشان خاطري انا بلاش خناق
ف بِعد تيم عنه وراح قعد بعيد
عمر : وكمان بتسمع كلامها وبتمشيك ع مزاجها ، لا مكنتش اعرف ان شخصيتك ضعيفه كدا
طبعا مكنش كلامي هيأثر بعد كدا وطبعا مسكوا ف خناق بعض وانا كنت مرعوبه تيم يحصله حاجه وجدو والعيله كلها جات ع صوتهم وسيبوهم عن بعض
جدو بزعيق : اي اللي بيحصل هنا
عمر : مفيش حاجه ي جدو ، خلاف بسيط كدا بيننا
جدو : انتوا مش عيال صغيرة ، ان اتكرر الخناق بينكوا مشفكوش هنا تاني
رفق : جدو حضرتك مفروض تسمع الأول، تيم مغلطش ف حاجه
عمر : اي البجاحه دي وبتدافعي عنه كمان قدامنا كلنا
تيم : جدو انا عامل احترام لوجود حضرتك وساكت بس لو عمر جاب سيرتها تاني والله م هسكتله
جدو بزعيق : عمر مسمعش صوتك واتفضل ادخل جوا
واليوم انتهي ع كدا محدش اتكلم بعدها وكل واحد راح ع بيته
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية رفق)
