رواية رفق الفصل الخامس 5 بقلم روح الفؤاد

رواية رفق الجزء الخامس

رواية رفق البارت الخامس

رواية رفق الحلقة الخامسة

بعد يومين
صحيوا الصبح وبتول كلمت رفق عشان تيجي وتكون معاها ف قالتلها هلبس وهجي وكانت بعتت تيم بالعافيه عشان يجيبها ولما نزلت كان تحت ورفق جات تركب ورا قال : لا م انا مش السواق بتاع حضرتك ي حبيبتي
بصتله بغيظ وركبت قدام وفضلت باصه ناحيه الشباك وبتتخيل انه بيقولها بجد مش مجرد اتلغبط لحد م بدأ كلام
تيم : معلش لو عملت حاجه دايقتك يوم الجمعه
رفق : بالعكس ، انت مغلطتش ف حاجه ، عمر هو اللي اتمادي ف كلامه
تيم : انتي مش زعلانه بجد صح
رفق : لا والله بالعكس فرحانه جدا ل بتول وفرحانه ب رحيم انه مأجلش الموضوع ولا خاف يقول وهو عارف انها ممكن ترفضه عادي ، بس اهي وافقت تقعد معاه ، وإن شاء الله الحوار يكمل ع خير
رفق : وعقبالك بقا
تيم : نسأل الله التساهيل
رفق بإبتسامه عكس اللي جواها : يعني بالفعل ف واحدة موجودة
تيم : ايوا
رفق : وهي عارفه بقا ؟
تيم : معرفش بس اعتقد انها مبتحبنيش
رفق اتوجعت لانه بيحب غيرها مع وجعها لحزنه لأنها مجربه الشعور دا
رفق : طيب م تجرب مش هتخسر حاجه ، م يمكن هي كمان بتحبك ، وبعدين مين يقدر يرفض ابن خالتي
تيم : يعني انتي لو اتقدملك حد زيي هتوافقي
رفق بضحك : ي عم احنا اخوات انت ناسي ولا اي
تيم بعصبيه : اولا أنا معنديش غير اخت واحدة وهي بتول وثانيا فكك م القرابه بتكلم ع شخصيتي
رفق : اتكلم بصراحه بصراحه يعني
تيم : اخلصي
رفق : انت ك شخصيه وكل حاجه جميله بس انت عارف اني بحاول التزم وأقرب لربنا اكتر ونفسي حد يساعدني اكتر وف حاجات انا مقدرش اتقبلها يعني زي هزارك مع رحمة بالإيد وانك بتكلم بنات وبتعتبرهم صحابك عادي ،انا عارفه ان ف بنات بتتقبل الموضوع عادي بس انا لا مقدرش ، تعرف انك اكتر واحد كنت بدايق منه وقت حوار عمر لأنه مش شبهي و انا واثقه انه لو اتقدم ل بتول مكنتش هتوافق اصلا
تيم : كنت معتقد انك بتحبيه
رفق : محصلش خالص ي تيم ومكنش هينفع يحصل ، عارف انا دلوقت بقولك عايزه حد يساعدني وميعملش كذا وكذا بس حتي لو مش ساعدتني مش هتبقي زيه ،ع الأقل مش هتحبطني زيه ، انت يمكن مكنتش بتعلق ع اي حاجه سواء بكلمة حلوة او وحشة بس عمر لما قررت ابطل ميك اب فضل يقولي كان شكلك احلي وارجعي حطي تاني ووشك عليه حبوب وكلام من دا ولما بقيت البس دريسات بس قالي مكبراكِ وعيشي سنك وبتاع . ع الأقل انت عمرك م تعمل كدا
تيم : ياااه دا انا طلعت مغفل بإعتقادي دا
رفق بضحك : والله ابغي اقولك ايوه بس استحي
تيم : طيب ممكن تسيبيني ابرر بقا
رفق بضحك : اتفضل المايك معاك
تيم : ماشي ي ظريفه تيم ، مبدئيا انا مكنتش متخيل ذنب اني اسلم ع بنت كبير كدا لحد م انتي قولتي ف بحثت عن الموضوع وتوصلت لحديث ((لأن يطعن في رأس أحدكم بمخيط من حديد خير له من أن يمس امرأة لا تحل له))
ومن وقتها دا محصلش تاني وتاني حاجه بقا انا مليش صحاب بنات ومش مقتنع بكدا اصلا مجرد زمايلي ف الجامعة وعمري م اتكلمت معاهم شات كلها بتبقي جروبات مش لوحدنا وبالنسبه لأني مكنتش بعلق ع حاجه ف معتقدش ان رأيي كان هيفرقلك اويي بس كنت فخور بيكِ جدا وفرحان بيكِ وكنت بدعيلك ربنا يثبتك ويهدينا
رفق بضحك : خلاص كدا اتقدم وهوافق عليك وكملت كلامها : مقولتليش بقا مرات اخويا هيبقي اسمها اي
تيم : سيبيها مفاجأة احسن
وخلاص كنا وصلنا و طلعنا بيت خالتو فضلت مع بتول طول الوقت لحد م دخلت تقعد مع رحيم وانتهي اليوم وروحوا اهل رحيم وعرفت انها موافقه مبدأئيا واهلها موافقين عليه وجه الوقت عشان اروح
رفق : أنا هروح بقا ي خالتو
بتول : م تباتي معايا انهاردة
رفق : لا خليها مرة تانيه بقا
تيم : طيب تعالي اوصلك
نزلنا وركبنا العربيه وبدأ يتكلم: ممكن اطلب منك طلب
رفق : اتفضل
تيم : عايزك تخرجي معايا وانا هكلم عمو استأذن منه
رفق : معاك ؟! هنخرج لي
تيم : انتي عارفه اني اقررت اتقدم لبنت وكدا
رفق : ايوا عارفه ، بس انا مالي
تيم : هشتري حاجات وكدا
رفق : خُد بتول اختك ولا حد م اصحابك
تيم : بس انا عايزك انتي
رفق : اشمعني انا
تيم بضحك: بثق ف ذوقك شوية
رفق بضحك : اذا كان كدا ف انا جايه