رواية بن أسود الفصل الثاني 2 بقلم رويدا القاضي

رواية بن أسود الجزء الثاني

رواية بن أسود البارت الثاني

رواية بن أسود الحلقة الثانية

بعد اسبوعين من الصراعات يوميا يا الهاتف ياغيري لبسك مازال ع العرس شهر بس.
يارا: هيا بنطلعوا للمحلات باش تاخدوا شن تبوا تلبسو يوم الحفلة.
كيان: انا نبي فستان لكن المسترجلة هاذي مسكرة دماغها تبي سروال وكت.
يارا: شن تبي شن شن .
مرام: بكل برود للي سمعتيها قالته واظحة شن نبي.
يارا: بالله عليك ع خاطري بس فوتيه اللوك متع الذكورا اهو مرة بس يوم واحد ع خاطري.
كيان: اصلا قوتلها توا في هلبا ضيوف علاش تمسح في جمالها بلبس المردف اهو مش فاهمة.
مرام: نفكر من بيرفعنا للمحلات قبل كل شئ باش نعرف شن بندير.
يارا: معتصم ماتخافيش علي طالع بعيد مش فاضي باش يعشش فينا .
مرام: 😊😊 خلي نلبس بسرعة باش نلحقوا ونحط حاجة خفيفة ع وجهي.
كيان: اهو البلوزة البيضاء والسروال الأزرق البسيهم اللون الابيض ديما يحلي فيك.
مرام: انقت نفسي وتعطرت وطلعت نسنتر بصراحة فرحانة لانه لأول مرة وانا في الزنتان بنطلع طلعة زي الناس لانه الأخ علي بسلامته كان يلقى يطلعني في كيسة سوداء ولا شكارة ع قولته.
معتصم: من توا بلا نفخ بنطحكم في المحلات وبنكسد في القهوة امتا تكملوا حاجتكم اتصلوا بيا نظام نقعد نمشي وراكم زي العيل مايمشيش معاي ومرام فكينا من المشاكل بالله عليك.
يارا: تمام ونزلنا.
مرام: شن قصده بيها فكينا من المشاكل قداش عركة طلعني منها.
كيان: عنده الحق يوصيك عارفك ظفر يخنقك وحتى للي يفري في المشاكل مش موجود باش يدافع علينا.
يارا: خلي نكلم حبي.
مرام:بلا عار اثقلي انت جاية بتاخدي حاجتك ع راحتك ولا بيقعد يقيد فيك.
يارا: راحتي معاه خليك انت براحتك ساد.
كيان: تعالى مرام نختارو شن بناخدوا أنا وياك واصلا تنفخله رأسه هو خير ماتعكر جونا احنا.
مرام: في هاذي عندك حق.
بعد مالفيت لين رجليا قريب طاحو اخيرا اتفقت مع كيان ع انه ناخدوا فستان نفس اللون.
كيان:شن رأيك في الأسود.
مرام: عادي اي لون ماعنديش مشكلة وخديناهم وخشينا لحجرة القياس رغم اني كنت مش مقتنعة لكن بعد لبسته غيرت فكرتي بكل .
كيان: طالع عليك يهبل ماشي مع جسمك مرسوم رسم .
مرام: حتى انتي ياقلبي طالع عليك لكن هيا نبي نشري لصقة تاتو جاهز ونبي ناخد خرص الأنف ولا ابصر شن يسمو فيه.
كيان:😏هذا مش حاجات فستان بكل شكلك تكذبي يافرخة بتلبسي هذاك اللبس المخبش.
مرام: أكيد بنلبسه انا قلت يوم الصالة بس بنلبس فستان مصحك.
وانا قعدا نتكلم لين رن التليفون مجرد ماشفت المتصل بديت نرعش من الخوف ….
سميرة: تعالى قيس نقولك ع حاجة اديرها .
قيس: اسمعي يما راسي مكفخ ماعنديش جهد توا نسمع هزايبك بكل اجليه الموضوع اهو.
سميرة: لا هزايب لاسو بنفهمك كيف تتصرف بس ..
قيس: ها احكي .
سميرة: انا مدابيا تكونو احسن ناس انت وخوتك لكن واحد شادها بوابات وانت حشيش والثالث بنات ماطلعش فيكم واحد يمسح ع الكبد بكل.
قيس: باهي توا المطلوب هاتي الملخص يما.
سميرة: المطلوب تشغل مخك معاي مش قادر تكون زي اولاد خديجة خلوهم هما يكونوا زيكم.
قيس: شن بنستفيد انا من الموال هذا كله .
سميرة: مشكلتك من صغرك حمار هما دارو رزق وفلوس وانتمللي تخدموا بيه تصرفوا فيه بالك ايجئ يوم يموت واحد منهم وهكي الورث يزيد فيه نصيبك.كامل: وانت حاسبة ولدك قيس راجل وبينفد هذا كله قدام أول بافرا يهر الشكارة كلها.
قيس: من للي يتكلم متع التبعية بالله غير يولي شورك من دماغك بعدها دورني.
كامل: المشكلة اهيا للي مانعتني نقتلك كان هذا راني نهيتك.
كيان: شن من يتصل بيك وجهك مايتفسرش لونه.
مرام: خوك المختل .
كيان: ردي عليه خلي نعرفوا شن يبي .
مرام: بصوت يرعش الو .
علي: انتي وين ياعن…
مرام:اه شن تسب انا نا…
كيان: احنا في المحلات .
علي:😡من معاكم يافرخة .
كيان: معتصم.
علي: اعطيهولي.
كيان: حطنا ومقعمزة في القهوة وقال لما تكملوا اتصلو بيا.
علي: سكري ام الخط اهو جايكم.
مرام: للحظات حسيت الدم وقف في عروقي من كمية الخوف للي عشتها.
” أحيانا الإنسان يفهم بعض الأمور غلط وقت يفيق ويفهم الصح يلقى روحه خسر هلبا أمور كان الأجدر بيه يحافظ عليها”
في المستقبل ….
……/ خيرك يامرام شن فيك ليك كم يوم سارحة وجوك مش عاجبني.
مرام:🥺 شئ بس خطرت عليا سنين فاتت كأنه الذاكرة اختارات الأيام هاذي لجرد أحداث الماضي…
…./ احكيلي ع كل شئ ع أدق تفاصيل حياتك انا نبي نساعدك مانبيش تعيشي مشتتة بين الماضي والحاضر.
مرام: 💔 في خاطري شن بنحكي باش نحكي في أمور الإنسان لازم يحتفظ بيها لنفسه لنفسه وبس .
……/ اعتبريني نفسك ماتهلي شئ في خاطرك .
مرام: كلامك توا فكرني بكلام سمعاته قبل .
……/ عندي احساس القصة أكبر من هكي.
مرام: لالا . شن بيكون فيه وبعدين انت توا تعرف كل شئ في حياتي.
…../ لا.مش كل شئ في امور نعرف منه رؤوس العناوين متعها وانا لازم نكون ملم بكل حاجة تخصك.
مرام: الماضي شئ يخصني بروحي حقك عليا نصونك في الحاضر ونوعدك انه كل نبض من قلبي يكون ليك وبس .
…../ لما تعرفي روحك تبي تحكي انا موجود.
نرجعوا للماضي…..
علي: وينك انت كيف تخلي اخواتك وبنت خالك بروحهم وانت عارف الوضع خوك قيس قالبها ع راسه حشيش وحبوب وخوك كامل بوابات يعني ع اتفه موضوع رح يدور كيف يضرو أي شخص قريب ليهم.
معتصم: ومدامه خايف عليهم هكي سيب للي في يدك وتعالى شوف احتياجتهم.
علي: والله مانعطيك حتى خروف تسرح بيه مشبنات طلعهم.
معتصم: ماهو من التلخبيط للي خاشه من وراء ولد سميرة خايف قلناه احنا الكلام فوته فوته لكن هات من يفهم.
علي: سكر الخط وضم فمك اسمه خوك يافرخة مش ولد سميرة.
يارا: شن فيه خيركم.
كيان: خوك علي جاي وانت عايشة اللحظة كان يشوف طارق معاك العار ايصير العرس يقلبه عزاء.
يارا:😳 كيف عرف هوا.
كيان: قوليله يروح بروحه اتصل وهزب مرام وسبها اكيد جاي زي الإعصارفي الطريق.
مرام: جاء ولا كلمة لقانا واقفت زي الدجاجة وصغارها طابور نستنوا فيه اناالطريق كلها ساكتة ولا كلمة .
علي: خلاص معاش فيه محلات الا في الزنتان مش
مليار مرة قلنا راهم معارف ضروري لينيتصلوا بيا شفنا خواتك .
يارا: احنا قلنا اكيد مشغول هذا علاش ماحبيناش نضايقوك .
علي: ضايقوني شن دخلكم مشغول ولامخنوق انا كان مافضيتش روحي ليكم لمن بنفضى .
كيان: لكن احنا ماصارلنا شئ انت خايف علينا بزيادة.
علي: انت يامفعوصة اسكتي مانبيش نسمع صوتك بكل.
مرام: مهما حاول يستفزني ولا قدر بكل .
يارا: بصوت تشوشويش خير مرام ساكتة فيك حاجة.
مرام: وكأنه بركان وتفجر بديت نبكي معاش نبي نقعد هنيا نبي نروح روحوا بيا لحوشنا.
كيان:😳😳 خيرك بسم الله ملبوسة.
علي:🤨 مش كنتي ساكتة.
يارا: اهدئ خلاص وصلنا الحوش .
علي: انزلوا خلوني معاها وانا نحاول نرضي فيها بدت تبكي وتضرب فيا وتقولي نكرهك سكتت مجبور نتحمل لحظة الغضب هاذي خير ماتغضب عليا أمي.
مرام: حول من قدامي وهات الهاتف نبي نكلم ماما وبابا توا هما ايجوني.
علي: وهياتحاول تاخد الهاتف من يدي وهيا شبر ونص توقف ع رأس صوابع رجلها باش توصل للهاتف للي رافع في يدي فوق.
عثرت وطاحت في حضني وفي اللحظة هاذي.
سندس: 😳 كنت شاكة انكم في حاجة بينكم اصلا .
مرام: سكري فمك شن تقولي يامريضة انت عاد من قبل تحبيني باش تتمنيلي الخير ناقص غير ولد عمك الماغولي هات ام الهاتف وتفاهم مع الغولة للي تحمل نفس جينات الغباء متعك.
علي: هوا انا من قبل سندس نعرفك غبية لكن لدرجة هاذي تطور عندك الغباء ربي يستر ع صغار خوي مرة ثانية.
سندس: امشوا وخلوني كل واحد يهزب من جهة.
كيان: شن صار مرام.
مرام: ماصار شئ جت الحشرية سندس.
خديجة: شن جابها هبلت هاذي.
سندس: بصوت خبث اعميمة وينك محمد حمادي.
كيان: جاي لعمتك ولينا ولا لمحمد .
سندس: معقولة اكيد جايتكم انتم قلت نشوف فاش نقدر نساعدكم .
مرام: هههه والله ضحكتيني.
خديحة: خشي ولا حالفة عليه الحوش الحق نسيت حتى انه عندي كنة بكل لا تتصلي ولا تسألي .
سندس: والله ديما نسأل في محمد
يارا: احنا حوش عمك قبل ماياخدك محمد تقدري في اي وقت اتجي وتسألي.
كيان: لالا. شن تسأل مش مفروض ماتخشش حوشنا لين يروح بيها محمد.
مرام: انا مقعمزة جنب عمتي وهيا تشوفلي قريب تموت من السم والحقد.
يارا:شن قهوتك خلي نمشي نديرلك قهوة.
سندس: ماليش داعي الواظح انه مش مرحب بيا.
كيان: تعرفي الباب ولا نوصلك ليه يامرت خوي🤣🤣🤣.
وطلعت سندس وهيا مغيوضة بتموت من المعاملة للي لقتها من عمتي والبنات.
الحاضر…
نلمس في كل جزء في وجها مصقع بارد خالي من الملامح خاطري حد ايجى يفيقني ويقولي مرام المدرسة وقت عليك فيقي.
طلعت لصالة لقيتها معبية ناس منهم للي يبكي ومنهم للي يهدرز وانا مش قادرة نستوعب للي صار بكل مجرد ماقفت في باب الصالة لقيت العيون كلها عليا …
اكيدة يقولوا خسرت كل شئ ولا يضحكوا عليا معقولة لكن الموت علينا حق علاش بيشمتوا فيا .
رجعت نجري للثابوت نحيت الغطاء من ع وجه الجثة المرة هاذي تغيرت ملامح الوجه شخص ثانيخاطي الشخص للي شفته قبل شوية شن هذا كيف وين مشت
الجثة الأولى معقولة غيروها بالسرعة هاذي .
نخاف نطلع ونخش ثاني نزيد نلقى وجه جديد في الكفن معاش عندي استطاعة باش نتحمل وجع جديد نبي نرتاح خاطري نقولهم روحوا معاش نبي حد في حوشنا .
الماضي ….
محمد: خيرك طالعة مروحة .
سندس: كيف بنتكلم شفت ورايا لقيت اخواته واقفات ورايا سكتت لالا هو هذاك امي قلتي راك تعطلي.
محمد:تمام ردي بالك ع روحك وتوصلي للحوش كلميني طول.
مرام: في خاطري خايف عليها وهيا تخوف مش عارفة شن عجبه فيها .
كيان: بنضحك تحشمت ناكل طريحة حتى جلدي بدأ قريب يقولي ارحميني.
خديجة: خشوا ولا بتقعدو واقفين في الباب.
معتصم: اهو مرات العتبة ارحم من العار للي ايدير فيه ولدك.
يارا: انت والله شروك ترفعنا وبعدين تخليه هو يروح بينا.
كيان: الطريق كاملة وهو يهزب فينا .
معتصم: نقعد انا وياه كلمة بكلمة قدام الناس.
محمد: مش جديد عليكم طبعه مش اخديتوا شن تبو ولا مازال ناقصكم حاجة.
معتصم: اسمعي يما انا نبيك تكلمي مرت بوي نجتمعوا يوم ونقسموا فيه الأرض .
خديجة: والله بروحي نفكرفيها لكن خلي يتم عرس يارا ونفضوله موضوع الارض لانه لازم نجيبوا مساح باش يكيل بالصح وياخد كل واحد نصيبه.
ومرت الايام وجاء اسبوع العرس يوم الإربعاء قعدنا فايقين لصبح هياجة مع البنات وبعدها حصلنا نومة الصبح لعند الواحد الظهر…
صالحة: شن امتا بتلبسوا ولا . لين يمشوا الكل باش تلحقوا.
خديجة: تعرفي انا اهما نعرف علاجهم صدقيني نمشوا وتوا يلحقهم علي.
وفعلا تأخرنا طلعوا الكل وقعدنا انا وكيان لبست كيان قبلي وركبت السيارة وانا حصلت في السستا متع الفستان معاش قدرت نسكرها.
علي: انزلي قوليلها تتطلع الساعة خمسة وقت .
كيان:😏 ماعنديش علاقة لابسة كعب مانبيش ننزل برا انت ضبح عليها.
علي: انا ديما نقول البنوت حرام يطلعوا برا من الحوش
تقول انتم العروسةعامين وركبت وانا نسب ونسكتر لين وصلت الدور الثاني في دار البنات بتطلعي ولا نمشي ونخليك بروحك في الحوش توا ينفعك التعطيل بعدين.
مرام:ضبحلي ع كيان ماقدرتش نسكر الفستان متعي وطبعا نصف ظهره كان مكشوف والسستا متعه لعند الخصر .
علي: انا مانعرفش هيا تقولي مش نازلة وانتي قولي كيان هاتي نسكرلك انا امها وانزلي وريحيني .
مرام: لا .مستحيل بعدها تراجعت وجاء هو يسكرلي فيها وانا عيوني معاه في المرايا ماقامش عيونه فيا بعد سكرهولي وجاء بيطلع شاف التاتو ع كتفي .
علي: ثواني ونرجعلك ….
مرام: امشى جاب ليفة جسم وقعد ينحيلي فيه شن ادير انت.
علي: مليون مرة نقولك لوحي امه الوسخ اهو للي اديري فيه لكن هات من يفهم اطلعي قدامي .
مرام: طلعت وانا ساكتة وصلنا السيارة .
علي: دقايق انجيب باكوا الدخان متعي.
كيان:شن سكرلك علي الفستان متعك.
مرام: والله لما تشوفي عليها الحركة هاذي فرحانة بالإنجاز للي درتيه ماهو حسابك بعدين .
كيان:😏 وانت من زيك علي يسكرلك في فستانك للي مايعرفش ايطيب قهوة قلت نخليك تحسي بجو الرومنسية…..
مرام: سكري فمك اهو خوك جاي ….
علي : نزلوا غطاء الوجه ع وجوهكم للي تقول مهرجين من الوسخ للي في فمكم ….
كيان: البنات الكل هكي في المناسبات .
علي: في قهرتك هو هذا انت كان الناس غلط ضروري تكوني زيهم.
مرام: وصلنا مجرد مانحيت العباية ماما انصدمت عمري مالبست فستان .
صالحة: محلاه كيف طالع عليك .
خديجة: تبارك الله زي الحوتة.
سندس: حوتة وعندها افخاد 🤣🤣🤣 جديدة اهيا.
كيان : خير من عصا يابسة زيك ريحي روحك طالع عليها الفستان.