رواية ذات الوجهين الفصل السادس والعشرون 26 بقلم منة محمد

رواية ذات الوجهين البارت السادس والعشرون

رواية ذات الوجهين الجزء السادس والعشرون

رواية ذات الوجهين الحلقة السادسة والعشرون

ياسمين حطت الجرافته علي تربيزه السفره قدامها
عزه: الله مش دي جرافته الباشمهندس بس دي كانت محطوطه في درجه
ياسمين رفعت دماغها وبصتلها: عزه لما مشت ذات انتي ساعدتيها في لم حاجاتها وغلطتي وحطيتي الجرافته
عزه هزت راسها بنفي: مستحيل هو انا مجنونه هي لمت هدومها بنفسها انا مدخلتش
ياسمين الدموع كأنها اتحجرت جوه عيونها وحست ان الدنيا سوده وكل شئ حواليها اتحول للون الاسود القاتم وكانت هتقع مسكت في ايد الكرسي الي اتحرك معاها
عزه شهقت وجريت عليها ومسكتها من وسطها: ست ياسمين مالك
ياسمين : ولا حاجه ارهاق من الشغل
عزه قعدتها بهدوء: هجبلك كوبايه ميه
ياسمين هزت لها دماغها وعزه اتحركت لكن عماله تتلفت وراها قلقانه وياسمين حرفيا خلاص شويه وتنهار مش قادره تستوعب اي حاجه
………….قصص منه محمد كاتب…………
نور بعد ما كان عند #ذات_الوجهين نزل ركب عربيته تلفونه رن بأسمه حط السماعه البلوتوث ورد: معتز خير في ايه؟؟!!
معتز: اقف ع اول الشارع ع ناحيه اليمين
نور لقاه واقف قدامه وساند بضهره ع عربيته هدي بشويش ووقف ونزله راح عليه بقلق: فيه ايه ووصلت هنا ازاي
معتز بسخريه: ابدا واقف مستنيك لما تخلص وتنزل من عش الغرام
نور ارتبك وهرش وري ودنه
معتز بحده: بتعمل ايه وليه عملت كدا يا صاحبي
نور: معملتش حاجه يا معتز؟؟!!
معتز: لاء عملت انت بتخون ياسمين يانور والي بتعمله مش امر صغير ولا بسيط
نور: انا مش بخونها بمزاجي وعارف الي بعمله غلط بس خليك مكاني واحده ناويه تخرب بيتي واتورطت معاها غصب عني وبتهددني
معتز: غصب عنك ازاي وبتهددك بأيه
نور وهو بيلف شمال ويمين لحد ما اخده في كافيه ع جنب وحكاله كل الحكايه وبعد ما خلص اتنهد وقاله: فمضطر استحملها عشان ياسمين متعرفش واجرحها
معتز: ولحد امتي يا صاحبي هتفضل موطي لواحده زي دي
نور: متقلقش انا مسيطر ع الوضع بالفلوس
معتز: عارف انك مسيطر بس برضو لحد امتي هتدفع وهي تبتزك
نور: قولي اعمل ايه بقولك حطتلي خمره في العصير وسكرتني واتورطت معاها غصب عني
معتز: طالما غصب عنك اقف لحد هنا
نور: يا اخي بحاول وده هيحصل اكيد الامر مش هيطول لان انا كمان قرفت
معتز ابتسم ع جنب: انت اشتريت شقه عشانها وبتقولي الامر مش مطول
نور بضيق: انا مشترتهاش عشانها انا بس قعدتها فيها مؤقت قولي اعمل ايه دي الطريقه الوحيده والا هترجع تئعد معايا انا وياسمين تاني ووقتها مستحيل تخرج من حياتي
معتزصقفله بتريقه: واو هايل اشتريت شقه عشانها ومش بعيد تتورط معاها بس بمزاجك وتلاقي نفسك متجوزها
نور جن جنونه وبنرفزه: انت بتقول ايه يا عم معتز
معتز خبط بأيده ع التربيزه وبنفس العصبيه: بقول انك احسن واحد عارف ذات وواحده زيها محدش يقدر يتحكم في حياتها بسهوله ومش هتمشي من الشقه ده اكيد وياسمين انسانه لماحه ومش غبيه ولو منهتش الامر ده بسرعه هيعك ع دماغك لو وصل لياسمين وعرفته
نور بلع ريقه بصعوبه ورد: هينتهي لازم هينتهي انا مستحيل أؤذي ياسمين
معتز احتد عليه في الكلام : انت عملت بالفعل هي بس متعرفش انا بجد مش قادر اصدق ازاي تكدب ع ياسمين كل الكدب واللوع ده يانور يا اخي ده انا لما شوفتك اتصدمت بمالك بياسمين هتموت في الحال
نوربنظره كلها حقد وشر :مستحيل ياسمين تعرف مستحيل
معتز حاول يقتنع بكلامه واتنهد وقال: ربنا يسمع منك
……………..قصص منه محمد كاتب………….
في بيت نور قاعده ع الكنبه الي في مدخل الباب وماسكه الموبيل ودموعها موقفتش ودماغها طرحت كميه افكار واسئله ليه مرجعش وليه مش بيرد ياتري هو فين وليه اتغير كدا لحد ما غفاها النوم ونامت مكانها ….نور رجع بالليل متأخر لقاها نايمه ع الكنبه عرف انها كانت قاعده مستنياه دخل بهدوء وراح أأعد جنبها ومسح ع شعرها المفرود جنبها وغمض عيونه بندم ومسك صوابع ايديها وبص لخاتم زواجهم وباسه وشالها بين ايديه طلعها للسرير وغير هدومه ومدد جنبها لحد ما النهار شقشق قام قبلها اخد شور واتوضي وصلي ولبس قميص موف ع بنطلون ابيض ونزل المطبخ يجهزلها الفطار بنفسه واخده ودخل معاه صنيه اكل بصلها لما فتحت عيونها: صباح الجمال ممكن ياسمينتي تقوم بقي يله حضرتلك الفطار ريحته تجنن
ياسمين قامت اتعدلت: عملت ايه
نور أأعد جنبها ومسح ع خدها: عملت الفطار ومخصوص عشانك _رفع طبق_ دي الكيكه بالشكولاته الي بتحبيها خليت عزه تجبهالك ريحتها تهوس وطازه _ اخد حته بالشوكه لبؤها_يله دوقيها وجربيها
ياسمين بعدت ايده: لاء انا هاكل بأيدي
نور: وماله بس كان نفسي اكلك انا
ياسمين دمعت عيونها: ايه الذنب الي عملته تاني
نورسكت شويه وبعدين ابتسم بسرعه: ابدا عايز اعتذر عشان رجعت البيت امبارح متأخر وقبله بقالي كام ليله بعيد عنك فخفت تكوني زعلانه عشان كدا قومت بدري حضرتلك الفطار يله كوليها دي الكيكه الي بتحبيها
ياسمين بصتله بضياع ونزلت من عيونها دموع زي المطر لدرجه خبت وشها بين ايديها
نور مش عارف المفروض يعمل ايه فشال ايدها ببتسامه دافيه : يله سمسه الشكولاته هتروقلك مزاجك _ رفع ايده بحته وقربها من شفايفها وبرجاء_ عشان خاطري
ياسمين شدتها منها: هاكلها لوحدي
نور بصلها وهي بتاكلها: ها طعمها حلو
ياسمين وهي بتحاول قدر الامكان ما تفردش وشها: امممم
نور بغمزه : طالما اممم تبقي لذيذه اوي
ياسمين بتريقه وبقايا دموع ع رموشها : وليه انت فرحان هو انت الي عملتها بأيدك
نور اخد خصله من شعرها لفاها ع صوباعه : سعيد عشان شوفت ابتسامتك وعرفت انك خلاص مش زعلانه مني _ضرب جبينه_ شوفتي نسيت اهم حاجه ياسميتني بتحب القهوه مع الكيكه _باس خدها وقام_ ثانيه واجبهالك لحد عندك
ياسمين بعد ما خرج بصت لمحتويات الصنيه ونزلت دموعها لان كلامه وافعاله بيقول انه بيحبها لكن بتصرفاته بتقول العكس بتوضح ان فيه حاجه تانيه تلفونها رن بمسدج من ضحي مدت ايدها واخدته وفتحته لقت صوره ساعه رجالي ومكتوب تحتها (( محتاجه احتفظ بأوقتنا مع بعض للابد) شوفيها كدا ,,,,,ياسمين قامت بسرعه راحت لدرج الساعات وفتحته ودققت ومسكت الموبيل وطابقت بين ساعه نور والساعه الي في الصوره لقتها هي الساعه الي اشترتهاله في عيد ميلاده جسمها كله رجف وانهارت وفضلت تهز دماغها بـ لاء وترجع ع وري كأنه الساعه قنبله وهتنفجر فيها في نفس اللحظه كان نور طلع بفنجان القهوه لقاها واقفه بضهرها ناحيه الشباك
نور: القهوه وصلت اتفضلي يله جربيها
ياسمين حدفت الفنجان من ايده نزل متحطم بالي فيه عالارض
نور اتخض وبدهشه:ياسمين ليه كدا
ياسمين مبحلقه فيه بجنون:كنت مع مين ليله امبارح
نور :كنت مع زبون
ياسمين عيونها حمر كاسات دم:مع زبون ولا ذات
نور مسح شفايفه بضهر ايده وعرق واتلخبط واتلبخ
ياسمين بكت بنهيار :اياك تكدب ومتتصرفش كويس عشان تداري الامر الكيكه القهوه مش عايزاها انا عايزه الحقيقه
نور مسكها من كتافها يهديها:اسمعيني واهدي
ياسمين ضربته ع ايده بجنون : انا هاديه جدا لدرجه بقيت ست غبيه قول حالا للغبيه الحقيقه الا وغلاوه امي هولع في البيت بكل الي فيه
نور بيحاول يجمع كلمه: ياسمين ارجوكي اهدي واسمعيني انا مش عارف ليه بتقولي كدا لكن ده محصلش
ياسمين رفعت الموبيل في وشه بالصوره: هنا انت لسه بتفكر الساعه الي في الصوره هي ساعتك نفسها رد قولي مش هي
نوربرتباك: ايوه!!لان مفيش في العالم ساعه واحده منها ياياسمين وشوفتي دي ع طول افترضتي انها ساعتي مش من حقك تعملي كدا
ياسمين نزلت دموعها زي المطر: لو مكنتش الساعه دليل _فتحت الدرج_ اظن الجرافته الي انا برضو اشترتهالك بنفسي اكبر دليل والا ترد وتقولي ازاي راحت لذات
نور افتكر لما اتخنق منها وخلعها ع تربيزه السفره
ياسمين بكت بصوت عالي: جاوبني واعترف انها مش اكاذيب
نور اتوتر وفضل رايح جاي ويمسح وشه بعشوائيه ويمسح بحده ع شعره
ياسمين: ذات ادتهالي وقالت لي ارجعهالك رد وقولي ازاي وصلتلها_ حدفته بيها في صدره جامد_ جااااوبني ازاي كانت مع ذات
نور صرخ فيها: معرفش يا ياسمين معرفش وانا مش مضطر اجاوب ع اتهامك ده كمان لاني معرفش_مسك ايدها الاتنين_ اسمعيني واسمعيني كويس هي بتلعب بأعصابنا الجرافته والساعه ومعرفش ليه بتعمل كدا وانتي طنشيها ومتدهاش اهتمام
ياسمين عيطت وكملت : انت عارف مكانها رد عارف مكانها وهي مع مين
نور سكت واتجمد الدم في وشه ودمه نشف من الخوف
ياسمين ضربته في صدره بقسوه: ماترد عارف جاوبني عارف
نور تعبير وشه مخطوفه : انا معرفش معرفش ومش مهتم هي في انهي مصيبه بس كويس انها مشت ده الاهم وانتي متدهاش اهتمام واسمعيني انا مش بفكر ابدا ارجع لذات ولو حتي شويه صدقيني
ياسمين فضلت تهز راسها بدون وعي مره واحده انهارت وفضلت تأن وجسمها كله اترعش وبصوت مبحوح من كتر العياط : ازاي اثق في كلامك هقدر اعمل ده ازاي انا مش هقدر اثق فيك تاني
نور مسكها من دراعها وشدها لصدره ونزلت دموعه ومسح ع شعرها يهدهد فيها: اهدي يا ياسمين اهدي وثقي فيا
ياسمين حضنته اوي وبكت وجسمها رعش بطريقه تخوف يمزق نياض القلوب ونور غمض عيونه وضمها لحضنه اوي ورجع فتحهم وهي بتضخ انتقام!!!
أأعد ياسمين بعد ما نولها برشامه مهدئه للاعصاب ونزل يجري ع تحت وبقي عامل زي المجنون يتصل بيها مردتش عليه زي ما تكون بتقوله لو عايزنا نتكلم تعال بنفسك
نورضغط ع سنانه بغل رهيب: مش بتردي ورحمه امي ما هسيبك
وركب عربيته وساق بسرعه جنونيه ورحلها وياسمين بصت عليه من الشباك وشافته بيبعد فضلت تشهق بين دموعها اللي ماوقفتش وزادت أكتر لحد ما اعدت مددت ع الارض وضمت ركبها واخدت وضع الجنين !!!!
………….قصص منه محمد كاتب………….
في الشركه
نورهان دخلت الشركه لقتها بتتكلم مع زميل ندهت عليها: ابتسام
ابتسام لفت وبصتلها وراحت عليها بفرحه وسلمت عليها : مدام نورهان عامله ايه
نورهان سلمت بحراره عليها وبابتسامه حلوه كلها طيبه : بخير انتي الي عامله ايه
ابتسام: بألف خير
نورهان مبتسمه: هو نور هنا
ابتسام: لسه مجاش
نورهان: هو فعلا نور مشغول فالشغل
ابتسام لمعت ابتسامه خفيفه على شفايفها: لاء الشغل مش كتير طبيعي
نورهان بتحقيق: طب عنده اجتماعات لوقت متأخرمع الزباين
ابتسام ببتسامه: من خلال جدول اعماله لاء لكن بيروح الموقع بنفسه شخصيا ووقتها معرفش بيتأخر ولا لاء
نورهان قربت منها وبهمس: فيه واحده تانيه بتحوم حواليه
ابتسام: لاء !!! _ افتكرت وقالت بسرعه_ لاء بس لو كان فيه الست دي الي اسمها ذات
نورهان وشها اتاخد وعقدت حواجبها وكشرت
ابتسام: كانت بتستناه في المكتب ساعه او ساعتين
نورهان كشرت اوي: بتستنا هنا
ابتسام: ايوه بتستناه ع الكنبه دي حتي ساعات بتئعد لـ اخر موظف يمشي والباشمهندس بيفضل شغال وهي لسه قاعده مستنياه بس حاليا مبقتش اشوفها
ابتسام مشت ونورهان وقفت والافكار تروح بيها يمين وتعصف بيها شمال وتردد في نفسها كلمة” مستحيـــل يكون رجعلها”
…………قصص منه محمد كاتب………
نور اول ما خبط وفتحتلوا دخل عليها زي الاسد المفترس وسحبها من دراعها بقسوه
ذات : فيه ايه يانور؟!!
نور اتك علي كف ايدها وبصوت مرعب :هسالك سؤال واحد ليه عملتي كدا؟؟
ذات: عملت ايه مش فاهمه؟!
نور صرخ فيها: انتي هتستهبلي الساعه والجرافته هدفك ايه من ده كله افهم
ذات رفعت عينها في عينه وخافت من شكله ونظراته ليها ونزلتها بسرعه : نور انا بجد مكنتش قاصده ده انا حبيت اعبر عن حاجه ودي صفحتي الخاصه
نور ضغط على ايدها وبحده: الخاصه لما بتنشري حاجه الكل بيشوفها_شاور عليها بحده_ وانا مش مصدق انك مش قاصده سرقتك للساعه والجرافته ليه بتعملي كدا عايزه ايه
ذات نزلت دموعها : انا بس محتاجه احس بوجودي محتاجه اكون في نظرك ومش عايزاك تتخالي عني انت بتيجي تعطف عليا بشويه فلوس وبترجع لبيتك عند ياسمين وعندك بدل العيله عايلتين بيحبوك انا بقي ماليش حد
نور فهم قصدها من الي بتعمله وسألها بهدوء : والمطلوب من ده كله
ذات برجاء وتوسل مصحوب بدموع: نور اتجوزني حتي لو في السر
نور بنبره متعمد يهينها ويجرحها بقسوه: انتي هبله انا مستحيل اتجوز ع ياسمين وخصوصا منك انتي
ذات بهجوم وشراسه: ليه مستحيل هو انا مش كنت خطيبتك وكنت هتنجنن وتتجوزني
نور بنظرات حقد وكره: كنت هتتجنن واتجوزك لكن محصلش وبحمد ربنا انه محصلش
ذات صرخت في وشه صرخه غضب : انت كداب انت بتعشقني وهتتجنن وتلمسني بس بتكابر مش اكتر عشان انا سبتك وروحت لغيرك
نور بغضب اشد: كفايه كفايه وده في احلامك اني هتجنن والمسك برغبتي حتي لو كنتي في السرير واو وتتفوقي ع ياسمين بكررهالك يستحيل اتجوزك فاهمه وخلاص قررت انا مش هاجي اشوفك تاني حتي لو القيامه قامت طالما وصلتي للحد ده وتهديدك ليا كله هينتهي هنا وحالا
ذات مسكت ايده بتوسل ورجاء: نور لاء انا اسفه بس متخرجش من حياتي ومش هعمل كدا تاني انا اسفه ارجوك متزعلش مني انا بجد اسفه مكنتش اقصد بس ما تمشيش مقدرش اعيش من غيرك
نور شد ايده من ايدها بقرف وبعد عنها: بس انا حرفيا مش عايز اشوفك تاني وقادر اعيش من غيرك لاني بعشق ياسمين سامعه بعشقها
ذات نزلت دموعها بصتله وحتفترسه بنظراتها
نور: سمعاني بعشق ياسمين ومش عايز اجرحها اكتر من كدا
ذات ولعت نار: وانا ايه انت ليه مش شايفني ابدا
نور: ومش هشوفك عمري والشقه تسبيها خلصنا ع كدا لاني هأجرها وانتي شوفيلك مكان تاني وامشي من هنا بسرعه
ذات هزتله راسها بنهيار: لاء مش همشي يانور مفيش مكان اروحله ارجوك متطردنيش _ فضلت تضرب فيه_ لاء متطردنيش
نور كتفها وبغضب: اسمعيني وبطلي حركاتك الغبيه مش هتصعبي عليا ولو عملتي اكتر صدقيني هغضب عليكي اكتر _ حدف ايدها وبصلها بنظرات قاتله _ فهمتي
خرج بكل غضبه وسابها وهي وقعت علارض: لاء الموضوع مش هيخلص كدا لاء(صرخت) لاء مش هسيبك تعمل فيا كدا لاء
………….قصص منه محمد كاتب………….
نورهان ناولته القهوه وبحده: انت ليه مقولتليش ان زفته ذات بتطارد نور في الشركه
رفعت رفع راسه ووبصلها شوي: ولما هقولك هتعملي ايه
نورهان ضربت ع فخدها بغضب واتكت ع اسنانها: اعمل ايه كنت سحبتها من شعرها برا الشركه والبيت والدنيا كلها فعلا وقحه ازاي عايزه تخطف راجل من مراته ومراته صاحبتها الانتيم هي اخلاقها متدنيه كدا ليه
رفعت سكت للحظه..ورد بعدها: خلاص اهدي هي مشت عشان كدا سيبك منها
نورهان: وانت مفكر انها فعلا مشت لمكان تاني بعيد عن نور
رفعت بقلة صبر: قصدك ايه
نورهان: قصدي دي عندها استعداد تعمل اي حاجه عشان تنجا ولو معهاش فلوس ومكان مستعده تبيع نفسها للي يدفع بس قولي ياسمين عارفه بده
رفعت اتنهد تنهيده طويله : لو عارفه يبقي مش مني واتمني ميكونش منك انتي كمان
نورهان بدئت تعصب : لا والله امر زي د ه المفروض اول واحده تعرفه هي ياسمين مش حضرتك تساعد وتخفي الموضوع
رفعت بعصبيه من اسلوبها: لاء استني عندك انا مش بغطي ع ذات انا بس مقولتش وسبت نور يتولي الامر بنفسه انا علمته وربيته عشان يحل مشاكله بنفسه وهو عقدها بنفسه عشان كدا يحلها بنفسه
نورهان: انت واثق انه ممكن يفك عقده مشاكله مش يفك عقده تانيه
رفعت حط الفنجان على التربيزه واخد نفس عميق وقام من قدامها :ياربي صبرني..استغفر الله العلي العظيم.
نورهان زعقتلوا بغيظ: هو انا مش بتكلم معاك ياراجل سابتني اتكلم مع نفسي بس ماشي يا شي*طان والله ما هسيبك تاخدي نور من مراته ابداحنان: هو كدا الراجل لما تمسكيه متلبس يقولك حد الله جوزي دايما امسكه ويقولي مفيش حاجه بس في النهايه بيطلع وراه بلاوي سوده بس انتي مصدقه نور بأنه ميعرفش مكان ذات وانه فعلا مفيش حاجه بينهم
ياسمين غرقت عيونها دموع وبلعت ريقها وحرفيا مش قادره تجاوب ع سؤالها لان قلبها وجعها جدا
هبه اتكلمت بالنيابه عنها: ياسمين مش عايزه ترد _حودت عيونها عليه_ بس فيه صاحبه هو الي يرد علينا اتفضل يا معتز فيه علاقه بينهم
معتز بصلهم ووزع نظراته عليهم ورد: لاء
حنان رفعت السبابه في وشه كانها مسكته بالجرم المشهود: صوتك مهزوز ليه
معتز بتوتر: احم هو صوتي كدا
ضحي: بس انا مش مصدقه نور الاتنين دول بيخونوا ياسمين
ياسمين رفعت عيونها وبصتلها وبسرعه لفت ودورت وشها لان دمعتها بطرف رمشها
ضحي اضايقت من سكوتها : انتي بتفكري نفس تفكيري اعترفي يله ليه بتخبي الامر انتي بس بتواسي نفسك وماشيه وري طيبتك واحنا هنا بنتحرق بسبب الافعي صديقتك
ياسمين سكتت ودموعها نزلت بدون صوت
ضحي بكت معاها : لو فضلتي قاعده تعيطي ومعملتيش حاجه يوم ذات هتسرق منك نور وتتجوزه
ياسمين غرقت عيونها دموع من تاني
موظفه الاستقبال قربت عليهم: بعتذر بس فيه ضيف عايز يقابل مدام ياسمين؟!
ياسمين مسحت دموعها وقامت تشوفه مين لقته واقف عند الشباك وهو شافها وابتسم راحت سلمت عليه وأأعدت
محمد أأعد قصادها وباين القلق عليها في عيونه: تحبي تقوليلي اي حاجه
ياسمين بصتلوا وعيونها اتملت بالدموع
محمد بهدوء : لو عايزه تعيطي عيطي
ياسمين كأنه اداها الضوء الاخضر وبكت بشده ومحمد هو كمان عيونه دمعت عشانها قام سحب كرسيه وقعد جنبها واخدها في حضنه بعد تردد لكن حالتها تصعب ع الكافر وهي رمت نفسها بقوه جوه حضنه وعيطت بكل طاقتها بكت..وبكت…وبكت.. عسى دموعها تقدر تخفف شوي من لهيب قلبها بعد وقت من البكاء ياسمين مسحت دموعها لما هدت شوي ومحمد بصلها وابتسم وهي ابتسمت واخدت نفس وحاولت ترسم ابتسامه عاوزه تبقي قويه لو حتي شويه
محمد بصوت حنين :حاسه انك افضل
ياسمين هزت راسها: افضل لدرجه الغرابه مع اختي او شخص قريب مني انا مش عارفه اعيط كدا واعبر عن الي في قلبي لكن معاك خرجتها كلها
محمد غصب عنه ابتسم :لانك مش عايزه القريبيبن منك يقلقوا وتزعجيهم عليكي وبتحتفظي بالوجع لنفسك او معندكيش الجرئه تقولي احساسك ها ياتري تحليلي مظبوط
ياسمين: يمكن هو كدا انا بركز ع نفسي لدرجه انا نسيت اسالك ليه جيت تشوفني
محمد :ابدا اصل نور عملي سعر رخيص جدا ولان انا اتفجات جدا وحزرت انه بسببك لانك كلمتيه عشان كدا انا هنا وبشكرك
ياسمين بحرج: الشكر لله بس سعيده انك جيت
محمد: انتي لطيفه جدا جدا معايا ولو فيه اي حاجه اقدر اساعد قوليلي ارجوكي مستعد اساعد في كل حاجه
ياسمين بتردد:امتي شوفت ذات واخر مره كلمتها بخصوصي
محمد سكت ومش عارف يقولها هي مع جوزك فقال: هي دايما بتتكلم بجنون نفس ما بتعمل كل مره مفيش حوار مهم يا ياسمين
ياسمين سألت بلهفه :ياتري قالت لك هي ساكنه فين او مع مين
محمد بهدوء: ياسمين انتي مش محتاجه تعرفي ولا حتي تهتمي خروجها من حياتك اظن ده كويس جدا
ياسمين هزت دماغها برفض وغرقت عيونها دموع واتخنق صوتها: لاء انا قفلت عيوني وسديت وداني بما فيه الكفايه ومش هغمض بعد كدا وكل همي اعرف الحقيقه
محمد خايف عليها ومحتار واتك ع شفايفه بأسف لان الحقيقه هتصدمها فوق ما تتخيل
ياسمين ابتسمت ابتسامه حزينه: بس ع العموم شكرا يامحمد ع انك ضيعت وقتك وسمعتني
محمد قام وقف ومشي جنبها لحد الباب:وانا مبسوط ,, وع فكره يا ياسمين فيه بعض الامور مش محتاجه انك تعرفيها فبلاش احسن تعرفيها بخصوص ذات سيبك منها ولا تهتمي لـ اي حاجه عنها ده الي اقدر اقولهولك
ياسمين ودعته لحد الباب ومحمد ركب عربيته ومشي وياسمين جاتلها رساله من نور(( النهارده روحي ع البيت بسرعه خليت عزه تعملنا الاكل الي بنحبه بحبك وبفكر فيكي وعندي ليكي مفأجأه هايله
ياسمين بتعجب: مفاجأه
………….قصص منه محمد كاتب……………
نور بيحاول يتصل بياسمين مش بترد عليه لف وسند كوعه ع الشباك واتنهد وحاسس وهموم الدنيا بتخنق فيه
رفعت دخله: نور
نور لفله : نعم يا بابا
رفعت: خلصت امورك
نور بتنهيده: انا بحاول اخلصها
رفعت: طب شهل وانجز لان امك ادخلت في الموضوع والامر هيكبر فوق ما تتخيل انت عارف هي مشت راحت فين
نور اتوتر: هي
رفعت قطعه بصرامه: متقوليش بأنها بعدت لبعيد وانك متعرفش مكانها
نورنزل راسه بخوف من رد فعله: انا اشتريت شقه من عميل وهي قاعده فيها
رفعت اتصدم وبحلق في ابنه: نعم ياخويا انت اشتريت شقه علشانها
نور هز دماغه بنفي: لاء شقتي بأسمي بس هي فيها مؤقتا
رفعت ربع ايده وهز راسه واتعصب جدا
نوربصله وبلع ريقه: بس هي رفضت تمشي بس صدقني انا قولت لها تمشي بأسرع وقت ممكن
رفعت بحده: انت هتجنني هي واحده زي دي هتمشي كدا بسهوله
نور :لاء هتنفذ ولو مامشتش انا بنفسي هرملها حاجاتها في الشارع صدقني
رفعت بشك : قولي فيه حاجه مخبيها عليا يانور
نوربصله ووشه كله أسى :صدقني مفيش حاجه بينا غير الي حكتهولك والله ما كان بأيديا وحقيقي انا مش بحبها
رفعت بجديه وحزم: نور البت دي فسدت حياتك مره وهي عارفه نقط ضعفك كويس جدا وممكن تدمرها تاني وتالت فبلاش تكون واثق انها هتتغير بسهوله
نور مسح بين عنيه:حاضر يا بابا
رفعت سابه وخرج ونور مسح وشه بدقنه ووقف يتنفس بضيق…حس بخنقه..والجدارن كاتمه ع انفاسه.. الود وده يصرخ صرخه..يمكن تصم الاذان منها ويرتاح..
…………..قصص منه محمد كاتب……..
ذات واقفه بتبص من الشباك لقت السكرتيره وعامل واقف معاها وبيحطه اعلان للشقه لفت بسرعه ونزلتلهم جري
ذات راحت عليهم بسرعه البرق: فيه ايه الي بيحصل هنا
السكرتيره : هنأجر الشقه
ذات برقت عيونها: تأجروا الشقه
السكرتيره: مالكها الباشمهندس نور طلب مننا نعرضها للايجار وقال ان قريبه مراته هتمشي
ذات بعصبيه ونرفزه: قريبه مراته استني انا مش قريبه مراته انا اصلا مراته
السكرتيره متغاظه منها: بس الباشمهندس مقلش انك مراته قال بس انك صديقه مراته
ذات بكل عصبيه: بقولك انا مراته مش صديقه مراته _شدت الاعلان بطريقه سوقيه _ وشيلي الزفت ده حالا انا مراته ومش هسمح للايجار بتفهمي
السكرتيره حبت تقهرها من وقحتها : انتي مجرد عاله هنا مش صاحبه الامر
ذات بغضب وانفعال: اخرسي قطع لسانك انا مش عاله انا مراته سامعه ومش هسمح بالايجار _زقتها_ غوري غوري يله مش هسمح بالايجار
ذات مسكت الموبيل واتصلت بيه نورقفل الخط في وشه واغلقه نهائي انقهرت منه: قفلته مفكر انك ممكن تسبني بسهوله
ذات اتصلت بالمطعم وهي في قمة الغضب: عايزه اكل حالا وتكون واجبه جمبري
شويه العامل وصل وذات اخدت منه الوجبه ودفعتله الحساب والعامل شكرها ومشي وهي دخلت حطت العلب ع السفره وفتحتها وفضلت تاكل وتاكل لحد ما جسمها بقي بقع حمره من الحساسيه وفضلت تاكل وتهرش زي الي ما يكون عندها جرب لحد ما بقتش قادره تتحمل هرش ومسكت موبيلها تتصل بالاسعاف لكن كانت وقعت علارض بالكرسي