رواية ذات الوجهين الفصل السابع 7 بقلم منة محمد
رواية ذات الوجهين البارت السابع
رواية ذات الوجهين الجزء السابع
رواية ذات الوجهين الحلقة السابعة
نورهان بغيظ:اه يا ناري بت بتتلوي زي التعبان فكرتها عقلت بس الي فيه طبع دي بقت اسوء من الاول ويظهر هتفضل كدا لحد ما تموت
رفعت:انتي مبتحبهاش من اول ما شوفتيها ودماغي وجعتني
نورهان بصتله بغيظ:وجعتكً من ايه
رفعت؛من الضهر وانتي الي تعديه تزيديه لسانك متعبش
نورهان: لاء متعبش لان الي انا مستغرباله ياسمين ازاي لسه مستمره معاها رغم هي طبع ودي طبع حتي انت يانور مش عارفه كان عجبك فيها ايه
نورببتسامه:كنت اعمي وفتحت والحمد لله ربنا نجاني منها
نورهان عوجت شفايفها:قال ايه جوزها ضربها تلاقيها هي الي ضربته بنت المفترسه
رفعت: بس الي اعرفه انه بيحبها
نور:يمكن الحب مبقاش موجودً
نورهان:المهم ربنا خلصنا منها ع خير واخدت ست ستها بنت اصول القمر ياسمين بلسم وجمال واخلاق واحترام
رفعت:في دي عندك حق وقومي اعمليلي فنجان شاي
نورهان بشخط:قايمه ايه ده
…….
في الشركه فك الجرافات وقام وقف قصاد الشباك وبيفكر في حياته معاها
ماهي :محمد بيه تعال انا اشتريت الاكل عشانك
محمد بدون ما يلفلها :ماليش نفس
ماهي:ازاي انت مكلتش حاجه من الصبح
محمد اتنهد:انا مش جعان ومش عايز اكل تقدري تمشي
ماهي:ازاي بس امشي
محمد بصلها ولف وقعد ع الكنبه الجلد :عايز افضل لوحدي
ماهي وقفت وراه ومسكت كتافه وبدئت تعملو مساج:مستحيل اسيبك لوحدك لاني عارفه انك في موقف صعب فأزاي امشي واسيبك في الحاله دي ولوحدك
محمد بحزن:مراتي نفسها مش مهتمة بيه فاليه انتي مهتمه بامري
ماهي بصراحه :لاني معجبه بيك يا محمد بيه وجيت اشتغل عندك عشان اقدر اقرب منك ومؤمنه انك قوي وهتقدر تتخطي اي مشكله حتي لو صعبه وهفضل جنبك واشجعك
محمد لف ويصلها وقرب شفايفه من شفايفها وكان هيبوسها لكن منع نفسه بسرعه
ماهي:محمد بيه (لفت ايدها حواليه)انا بحبك
محمد بصوت مقهور:الليله مش عايز ارجع البيت
ماهي بسعاده:خلاص اعمل الي يريحك
محمد:بفكر ممكن اروح فين
ماهي حطت خدها ع ضهره وضمته اوي:تحب احجزك غرفه في فندق ولا تيجي معايا البيت
محمد سكت وهي فهمت انه موافق وقد كان
……..
نزلت لقتها بتجهز السفره قربت وسالتها:فين محمد بيه
نرمين:مجاش ليله امبارح
ذات بغيظ :شيلي الاكل مش هاكل
نرمين بدئت تلم السفره وهي قررت تخرج تقضي اليوم كله برا!!!!!!
ذات ع الموبيل:ياسمين هتعملي ايه اليوم هاجي اخدك نتغدي برا…..ايه مش فاضية ليه هتعملي ايه …خلاص اقابلك هناك ….طيب خلاص سلام
وطلعت جري لبست فستان مغري جدا وراحت المكان ودخلت لقته بيتكلم مع المنسق
المنسق:هنا هنحط ورد
نور لسه هيرد ردت هي قبله:ايوه لانه هيدي منظر هايل في الصور
المنسق بصلها :سوري حضرتك العروسه
نور بحده:لاء مش العروسه وانا لا سالتك ولا اخدت رايك ولا من حقك تقترحي
ذات بصتله اوي وتنحت له
نور :مستر وجدي ممكن نستني مراتي لحد ما تيجي
المنسق:تمام عن اذنك اروح اشيك ع القائمه لحد ما تيجي
نور:تمام جايلك ع طول
نور لف ويصلها بعصبيه:ازاي جيتي لهنا ومين الي طلب منك تيجي ومين دعاكي اصلا
ياسمين ظهرت:نور ذات معلش خلتكم تستنوني كتير الطريق زحمه وبالعافيه ع بال ما وصلت لهنا
ذات :كويس انك وصلتي من فضلك فهمي نور جيت هنا ازاي ومين دعاني
ياسمين بصتله ببتسامه:انا يانور قولتلها اصلها عزمتني ناكل برا وقولتلها مشغوله ورايحه القاعه وذات طلبت مني تيجي تساعدني
نوربعصبيه:بس انا مش محتاج مساعده
ذات ربعت ايدها وببرود:نور ممكن تتكلم بلطف شويه ده انت عريس ياسمين بزمتك عجبك اسلوبه
نور:ياسمين انا مش مضايق منك انا مضايق من شخص فارض نفسه
ياسمين بصت لذات الي وشها اتغير جدا
نور سحب ايد ياسمين:ياسمين ده فرحنا وعاوز رايك انتي مش راي حد تاني
ياسمين بحرج:ذات ممكن تستنيني هنا
ذات بضيق:اه طبعا بس لو احتجتيني في اي حاجه انا هنا
نور:تقدري تمشي انتي
ياسمين:نور
نور شد ياسمين بسرعه:يله المنسق منتظرنا جوه
ياسمين مشت معاه ودخلت لقتهم كلهم موجودين
معتز شغل الكاميرا وبدء يصور كبروفة
هبه :ايه ده يا ضحي انتي عامله بقلاوه
ضحي ضحكت:انا جيت اعملها كنافه طلعت كدا المهم الطعم
حنان ابتسامتلها:عارفه لوً وحشه هتاكليها كلها لوحدك
ضحي :لو وحشه نور وياسمين يتظاهروا في الصور انها لذيذه
ياسمين:اممممم هبدء اتظاهر /مسكت الشوكه واكلت نور
معتز لقطها وضحك وقال:اكشن
ياسمين:لا نبطل تمثيل خلونا ع طبيعتنا
حنان:انا طبيعيه جدا
ذات دخلت وشافتهم متجمعين و بيضحكوا اتغاظت
نور : سمسمه ايه رايك في العصير تباعهم
ياسمين :حلو جدا
ذات قربت منهم وقالت بتدخل:بس اي فرح بيقدمً حاجه ساقعه مش عصير
هبه:ده في اي مكان ده اتقال
ذات:اسالي في الاتيكيت المهم انا مدقتش زيكم /بصت لنور /تسمحلي ادوق
نورلف وشه بتكشيره وياسمين ردت:اه طبعا دوقي
ذات بسخريه:ايه شغل العك ده مش خايفين المعازيم يجيلهم فشل كلوي مين الي عمله
ضحي بزعل :انا الي عملته في المطعم الي بشتغل فيه
ذات بكبر:وانتي بقي الي هتعملي واجبات الفرح
ياسمين :ومالها اختي بتعمل حلويات تجنن
ذات ضحكت بتريقه:يا بنتي تجنن ايه ده شغل فلاحين
نور بحده وغض*ب :انتي ايه مشكلتك انا معظم المعازيم فلاحين
ذات بتحدي:طالما فلاحين عادي اي حاجه هتعجبهم وده بالنسبه لهم هيبقي لذيذ وفاخر كمان!!!!
نور هبد الكاس الي في ايده ع الطاوله ولف وراحلها وسحبها بع*نف:امشي من هنا وحالا
ذات صرخت فيه:سيب ايدي
ياسمين دخلت مابينهم :نور اهدي
نور هزها بغل:انا مش قولت لك مش محتاجً رايك لان رايكً فيهً وقاحه وقله ادب زايده عن اللزوم (زقها ع اخره)روحي ادي نصحتك بعيد عن هنا غوري
ذات بصراخ:انا لا وقحه ولا قليله ادب انت الي مضطهدني وبعدين انا مقصدش حاجه
انا كل همي محدش يقول فرح ياسمين اقل من المستوي ولو عزمت كل من هب ودب هيبقي سوق
نور اتك ع اسنانه:قلت امشي قبل ما افقد اعصابي انا مش مرحب بيكي فا غوري
ذات بتعافر معاه لدرجه نور زقها ع البوفيه وقعت ووقعت كل حاجه موجوده والكل واقف في حاله ذهول
نور بتهديد اسود:قلت امشي
ياسمين ميلت عليها:ذات اتعورتي
ذات عيونها اتملوا بالدموع:نور مش قادر يفهمني مفكرني فضوليه جاي للخراب وانا مش جايه فرحك يا ياسمين عشان كدا هباركلك هنا
ياسمين:لاء يا ذات انتي لازم تحضري نور لو سمحت قولها تيجي
نور شاف حاله ياسمين رد باستسلام:تمام انا بعزمك ع فرح ياسمين بس ضيفه عاديه او اقل مالهاش اي راي
ذات ضمت ياسمين وبكت بحرقه
هبه:ياسمين خديها روحيها
ياسمين بحنان:ذات يله نمشي
نور بصوت غليظ:ياسمين استني انتي لازم تفضلي عشان نجهز القاعه سوي وهي تقدر تروح لوحدها زي ما جات هنا لوحدها متقلقيش عليها
ذات بنظرات مسكنه:اسمعي كلامه يا ياسمين انا قادره اروح لوحدي مع السلامه
وضمت شنطتها لصدرها ومشت بخطوات منكسره وياسمين زعلت ونور كشر لانه فاهم انها غاويه تعكنن عليهم فرحتهم سوي وليه ياسمين مش قادره تفهم هي عدوتها مش صحبتها
……….
معتز قاعد ومشغل الفيلم وجات خناقه نور وذات
حنان:اخدتوا بالكم نفس المره الي فاتت
معتز:هو ايه الي حصل المره الي فاتت
حنان:نفس الوقعه يومً كتب الكتاب
هبه بحيره:ده امر فعلا غريب ليه نور بيكره ذات اوي كدا وهي كأنها بتغير عليه او عندها حب تملك اتجاه
معتز:لان ذات حبيبه نور القديمه
حنان شهقت بدهشه:ايه انت قولت ايه
معتز:نور حب ذات بجنون لدرجه طلب يتجوزها ع طول بس في النهايه ذات كسرت قلبه لما سابته واتجوزت من محمد الكاشف عشان كدا نور مجروح منها
هبه:كدا الامور وضحت والرؤيه ظهرت
حنان:وربك يستر ويعدي الفرح ع خير
————-
في شقهً نور الدوبلكس
رفعت للمهندس :تعال معايا فوق اقولكً تعمل ايه
نورهان بسعاده:ماشاء الله غرفه النوم واسعه وشرحه وبرحه يجروا فيها ولما يخلفوا يقدروا يحطوه فيها سرير للعيل كمان
زبيده:والله يا نونو بتفكري نفس تفكيري عيوني طلعت عشان اشوف فيه مكان لسرير بيبي
نورهان ضحكت اوي:القلوب عند بعضها يا زوزو انتي كمان عايزه احفاد كتير وياسلام لو بعد تسع شهور ياسمين تجيب اول عيل وكل سنه تجبلنا اربعه في بطن واحده ياسلام
نور ضمها عليه :ياسمينا سامعه بيقوله ايه يظهر بعد الفرح هبذل مجهود جبار اوي عشان اجيب التؤام دول
ياسمين ض*ربته بغيظ:انت قليل الادب ايه الي بتقوله ده
نور غمزلها :يعني مش فاهمه ولا بتعملي عبيطه الحمل في بدايه ونهايه كل سنه لحد ما نكون فريق
ياسمين وشها احمر بخجل:نور سبني انت قافش فيا كدا ليه
نور بهمس:عشان بحبك اوي اوي يا سوسو
قبل الحلقه كان عندي ظروف وده الي مخليني بتأخر في النشر بس خلاص هنكمل كل يوم والحلقه هتنزل ع حسب مايقبل الفيس عشان الحذف
نبدء ومنتظره رايكم عشان اكمل ع طول
ذات لابسه الاسود وقاعده قدام الجثمان حزينه ودموع خفيفه نازله من عيونها
حكمت الخادمه بهمس لنفسها: ولا سالتي فيها لما كانت عيانه ودلوقت بتعيطي لما ماتت!!
ياسمين دخلت وقربت عليها: شدي حيلك ووحدي الله يا حبيبتي
ذات لفت وبصتلها ودموعها نزلت بدون اي كلمات
ياسمين طبطبت ع كتفها: انا وبابا اتكفلنا بكل حاجه بخصوص الدفنه والعزاء
ذات بحزن: متشكره
ياسمين: امال فين جوزك من اول ما دخلت مشفتهوش
ذات: متعتمديش عليه مبقاش يجي البيت من ايام
ياسمين عقدت حواجبها: يعني ايه مبيرجعش البيت امال بيروح فين
ذات: انا كمان معرفش وانا مش فيقاله عشان ادور عليه (وبوعيد/ بس اخلص من الدوشه الي حواليا وبعدها افقله
ياسمين: ذات ممكن تتحملي انتي في ظروف صعبه
ذات: لازم اتحمل لاني مش هستسلم بسهوله بكل الاحوال اظن انتي عارفه طبعي
ياسمين تلفونها رن برساله خرجته من شنطتها وقرئتها
ذات سألتها بفضول: من مين ليكون نور وبيشتم عليا معاكي
ياسمين بصتلها بهدوء: لاء نور ميعرفش اني جيالك انا مقولتلوش ده بعتلي رساله بصور الشقه عشان اقوله راي
ذات : الشقه الي هتتجوزي فيها
ياسمين: ايوه
ذات: ممكن اشوفها
ياسمين: اه طبعا خدي
ذات مسكت الموبيل وبدئت تفر في الصور بنظرة متفحصة حاقدة وقالت: جميله بس مش كبيره زي فيلا محمد ,,فيلا محمد كبيره لدرجه صعب انضفها لو معنديش خدم مستحيل كنت اهتم بيها لوحدي
ياسمين بدئت تضايق من المقارنه المستفزه الي دايما بتتعمد تقارنها بين نور ومحمد
ذات رفعت عيونها وسألتها بحقد دفين: دي تمنها كام شكلها غاليه هي غاليه
ياسمين: معرفش عمو رفعت باع شاليه في شرم وكمل لنور واشتراها هديه لـ ابنه
ذات: نور مقليش بأن ابوه عنده شاليه في شرم ها وهتخلصوا فرشها امتي.؟؟؟
ياسمين: لما يوصل بقيه العفش (بتردد) بخصوص فرحي لو تحبي نأجله
ذات ردت بسرعه: ليه تأجليه لاء طبعا افرحي وانا هكون معاكي وبخصوص امي الحي ابقي من الميت
ياسمين: متشكره بس برضو هقول لنور يأجله اسبوعين ولا حاجه احترام للميت
ذات: ياسمين بكره هاتي نور ياخد العزاء مع قرايبي قوليله ده طلبي
ياسمين ارتبكت لانها عارفه نور هيرفض قطعيا بس ردت: حاضر هبلغه
ذات بصتلها من تحت لتحت بغيره قاتله وفضلت تفر في الموبيل وشافت صورهم الي كلها حب وضحك بصتلها بحقد من تحت لتحت وياسمين شارده بتفكر تقول لنور ازي!!!
……ذات الوجهين قصص منه محمد كاتب……..
في شقه نور واقف يفتح معاها حاجات المطبخ وهو يناولها وهي ترص كل حاجه في مكانها
ياسمين: نور نخلص بسرعه لاننا كمان ساعه هندفن طنط جيهان
نور كشربضيق: روحي انتي انا مش رايح هفضل هنا اجهز الشقه
ياسمين حست بنظراته المتعصبه فبدون اي نقاش هزت له دماغها ولفت تكمل باقي رص الحاجات
نور حس انها زعلت وحب يوضحلها السبب فخلاها واقفه بضهرها وراح غفلها وقرب وضمها من وسطها لحضنه: اصل خلاص كلها يومين ومراتي حبيبتي هتنور بيتي ومرعوب وخايف يكون البيت مش كامل فمراتي تض*ربني
ياسمين: مستحيل اض*ربك انت حبيبي
نورلفها بايده: ايه قولي تاني كدا
ياسمين: بطل يانور شقاوه
نورضحك يما: ليه ده انا في الشقاوه واد خلاصه وميه ميه
ياسمين ابتسمت وبتحذير : طيب خف ايدك لان كدا خطر
نورضحك بصوته كله: خطر طيب تعالي بقي في حضن الخطر
ياسمين جريت منه وهي بتصرخ وهو طلع يجري وراها وضحك ضحكه شريره: تعالي هنا ولا ارميكي في البسين
ياسمين بترجع لوري: لاء مستحيل
نور بمكر وخبث: مستحيل ها (سحبها من وسطها لصدره وضمها اوي) وانا مستحييل اسيبك تروحي برا حضني
ياسمين ببتسامه: متخافش مش ههرب منك بس انت بطل تحرش
نور قربها منه زياده ولزق فيها اكتر ومسك وسطها: طيب اعمل ايه هتجنن عليكي
ياسمين احمرت من الخجل: لازم تصبر لحد يوم الفرح
نورابتسم وباس جبينها وعيونها: حبيبه قلبي احنا متجوزين وانا جوزك حبيبك ولو حضنتك ولا حتي بوستك ميعتبرش تحرش ده اسمه نعمق الحب
ياسمين شدته من قميصه عليها بدلع : ممكن نتعمق بالعيون حتي شوف
نور بصلها بحب واخد خصله من شعرها رجعها وري ودنها: سمسمتي الشقه دي بفلوس ابويا بس مبنيه ع ارض امي وبحبي عايز ابني عايله سعيده من الست الي اخترتها تشركني حياتي وتبقي كل حياتي
ياسمين حطت دماغها ع صدره : وانت حبيبي وشريكي
نورحضنها بقوه: وبعد الفرح هاكلك ولو عملتي ايه مش هسيبك ومفيش لا كسوف ولا خجل
ياسمين لفت ايدها حوالين رقبته: وهبقي ملكك وليك لوحدك
نور ضمها اوي ودفن وشه في شعرها : حبيبه قلبي انتي
……..قصص منه محمد كاتب…….
قاعده في العتمه وكأنها منتظراه تشوفه وتبدء بينهم الح*رب دخل وولع الاضاءه شافها
ذات بصوت هادي: لقيت الطريق الي يرجعك لبيتك
محمد بتعب: مش عايز اتخانق واسف بخصوص موت امك بس سمعت بوفاتها النهارده الضهر وجيت عشان احضر الدفنه
ذات: لو الامر صعب بلاش تيجي ( رمت عليه ورق بستهزاء) ادفع بس الفواتير دي وكدا كفايه
محمد: ممكن تتكلمي في اي موضوع تاني غير الفلوس
ذات وقفت قدامه بسخريه: نتكلم ما نتكلمش ليه لو كنت مفكر انك ممكن تعرف عليا ست تانيه فحضر ورقه طلاقي لان انا زي الفريك محبش شريك ودايما ببقي الاولي واتفضل نام برا النهارده بذات محتاجه اكون لوحدي
محمد بخوف لحد الجنون فكرة انها تسيبه وتختفي من حياته الفكره في حد ذاتها رعبته نطق بهدوء : ذات ممكن نتكلم شويه
ذات بصتله نظرة حادة وسابته ومشت
محمد برجاء: ذات تعالي هنا نتكلم ذاااااات
………..
تاني يوم الصبح لبست ذات فستان اسود وخرجت تدفن امها ومحمد لبس بدله سوده عشان يحضر الدفنه ونزل وراها لقاها حركت عربيتها وانطلقت بيها بسرعه تلفونه رن وكانت السكرتيره ماهي بتطلب منه تروح معاه وبالفعل الكل بعد الدفنه اتواجد في العزاء عايله ياسمين ورفعت ونورهان ماعدا نور الي اصر ميحضرش وياسمين احترمت رغبته …ضحي لمحت محمد نزل من عربيته ومعاه ماهي
ضحي ميلت ع اختها وبهمس: ياسمين محمد الكاشف هنا
ياسمين قامت وقفت واتكت ع ايد ذات تلفت انتباها: ذات جوزك جه
ذات قعدتها مكانها تاني وقالت بعدم اهتمام: مفيش داعي تقوميله اقعدي جنبي انا
حكمت قربت عليها وبصوت واطي: ذات يابنتي جوزك جه وشكله بيدور عليكي
ذات عملت نفسها ولا كأنها سامعه
حكمت هزت دماغها وقربت عليه: اتفضل يا بيه اقعد هنا
محمد دخل عزاء كل الناس وعيونه مركزه عليها واستناها حتي تبصله وتديلو اشاره يروح جري عليها لكن لقاها زي ما هي زي التمثال نظراتها لقدام اتقدم و أأعد مخنوق
ياسمين راحتله وبهدوء: انت وذات لو فيه ما بينكم اي مشكله انا مستعده اسمعكم واحكم بالحق
محمد بنبره حزينه: انا وذات اتخطينا النقطه دي اننا نقعد ونتكلم زي البني ادمين
ماهي: محمد بيه العربيه جاهزه
محمد: همشي انا لان عندي شغل كتير بس متشكر انك واقفه جنب ذات
ياسمين: ذات مش بس صديقتي دي اختي ومستحيل اسيبها
محمد بحترام واعجاب: بجد انتي انسانه جميله وصبوره عشان قادره تكوني صديقه لواحده زي شخصيه ذات
ياسمين بتعجب: تقصد ايه
محمد : الي اقصده اتمني ذات تشوف هي اد ايه محظوظه لانك موجوده في حياتها
ماهي بدلع : الليله تحب تتعشي فين يا محمد بيه
محمد بتحذير: هنحدد بعدين يله
ضحي استنت بعد ما مشيوا وهمست في ودنها: عارفه البت المطرقعه دي سكرتيرته وماشي معاها
ياسمين وسعت عيونها: وانتي عرفتي منين؟
ضحي: شوفتهم كذا مره بيتعشوا في المطعم الي بشتغل فيه ومولعنها وشكله هيدي ذات صابونه
ياسمين: للدرجه
ضحي: ايوه للدرجه
ياسمين بحزن : يعيني عليكي يا ذات
ضحي مطت شفايفها ولنفسها: ياعيني عليه هو
#ذات_الوجهين
قصص منه محمد كاتب
تاني يوم قررت تروحله الشركه تطلب منه نفقات المعيشه لانه سابها بقالو مده طويله
موظفه الاستقبال بترحاب: اهلا وسهلا مدام ذات
ذات بدون ماترد السلام قالت: محمد بيه موجود
الموظفه: ايوه في مكتبه
ذات: وفين ماهي سكرتيرته
الموظفه ارتبكت: جوه عنده وانا هنا مكانها
ذات دخلت بدون ما تخبط لقتهم قاعدين جنب بعض ومقربين اوي وبيضحكوا بدون تكليف
ذات: محمد
محمد اتخض ووقف وكشر وشاور لماهي تخرج
ماهي بمياصه: اهلا وسهلا يا مدام ذات
ذات بصتلها بقرف وكالعاده مبتردش
محمد قرب عليها: انتي هنا ليه
ذات: عايزه فلوس هدفع للخدامين وعامل الجنينه بيهددوه انهم هيمشوا لو مخدوش حقهم
محمد بلا مبالاه: يبقي يمشوا لاني مش هدفع
ذات بحده: انت لازم تدفع ولا مين الي هينضف الفيلا انا مقدرش انضفها لوحدي
محمد: وانا مش هسيبك تنضفيها لوحدك لاني هبيع الفيلا
ذات: تبيعها وانا اعيش فين لما انت تبيعها
محمد: لو مش عاوزاني ابيعها سعديني اسدد القرض
ذات: اساعدك منين هو انا حلتي حاجه ولو قصدك انزل اشتغل قولت لك الف مره انا مش بحب اشتغل ودي مشكلتك وواجبك تحلها
محمد: مظبوط وواجبي ابيع الفيلا والعربيه وابيع كل حاجه واسدد الديون الي عليا
ذات: وانا اعمل ايه
محمد: ولا حاجه اقبلي الحقيقه يا ذات هانم وانزلي وعيشي تحت شويه واتخالي عن الرفاهيه لان انا وانت مبقناش اغنياء نفس الاول
ذات: انت بتقول ايه انت سكران
محمد: ياريت ابقي سكران احنا الديون عماله تتراكم علينا لدرجه البنك قرب يحجز ع الفيلا والعربيه حتي الشركه وانتي ولا حتي هنا
ذات حطت ايدها ع ودنها بعدم تصديق: لاء انت بتضحك عليا
محمد مسك ايدها يبعدهم عنها: ذات اسمعيني حتي لو هربتي او حتي سدديتي ودانك دي الحقيقه
ذات بصرخه زي المهبوله : لاء انت بتكدب عليا
محمد خنقته دموعها وص*رخ فيها : لاء انا مش بكدب
ذات ضربته في صدره بنتقام وغل: لاء مش مصدقاك
محمد زعقلها: افهمي واقبلي الوضع احنا مفلسين مبقاش حيلتنا حاجه يا ذات مفلسييين
ذات ضربته بالقلم: انت كداب انا بكرررررهك يا محمد
محمد مسك ايدها لكن هي مستمره في اهانته واخر ما زهق منها زقها بقوته علارض
ذات الي انهارت علي الارض وااعدت تنتحب وتضرب الارض بكفوفها وتص*رخ : انت كداب كداب
محمد رفع صوباعه عليها وبتحذير: اسمعيني كويس هكلمك بالمنطق رغم هتقرفيني ع ما تستوعبي الوضع الي بقينا فيه احنا بقينا ع الحديده حتي فيزا البنك وقفت وحسابي في البنوك اتجمد والبنك في اي لحظه هيحجر ع الشركه ولازم نبيع كل هدومنا عشان نسدد الديون فهمتي يا ذات فهمتي والي لازم تعمليه ترجعي ع الفيلا مشي الخدمين وبعد كدا لمي كل حاجاتك كلها وبيعي المجوهرات والالماظ والجزم والشنط الي بالملايين حتي فستان الفرح الي سافرتي فرنسا تشتريه ولو معملتيش كدا انا هعمله (وصرخ)..سااااااااااااامعتي
ذات بنفعال: لاء مش هبيع فاهم
محمد بصوت متألم : لازم تبيعي لازم
ذات بدئت تك*سر كل حاجه : لاء مش هبيع
محمد مسكها من دراعها وكتف ايديها:وقفي خراب وامشي ارجعي ع البيت يله
ذات بتشد فيه وتص*رخ: لاء مش ررراجعه
محمد فقد اعصابه وشدها : ذات امشي اتحركي حالا لان عفاريت الدنيا بتنط قدامي
ذات زقته بصريخ: انا بكرهك يا محمد بكرهك
محمد بيشدها وسحب فيها بكل قوته وفتح الباب ورماها قدام الموظفين ورزع الباب وبكا بحرقه لانه عمل فيها كدا وبكا اكتر لانه لسه بيحبها وبجنون
اما ذات عدلت نفسها بصعوبه ومسحت دموعها ومشت بكبرياء مكسور وماهي ابتسمت اوي ودخلتله تفرج عنه
…………
يوم فرح نور وياسمين الي اتعمل ع اكمل وجه واتقدمت فقرات العاب ناريه وعروض واغاني
وذات راحت تتفرج من بعيد بكل حقد و غيرة ودموعها نازله لانها فرطت في نور الي شافته بيجاهد يحقق لياسمين حياه مليانه بالرفاهيه وحقدت عليها اكتر واكتر لما شافت في عيونه فرحته بيها وهو بيرقص بيها ع الاستدج وكل كابلز بيرقص بسعاده حواليهم
ياسمين بترقص معاه: مالك يا نور انت تعبان
نور بسعاده: كنت بس لما هتبقي بين ايديا هرتاح وكل تعبي هيروح
حنان بترقص مع ضحي وبقهره قالت: لو سألت جوزي نفس السؤال كان هيرد ويقولي ايوه تعبان ده سؤال تسأليه
ياسمين بصتلها وضحكت: طبيعي يا حون نور لسه بيبدء حياته
نور ضحك: كدا برضو لينا بيت يلمنا
معتزعيونه ع هبه : انا بقي لو اخدت البنت الي بحبها هكون الطف من نور بمراحل
هبه ابتسمتله: في الحاله دي احب ابارك مقدما لمراتك
حنان: هبه بأجابتك دي معناها انها مش هتكون مراتك مدي الحياه
معتز كشر فيها: ليه يا قاسيه ترجمتيها كدا وبطلي كلام هبه تحبي تنضمي معايا
حنان شهقت وسددت ودان ضحي بأيديها: تنضم لـ ايه عيب كدا معانا قاصر
معتز بزهق: ايه ده انتي كمان انا قصدي تنضم تاخد صوره
هبه: ايه رايك يا عروسه
ياسمين: والله الامر راجعلك انتي وبراحتك انا عن نفسي موافقه
هبه: طالما سمسمه موافقه انا كمان موافقه
معتز ضحك اوي: كدا يله ناخد كلنا صوره جماعيه
وبالفعل الكل وقف في الكدر والمصور لقط اجمل صوره جماعيه كلها فرحه وسعاده
……..قصص منه محمد كاتب………..
بعد ليله جميله وزفه خياليه نور دخل رافع ياسمين بين ايديه لحد الشقه جوه ونزلها بهدوء ودخلوا واغلق الباب ياسمين راحت وقفت قدام الفراند مكسوفه جدا
نور راح وقف وراها ولف ايده على كتفها وقال بحنان : حياتي تعبتي من الدوشه
ياسمين: يعني تعبانه ومش تعبانه
نور: لاء حددي
ياسمين ابتسمت: الاتنين بس في نفس الوقت مبسوطه
نور ابتسملها اوي
ياسمين: وانت اكيد تعبان
نور قرب انفه بأنفها واتنفس هواها: ده انا لو بموت الليله لازم اعيش اللحظه الي بقيتي فيها معايا
ياسمبن رفعت عيونها وكسرتها بسرعه ووشها قلب طماطم من جرائته
نور: انا سعيد اوي كان عندي حلم انه يبقي ليا زوجه ويبقي عندي منها ولد وبنت
ياسمين بصتلوه وهو ميل عليها باس خدها وابتسم ع وشها المحمر من الكسوف
ياسمبن بصوتها الهادي: نور انت بجد بتحبني
نور بتعجب: ليه بتسألي دلوقت اظن احنا بقينا مكتوبين لبعض وطالما اسمي اتحط جنب اسمك يبقي اكيد بحبك اظن مش محتاجه تسألي
ياسمين: عايزه اعرف ويمكن محتاجه اطمن
نور : ودي الاجابه
هي بصتله وهو حط ايده على وسطها وضمها ورفعها بين ايديه ونيمها ع السرير الي مفروش بالورد الاحمر واثبتلها حبه الكبير
……………..ذات الوجهين…………..
تاني يوم الصبح ياسمين قامت قبله واخدت شور منعش وصلت فرضها وراحت بنفسها تحضرله الفطار وراحتله وحركت ورده ع خده بلطف
نور قام بنص عين: اممم ريحه الاكل تجنن (شدها عليه وباس خدها) بس خد مراتي يجنن اكتر
ياسمين شدت شفايفه بهزار: انت لسانك بينفط عسل ع الريق
نور: وانتي جريتي ريقي ع الاكل الحلو ده بس ياتري كل يوم هتفطريني كدا
ياسمين: لازم الاول اختبر سلوكك وهتفضل رقيق كدا معايا ع طول
نور: موافق ادخل حسن سير وسلوك واتاكدي لو بعد عشر سنين حفضل زي منا
ياسمين شدت انفه: هستني ونشوف
نور لسه هيقرب منها تلفونها جاتله رساله قامت من حضنه فتحتها وكانت من ذات/محتواها( ياسمين اسفه اني مقدرتش احضر الفرح لان فيه شويه مشاكل عشان كدا منعتني اجي بس فرحانه عشانك وعشان نور خليكي ع طول سعيده)
نور شد منها الموبيل: انتهي وقت العزول النهارده انتي ليا انا وبس
ياسمين: نور بطل قله ادب
نورباس رقبتها: ممكن اخد بوسه من مراتي ونحذف الادب ع جنب
………………..
في بيت رفعت الكل متجمع في جو عائلي حميمي كله ضحك وسعاده
نور بلوم: ليه يا ماما تعبتي نفسك كدا
رفعت: والله يابني قولت لها بلاش كذا صنف بس هي اصرت بقي
نورهان بفرحه: انا عندي كام نور وبعدين عملتلك ورق العنب الي بتحبه
نور باس ايدها: ربنا ما يحرمني منك بس برضو عامله كتير
نورهان: حبيبي الي يفضل خده معاك انا عارفاك ملكش في الاكل الجاهز وهلفهولك اتغدوا بيه انتي ومراتك بكره
ضحي بهمس: تعالي ع جنب عندي اخبار طازه عايزه اقولهالك كدا في السكرته
ياسمين بنفس الهمس: عن مين يا زعيمه
ضحي: بخصوص المطرقعه ذات
ياسمين قامت معاها وبلهفه: قولي بسرعه
ضحي: اصبري ذات اتصلت بيا فوق العشرين مره بس كان موبيلي فصل
ياسمين بقلق: ليه لتكون هتسألك عن السكرتيره
ضحي: ايوه لان الواد بتاع الدليفري سمع خناقتهم سوي بس مقليش السبب وبيقولي صوتهم كان عالي اوي ولما ذات مشت السكرتيره دخلت تواسي محمد لفتره طويله وبعدها اخدها وخرجوا من المكتب ودار عليهم كلام واشاعه بأنهم ع علاقه سوي بقالهم فتره طويله في السر
ياسمين: وذات تفتكري عرفت
ضحي مطت شفايفها قدام: معرفش بس الي اعرفه ان عنده عشيقه والناس بدئت تتكلم
ياسمين بضيق: بجد زعلت عليها
ضحي: هي الي فقريه وحظها زفت زي افعالها جوزها ماشي مع غيرها والشركه بتفلس عشان كدا مجتش فرحك
ياسمين: انتي متحامله عليها اوي
ضحي: لانها انانيه اوي ودايما نفسي نفسي
ياسمين: يعني هي وحشه ومالهاش جانب حلو ادا
ضحي: ابدا بزمتك دي ليها جانب حلو منين دي منفسنه وتستاهل الي يجرالها
ياسمين: خلاص يا ضحي اللهم لا شماته
نور واقف وري شجره وسمع كل كلامهم وانسحب بهدوء رجع مكانه !!!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ذات الوجهين)
تعليق واحد