رواية ذات الوجهين الفصل الثامن 8 بقلم منة محمد

رواية ذات الوجهين البارت الثامن

رواية ذات الوجهين الجزء الثامن

رواية ذات الوجهين الحلقة الثامنة

ذات بعد ما عرفت من المحامي ان كل ثروه ابوها راحت حرفيا ومبقاش حيلتها اي حاجه قالت تلجاء لمحمد وتروح تتكلم معاه تاني ويشفولها حل ماهي مش هتترمي في الشارع كدا فقررت تتصل تعرف مكانه الاول وترحله ع طول
ذات: محمد بيه موجود
ماهي:لاء يا هانم مش موجود
ذات: هو فين؟؟
ماهي: خرج عنده اجتماع مستعجل برا الشركه
ذات: وراجع امتي لان انا جياله في السكه
ماهي اتوترت شويه: هتصل بيه وابلغ حضرتك بمعاد رجوعه
ذات اغلقت السكه وكملت طريقها!!!
ماهي دخلت بسرعه عليه: محمد مراتك جايه ع هنا
محمد قام بسرعه لانه مش عايز يشوفها: يله بينا مش عايز اشوفها ونتخانق
ماهي طلعت جابت شنطتها وهو لم متعلقاته ونزلوا من الشركه في نفس اللحظه ذات كانت قربت وشافته حاضنها من وسطها والحارس جايبلهم العربيه الي ركبوها سوي وذات اتحركت وراهم خطوه بخطوه لحد ما وقفوا قدام بيت وذات اتعصبت ولقطت لهم صوره وهما داخلين ونزلت تتسحب وراهم وقدرت بالعافيه تلقط ليهم كذا صوره وهما في احضان بعض لما قدرت بالعذاب تتسلق السور وتشوف غرفه النوم من وري الازاز وصورتهم في اوضاع جريئه جدا ورجعت تاني البيت فضلت تدخن سجاير كتير وهو دخل بعد ساعتين لقاها في حاله عدم اتزان رفعت عيونها وبصتلو واتجهلتو تماما ورجعت السيجاره لشفايفها
محمد راح شد السيجاره منها : كفايه كدا
ذات قامت بنفعال: اياك تلمسني وابعد ايدك النج*سه دي عني بعد ما لمست السكرتيره الحشره(قامت وقفت قصاده بهجوم) بقالكم قد ايه بتناموا مع بعض شوفتك بعيني داخل بيتها في عز النهار ولا كنت هفضل مركبه القرون من غير ما اعرف
محمد بصلها وتعبيرات وشه مخطوفه لكنه فضل ساكت لانه هنا من حقها تعنفه
ذات: حتي وانت بتفلس رايح تعمل علاقه ونزلت لـ لانحدار تنام مع حته سكرتيره
محمد بصوت مبحوح : بدل ما تحقري في الناس شوفي نفسك قصرتي معايا في ايه
ذات: طبعا عشان عايز عشيقه ترمي اللوم عليا
محمد: اظن انا طول عمري كدا وانتي وافقتي بيا وانا كدا
ذات بعصبيه : متستخدمش سلوكك كعذر عشان رجعت لحياتك القديمه ,,ولو انا مش كويسه طلقني واتفضل روح دور ع الف عشيقه زي ما تحب وانا ولا ههتم ولا هبقي غيوره عليك ولا عندي حب تملك ليك
محمد بصلها بوجع: ليه بقي مش هتغيري ولا تحبي تمكليني مش المفروض اي ست تغير ع جوزها
ذات: لاني غلطت لما اخترت الراجل الغلط فمتبقاش مغرور بنفسك وطلقني في اسرع وقت ممكن واتفضل روح عط مع ستات الدنيا
محمد بصلها بحزن وعيونه اتملت دموع محبوسه وبصوت مقهور: انتي سبق وحبتيني
ذات بصتله بغرور وعنجهيه: الحب مش موجود وبطل كلام اهبل وبسرعه طلقني وروح اطلب الحب من اي ست غبيه لكن متطلبهوش مني
محمد بكلامها كانها طعنته بخنجر في قلبه وسبته بينزف بدون شفقه ولا رحمه اخد نفس وبص لفوق يمنع دموعه تنزل
…………….ذات قصص منه محمد………….
في الاذاعه و التلفزيون راح نور يقدم اعلان كدعايه لشركه ابوه ع نغقته الخاصه وياسمين اصرت تروح معاه
هبه ماسكه الورق والشروط: تفاصيل التصوير هايله وانا موافقه عليها وهقدمها لشركه اعلانات كبيره وحنان تتفقلك مع موديلز هايل والمطرب الي هتطلبه يقدم الدعايه بصوته
نور ببتسامه خلابه: متشكر يا هبه
حنان : ممكن اقترح التكاليف بس خد بالك الكهربا والتكيف من ضمن التكاليف
نورضحك: ولا يهمك انا تحت امرك
معتز : لاء التكاليف عندي هنا(فتح الفاتوره) واو السعر مناسب ومعقول وعشان كدا تسمح لي الانسه هبه اعزمها ع الغداء وانتي اختاري المكان
حنان ردت بسرعه: انا عليا المكان
معتز كشر فيها وحود عيونه لياسمين: ياسمين ارجوكي اتوسل اليكي اختاري انتي المكان عشاني
ياسمين ضحكت اوي: انا ماليش علاقه
نور قاعد ع حرف كرسيها وضاممها بدرعاته: لاء يا حبيبي ياسمين عروسه وواخده اجازه
هبه: والله يانور قولت لها متجيش انا ههتم بنور بس هي اصرت
حنان: يا حبيبتي مستعجله ليه ع الشقا خدي راحه طويله عشان ترجعي يبقي وشك منور
نور لعب في خصله من شعرها: حتي لو مرتحتش وشها منور في كل الاحوال زي ما كان منور في اول يوم اتقابلنا فيه
ياسمين بعدت ايده ووشها احمر جدا: نور اتكسف
نور حط ايده على خدها ومسح عليه : منا بتكسف اهوه
الكل ضحك وحنان سالتها: الا بالحق ازاي كانت اول مقابله بينكم
ياسمين ضحكت اوي: لاء نور يقولك بقي
نور ابتسم بخفيف واخدها في حضنه: الموضوع بدء لما فكرتني حرامي وضربتن*ي بالزباله والصراحه جرحتني اوي
معتز قام وقف وشده معاه: لاء انت حتحكي الحكايه تاني قوم يا خويا عندي شغل وبعدين قولهم
ياسمين بهزار: عندك حق للناس ترجع
معتز ابتسم وبص لهبه: انسه هبه انا ماشي اشوفك بعدين ( وغمض عيونه وبتنهيده) حنان لو تقدري تلاقي المكان ابقي بلغيني
حنان وقفت تديلو تحيه زي الظباط: عيوني
نور وياسمين سلموا واخدها ورجعوا لحياتهم
……..قصص منه محمد كاتب……..
في حفله اقامها محمد بيحاول يبيع الشقق ويقدر يسدد شويه من الديون الي عليه والمشرفه ع اللاكل ضحي والطقم بتاعها
ماهي دخلت قبله ومسكت المكرفون وقالت: اهلا بكل ضيوفنا العزاز الكرام بعتذر منكم محمد بيه جاله ظرف طارئ لكن خلال عشر دقايق حيوصل هنا ويبقي معاكم وحاليا اتفضلوا استمتعوا بوقتكم
ضحي بترص البوفيه وبصتلها بغل وبغيظ: ابدعتي يا ختي ابدعتي شكلي هبقي متحيزه ليكي
ماهي للجمع: من فضلكم نتفرج ع الفيديو للشقق ودي اشتغلنا عليها لوقت طويل شغل يا عبد الحكيم
الاضائه طفت والشاشه البلازما نورت وكان الفيديو اباحي للعلاقه بين محمد الكاشف وماهي السكرتيره
ضحي شهقت وبسرعه البرق طلعت الموبيل من المريله تصور حتي الضيوف عملوا نفس الامر وماهي لفت وشافت نفسها ع*ريانه في حضنه فضلت تصرخ يما: طفيه ,,طفيه حالا
ذات هنا دخلت وبكل غضبها : اياك تقفله (بصتلها بنتقام) ولو طفتيه هنزله ع اليوتيوب عشان تحسي بالخزي اكتر من كدا (مسكت شعرها بقسوه) سكرتيره وقحه لحمها رخيص
ماهي ببكاء وتوسل: ابوس ايدك استريني
ذات بنظره كلها شر وانتقام: استرك كنتي سترتي نفسك
ماهي عيطت بحرقه: انا اسفه غلطت ابوس ايدك خليهم يطفوه انا حاسه اني عريانه
ذات بتهكم وحده: بجد حاسه دلوقت انك عريانه ولما كنتي مع جوزي مكنتيش حاسه انك عريانه (شدتها من حماله الفستان بأهانه) يا افعي يا زباله اسمعوا كلكم الليله انا بعلن للشركه ان ماهي السكرتيره عشيقه لجوزي محمد الكاشف والكل يسجل بالصوت والصوره
ماهي: لاء ارجوكم لاء
ذات: سجلوه عشان تفتكروا اليوم الاخير في انهيار الشركه
ماهي: لاء حرام عليكي حرررام
ذات: والي هيبقي مهم اكتر نزلوه ع صفحاتكم وجروباتكم شيروا في كل مكان دي هتكون خدمه كبيره ليا اوي
ماهي من بين عياطها:لاء متعملوش كدا
ذات شدتها من شعرها وعوجت رقبتها ع وري: يله صوروها يله
ماهي بعياط هستيري بالم من شده شعرها: لاء ابوس رجليكم لاء
محمد دخل في حاله هيجان: لو حد فيكم نشر الفيديو هرفع عليكم قضيه
ماهي: محمد بيه ساعدني ربنا يخليك
محمد شد ماهي واخدها في صدره وصرخ في العامل: طفيه (وللضيوف بأمر حازم) وانتم ابعدوا تلفونتكم بصرخه اكبر// قلت طفوها حالا اظن دي حريه شخصيه وده امر يخصني
ذات: يخصك عندك حق اصل انا ومحمد اطلقنا
محمد عيونه بتشع ش*ر :وبرغم مبقاش فيه حاجه بيني وبينك وانتهي
ذات:ايوه ورغم كدا انا انتقمت منك ع خيانتك ليا واعتبرها هديه الطلاق
محمد رفع صوباع السبابه وضغط ع سنانه بغل: وانا هفتكر اني اتجوزت اسوء ست في العالم عشان كدا خونتك وماهي احسن وافضل منك ع الاقل عندها احترام وكرامه مش زيك ويستحيل تدخلي معاها في مقارنه
ذات ضربته بالقلم: انت حقير وسافل
محمد مره واحده هجم عليها وفضل يض*رب ويهين فيها وشد شعرها وزقها ع البوفيه وقعت بقوه علارض قدام الموظفين والعملاء
ذات: يا ابن الكلب يا زباله ياحيوان
محمد :اي حد يرميها في الشارع بسرعه
الامن قرب يسحبها وهي تصرخ انهم يسبوها لكن بأجسامهم الضخمه قدروا بالفعل يخرجوها برا وهي مازلت بتصرخ وتشتم
……………….
ياسمين بتتفرج ع الخ*ناقه ونبره زعل: ليه بهدلوا بعض كدا ليه
ضحي مدت شفايفها: هو من ناحيه البهدله فعلا بهدلوا بعض قصاد الناس
ياسمين: وعرفت من الفيديو انها اطلقت
ضحي: الكل عرف فجأه والكل بدء يتهمسوا
ياسمين بصتلو بتعجب: نور ساكت ليه
نور : هقول ايه الي بيحب نفسه اكتر لازم دي تكون نهايته
ياسمين: بس انا زعلانه ع ذات
نور: بصراحه هو الوضع كله يزعل بس ميتغفرش عارفه بعد ما اتفرجت ع الفيديو حسيت براحه
ياسمين:ليه بتتكلم وكأنك متمزج من مشاهده فيلم كوميدي
نور هزلها دماغه: لاء انا مرتاح لاني مش الراجل الي موجود في الفيديو او لان حياتي مختلفه عن حياه محمد وده خلاني احب سمسه اكتر من نفسي(شدها عليه) واكتر وهاتي بوسه
ياسمين زقته بخفيف: نور بتعمل ايه ضحي هنا
نور بشقاوه: واحده بس
ضحي قامت بحرج: انا مش هبقي هنا فخد اتنين انا مش بحب ابقي عزول وافصل اللحظه الحلوه ع الناس الحلوه
نور ابتسم وشاورلها: باي ياضحي
ياسمين بصتله: قولي ليه بتحبني اكتر
نور مسك ايدها:لاني شايف قيمه حبنا لان الناس الي يأذوا بعض بالشكل ده محبوش بعض اصلا عكسنا احنا صح حبي
ياسمين ابتسمتلو:صح حبي
نور ضحك وقرب منها وباس جبينها وضمها من كتفها لصدره ومسح ع شعرها وشكر ربه ع النعمه الي ادهالو

في الاذاعه رجعت ياسمين شغلها واخدت معاها علب شكولاته واللبوم صور الفرح لزمايلها
هبه بتشاهد الصور وبأعجاب: الله الصور جميله وانتي ونور جمال اوي اوي
حنان ببتسامه: وبيتهم جميل اوي ولازم يعزمونا فيه ولا ايه رايك يا ياسمينا
ياسمين بترحاب: انتم تأنسوه وتنوره
هبه: وانتي بتقولي ياتري جوزك هيسمحلك تروحي في حته لاني شيفاكي الايام دي بعد الشغل بتطلعي تجري ع البيت
حنان: انا بجري مش بسببه عشان ميفكرش اني عجزت ولو بيفكر يتجوز عليا يخاف مني وليه بتكلميني عنه بتشجعيني اروح اخنقه
هبه ضحكت: ليه بيتعبك بطلباته
حنان بتكشيره: لو ع طلباته مش هشتكي بس شكله بيخوني
هبه: قصدك هيتجوز عليكي
ياسمين قربت منها وقعدت جنبها: مين ده دي حنان عسوله ودمها شربات
حنان: ياختي الراجل يبص في التلفون ويبتسم واقوله بتضحك لمين يقولي وانتي مالك يا حشريه يبقي بيخوني
ياسمين: لاء هو بس بيشتغلك عشان تهتمي بيه اكتر
حنان: لو نور الي عمل فيكي كدا مش هيبقي ده نفس رايك
هبه بحتجاج: ياسمين مش هتاخد الامر بعصبيه نفسك لان هي عارفه نور كويس وانه بيحبها جدا
ياسمين ابتسمت و رن موبيلها برقم غريب ردت بكل هدوء: الو السلام عليكم مين معايا….مين ذات…..انتي فين بتصل بيكي تلفونك ع طول مغلق…..المهم طمنيني انتي عامله ايه…ها عزلتي في شقه حجزه ع الفيلا…..طيب ابعتيلي العنوان وجايلك….تمام اهدي من فضلك سلام
ياسمين اغلقت ولفت بصتلها: هبه معلش ممكن امشي رايحه اطمن ع ذات
هبه ببتسامه بشوشه: اه طبعا يا حبيبتي اتفضلي
ياسمين اخدت شنطتها وحنان وهبه فضلوا يتكلموا ع وضع ذات وازي بعد ما كانت ملكه تعيش في شقه بسيطه
………..قصص منه محمد كاتب………
قدام باب شقه ذات
ياسمين: ذات انتي هنا ليه
ذات فتحت الباب وبحزن: اروح فين اطلقت من محمد مسكته مع السكرتيره شوفته بعيوني كانوا خارجين مع بعض من الشركه في عز النهار واخدها وراحوا بيتها
ياسمين زعلت: بجد مش قادره اصدق
ذات: كانت بتتصرف قدامي في منتهي البراءه بس من وري ضهري تسحبه للسرير
ياسمين طبطبت ع كتافها: انا اسفه ياذات مكنتش جنبك
ذات: انا الي اسفه لاني اخترت الراجل الغلط تخيلي قالها في وشي ايوه عملت علاقه معاها وبيتهمني اني اهملته شخص اناني بيرمي الوم عليا (دمعت) يارتني لا شوفته ولا عرفته
ياسمين: معلش الجواز قسمه ونصييب ومحدش عارف مكتوب له ايه في المستقبل الجواز ده زي بطيخه مقفوله يا تطلع حمره يا تطلع قرعه وعشان كدا لو فكرتي تتجوزي تاني ارميها ع الله وادعي بالراجل الي يسعدك
ذات لفت ضهرها وبحقد: وطبعا بالنسبه لك اختارتي الراجل الي يسعدك /لفت وبصتلها ببتسامه مصطنعه- نور شكله بيحبك كتير وقدر يبني نفسه كويس ولازق فيكي زي الامير
ياسمين سكتت وبتحاول تحلل طريقه كلامها الي حللته انها زعلانه ع حالها والي جرالها
ذات: ع سيره نور انا اسفه اني محضرتش فرحكم بس يومها مكنتش مستعده نفسيا ولما جيت هنا غيرت رقم موبيلي واتصلت بيكي ع طول انا اسفه
ياسمين: مفيش مشكله فاهمه بس حاليا عايزه اعمـ
ذات قطعتها بسرعه: اوعي تقولي امشي
ياسمين: المكان بجد ريحته تخنق
ذات: ليه عشان البهدله يعني
ياسمين: بصراحه اه
ذات: طيب ايه رايك اخد شور وننزل نقعد في اي كافيه
ياسمين هزت لها دماغها وبدئت ترتب الشقه وترص كل حاجه في مكانها و ولمت الهدوم والشنط والجزم حتي لمت بواقي الاكل العفن ورمته ومسحت الارض ولمعت الازاز ورجعت الشقه جميله
ذات خرجت من الحمام بالبورنس: واو ظبطي الشقه بسرعه يا ياسمين الله واكبر عليكي
ياسمين بتدهن ايدها كريم مرطب: مفيش مشكله بصراحه معجبتنيش وقلت ارتبها وانتي كمان مش هتقدري تجيبي شغاله هتاخد كتير
ذات ضمتها: متشكره اوي يا ياسمين
ياسمين خرجتها من الضمه وبجديه قالت: المهم لازم تشتغلي
ذات بصت لقدام: اشتغل ,,اشتغل ايه وبعدين المرتب هيبقي كام
ياسمين: مش مهم كام المهم لازم تبدئي وتتعودي لان الشقه في حي راقي واكيد ايجارها غالي
ذات: اعمل ايه منتي عارفه انا واخده ع البيوت الكبيره الواسعه بتخنق في الضيق دي المساحه دي وحاسه اني بتخنق بس الفلوس قليله معايا ده حتي بدئت ابيع من الجزم والشنط عشان اقدر ادفع الايجار بس فعلا معاكي حق هنزل ادور ع شغل
ياسمين مسكت ايدها بتشجيع: ايوه كدا برافو عليكي
ذات بشويه تردد: ياسمين هو انا ينفع اشتغل معاكي بصي مستعده اشتغل اي حاجه حتي لو بمرتب قليل المهم ابقي معاكي ومروحش لمكان معرفش فيه حد
ياسمين بتفكير: ايوه بس هتشتغلي معايا ايه في الاذاعه
ذات نامت ع صدرها : اي حاجه يا ياسمين ارجوكي ساعديني فلوسي قربت تخلص ولازم ادفع ايجار الشقه وقسط العربيه
ياسمين عدلت دماغها بمرح: حاضر سبيها ع الله
ذات باست خدها: حبيبتي يا ياسمين
……….
ياسمين رجعت البيت قبله واتصلت بهبه تطلب منها اي شغله لذات
هبه: ايوه بس مالهاش وظيفه عندنا لانها مش مؤهله
ياسمين برجاء: هبه ذات وضعها صعب جدا وهي عمرها ما اشتغلت بس لازم تبدء عشان تعرف تعيش وانا مش عايزها تتبهدل عشان تحب الشغل ولما تروح مكان تاني تعرف تتأقلم وتتعامل
هبه: بتصعبيها عليا ياياسمين
ياسمين: مش صعبه ولا حاجه ايه رايك لو حتي تشغل الاغاني في الفاصل ونقسم مرتبي سوي وتكون اخدت خبره
هبه: انتي جميله اوي ومغلطش لما اعتبرتك اختي الكبيره وبجد ذات محظوظه بيكي بس مش هينفع لكن ممكن اكلم قريبي هو عنده شركه سياحه اظن هتكون مناسبه لذات
ياسمين: تمام مناسبه ليها
هبه: بس هسأل عنها عشان متأثرش عليكي هنا
ياسمين بفرحه: شكرا ياهبه الف شكر
نور دخل وسألها: بتكلمي مين
ياسمين ابتسمت و قالت بهدوء: بكلم هبه بسألها عن شغل لذات
نور ضحك اوي وبتريقه: تشتغل مين ذات يابنتي الي زيها تدور ع راجل غني اسهلها عشان تقدر تصرف وتبعزق وصدقيني قريب هيكون فيه راجل تاني حظه اسود لما تدخل حياته
ياسمين بضيق: نور بجد كفايه انت لازم تزعل عشانها مش تتريق عليها اكتر وتفرح انها وقعت
نور قام وميل عليها: ولما وقعت غيرها كان حلو ليها مادستش عليهم وعدت وكانت بترقص لوجعهم سبيها تتعلم الحياه وصعوبتها وياريت انتي كمان تشدي عليها لانها لو لقتك طريه هتستغلك اكتر وكل ما هتديها هتاخد وتطلب اكتر (بتحذير) واياك تسلملها لانها انانيه بتحب دايما تفوز وتكسب
ياسمين قامت وقفت بزعل: نور كفايه من فضلك
نور :انا بحذرك تقربي منها ولازم تسمعي كلامي وتبعدي (قام من مكانه وكمل ع برا)
ياسمين: انت ماشي ورايح فين
نور بصوت هادي : رايح انام تعبان تصبحي ع خير
ياسمين كانت هتقوله جايه معاك .. لكن للاسف لقته خرج
………..قصص منه محمد كاتب…….
تاني يوم رجع نور متأخر شويه لقي ياسمين قاعده بتتفرج ع التلفزيون قرب منها ورفع خصلات شعرها الي جايه ع جنب وباسها من خدها وحط علبه قدامها وسألها بصوت حنون: عامله ايه يا قلبي
ياسمين بابتسامة جميله منوره: بخير الحمد لله بس ليه اتاخرت وفيها ايه العلبه دي
نورابتسم لـ ابتسامتها في وشه: افتحيها وانتي تعرفي ليه اتاخرت
ياسمين فتحت العلبه وشهقت: الله جميله اوي يانور بس ايه المناسبه
نور: كدا من غير مناسبه انا شوفتها وعجبتني وبعدين رشوه لحبيبتي عشان زعلتها امبارح ونمت ومخدتهاش جوه حضني
ياسمين قربت عليه بدلال ولعبت في زراير قميصه: رغم انك عارف وهونت عليك تسيبني ونمت برا حضني وحرمتني من الحضن الي مش بنام غير فيه
نور غير الموضوع لانه عارف انه زعلها بس غصب عنه هتجننه بطيبها وحنانها رد عليها وقال: خلينا في الهديه امبارح فات ها عجبتك يعني ذوقي شغال
ياسمين حطت ايدها ع خده وابتسمت برقة : جميله وكفايه انها منك
نور اتنهد ومسك قلبه بمرح: الحمد لله
ياسمين بعتب: بس غاليه اوي يانور صح ليه هدرت فلوسك
نور مسك ايدها وباسها: حبيبه قلبي جوزك حاليا بيقبض بالالفات في الشهر انا مهندس معماري ومش فاشل زي ما اتقال عني زمان واقدر اشتري الدنيا لمراتي ومش هفلس عشان شنطه
ياسمين: برضو متشتريش شنط غاليه كدا تاني بص انت متشتريش خالص ودي عندي كفايه
نور رفع حاجب: واحده كفايه ماشي بس هتستخدميها كل يوم مش تركينها في الدرج
ياسمين :حاضر ياسي نور حاضر مراتك سمسمه هتخرج بيها كل يوم لحد ما تدوب في ايدي مبسوط
نور بصلها شويه وبخبث :يعني !! وعشان اكون مبسوط اكتر مطلوب منك تعملي اكتر من كدا
ياسمين بصتلو بعدم فهم وعقدت حواجبها ومنتظره تسمع باقي كلامه
نور سحبها من وسطها لصدره ورفعها بين ايديه وهي صرخت وبتعافر: نور بطل جنان هقع منك
نورضمها بتملك لحضنه: اقعي مني ع السرير
ياسمين بتتلوي من مسكته:استني اخد الشنطه
نور :هتنيمها معانا
ياسمين: ايوه عشان استخدمها كويس
نورمثل الزعل وكشر اوي: شكلك هتحبيها عني
ياسمين ضمته لحضنها وكلبشت في رقبته: مستحيل
نور جري بيها: الحلو جاني برغبته ومين هيبقي قده
………قصص منه محمد كاتب……..
ذات قاعده بتتفرج ع tvالجرس رن كتير وري بعض والباب خبط بطريقه تنرفز
ذات صرخت بعصبيه: طيب يالي ع الباب بتضرب وتخبط مفيش اخلاق
صاحب الشقه: اسف ع عدم الاخلاق بس عمال اتصل بيكي مقفول ولما شوفت النور مولع قلت اجيلك
ذات: عايز ايه
صاحب الشقه: عايز الايجار
ذات دخلت شويه جوه وخرجتله وبقله ادب حطت الفلوس في ايده: خد الايجار مظبوط
صاحب الشقه: ايوه بس الفلوس دي حساب الشهرين الي فاتوا لسه فيه شهرين جداد والشهر 3000 جنيه
ذات :انت رغاي ليه خلاص فهمت عليا شهرين هبقي ادفعهم
صاحب الشقه: بس اتفاقي معاكي مكنش كدا وقدامك الاسبوع ده في خلاله تدفعي والا تسيبي الشقه
ذات: مستحيل وانا مش هسمحلك وهدفع /بتقفل الباب
صاحب الشقه زقه : تمام خدي الايصال انا مكلش حق حد
ذات: لو خلصت امشي بقي
صاحب الشقه بصلها بقرف :ماشي يا مدام
ذات دخلت اخدت شنطتها قررت تبيع اي حاجه وتجيب الفلوس ونزلت تركب عربيتها لقت شخص بيجري وراها وبينادي عليها: مدام ذات
ذات مسكت الباب ووقفت وبصتله: فيه ايه؟؟!!
الشخص: انا جايلك من معرض العربيات وجاي اخد القسط
ذات بتركب : انا مشغوله دلوقت وكنت المفروض تتصل
العامل وقفها: استني يامدام لو مدفعتيش في خلال الشهر الجاي هاجي اسحب منك العربيه
ذات ضربته في كتفه ونبره كلها كبر وغرور: انت عارف انا ابقي مين بصلي كويس شكلي يدي ع اني نصابه غور يله من خلقتي
العامل بصلها بغ*يظ: هغور بس ولو مدفعتيش هسحبها بالقوه عن اذنك
ذات ركبت العربيه وفضلت تضرب في الدركسيون وقررت تقابل ياسمين وتبدء تستغلها وتستعطفها !!!!