رواية ذات الوجهين الفصل السابع والثلاثون 37 بقلم منة محمد

رواية ذات الوجهين البارت السابع والثلاثون

رواية ذات الوجهين الجزء السابع والثلاثون

رواية ذات الوجهين الحلقة السابعة والثلاثون

ياسمين بتكنس المطعم وبترص التربيزات
محمد شافها راح عليها: ياسمين ليه بتمسحي بنفسك امال العامل بيعمل ايه؟!
ياسمين ببساطه: فين المشكله انا كدا كدا مستنيه ضحي تشطب المطبخ لقيت نفسي فاضيه قلت اساعد وامسح المكان
محمد شد منها المكنسه: لاء معلش مينفعش تعملي كدا ده انا بديلك المرتب بالضلين وبتاخديه وتقولي امين وعشان كدا هاتي انا هكمل
ياسمين بصتله باعتراض : لاء مش ممكن مش انت الي قولتلي اشتغلي كتير
محمد: ايوه في ادراه الشغل مش عامله يله هاتي انا هكمل بدالك
ياسمين ضحكت بشقاوة : لو الريس كدا مع كل الموظفين هيحبوه جدا
محمد ابتسم: حب من انهي طريقه
ياسمين: حب رئيس طبعا بيحب يساعد بالمسح
محمد: انتي كمان ساعدتيني وحبيتك حب تاني غير انك موظفه
ياسمين : محمد كل ما هتتكلم اكتر الموضوع هيبقي محرج اكتر فخد امسح
محمد وهو و بياخد المساحه لمس صوابع ايدها وهي اتكسفت وهو شد المساحه وابتسم
ياسمين: يله امسح امسح
محمد مبسوط بتصرفاتها الطفوليه وبيمسح كان هيتكعبل ويقع ياسمين سندته: محمد انت هتفقد الوعي ولا ايه
محمد بنزعاج: انتي وترتيني فكنت هتكعبل
ياسمين ضحكت اوي: طيب يله امسح
محمد بمرح: هفضل امسح لحد ما اوصل لقلبك
ياسمين بمداعبه: طب يله استمر وامسح
…..قصص منه محمد كاتب……..
عمه محمد جات عليها: ضحي انتي هتروحي مع ياسمين لو كدا هاخد تاكسي واروح انا
ضحي قلبها ماليان الم وعيونها فيها دموع جامده اتجمعت جوه عدسه عيونها ومش بترد عليها لانها واقفه مركزه مع محمد وياسمين
عمه محمد: انتي مالك متجمده كدا زي التمثال
ضحي: انا رايحه معاكي واوصلك
عمه محمد: مفيش داعي انا هعرف اركب لوحدي
ضحي بأصرار: لاء جايه معاكي وهروح ابلغ الريس يوصل ياسمين
ضحي راحت عليهم وبصتله : انا مروحه مع عمتي احسان وانت وصل ياسمين
ياسمين كشرت: ليه ياضحي ازاي تطلبي من محمد كدا احنا هنروح مع بعض
محمد بهدوء: عادي انا كمان راي اوصلك وشكرا يا ضحي انك هتوصلي عمتي
ضحي : انا ماشيه يا ياسمين
ضحي مشت وهي بتقاوم دموعها وياسمين حست ان اختها فيها حاجه مش طبيعيه
………قصص منه محمد كاتب……….
ضحي وقفتها وبهدوء: عمتي انا مسافره اشتغل برا
عمه محمد: بتقولي ايه
ضحي: كلمت مدام ماهي اشتغل في مطعمها وهما محتاجين مصريين
عمه محمد: بلغتي محمد انك مسافره
ضحي نزلت دماغها لتحت: لا
عمه محمد: بلغتي ياسمين
ضحي دموعها واضحه في بؤبؤ عيونها : برضو لاء
عمه محمد: انتي متأكده انهم هسيبوكي تسافري لو عرفوا
ضحي بلعت دموعها في جوفها: حتي لو مسحموليش انا هسافر
عمه محمد مسدت ع كتفها بعطف ع حالتها :انتي عايزه تهربي بس ياتري هتهربي من قلبك واقدر اقولك من خلال خبرتي مدام قلبك معاه حتي لو روحتي المريخ مش مهم
ضحي هزت دماغها وهمست بانكسار: بس كدا احسن ما اشوفهم مع بعض كل يوم وبعدين ياسمين مطلقه ولو محمد طلب انه يرتبط بيها هي هتقبله وكدا حالتي هتبقي اسوء واسوء فلو كنت بعيده وده حصل هبقي مرتاحه
عمه محمد:رغم كلامك بس انا مش عارفه ازاي هينتهي الامر بالنسبه ليهم الاتنين انتي متاكده ان ياسمين هتتجوز محمد وفعلا نسيت نور لان الي انا شوفته ان نور وياسمين بيعشقوا بعض
ضحي عيونها راحت شمال ويمين وكلها دموع: معرفش بس الي متأكده منه اني مسافره
…………..قصص منه محمد كاتب…………
ذات راحت خبطت ع بابه وهو فتح لقاها في حاله مزريه وخدها محمر بشده ومتورم وبتعيط بشكل هستيري
فريد بفزعه: ذات فيه ايه
ذات بكت ورمت نفسها جوه حضنه: مش هقدر اتحمل الوضع ده تاني ارجوك ساعدني
فريد طبطب عليها ومسح ع ضهرها ودخلها وخلاها تغير هدومها وتغسل وشها وراح جابلها كاس عصير وهي لفتلوا ومسحت أنفها المحمر
فريد: ده هيساعدك تسترخي شويه وتبطلي توتر
ذات اخدته منه وراحت قعدت: متشكره _مثلت البكاء بحتراف_ عمري ما تخيلت نور يتجرء ويضربني وكأني حشره او مجرد شئ تافهه ده بالعافيه لما بيهتم لامري وده كنت بتقبله نوعا ما لكن انه يمد ايده ويضربني مقدرتش اتحمل الاهانه مش كفايه رماني عند مرات ابوه وسابني من غير ولا مليم لاء خلاص انا مقدرش ارجع عندهم تاني فريد فاكر لما قولتلي لو احتاجت مساعدتك
فريد هزلها دماغه: ايوه فاكر
ذات مسكت ايده : ممكن اطلب منك طلب واحد
فريد حط عينه بعينها: اطلبي
ذات: ممكن افضل معاك هنا شويه وقت انا مش هقدر ارجع البيت ده تاني ومعرفش هيضربني بالوحشيه دي تاني امتي ومشعارفه اروح فين لا ليا بيت ولا معايا فلوس ولا ليا اقارب بجد ماليش مكان اروح فيه
فريد بعد تررد من الخوف انه زوجته تعرف وتسلخه حي رد وقال بتردد: ذات تقدري تخليكي هنا خليكي لحد ما تحسي انك افضل
ذات اتنفست براحه وكان نفسها ترقص من الفرحه حطت الكاس وحطت دماغها ع صدره: شكرا يا فريد انت جنتل مان معايا انت انقذتني من الجحيم واطلب اي حاجه تعوضك وانا مش هتاخر _ رفعت نفسها وقربت شفايفها من شفايفه _ ومستعده اعمل اي حاجه وكل حاجه
فريد مسك دقنها بنعومة وقرب شفايفه من شفايفها وباسها بجنون وهي سلمتله نفسها وحس انها بتلين بين درعاته
……….قصص منه محمد كاتب………..
في الاذاعه
ياسمين: تخيلي من يومين شوفت ذات راجعه مع فريد وشكلهم قريبين من بعض
هبه: انا كمان متفاجئه زيك بس واحد زي فريد ملياردير بغناه الفاحش هدف لواحده زي ذات
ياسمين: لو فريد هدف ذات و
هبه قطعتها بضحكه: انتي قلقانه عليها ولا ايه
ياسمين بصتلها وسكتت
هبه ابتسمتلها بهزار: لاء بهزر شوفي اي نعم نور طلقك بس كمان متجوزش ذات ده ميخلكيش تقفي شويه وتتأكدي ان نور فعلا مبيحبهاش بس كدب وغلط بسبب الغضب زي ماقالك مش بسبب الحب
ياسمين بقهره: اي ان كان في النهايه اطلقنا
هبه بحكمه وعقلانيه: ايوه بس انتي اطلقتي من نور مش عشان مش بتحبيه انتي تخيلتي انك بتحبي واحد تاني
ياسمين: لاء مش كدا انا غضبي من نور كدبته عليا
هبه: معاكي نور ارتكب غلطه لانه حب ينتقم من ذات بس عايزاكي تبقي منصفه شويه وحكمي قلبك وضميرك
ياسمين بصت للفراغ وسكتت
هبه قامت: انا رايحه للحمام وبعدها نخرج ناكل في اي مطعم ونكمل كلامنا ماشي
ياسمين هزت لها دماغها وفضلت تفكر في كلامها!!!!
حنان جات عليها وضمتها بالاحضان: سمسمه وحشتينا بجد
المساعد مد ايده يسلم عليها بترحاب كبير: اه والله بجد الاذاعه من غيرك وحشه اوي اوي
ياسمين: انتم عاملين ايه طمنوني
حنان: انتي الي عامله ايه مع العزوبيه
ياسمين ضحكت: انا الحمد لله ومستنيه هبه تيجي ونروح اي مطعم تيجي
حنان: طبعا ده انتي وحشاني اوي
ياسمين تلفونها رن برقم هبه اتعجبت وفتحت الخط لقت هبه بتصرخ وتستنجد بيها لانها وقعت في الحمام
………..قصص منه محمد كاتب…………
في المشفي
معتز وصلهم اول ما سمع الخبر: وقعتي في الحمام
ياسمين: الاشعه ظهرت انه كسر واتجبست وهتفضل في السرير شهر
معتز بنفعال: ممكن تبطلي عناد اظن قولتلك ارضيه الحمام ومكتبك ناعمين وممكن يزحلقوا
هبه بنفس الانفعال: هي اتبنت كدا
معتز شوحلها بأيده: خلاص هبدل الارضيه للمكتب والحمام وكلو
هبه: اعمل الي تعملو بس سبني انا اختار لون السيراميك الاول لان مكتبي عايزاه بلون معين
معتز هز دماغه ومال بجسمه عليها ونطق بعناد: لاء ياروحي انا عارف ايه الي بتحبيه والي مش بتحبيه وهختارلك انا سيراميك خشن مش ناعم
هبه: بس يـ,,
معتز قاطعها: خلاص انا هشتريه ع حسابي اوكيه وتركيبه كمان ع حسابي الخاص
هبه: لو ع حسابك يبقي اوكيه
معتز قرص خدها بغيظ: انتهازيه
ياسمين ببتسامه: كدا هسيبك تهتم بهبه وهمشي انا ياهبه ومره تانيه حمد لله ع الحلاوه
بس لو احتاجتي اي حاجه اتصلي فورا
هبه ضحكتلها: متشكره يا سمسمه اهلي زمانهم جاين
هبه بحرج: عايزه اروح الحمام
معتز مسك طبق استلس غويط: ممكن تستخدمي ده وانا هساعدك
هبه ضربته في كتفه: بطل رخامه نادي الممرضه
معتزبمزح: وممرضه ليه يابنتي مادي حلوه وتساعد
ياسمين واقفه عند الباب تبص عليهم فطسانه عليهم من الضحك وبعدها مشت!!!!!
………..قصص منه محمد كاتب…………
في بيت اهل ياسمين
نورهان ضربت التربيزه : يالهوي البيت انفجر اول مره اشوف نور وابوه غضبنين كدا
عزه بتأيد: ايوه حصل الباشمهندس كان في حاله ثوره كبيره
ضحي سألتها بفضول وشماته في ذات: بس ليه برضو اتخانقوا
نورهان مصمصت شفايفها: تقريبا عشان سابت مازن وعماله تتسرمح بالليل وراجعه الساعه ثلاثه الفجر
عزه :دي بقت تسرق حاجات من البيت تبيعها
الكل شهقوا في وقت واحد وياسمين رمشت بعيونها
نورهان بتتكلم بغيظ: اظن لقت صيده جديده بمجرد ما خفت لبست فساتين مكشوفه وخرجت تتسرمح وراجعه والكياس في ايدها
عزه :دي حتي لما خرجت كانت رقبتها فاضيه ورجعت فيها عقد غالي وملعلط من ع اول الطريق
نورهان :اظاهر الراجل ده عطهولها عشان كدا هربت من البيت ومرجعتش
زبيده: قصدك عندها هدف جديد
ياسمين هنا افتكرت لما شافتها بتركب عربيه فريد
ضحي شهقت وحطت ايدها على صدرها : نور والراجل الجديد يالهوي ايه البت دي
نورهان وهي ميته غيــظ: الي زيها متفوتش الفرصه ابدا
زبيده مطت شفايفها وبهدوء:وهي كدا هتروح تعيش معاه وتسيب ابنها
نورهان بحقد :هي واخده العيل اداه تمسك بيها نور اكتر من انه ابنها لان فيه راجل جديد تبيع ابنها واهي مرجعتش تاخده وانا اتكلمت مع رفعت ونور وقلت هربيه انا
عزه بتهز في الطفل لانه بيعيط: بس يا مازن قلبك هيوجعك يا حبيبي
نورهان قامت تاخده: مالك ياحبيبي
ابو ياسمين بهزار:اظاهر عرف انك بتنمي ع امه
زبيده ضربته بخفيف: بس يا ابو ياسمين
ابو ياسمين ضحك بمرح : شكله عيل ذكي
نورهان بصتلو وكشرت ومثلت الزعل: انا بحكي الي حصل بس ( ميلت ع الطفل ) ولا انت فعلا بتحب امك وفعلا مقدرش اتكلم عنها
عزه: ده بيعيط هنعمل ايه
نورهان: ياسمين تقدري تسكتيه
ياسمين بتردد: انا مش بعرف اشيل الاطفال المولدين اوي
زبيده بهدوء:قومي جربي يمكن يسكت
ياسمين قامت واخدته من عزه وفضلت تهدهد فيه والطفل سكت خالص
ياسمين بتمسح ع شعره برفق: بدء يهداء
نور راحلهم لما عرف من رفعت ان ابنه مع امه عند ياسمين وقف من بعيد شويه وشافها بتهدهد فيه والطفل مستكن معاها ونور اتأملها وابتسم اوي
ضحي بتلف لمحته واقف من بعيد شاورلته: نور
الكل بص بما فيهم ياسمين رفعت عيونها عليه بسرعه وهنا قلبها دق بشدة و ونور اتحرج وقرب ودخل وع شفايفه ابتسامة كبيرة والقاه السلام والكل رحب بيه
نورهان بفرحه: نور تعال قرب وشوف ابنك سكت ولا صوت رغم كان بيبكي وفاتح الجعوره واول ما شالته ياسمين استكن وسكت
نور ببتسامه وعيونه عليها: الحمد لله انه سكت معاها
ابوها لما شاف نظراتهم لبعض فقال: انا مصلتش العصر لما اروح اصلي عن اذنكم زبيده قومي نصلي
زبيده فهمته: اه انا هقوم اصلي مع ابوكم ياولاد
نورهان: عزه انا رايحه اغسل كوم المواعين
عزه: اه وانا هلم التربيزه مع ضحي واحصلك عشان نعمل بالمره الاكل
نورهان طبطبت ع كتفه بحنان: نور ابقي هات مازن معاك
نور ابتسم نص ابتسامه: حاضر يا ماما
ضحي قامت وقفت وسحبت عزه معاها لجوه : اه واضح ان انا عندي تنشير غسيل
ياسمين ضربتها بنظره: رايحه فين
ضحي بتمد من قدامها بسرعه: عندي غسيل لازم اغسله ضروري سلام يانور
نور ابتسملها هي وعزه
ياسمين فضلت تهز في مازن وتبصلوا وتهرب بعيونها من نظره عيونه …نور قرب منها وملس ع خد ابنه بحنان وسألها: عامله ايه يا ياسمين
ياسمين بصوت حنين: انا كويسه وانت
نورابتسم: لو هرد حسب الذوق والاخلاق هقولك اني تمام
ياسمين ببتسامه: ولو رديت وحذفت الذوق والاخلاق
نور بتنهيده و بنبرةٍ حزينة: في الحضيض وعاطل ومراتي سابتني
ياسمين سألته بصوت هادي : اي واحده
نور بصلها بشتياق: اظن عارفه انا معنديش الا زوجه واحده وهي انتي اما التانيه فده عقاب وحاليا عقابي انتهي تقريبا اصلي سمعت انها لفت ع راجل جديد واتمسكت بيه المهم انتي عامله ايه وانتي اجازه النهارده
ياسمين: ايوه يوم السبت اجازه
نور هز لها دماغه: وبخصوص محمد ايه الوضع
ياسمين: انا ومحمد مبسوطين جدا
نور بص في الارض واتك ع شفته وكتم غيظه واتنهد بضيق: اي ان كان اهو فيه اخبار حلوه
ياسمين ببتسامه عريضه اوي: واظاهر هتبقي قريب اصل محمد وضحي دايما يتهمسوا في السر
نورحس بضيق في صدره ونزل راسه وقالها بمرارة : مبروك
محمد هنا دخل وشافهم قريبين من بعض!
ياسمين بفرحه وانبساط: اه محمد جه في الوقت المناسب
نور بصله بغيره والدقات في قلبه كأنها طبول بلع ريقه وقال بغيره مخفيه وألم مكتوم: اهلا وسهلا انا كنت ماشي
محمد ابتسم برخامه وضيق وطقطق صوابعه بنرفزة
نوربهدوء ونظره شكر : شكرا يا ياسمين ع مازن
ياسمين مدتلو الطفل: اتفضل
نور بيحاول ياخدوه منها بس خايف: انا لسه مش عارف اشيله
ياسمين بتشرحله: بص مد ايد لتحت وبعدين حط ايدك التانيه لان رقبته طريه لسه
نور نفذ الي قالته بالظبط وشاله عنها: تمام هشيله بحذر
نور وهو بياخد منها ابنه رفع عيونه وبصلها كأنه محتاج يحفظ ملامحها وهي بصتلوا
نور كأنه مش عايز يسبها: انا ماشي يا ياسمين
ياسمين: مع السلامه
نور كمل طريقه ناحيه الباب وبحزن عميق: يله يامازن نرجع البيت
ورجع بصلهم بطرف عين ومد بخطواته السريعه وغادر المكان
……قصص منه محمد كاتب…..
ياسمين : محمد اشتريت حاجات يما انا هحطهم في المطبخ
ضحي وقفتها وقالت برسميه : خليكي ياياسمين اتكلمي مع الريس
زبيده طالعه من جوه وملخومه في خلع الجوانتي: نور خليك يابني اتغدي معانا
ابوها زغدتها في جنبها بخفيف وهمس: ده مش نور
محمد لف وبصلهم: مساء الخير
زبيده وابوها رودوا عليه
ياسمين :ماما نور مشي ومحمد اشتري حلويات كتير انا هروح اساعد ضحي
زبيده :ماشي يا بنتي
محمد وقفها بهدوء: ياسمين بابا ماما عندي كلام لازم اقلهولكم
ابوها بصلوا مستغرب: خير يابني
محمد بدون مقدمات: انا طالب ايد ياسمين منكم واظن جتلكم من الباب حسب العادات والتقاليد
ياسمين بصتلوا وسكتت وضحي واقفه ماسكه صنيه العصير وبتعافر دموعها متخونهاش وتنزل
محمد :ها ايه رايكم
ابوها :والله الراي راي ياسمين نفسها وانا بسألها ايه رايك
ياسمين: معلش ممكن اخد وقتي وافكر انا لسه مطلقه قريب ومحتاجه وقت استعيد نفسي
محمد اتك ع فكه: اه طبعا وانا مستني واعتبري اني بطلبي وضحت بيه النهارده
ياسمين بهدوء: تمام يا محمد
محمد بجديه: بس عايزك تعرفي انا صادق وجدي معاكي واي ان كان ايه هو قرارك اقدر اتحمله وانتي عارفه
ضحي جسمها انتفض بألم وانخلع قلبها وطلبه كئنه صدمه شلت أطرافها عن الحركة
في الجونه
ذات بفرحه وانبهار: الله يافريد خاتم جميل ولايق ع ايدي بجد شكرا ومش عارفه اقولك ايه وشكرا ع كل حاجه ده كنت قربت انسي شكل الحياه السعيده
فريد بغمزه: ودلوقت؟!
ذات: دلوقت انا سعيده جدا جدا جدا
فرد ضحك: وانا سعيد
ذات: اه نسيت اسألك انت قولت لي بأنك اعجبت بيا من المره الاولي الي كلمتك فيها وانك منستنيش ابدا
فريد وزع عيونه على كل جزء بجسمها المثير و على شفايفه ابتسامة مكر و قال : انا راجل بحب الكل زي الفنان الي بيحب الفن بحب املك القطعه الرئيسيه بحب كل شئ جميل وصعب نلاقيه بسهوله وانا متميز عن غيري عشان كدا بحب المجوهرات لان الماس الحقيقي جميل متقدريش تلاقيه في الزمن ده ولو جاتلي الفرصه ولقيته وقررت اني امتلكه ويكون ليا بعملها
ذات فرحت من قلبها وقعدت قريب منه وحطت رأسها على كتفه و بدلال: انت بتقارني بالالماس رغم انا مطلقه ومعايا ولد
فريد حط ايده ع كتفها: كل الالماس الي موجود فيه عيوب بس صعب نحوله لحجاره وذات الي قابلتها في اليوم هي ذات انهارده هي نفس الشخصيه متغيرتيش ابدا
ذات دعبت خصله من شعرها وردت بدلال: انت لطيف اوي وبكلامك كأني اتولدت من اول وجديد شكرا انك بتديني حياه جديده
فريد تلفونه رن قام من جنبها: عن اذنك ارد
ذات ابتسمت بهيام ورمتله بوسه في الهواء هنا ظهرت غاده وشافتهم مع بعض وبصت لذات نظره حاده مرعبه وذات استغربت ع نظرتها وفكرتها غيرانه منها لانها جنب فريد المحلاوي الملياردير المشهور وغاده مشت بسرعه قبل ما فريد يرجع ويشوفها
فريد خلص المكالمه ورجعلها: اخبار جديده صديقي عامل افتتاح لفندق جديد
ذات ابتسمت اوي: هايل كدا هخرج اتباهي بالالماس
فريد ابتسم و هو بيمسح على خدها :تروحي
ذات بتحضنه بسعادة وفرحه: طبعا
غاده واقفه تراقب من ع بعد وشافتها ذات لزقت بجسمها فيه وضمته ليها وفريد سحب شفايفها في بوسه مثيره قويه
غاده مسكت الموبيل و اتصلت وجزت ع اسنانها بنبرة قوية :بابا ابعتلي اتنين فطاحل فريد لعب بديلو ولازم يتقطع والهلفوته الي معاه تتسحل