رواية ذات الوجهين الفصل الثامن والثلاثون 38 بقلم منة محمد

رواية ذات الوجهين البارت الثامن والثلاثون

رواية ذات الوجهين الجزء الثامن والثلاثون

رواية ذات الوجهين الحلقة الثامنة والثلاثون

نور بيأكل ابنه وميل بضهره عليه وبيمسح ع شعره: اشرب اللبن مش انت جعان اشرب براحه كدا هتشرق واشرب لحد ما تشبع ياحبيبي عشان تكبر بسرعه بسرعه
ياسمين دخلت البيت لما طلبت منها نورهان تتابع مازن ع ما ترجع من المول هي وعزه وكدبو انه نايم لوحده وبالفعل راحت ودخلت البيت وطلعت فوق ووقفت تتفرج عليه
نور ابتسم وكلم ابنه: خلصت تشرب امبوه بقي استني عزه
ياسمين بسرعه اتخبت وسندت ضهرها ع الحيط
نور بصوت عالي: عزه ممكن شويه ميه عشان مازن سمعاني يا وزه بسرعه ارجوكي عشان مازن استاء وكشر
ياسمين ابتسمت ع كلامه ونزلت جابت بزازه فيها ميه من المطبخ وراحتله ومدتهالوا
نور قاعد ع السرير بضهره: اهي عزه جابتلك الميه يا بطل
يأسمين وع شفايفها ابتسامة جميله : ما احنا مش هنسيب البطل عطشان
نور لف بسرعه وبعدم تصديق: ياسمين جيتي هنا ازاي
ياسمين منحته ابتسامة ناعمه خجوله : ابدا ماما نورهان وعزه راحوا المول وطلبوا مني اجي اخد بالي من مازن خافوا لدادي ميقدرش يهتم لوحده بأبنه بس ماشاء الله قادر تعمل ده وعشان كدا انا همشي
نور نزل من ع السرير بسرعه: ياسمين استني استني
ياسمين وقفت عند اول الباب بضهرها وحطت ايدها على شفايفها وكاتمه ضحكتها
نور راحلها وابتسمت لها نص ابتسامه: ممكن تفضلي لو سمحتي اصل مازن بعد ما بياكل بيعشق العياط ومفيش حد فينا بيقدر يهديه الا شخص واحد فممكن الشخص ده يستني ويكون المهدء لمازن
مازن عيط كتير ونور راح ميل عليه عشان يرفعه لحضنه
ياسمين بقلق: براحه يانور انتبه لرقبته
نور رفعه براحه وياسمين ساعدته يعدل رقبته ونور بصلها والود وده يضمها بين احضانه وهو كدا هيبقي حلو وجميل
ياسمين بتلعب في خدوده: انت جميل بيتهموك انك زنان ده طبيعي ما انت طفل ولازم تعيط عشان نهشكك وندلعك
نور ابتسم ع كلامها وقرب منها بنظرة خبيثة ومثل انه بيكلم ابنه: مازن عامل ايه ياسمين هنا عشان كدا انت هادي وبتبتسم
ياسمين: هدهده يانور
نور هدهده: كدا ها عرفت اسكته
ياسمين بابتسامة مرحة : هايل اتقدمت كتير
نور ببتسامه: بنسبه كام في الميه
ياسمين عملت نفسها بتفكر: يعني كانوا 2% دلوقت 3%
مازن ضحك بصوت وهو نايم والاثنين انفجروا فالضحك لدرجه دمعت عيونهم
نور مسح ع شعر ابنه بحنيه: حلم اليقظه بتتفشخر بنفسك قدام ياسمين
ياسمين ابتسمت اوي ونور رفع عيونه وبصلها بشتياق جارف!!!
نور: عارفه انه اول ما بيسمع صوتك بيسكت والعالم لو فيه عشره زيك كنا لغينا المهدئات
ياسمين عيونها لمعو و قالت مبتسمة: اشمعني
نوربصلها وابتسم ابتسامة هادية : عشان انتي كلك حنان يخالي الحجر يحس بيه ولما يشوفك يبقي في حاله احسن
ياسمين اتكسفت وخدودها احمرت: اه نسيت محمد جاي يوصلني للمطعم ولازم امشي استعد (لفتلوا بضهرها وخارجه)
نور برجاء: ياسمين استني ممكن تفضلي مازن مش بيعيط وانتي موجوده ممكن تفضلي معاه
ياسمين ابتسمت لانها فاهمه انه مش عايزها تمشي وهي اتحركت بسرعه من قدامه
نور بص لابنه بغيظ: ايه يا عم مازن متعيط بص المره الجايه لما تكون ياسمين هنا افتح في العياط خالي الجيران تسمعك ساعد ابوك يقرب منها تاني بدل منا لاطايل جنه ولا طايل نار واقف في النص فاهم
ياسمين كل ده واقفه برا وسامعه وسعيده خالص وروحت البيت وشغلت اغنيه انغام متلخبطه
ايوة بحبك اوي بس مش عايزاك زعلانة منك بس مبسوطة معاك,, مش طايقة اشوفك لكن انت وحشتني و بشك فيك لكن حقيقي مصدقاك,,,,من حبي فيك متلخبطة حاسة اني مش متزبطة و حاجات كتيرة و عكسها ..من حبي ليك متأكدة واثقة قوي و مترددة و مشاعري داخلة في بعضها,,,,بطمن جمب منك و بخاف اكتر و اغير شايفاك ملاك و بردو شايفة عيوبك كتير و بقول انا ملك نفسي و انت ملكتني و بشوف الدنيا حلوة طول ما انا شايفاك بخير
…………قصص منه محمد كاتب………
ضحي واقفه تتكلم في الموبيل ووشها للشباك: تمام يا مدام ماهي…انا مستعده للسفر بأي وقت تمام هروح احضر الفيزا واجيلك …متشكره بجد مع السلامه
ضحي اغلقت الخط سمعت صوت محمد بينادي راحتله
محمد ببتسامه: ضحي عامله ايه
ضحي بتكشيره: بخير
محمد : سمعتي الاخبار الجديده هبه ومعتز هيعملوا حفله عيد ميلاد هبه في بيتها وطلبوا مننا نعملهم الحلويات
ضحي: تمام هاخد منهم التفاصيل
محمد هز دماغه بهدوء: تمام !! اه امال فين ياسمين عايزها نتكلم وكل واحد فينا يقترح افكار
ضحي :ياسمين مش هنا راحت لبيت اهل نور قالت هتطمن ع مازن
محمد حط ايده في وسطه: هي ايه حكايه الاتنين دول تفتكري ياسمين هتسامحه وترجعلوا
ضحي اتنهدت بضيق :معرفش ومعرفش اختي بتفكر في ايه لو انت عايز تعرف اسألها بنفسك
محمد :ضحي ممكن تسألي عشاني
ضحي من وجعها و نزف جراحها قالت بعصبيه وانفعال:من هنا ورايح انا هبعد وماليش دعوه بيكم ومش عايزه اعرف عنك ولا عنها اي حاجه بعد كدا
محمد بتعجب لانه حرفيا استغرب اسلوبها: ضحي ممكن تهدي في ايه
ضحي ربعت ايدها :حاجه كمان انا بستئيل من الشغل وهروح شغل جديد
محمد عقد حواجبه وبترقب: تستقيلي
ضحي بثقه وجمود: ايوه انا بستقيل عن اذنك
ضحي دخلت غرفتها وجعدت ملامحها ودفنت وشها في المخده وبكت بعنف ..لانه ساكن وجدنها اما محمد متفاجئ لقرارها ووقف مكانه بحيره هتجننه
……قصص منه محمد كاتب……….
في الجونه في شاليه خاص راقده ع بطنها وفريد بيعملها مساج ع كتافها
ذات :فريد انت عندك عوامه في لندن ايه رايك لما تكون فاضي نسافرلها
فريد مسح ايده : وماله نسافر بس لما القي اجازه من الشغل
ذات اتعدلت ومسكت الموبيل وقربت منه وفتحت الكاميرا تصورهم
فريد مسك الموبيل وسألها : ليه بتصورينا
ذات ببتسامه ودلع: عشان انشرها ع صفحتي عشان العامه يعرفوا اني سعيده لان معايا راجل مهتم بيا
فريد بصلها : لاء لان انا مش بحب ابقي ع سيره ع وسائل الاعلام
ذات عاقده حواجبها: وايه الجديد ما انت ع طول في وسائل الاعلام
فريد بحزم: ده شغل او نقول مش مستعد _حط الموبيل في كف ايدها_ ولما ابقي كدا هقولك
ذات بخبث: طيب اوعي تكون رفضت انشرها لانك خايف حد معين يشوفها
فريد ضحك بقهقه: لاء انتي بتفكري زياده عن اللزوم انا بس مش بحب حد يدخل في اموري الشخصيه ده كل الموضوع فبلاش تفكري
ذات :تمام مش هفكر حتي التفكير بيعملي صداع وده هيسبب شيخوخه لملامحي والاحسن اخد من السعاده الي قدامي
فريد: ايوه خليكي كدا ذكيه
فريد قام اتمدد ع الشزلونج وبصلها لانه فهم دهاليز افكارها وشويه طلبت منه يتمشوا ع الشط
ذات:فريد نفسي اكل اكل ايطالي اصلي زهقت من الاكل جوه الاوضه نفسي اتباهي بجمالي وبمجوهراتي ارجوك
فريد تلفونه رن بصلها: عن اذنك ارد
ذات راحت تلعب رجولها في الميه حست بحد جه من وراها وكتفها صرخت بهلع وجسمها ارتعش: انتم مين سبيني ليه ماسكه فيا انتي مجنونه سبيني
جات مصارعه تانيه جتتها ضخمه ولطشتها بالقلم بكل جبروت وقسوه
ذات صرخت بألم من قوته: ليه ضربتيني
المصارعه شدتها من شعرها وضربتها قلم تاني اقوي ذات اتكت ع اسنانها ومن شده الالم صرخت بحرقه
ذات فضلت تصرخ وتنادي عليه: فريد فريد
فريد اغلق السكه وراح جري عليها وصرخ فيهم: بس وقفوا
ذات بتستنجد بيه بذعر: فريد الحقني مين دول
فريد بص حواليه وبدء ينفعل: غاده بلغي ناسك يوقفوا العنف حالا لو موقفتوش انا هغضب ولو غضبت انتي عارفه هعمل ايه
غاده هنا ظهرت بجبروتها وقوه شخصيتها الشرسه الساديه !!!!
ذات جحظت عينها من هيئتها المتسلطه المزعجه وصرخت : انتي مين وايه الي بيحصل
غاده نبره مخيفه مرعبه : لما تنامي مع راجل متجوز قبلها لازم تحفظي شكل مراته
ذات بصت لفريد ووسعت عيونها من الصدمة وهمست بدهشه والصدمة ع ملامحها: متجوز ازاي
غاده ضيقت عيونها بشر وبأمر للمصارعه: اديها ضربه كمان عشان تتأكد انه متجوز
المصارعه وقفت قدامها وذات قلبها خلاص هيقف من الرعب وضربتها قلم تاني وذات تصرخ من قوة الضربة واتملت عيونها بدموع الخوف
فريد مسك ايد المصارعه وزقها بنرفزه وزعيق : ابعدي كفايه ،،غاده ميصحش الي بتعمليه ولما انتي جايه الشاليه مش المفروض تقوليلي عشان مجيش انا واشوف مشاهد العنف الي انا مبحبهاش
غاده رفعت رأسها وبصتله بغضب و صرخت فيه بكل قوتها :انا بتصل بيك وانت مبتردش فأزاي هبلغك
فريد عقد حواجبه في ضيق : تبعتي رساله
غاده بصتله وصرخت في وشه بغضب : وانت بتقرائهم طبعا مش انت مشغول مع الحشره دي
ذات: ايه ده انت ليه مش بتحميني
غاده ضحكت بوقاحه ورجعت كشرت: يحميكي انت مفكره واحد زي فريد يقدر يحكميكي مني الحاجه الوحيده الي بيحميها هو بوكسره
ذات بخوف منها وبصوت باكي : فريد ارجوك ساعدني
غاده صرخت فيها بقوه مخيفة: قولتلك ميقدرش يساعدك
فريد نفخ بزهق: اوه كفايه اضربي وابقي سافله زي ما تحبي انا زهقت وماشي
ذات فضلت تصرخ في ايديهم بأسمه انه ينقذها من براثنها: فريد تعال ساعدني فريد انقذني
غاده وقفت قدامها وصرخت بنظرات مرعبة : اخرسي انتي مش الست الاولي الي بتحوم حواليه بس انتي الوحيده الي نفدتي واقمتي معاه علاقه جنسيه الي قبلك اول ما بيعرفوا اني مراته بيجروا ويبعدوه الا انتي اصل فريد نسونجي درجه اولي وبيحب يرمرم عليا بس انا مش برحم
انتفضت ذات من نظرات غاده المرعبه
غاده ضربت دقنها بشراسة : بس متخافيش هرقيكي عشان مئلكيش انه متجوز عصمت قلعيها بلبوص واسحليها بسرعه
المصارعه فضلت تقلعها وذات بتعافر في ايدها بقت تضربها بفتراه و بقسوة أكبر لحد ما ذات قدرت بحركة سريعة تضرب المصارعه الي قدامها برجليها في معدتها وحدفت المصارعة التانيه الي مكتفاها في البسين ومعاهم غاده وجريت ع فريد في الغرفه!!!!
……….قصص منه محمد كاتب……..
ذات جريت عليه بسرعه البرق ودخلتله ووشها كله بيشلب دم وشفتها مفتوحه: انت ليه مقولتليش انك متجوز
فريد رفع كتافه و ابتسم بسخريه: وانتي كنتي هتهتمي حتي لو قولتلك اظن نور كان عنده زوجه وانتي ولا اهتميتي
ذات بصتله ومن بين دموعها: ايوه كدا اظهر ع حقيقيتك انت قلت انك بتحبني حبتني من اول مره شوفتني فيها وانك هتهتم بيا واني ليا قيمه وشبهتني بالماس
فريد مد لسانها بتريقه: بجد نسوان مجنونه انتي مفكره راجل زي ده موجود بجد يفضل يمجد في ست شمال ويوصفها انها الماس بس لازم اكون صريح معاكي كل الايام كان هدفي انام معاكي انا اه بحب الالماس الحقيقي بس لما باخده ببيعه لاني بزهق بسرعه
ذات تهز راسها بنهيار دليل انها مش مصدق وراحت تضربه في صدره :حقير ازاي تعمل فيا كدا
فريد لوي كفوفها بعنف واتك عليهم وبصلها بنظرات غاضبه: بطلي قله ادب الي بينا كان للمنفعه وبس انتي جتيلي عشان كدا انتي استنفعتي وانا استنفعت كلنا كسبنا انا عكس نور ومحمد خالص ومراتي مش طيبه ولا مسالمه زي ياسمين_زقها بعنف_ يله غوري
ذات فشهقت وانفجرت تبكي : اروح فين انا مبقليش حد ماليش مكان اروح فيه
فريد بعدم اقتناع بصلها من فوق لتحت وراح فتح الدرج وطلع رزمه فلوس وحدفهلها: خمسين الف خديهم وابعدي واكسبي حياتك وده الي اقدر اقدمهولك وامشي بسرعه لان مراتي هتبعت بوليس الاداب ياخدوكي للسجن واوعي تفكري بأني هساعدك
ذات اخدت المخدات تحدفه بيها فريد مسك ايدها واتك عليهم بقسوه: لاء ياروح امك اخليهم يجولك هنا يضربوكي لحد ما الدبان الازرق ميعرفلكيش طريق جره
ذات برقتله: انت مفكر ان مبلغ ده يقدر يعوضني ها
فريد زقها بقوه عالارض وقعت واتخبطت في الدولاب وجري اغلق الباب عليهم لما لمحهم جاين وناوين ع الشر
غاده بتخبط ع الباب بجنون: افتح الباب بقولك افتحه بسرعه
فريد لف وبصلها واتحرك بسرعة و جرها من دراعها وزقها: انتي ليه لسه هنا امشي من الباب التاني بسرعه لانها لو مسكتك مش هترحمك
ذات قامت جريت من قدامه فتحت باب الشاليه وخرجت هربانه للشارع بتجري بفزع وجنون هربانه سايبه كل حاجه وراها
غاده من شدة الغضب صرخت وبتهبد ع الباب: افتح يافريد افتح هوريها الصايعه انا مين افتتتح
فريد اتجاهل عصبيتها وهزلها دماغه بـ لاء وراح قعد عالسرير وشاورلها بأنها تلف من الباب التاني
غاده صرخت ع المصارعين: واقفين ليه هاتوهالي بسرعه
فريد رفع كاس عصير بمعني تشربي وغاده فضلت تهبد ع الازاز وضربته بنظره حاقده متوعده
رايكم ونكمل مع جبروت غاده وشريكها في الجبروت؟؟؟؟؟؟ مش هقولكم مين مفاجأه
ومعانا عصابه حماده وتوتو بس نورهان وزبيده ع ياسمين

يوم الحفله في بيت هبه ضحي قامت ورجعت تاني ترص باقي الاطباق بعنايه وشياكه
محمد بصلها وعيونه كلها حيره مش فاهم سببها وقال: فيه خبر لازم اقلهولكم
الكل سكت وبصوله منتظرين الخبر!!!
محمد بتكشيره: ضحي قدمت استقالتها وهتشتغل برا
ياسمين في ذهول تام بحلقت فيها بدهشة : استقاله وهتسافري الكلام ده بجد
ضحي هزت دماغها بتأكيد: ايوه
حنان: ومسافره فين
محمد رد بالنيابه عنها: ايطاليا
المساعد: ليه ياضحي ومسافره ع حد
ضحي: ايوه مسافره عنـ
محمد قطعها ورد تاني بالنيابه عنها: مسافره عند ماهي سكرتيرتي القديمه جوزها عنده مطعم هناك (نبره كلها تريقه) يظهر اكلهم مش حلو فهي اتطوعت تسافرلهم
ضحي بصتلوا وكاتمه غيظها
هبه بحزن: وهتفضلي هناك ع طول
ضحي لسه هتتكلم هو قاطعها بسرعه: لمده طويله طبعا مفيش رجوع
ضحي انفعلت عليه: هو انت بتقول كل حاجه عني هما بيسألوني انا مش انت وقادره اجاوب لوحدي
محمد حط رجل فوق التانيه وكشر اوي: انا بساعدك في الرد لاني شايفك مش طبيعيه ولا تصرفاتك طبيعيه من فتره ( بحده) بس المفروض قبل ما تاخدي اي قرار ترجعيلي وتستشيريني قبل ما تقرري مع نفسك
ضحي بحمقه: ليه لازم استشيرك
محمد اتنهد بضيق : لاني رئيسك ياضحي
ضحي بعصبيه: رئيسي مش ولي امري ولا مالك حياتي وبعدين لو قولتلك كنت هتقبل اسافر
محمد باندفاع:لاء
ضحي بهدوء: عشان كدا مقولتلكش
عمه محمد بهدوء: ضحي محمد ممكن تتكلموا بهدوء احنا في بيت الناس
معتز بصلها وبجديه: ضحي من راي بلاش ثقي فيا الغربه صعبه وبعدين لازم تحضري فرحي انا وهبه
ضحي بفرحه وسعاده من قلبها: بجد
ياسمين: فرح بجد مفاجأه حلوه بجد بجد
حنان بسعاده: بجد يا هبه
هبه وسعت ابتسامتها و قالت بصوت خجول: ايوه وحجزنا القاعه وكلو تمام وامبارح لبسنا الدبل في المحل( ورفعت صوباعها هي ومعتز)
الكل هيص بفرحه عارمة طالعه من القلب! وهبه ضحكت ونزلت عيونها بكسوف وخجل
المساعد رفع عيونه لفوق وهمس: لاء مش قادر عشت وشوفت فرحكم
معتز: ضحي مفيش سفر مفهوم
هبه: طبعا احنا مستحيل نسيبها تسافر امال مين الي هيرقص في الفرح
حنان صرخت بمرح: مبروك يا هبه مبروك يامعتز ومبروك مره تانيه لانك لقيتي راجل هيلمك
هبه كشرت زي الاطفال: اه يا وحشه
معتز: ياسلام لو يعملوا قرار بمنع الستات من الشغل وتزاحم الرجاله
حنان وسعت ابتسامتها وبشقاوه : طب ما يقعدوا الرجاله في بيوتهم وكل حاجه هتتصلح
المساعد رفع حاجبه الشمال: ياسلام وناكل عيش منين
عمته محمد بهزار : تاكلو من الفرن
الكل ضحك اوي الا محمد قاعد باصص للفارغ وكأنه فقد كل احساس حواليه من اول ما عرف ان ضحي هتسافر
ياسمين ميلت ع اختها وبهمس: ضحي هنتكلم بعدين تاني في موضوع السفر
ضحي اتنهدت بعمق: تمام
…………….قصص منه محمد كاتب……….
في المطعم
محمد راح لعمته الي واقفه ترص المكسرات ع وش الارز باللبن
محمد قعد قدامها وبهدوء سألها: عمتي ممكن اسألك ع حاجه وتجاوبني بصراحه
عمته رفعت عيونها وبصتله: اسأل
محمد: تعرفي اي حاجه بخصوص استئاله ضحي؟
عمته: يعني شويه هي قالتلي حبه كلام
محمد كشر وبان عليه التأثر : طيب ليه ياعمتي مئولتليش او لمحتيلي حتي او كنتي تقنعيها تغير رايها
عمته : لاء هي قالت لي اسبابها
محمد: ليه هو لسه فيه غير سفرها احكيلي فيه ايه تاني!
عمته: اظن انا معروف عني بحفظ الاسرار وعارفه شويه بس مستحيل اتكلم عنها حتي معاك
محمد: يا عمتي انا ابن اخوكي ( لف حواليه) بصي اتكلمي بشويش
عمه محمد قربت منه: حاضر هقولك بأني مش عايزه اقولك ليه بتحرضني انت لاحظ بنفسك وهتشوف بعيونك
محمد لف وبص للمكان الي شاورتله عليه شاف ضحي بتضحك مع ياسمين
محمد ضم حواجبه ورجع بصلها بعدم فهم: اشوف ايه قوليلي
عمته اتكت ع سنانها بغيظ من غبائه: حاول ولاحظ واتأمل اوي وفكر كويس وانت هتعرف لوحدك ووقتها بس قلبك هيشاورلك ويدلك انت رايح لفين وانا هروح احط الارز باللبن في الثلاجه
محمد نفخ ولف ضهره ليها: هو ايه ده انا ولا فهمت حاجه ( لف بالكرسي تاني) عمتي تعالي هنا رز ايه وسيباني خلينا نتكلم الاول
محمد كلم نفسه زي المجانين ورايح وراها وشاف ياسمين بتجر ضحي بصلهم وشمر كمام قميصه وحصل عمته
ياسمين: من امتي مقرره ده؟!
ضحي بصوت مخنوق : من فتره كبيره
ياسمين بضيق: وليه مئولتليش
ضحي: لاني شفتك مغلوله بالي فيكي مرضتش اقولك
ياسمين ربعت ايدها وبحده: وياتري قولتي لماما وبابا ولا هما زي ميعرفوش
ضحي عضت على شفتها و هزت رأسها بـ لاء شمال ويمين : لاء مقولتش
ياسمين: لو حابه تسافري لازم تقوللنا كلنا مش ماشيه مع نفسك ليه بتتصرفي كأنك مغصوبه انك تسافري فيه حاجه حصلت
ضحي بنبرات متوترة : مفيش حاجه يا ياسمين انتي مبالغه اوي طبعا نفسي اسافر دي ايطاليا اظن فرصه عظيمه وهايله مين غبي يرفضها بس انا متوتره عشان حاجات تانيه
ياسمين: زي ايه
ضحي اغتصب ابتسامة مرحة وقالت : يعني لما توافقي ع الجواز من محمد وانا هبقي لسه مسافره هتضطر ارجع تاني عشان احضر فرحكم فالوا وافقتي وانا هنا مش هتوتر يله انا هروح اشوف عمه محمد لو محتاجه مساعده
ياسمين تابعتها لحد ما اختفت من قدامها وهمست لنفسها: لاء فيه حاجه تانيه ياضحي ولازم اعرفها
………قصص منه محمد كاتب…………
ياسمين قاعده مع زبيده بيجهزوا للمحشي
نورهان جايه جري عليهم دخلت بخضه : ياسمين انجديني مازن مش عارفه ماله مبطلش عياط من الصبح ونور ورفعت خرجوا ومش عارفه اعمل ايه وجيتلك تساعديني يابنتي واعتبري نفسك بتعملي عمل خير
ياسمين سابت كل الي في ايدها وقامت بقلق: مازن تسمحلي اشيلك
زبيده مسحت ع شعره بحنان: خلاص اهي المهدء هتشيلك متعيطش
نورهان مدتهولها وياسمين اخدته وباسته من جبينه وحضنته بحنان: خلاص وفضلت تتمشي بيه وتغنيلوا اغنيه طلع النهار ونورهان وزبيده متعجبين انه مش بيسكت حرفيا الا معاها
ياسمين بتهدهده: ماهو حلو اهو وهادي اهوه
نورهان: يظهر بيحبك اوي يا ياسمين
زبيده: بنتي طوب الارض بيحبها
نورهان: معلش يابنتي ممكن تخليه معاكي اصل عايزه احضر الاكل بدل عزه لانها تعبانه ياحبه عيني ونايمه
زبيده هزت لها دماغها: روحي يانونا وهو في عنينا
ياسمين بعطف: تمام خاليه يا ماما وهبقي اجيبه واطمن ع عزه
نورهان: تسلمي ياقمر
ياسمين كلمت الطفل: يله نتمشي ونغني يا زيزو بشا
نورهان بهمس لزبيده: انا قاصده تشيله يا زبيده
زبيده: فاهمه ويسمع منك ومني ربنا وتتبناه ع طول
نورهان طبطبت ع ظهرها: طالما اتقبلت مازن هتتقبل ابوه كمان
زبيده كتمت ضحكتها هي ونورهان واتفقوا يلعبوا عصابه حماده وتوتو ع ياسمين
………قصص منه محمد كاتب………….
في مجمع ضخم ضحي راحت تشتري هدوم جديده عشان السفر
محمد نازل ع السلم الكهربائي لمحها راح ووقف وراها: مسافره امتي ايطاليا؟!!!!
ضحي لفت وحطت ايدها ع قلبها: ايه خضتني مش تكح
محمد: جيتي هنا ازاي تحبي اوصلك
ضحي: شكرا اقدر اروح لوحدي
محمد: متعملهاش حكايه عربيتي واقفه برا( مسك ايدها وشدها وضحي اتوترت وشدتها منه)
محمد وقفها وبصلها: انتي سعيده لاني طلبت من اختك تتجوزني
ضحي بمراره : وليه مش هبقي سعيده ده شئ ميخصنيش
محد: بس وشك لما طلبت ايدها قال عكس كدا وبقيتي تتجنبيني في المطعم وبقينا نتكلم بالعافيه وعشان كدا انا مش بخير ياضحي
ضحي بصتلو وسكتت
محمد مسك ايدها: انتي فعلا مش زعلانه مني
ضحي سحبتها منه: انا مش زعلانه انا قلقانه وبس
محمد : قلقانه من ايه
ضحي بغصه: ع كل حاجه ع الناس الي بتبقي عندها امل كبير وبعدين تخيب كل امالهم
محمد بص لبعيد: عندك حق لان لو مفيش حد حبنا مهما عملنا مستحيل يحبونا حتي لو اشترنالهم لبن العصفور كل يوم ولا هيشفونا ولا يحبونا
ضحي: فعلا
محمد مسك ايدها: يله نمشي
…………قصص منه محمد كاتب………….
محمد وصلها لحد باب البيت وقالها: هاتي اساعدك
ضحي اخدت الكياس: لاء شكرا انا هاخدهم لجوه بنفسي ياسمين الريس هنا
ياسمين بصتلوا وهو بص للطفل الي ع ايدها
ياسمين ببتسامه: اهلا يا محمد مازن سلم ع عمو محمد وقوله ازيك
محمد قرب ومسك رجل الطفل وسلم: ازيك يا مازن
ياسمين مسحت علي شعر الطفل بلطف ومبتسمه: بيقولك ازيك ياعمو
محمد: ياسمين فيه موضوع بخصوص ذات حبيت اطلعك عليه
ياسمين: بخصوص ايه
محمد حكلها كل حاجه حصلت مع غاده بنت الوزير
ياسمين: زوجه فريد المحلاوي اتصلت بيك
محمد: ايوه وكانت شايطه ولامتني اني محذرتش فريد من ذات لانها شافت ذات في احضان فريد وهما في الجونه وقلبت الدنيا ومسكتها ضربتها وسحلتها هي وفتوات تبع ابوها
ياسمين وسعت عيونها بفزع: وصل الامر لكدا
محمد: دي بنت وزير داخليه بيشتغل مع كلو وغاده بنته الوحيده وجميله وغنيه جدا بس مرعبه جدا وابوها مرعب زيها و بعد ما خلصت ضرب فيها راحت سألت فريد مين ذات وجابها منين وبعد ما عرفت انها طلقتي اتصلت بهدلتني ونفست غضبها فيا ماهي صعب تطلعوا ع فريد لانها بتعشقه بجنون
ياسمين: يعني فريد متجوز امال ليه بيتصرف كأنه سنجل
محمد: هو ده فريد بيحب الستات زي عنيه بس غاده محلقه عليه وهو بيحب عيشه الحريه ودايما مفكر نفسه هيقدر ع غاده انها متتحكمش فيه ولا هتمسكه متلبس وهو حلم مع ذات الي لعبت بالنار ودخلت عش الدبابير ومش عارفه فريد صاحبي كويس عيبه انه لعبي او بيقول الممنوع مرغوب وده اسوء ما فيه
ياسمين قلقت وده وضحً منً نظراتها
محمد :وذات اتورطت مع فريد ومراته والجاي اسوء بكتير بس تفتكري نور عارف
ياسمين :معرفش وليه اسأل ماما نورهان قالتلي انها مرجعتش البيت بقالها ايام
محمد بيلف لمح عربيه نور بطئت وهدت قدام البيت: دي عربيه نور
ياسمين لفت وشافته بيبص عليهم واتك ع سنانه و حرك العربيه بنفعال وغادر المكان بسرعه
محمد بخبث: ياسمين هاتي مازن هرجعهوله
ياسمين: انت رايح لنور فيه خطه
محمد ابتسم: ايوه واحيه بشكل طبيعي واخليه يعرف بأني طلبتك للجواز رسمي من اهلك
ياسمين ملهوفه تشوفه وتطمن انه بخير: عرفت كدا بس انا هرجعه بنفسي
محمد :انا كمان جاي معاكي
محمد انحني ورفع السرير بمازن واخد ياسمين ع بيت نور وضحي شافتهم مع بعض من فوق السطوح
وهما في سكتهم قابلوا ذات