رواية حياة نوح الفصل الأول 1 بقلم همس حسن
رواية حياة نوح الجزء الأول
رواية حياة نوح البارت الأول
رواية حياة نوح الحلقة الأولى
حطيت ايدي على بوقي بصدمة وانا واقفة ورا الباب وسامعة امي بتكلم حد في الفون وبتعترف إن هي اللي كانت السبب في الحادثة اللي حصلتلي من سنتين !!
الحادثة اللي مات فيها جوزي وابني اللي كان لسة في بطني ومتولدش 🔥🔥🔥
انا مش قادرة اصدق ولا استوعب اللي بسمعه .. ازاي امي ممكن تعمل فيا كدا وليه ؟!!!!
انا حتي مش قادرة اواجهها ولا أفهم اللي حصل ده حصل ازاي و يمكن خايفة اعرف ايه المبرر اصلا
خرجت من الطرقة ونزلت ع السلم وانا مش شايفة ولا سامعة ولا دريانه بالدنيا .. خرجت علي الجنينة بدور علي اي حاجة تفوقني من الصدمة اللي سمعتها .. اي حد يساعدني اي حد يفهمني ايه الحقيقة
وفجأة لقيت قدامي ” نوح ” ابن عمي اللي عايش معانا في نفس البيت بما إنه (بيت عيلة مفتوح علي بعض )
نوح : حياة انتي كويسة ؟؟
لونك مخطوف ليه كدا
حياة بعد سكوت لحظات .. لا انا كويسة متقلقش
نوح : طيب فكرتي في العرض اللي عرضته عليكي ؟
حياة : عرض ايه
نوح : اني اتجوزك يا حياة
حياة : هو انا مش قولتلك اني مش مستعدة اتجوز دلوقتي يانوح ، وبعدين ليه تتجوز واحدة أرملة وبتمر باللي انا بمر بيه، انت راجل متجوزتش قبل كدا ومن حقك تتجوز بنت بنوت عادي
نوح : وانا مش عايز البنت بنوت انا عايزك انتي .. وبعدين مش يمكن يكون ليا دور إني اطلعك من اللي بتقولي انك فيه دا
حياة : وهتطلعني منه ازاي ؟؟
نوح : حياة انا أعرف عن حياتك حاجات انتي شخصياً متعرفيهاش .. وعشان كدا انا أنسب واحد ممكن يكون في حياتك دلوقتي
حياة : تعرف عن حياتي حاجات ؟!
نوح : ايون زي ما سمعتي .. بس للأسف مش هقدر اقول ولا كلمة دلوقتي الا ماتبقي مراتي
حياة بتفتكر اللي سمعت امها بتقوله فوق .. و بتفكر في كل اللي فات وفي جوزها وابنها اللي ماتو ومتعرفش اذا كانت دي حادثة بفعل فاعل ولا قضاء وقدر زي ماكانت فاكرة
**وفي وسط ماهي تايهة جوا دماغها وتفكيرها **
نوح : حياة انتي معايا ؟؟
حياة : انا موافقة يا نوح
نوح باصصلها وساكت لحظات .. اللي انا سمعته ده حقيقي ؟؟
حياة : اه حقيقي .. مش انت عاوز تتجوزني
وانا مستعدة اتجوزك
نوح : انا مش مصدق نفسي
حياة : لا صدق .. ولو اني مش مرتاحة انك بتعمل كل ده لمجرد انك بتحبني وحاسه وراك سبب تاني غير ده
** بس انا المهم عندي دلوقتي انك تعرفني كلللل حاجة انت عارفها بعد كتب الكتاب مباشرةً وده شرطي الوحيد
نوح : وانا موافق 🤝🏻
دخلوا نوح وحياة البيت تاني وندهوا علي العيلة كلها تنزل ريسبشن الدور الأول من الفيلا
نزل “وليد” اخو حياة .. وبعده “وفاء” امها
(ودي اسرة حياة لأن ابوها متوفي )
بعدهم نزل “جمال ” عم حياة اللي هو (ابو نوح ) ..
وبعده “زينب” اخت نوح (بنت عم حياة وصاحبتها)
وبعدهم سعد عمهم الصغير
جمال : ايه يا نوح عايز ايه ؟؟
نوح : عايز اقولكو اني اتفقت انا وحياة اننا هنتجوز في أقرب وقت بإذن الله ❤️
جمال : نعم !!
كدا خبط لزق ؟ هي العيلة ملهاش كبير تاخد رأيه الأول ولا ايه
نوح : ياحج ما حضرتك كدا كدا عارف اني عايز اتجوز حياة من بدري اوي من ساعة ما جوزها مات وكنت مستني موافقتها .. وهي لسة موافقة حالا اهو
وفاء ام حياة تعبيرات وشها كلها بتتغير !
زينب اخت نوح بتجري تقف جنب حياة بفرحة وبتحضنها : دا احللللي قرار اخدتوه اقسم بالله 😍😍😍😍
*حياة بتحضنها وعينيها مليانه حزن وتوهة وهي بتبص علي وفاء امها *
وليد اخو حياة : طب مش المفروض كنتو تعرفوني الاول قبل مااعرف زيي زي بقيت الناس كدا .. ده انا اخو العروسة وابن عم العريس وصاحبه الانتيم يعني
نوح : حقك عليا يااخويا والله انا لسة عارف حالا وداخل اقولكو اهو
وليد : عموما ياصاحبي انا مش هلاقي احسن منك يتجوز اختي .. مبروك عليكم مقدماً ❤️❤️❤️❤️
جمال : تمام خير البر عاجله .. آخر الأسبوع كويس ؟؟
حياة بتلف وشها وبتبص لوفاء امها اللي ساكتة تماماً من ساعة ما نزلت
جمال : ايه رأيك يا وفاء ماتتكلمي ؟
وفاء : انا مش موافقة على الجوازة دي
كلهم بصولها بصة ذهول !!!!!
اتحركت حياة من مكانها وراحت وقفت قدام امها 💥💥
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حياة نوح)
