رواية حكاية أميرة الفصل الخامس 5 بقلم أحمد محمود

رواية حكاية أميرة الجزء الخامس

رواية حكاية أميرة البارت الخامس

رواية حكاية أميرة الحلقة الخامسة

دخل جوزي ياخد الشاور وروحت المطبخ حطيت الحاجه
ورجعت الاوضة اجيبله الغيار بسرعه
وفي اللحظة دي لقيت يوسف دخل ورايا
يخرب بيتك ..انت لسه هنا ؟
امشي بسرعه جوزي لو شافك هيقتلنا
ومالو انا بحبك وبموت فيكي وميجراش حاجه
لو موت فداكي
وكانت فين البطوله دي وانت بتتخلى عني
وتسيبني اتجوز راجل غيرك
انا قولتلك ظروفي كانت صعبه
وايه اللي اتغير ؟
مفيش ..بس انا لسه بحبك
طب امشي من هنا يلا
ولو جيت هنا تاني صدقني انا
قرب مني وحضني وهو بيقول
هتعملي ايه
في اللحظة دي ..دخل جوزي علينا وشافنا مع بعض
وقال ..هو دا بقى اللي قالب حالك
دنا هخلص عليكي يا خاينه
هجم علينا في اللحظه دي اشتبك مع يوسف
واللي كان بيحاول يمنعه يوصلي وهو بيقوله
دي بتاعتي انا وانت اللي خطفتها مني
ليك عين تتكلم يا ك لب يا ح قير
يوسف ذق عمر وقعه على ضهره
وعمر خبطه برجله في بطنه وقام بسرعه
جري ع المطبخ ويوسف وراه
مسك عمر سكينه ولسه هيرفعها وينزل بيها
على يوسف ..لكنه مسك أيده وضربه عدة مرات
في وشه ..اختل توازن جوزي
وشد يوسف منه السكين وغر سها في قلبه
شهق بقوه وا لدم نازل منه بغزارة
وهو بيبصلي بحسره
وفي اللحظه دي ..وقع ع الأرض
وانا أنهرت ونزلت اجري عليه واحضنه واعيط
وانا بقوله حقك عليا ..سامحني يا حبيبي
والله ما خونتك
وهو بيبعدني عنه بضعف وفي عيونه نظرة حزن
وانكسار وألم ..كانوا بينهشوا فيا
مسكت السكين اللي واقعه وقمت بسرعه
وقولتله ..قتلته !! ارتحت خلاص
لما خربت عليا حياتي اللي فاتت ودلوقتي دمرت بيتي
وضيعت مستقبلي
بقى كدا ..يعني الحق عليا اني انقذتك منه
كان زمانه ق تلك وخلص عليكي
انت السبب في كل دا ..لو مكنتش ظهرت في حياتي
مكنش دا حصل
ماهو كان بمزاجك ولا نسيتي المطعم واللي حصل
بينا يومها في الحمام
ساعتها سكت شويه وقولت عندك حق انا اللي اديتك
الفرصه وطمعتك فيا ..وخونت ثقة جوزي فيا
عشان سبت مشاعري تضعف لحد جبان زيك ميستهلش
انا غلطان فعلا وضربني بالقلم
رفعت السكين ولسه هضربه
خدها من ايدي ورماها ع الأرض
وشدني من شعري ..ووقعني وجرني ع البلاط لاوضة النوم
وانا ماسكه ايديه وبصرخ وبقوله سبني ..اوعى كدا
شالني من الأرض ورماني ع السرير وقال
انتي بتاعتي انا واللي معرفتش اطول منك زمان بالرضا والحب هاخده دلوقت بالغصب
وبدأ يفك في زرار قميصه ويقرب مني
وانا برجع ووبعد عنه وهو في حالة غريبة
سحبني من رجلي وقرب عليا وبدأ ينزع ملابسي
وانا بصرخ وبقول الحقوني
محدش هينقذك مني ..خلاص جوزك متلقح جوه
قاطع النفس والباب مقفول ..وريني بقى هتفلتي ازاي
اعقل يا يوسف متوديش نفسك في داهيه
منا روحتها خلاص ..ميجراش حاجه لما اخد تمن اللي عملته
والتمن دا هو انتي يا أميرة
فضلت احاول ادفعه وأبعده عني بس معرفتش غمضت عنيا
وفجأة سمعت صوت عمر من بعيد بيقولي
أميرة ..أميرة
فتحت عنيا لقتني لسه قاعده معاه في المطعم وهو بيقولي
مالك يا حبيبتي ..من ساعة ما جيتي من الحمام
وانتي سرحانه
بلعت ريقي وانا ببصله وبقوله
حبيبي انت كويس ؟
اه انا كويس
انتي اللي مالك
حسيت بفرحه كبيرة انا ربنا كتب لي فرصه تانيه
اني اعمل الصح وابعد عن الغلط
متقلقش انا كويسه .
طب مش هناكل
ايوه طبعا ..بس ممكن ثواني وراجعه
على فين تاني
مش هتأخر اوعدك
اتمشيت ناحية يوسف اللي كان واقف في ركن بيراقبني
جه ورايا وقفنا على جنب
ولسه بيقولي ايه لحقت اوحشك ولا ..
نزلت بالقلم على وشه وقولتله
اياك تفكر تقرب مني تاني والا هندمك ع اليوم الي عرفتني فيه
لسه مفاقش من صدمة القلم ..كنت ذقيته و انا بقوله
لو راجل فكر تقرب مني أو لجوزي وانا همحيك من الوجود
انت فاهم يلا
وسبته ورجعت لجوزي وقعدت معاه واكلنا
وانا ببص ليه وبحمد ربنا أني فوقت لنفسي
وقررت اني مش هسيبه ولا اخرب حياتي
وان اللي ف عقلي دي اوهام ووساوس شيطان
واني متجوزه راجل بجد بيحبني وبيخاف عليا
وبيعمل كل حاجه عشان يسعدني
وانا كمان لازم اعوضه عن اي لحظه تعب أو زعل
شافها مني واعيش ليه وعشانه وبس.
تمت