رواية حقيقتي البشعة الفصل الرابع عشر 14 بقلم سجين الوحدة
رواية حقيقتي البشعة الجزء الرابع عشر
رواية حقيقتي البشعة البارت الرابع عشر
رواية حقيقتي البشعة الحلقة الرابعة عشر
يوم الفرح…امير قمة الوسامة ونورا قمة الجمال…مسك ايديها ودخلو وسط تصفيق وسعادة..فرحة حقيقية بتتويج العشيرة اخيرا…الصيادين بيستنو اللحظة المناسبة….
نورا بترقص هي وامير..فجأة توتر وهمس بدأ وسط الناس
نورا”في ايه”
امير”مش عارف”
ركز امير عشان يعرف يسمع وفجأة بص لنورا
نورا”بتبصلي كده ليه سمعت ايه”
امير”سالي هنا”
نورا”سالي مين..سالي..ماما”
امير هز راسه “ايوة”
نورا جريت وسط الناس وهما بيبصو عليها لحقها امير
دخلت القصر جوه لقت واحدة واقفة ومدياها ظهرها
نورا”سالي”
لفت سالي وشها..نورا اتصدمت حست انها بتبص لنفسها فالمراية..نفس الملامح..نفس الشعر..نفس الطول..رجعت نورا خطوتين لورا وقفلت عنيها وفتحتها..سالي ابتسمت
نورا”ممكن تسيبنا شوية لوحدنا”
امير”هتبقي كويسة”
ابتسمت نورا ومسكت ايده”ماتخافش عليا”
خرج امير…نورا لسه مش عارفة تبتدي الكلام منين
سالي”اكيد مستغربة”
نورا”احنا ازاي شبه بعض كده..انا حاسة اني بشوف نفسي فالمراية”
“مش عارفة..بس الشبه ده ليه فضل اننا عرفنا نوصلك..وحشتيني اوي”
“هههههه وحشتك..وحشتك ازاي وانتي اللي رميتيني زمان”
“لالالا انا مارمتكيش..انتي اتاخدتي مني…سنين طويلة عدت وانا بدور عليكي..اوعي تقولي اني رميتك”
“وشادي…اتخليتي عنه وسبتيه لوحده ليه..مش كفاية انا”
“شادي سبته وسط اهله ..انتي اللي ماكنتش عارفاكي عايشة ولا..”
“كملي سكتي ليه…انا فعلا كنت ميتة الكل بيتريق عليا وانا مش بعرف ادافع عن نفسي..ياما اتشتمت وحسيت بالقهر..ياما عيطت لوحدي..ومت اكتر لما عرفت الحقيقة..ماتتصوريش لما تلاقي نفسك كل حياتك كانت كدبة..اهلك مش اهلك..اصحابك مصاصي دماء..”
“انا مش عارفة اقولك ايه غير اني آسفة..آسفة اوي انك عشتي كل ده وآسفة عشان هتتجوزي امير غصب عنك”
“ومين قالك غصب عني..انا بحب امير وهو بيحبني..”
“تبقي تحلمي لو افتكرتي انه حتى مهتم بيكي..هو مهتم بالعرش”
“كده كده العرش كان عنده حتى لما انا ماكنتش موجودة”
“امير مابيعرفش الحب..امير مصاص دماء”
“وانتي ايه..مش زيه وحبيتي ومافكرتيش غير فنفسك..شخص اتقتل بسببك..انا اترميت وياعالم لو ماكانوش الناس اللي لقوني دول كان حصلي ايه..سبتي شادي وهو صغير وهربتي من ابوكي عشان نفسك..مافكرتيش فيه..مفكرتيش تستحملي وتضحي عشانه..انتي ماشفتيش لما جيت لقيته ازاي..وحيد وموجوع ومنطوي مش بيعرف يتحكم فنفسه..على الاقل انا زي امير ومش هيتأذي بسببي..”
“انتي مش زيه وعندك فرصة تعيشي حياتك طبيعية”
“انتي غبتي كل ده و جاية يوم فرحي من الشخص اللي بحبه ويحبني تقوليلي كده..عاوزاني اهرب معاكي مش كده..مستحيل يحصل..انا مستحيل ابقى انتي..مش عاوزة اشوفك ولا اكلمك تاني..انا ماعنديش ام”
وفجاة دخل شادي وهو مصدوم..بيشوف نورا واقفة بفستان ابيض..وقدامها واحدة شبهها كأنها نسخة عنها لابسة اسود..عرف انها سالي..لسه هيتكلم..ابتدى صريخ والكل بينادي وبيقول الصيادييييييين
جريت نورا وقفلت الباب من برة عشان شادي وسارة مايطلعوش..افتكرت انهم مش هيأذوها عشان هي لسه بشرية..شادي وسارة وسالي عنيهم اتقلبت وبيصرخو صريخ مرعب عشان يطلعو..الكل بيحارب …
نورا بتصرخ وبتدور على امير مش لاقياه بقت بتدور وهي منهارة تلاقيه وسط الجثث اللي مرمية فكل حتة..فجأة لقت زياد فوشها
“زياد..امير فين..رد عليا امير فين”
“يااهه للدرجة دي يهمك”
“ايوة يهمني وبحبه”
زياد استفزه كلامها ومسكها من ايدها بعنف”هتمشي معايا”..جه شادي بسرعة ورماه..لسه زياد هيضرب شادي وقفت نورا فالنص
“استنى..انا هاجي معاك..بس قول لجماعتك تمشي الاول”
شادي”مستحيل على جثتي”
نورا”شادددي..انا مش هسمحلك تقتل نفسك عشاني”ابتسمت”فكر فسارة”
حضنته وقالت فودنه بهمس”ماتخافش عليا هجيب امير وهاجي ماتنساش انا مين”
غمزلته وبصت لزياد”زي ماقلتلك همشي معاك لو جماعتك مشيت”
وافق زياد وقالهم ينسحبو وفاقل من دقيقة كانت نورا اختفت مع زياد وشادي واقف مصدوم مش عارف ليه سابها تمشي
زق زياد نورا فاوضة ودخل وقفل الباب
“امير فين”
“موجود”
“موجود فييييييين”
“انتي بجد بتحبيه”
“ايوة بحبه..انت لاحقني كده ليه”
“امير مابحبكيش”
“وانت مالك اصلا بيا”
“مافيش حد هيحبك قدي”
“انت بتقول ايييييييه..انا متجوزة امير”
“ايه انتو اتجوزتوا”
“ايوة اتجوزنا..شكل امير عمل حساب للحظة دي..العشيرة اتوجت خلاص”
ضرب زياد نورا على وشها ومسكها من دراعها بقوة”انتي غبية..وهتندمي على اللي عملتيه”
زقها على الارض وطلع..نورا ابتدت تعيط بس بعد شوية مسحت دموعها ووقفت”انا لازم الاقي امير قبل مايعملو فيه حاجة..بس ازاي هما اقوى مني”
سكتت شوية وهي بتفتكر كلام امير
فلاش باك
“انتي عندك قوة كبيرة اوي..اقوى مني اقوى من اي حد..بس لازم تعرفي تطلعيها الاول..”
“واطلعها ازاي”
“ركزي على اكتر ذكرى حلوة عشتيها ركزي انك تطلعي قوتك منها عشان تحمي الناس اللي بتحبيها وتحمي نفسك”
فتحت نورا عنيها “انا لازم اطلعها دلوقتي”
————————————————————————
عند شادي بيلوم نفسه انه سمع كلامها
سارة”اهدى شوية اكيد امير علمها تطلع قوتها ازاي”
“ولو ماعرفتش هتموت هي وهو”
سالي”انت كنت هتعمل ايه لوحدك..هما كانو كتير”
شادي”لو سمحتي ماتكلمنيش..انتي السبب..لو ماجيتيش وخفت على نورا تضايق منك ماكنتش دخلت وسبت امير لوحده”
سارة”شادي..الكلام ده مش هيفيد دلوقتي..امير اكيد ماسكنيه ومشددين عليه…املنا ان نورا تنقذ الوضع..والا..”
مرت ايام بدون خبر…في يوم زياد دخل عند نورا
“هديتي شوية”
“انت عاوز ايه”
“انا عاوزك انتي ليه مش مصدقاني”
“وانا بحب امير وعمري ماهخونه افهم بقى”
اتوجه زياد ناحية نورا وبيحاول يبوسها
“ابعد عني..انا مش بحبك..انا بحب اميييييييييييييييير”
مسكها من وشها وبص فعنيها بعصبية”اخرسي خالص..لو قلتي كده تاني هقتلك”
ابتسمت نورا”مش هتقدر..لو كنت عاوز كنت قتلتني من زمان..وحتى لو هتقتلني هفضل اقول انا بحب اميييييييييير وهحبه طول عمري”
رماها زياد على الارض وطلع…قعدت نورا تبكي كتير..مش عارفة هتطلع ازاي من هنا ومش عارفة امير حصله ايه..قعدت تصرخ”امييييييييييييير امييييييييييييير لو سامعني رد عليا اميييييييييييييييير”
بعد شوية دخل آسر”انتي بتصرخي ليه..اخرسي خالص”
“مش هسكت غير لما تقولي امير فين”
“مات”
رجعة نورا خطوتين لورا”مستحيل انت بتكدب عليا”
“بقولك مات وانا اللي قلتله بايدي وانتي قريب هتحصليه”
هجمت نورا على آسر وفضلت تضرب فيه”ياحيوان ياواطي..امير فين..عملت فامير ايه”
ضربها آسر وزقها..راسها جات على خشب السرير..وقعت ماتحركتش..طلع آسر وقفل الاوضة وماقلش حاجة لزياد خالص..بعد نص ساعة زياد دخل يطمن على نورا لقاها واقعة على الارض وحواليها دم..جري بسرعة وشالها..
“نورا..نورا اصحي الدم ده جاي منين..آآآآآآآآآآآآآآسر”
دخل آسر ببرود”نعم”
“انت اللي عملت كده”
آسر”………..”
“انا بسألك انت اللي عملت كده”
“ايوة انا..هي اللي هجمت عليا وقعدت تضرب فيا”
“اجري جيبلي شاش ومطهر…انت لسه واقف يلاااااااااااااا”
راح آسر يجيب اللي قاله عليه..زياد حطها على السرير وبيشوف الدم جاي منين
دخل آسر وفايده شاش اخده منه زياد بعنف”اطلع برة”
آسر لسه واقف
“بقولك اطلع برررررة..حسابك بعدين”
طهر زياد الجرح ولف راسها بالشاش قعد جنبها اكتر من 4 ساعات..بعدها ابتدت نورا تصحى وهي مرعوبة وبتصرخ
زياد”شششششششش انتي كويسة”
“ابعد عني”
بعد زياد” خلاص بس اهدي”
نورا بتعيط”قتلتوه ليه..عملكم ايه”
زياد مش بيرد..نورا وقفت وبعصبية وبتضرب فيه”انا هقتلكم كلكم بايدي..هنتقم عاللي عملتوه فيا وف امير..اطلع بررررررة”
طلع زياد وهو زعلان عليها..ماصدقش اللي قالته عشان عارف انها ماتقدرش تأذي حد…
عند شادي هيموت من القلق ومش عارف يتصرف ازاي ولا يوصلهم..سالي فضلت معاهم لغاية ماتعرف اللي حصل…الجماعة كلها بدور عليهم واعلنت الحرب على الصيادين..سارة بتهدي شادي بتقوله لو عملو فيهم حاجة كانو قالولهم..بتقوله كده عشان تطمنه وهي بنفسها مش مقتنعة بكلامها…
مر اسبوع تاني…دخل زياد على نورا بالاكل
“قومي كلي”
“عملتو فجثة امير ايه”
“انسي امير”
صرخت “بقولك عملتو فيها ايه”
“حرقناها..ارتحتي”
راحت عليه نورا ورمت الصينية اللي فايده بعنف ومسكت ايده بقوة لدرجة زياد ماقدرش يسحبها
غمضت عنيها وفكرت ف امير..واحلى ذكرياتهم..ايامهم سوا مع سارة وشادي ويوم ماتقدم لها وقالها انه بيحبها..ويوم فرحهم اللي اتحول لكابوس بسبب زياد وفكرت قد ايه هي بتحبه..والسبب فموته قدمها ابتدى غضبها يسطير عليها…بعد شوية ابتدى وشها يتحول..زياد مصدوم من اللي بيحصل ومش عارف يفلت ايده منها..نورا ابتدا يظهر على وشها عروق سودا وابتدت انياب كبيرة تطلع من بؤها..فتحت عنيها زياد برق عنيه من المفاجأة كانت عنين نورا بنية وحواليها احمر زي الدم
زياد ابتدى يرجع لورا”ازاي..ازاي عملتي كده”
نورا مسكته من رقبته وسحبته وراها..لقت قدامها آسر وابوه
مسكوا السلاح بسرعة
آسر” انتي بقيتي منهم..”
نورا”اي حركة هكسر رقبته..فين امير..لو بجد مات..انا هقتلكم كلككككككم ”
آسر”مستحيل تمشي من هنا حية”
آسر ضربها بالسلاح اللي فايده بس كانت اسرع من اي مصاص دماء عادي فرمشة عين رمت زياد على الارض و بقت ورى آسر
والد آسر”آسر خلي باااااااااااالك”
لف آسر وشه بسرعة..لقى نورا وراه
نورا”اجابة غلط…”
مسكت نورا آسر بقوة وغرزت انيابها فرقبته
والد آسر”لااااااااااااااااااااااااااا آسسسسسسر”
غضبها عماها كل اللي بتفكر فيه ان آسر قتل امير وقتل فرحتها..وافتكرت لما ضربها…ورمته نورا على الارض ميت مش بيتحرك..بؤها نازل منه الدم وبقى مصاصة دماء تماما..مرعبة جدا..وبصت لوالد آسر”اظن انك عارف اني مش زي اي مصاص دماء عادي..هقولها لآخر مرة..امير فييييييين”
صوتها مرعب جدا..زياد خاف منها..والد آسر خاف تقتلهم هما كمان
سمعت نورا صوت امير جريت وسابتهم..لقته مربوط فاوضة ومش عارفة عملولوه ايه لانه جسمه كان كله دم وجروح ومش بيشفو..ابتدت تفكه
“امير..امير انت عايش..امير رد عليا انت سامعني..عملو فيك ايه”
مسكت وشه وابتدت تخبط فيه بالراحة..امير فتح عنيه بصعوبة
“نورا..”
نورا دموعها نازلة”انت سامعني..بس ماتتكلمش انا هطلعك من هنا”
حست انه في حد واقف وراها لفت بسرعة لقت والد آسر جايب سيف وهيضربها..ضربها مسكت السيف بسرعة بايدها..جرحها شوية بس شفيت بسرعة لانها خلاص مابقتش بشرية عادية..مسكت السيف بسرعة وقطعت راسه فلمح البصر…بصت لزياد..
“لو عاوز تلحق بصاحبك وابوه..فكر انك تقرب مني او من امير تاني”
فثواني كانت نورا سندت امير واختفت..سابت زياد وسط جثة والد آسر وآسر مصدوم مش مصدق ان نورا هي اللي قتلتهم…
شادي رايح جاي زي عادته فوسط القصر مستني اي خبر عنهم…عدى اسبوعين من يوم الفرح كل العشيرة بتدور عليهم وحروب قايمة مابينهم عشان يرجعو الملك والملكة بتاعهم…اتفاجئ شادي بنورا داخلة وساندة امير..جري عليهم وهو بينادي
“سااااااااااارة… ”
طلعه شادي بسرعة لاوضته ونيمه على سريره
نورا”شادي مش عارفة ماله جروحه مش بتشفى الله يخليك شوف بسرعة”
“حاضر حاضر اهدي”
شال شادي قميص امير اللي كله مقطوع مليان دم واتفاجئ واتسمر مكانه
“فيه ايه ياشادي”
“اطلعي برة يانورا”
“اطلع برة ليه امير ماله”
“ضاربينه برصاصات خشبية واوتاد خشبية عشان يمنعو شفائه”
“ياحبيبي ياامير”وابتدت تعيط
حضنها شادي”انتي كويسة الاول وشك وفستانك غرقانين دم الدم..الدم ده جه منين..انتي متصابة”
مسحته”لا لا ماتخافش عليا انا كويسة”
“انتوا عرفتوا تهربوا منهم ازاي”
“مش وقته..انا هطلع برة عشان مش هقدر استحمل اشوف اللي هتعمله”
“ماشي..سالي لسه موجودة مارضتش تروح قبل ماتطمن عليكي وكانت حالفة لو مارجعتي هتقتلهم كلهم”ابتسم شادي بسخرية وهو بيقطع قميص امير..
ابتسمت نورا وطلعت قفلت الباب وراها لقت سارة فوشها..حضنتها بقوة
سارة”انتي كويسة..ايه الدم ده كله”
نورا”انا كويسة”
بعدت عنها وشافت سالي وراها..حست انها مفتقدة احساس الام اوي..جريت عليها وحضنتها
“انا آسفة عالكلام اللي قلتهولك يوم الفرح”
“انا مش زعلانة منك كفاية انك رجعتيلي”
سارة مبسوطة من المشهد”يلا غيري هدومك اللي مليانة دم دي..الفستان بقى احمر مش ابيض”
قعدت نورا قدام الباب بعد ماغيرت الفستان بتعيط على كل صرخة من امير لما شادي بيشيل الخشب من جسمه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حقيقتي البشعة)
تعليق واحد