رواية حريم القصر الفصل الثالث 3 بقلم حنين الماضي
رواية حريم القصر الجزء الثالث
رواية حريم القصر البارت الثالث
رواية حريم القصر الحلقة الثالثة
داليا : مالك يا اسراء بتعيطى كدة لية
اسراء : انا متجوزة واحد ضعيف قدام أمة ومش قادر يدافع عنى وخايف منها حتى لو متأكد انها غلط بردوا يجى عليا المهم ميقفش قدامها
داليا : طيب أهدى انتى عارفة موقف حازم من أمة من زمان ومش هيقدر يقف قدامها مش عشان خايف منها بس هو خايف يحصلها حاجة ويفضل ندمان طول عمرة انة زعلها وتموت زى ما حصل مع باباة وانتى نفسك يا اسراء عانيتى من الندم دة
اسراء : بس هو عارف أمة ظالمة ازاى ومش حبانى من يوم ما اتجوزتة ونفسها كانت تجوزة بنت اختها ولولا أنهم راضعين على بعض كانت جوزتهالة وانتى عارفة
داليا : يا حبيبتى لو قعدتى طول حياتك تفكرى فى نفس الموضوع بالشكل دة انتى اللى هتتعبى اكتر واحدة لأن الموضوع خلاص عدا علية سنين والبنت اتجوزت وخلاص
اسراء : ماهى امة كل شوية تلقح بالكلام وتقول نورا كانت ست البنات عندنا ومدلعة وجوزها عارف انها نن عنينا وبنت ناس ومش واخدة على البهدلة ،بقولها كل واحدة فى بيت اهلها كانت مدلعة ،قوليلى فين الغلط اللى أنا قولتة!! عشان تجرى بسرعة تتصل بحازم تقولة مراتك بترد عليا كلمة بكلمة وإذا كانت بتنزل تعملى حاجة لا الله الغنى عن اى حاجة منك ومنها وانا عندى اللى يخدمونى ولا الحوجة ليك ولا لمراتك ، لكن قلبى هيغضب عليك لو محطتش حد لأسلوبها معايا وهتكون لا ابنى ولا اعرفك والبطن اللى شالتك دى هتندم وانت بكرة تتمنى وجودى لو حصلى حاجة
داليا : طيب هو انتى عاوزة بعد ماهى تقولة كل دة ،يعمل أية ؟! ماهو طبيعى يا اسراء يضايق ويتنرفز انتى بقى فهمية براحة وقوليلة انا بتكلم عادى عشان متقولش انى ساكتة وكلمتين وخلاص
اسراء : لا البيه قالى انا تعبت منك ومن شكوت أمى فيكى وانتى مش مراعية انها ست كبيرة وبتتعمدى تستفزيها ولو حصلها حاجة هتبقى انتى السبب قدامى
داليا : طيب أهدى كدة وانا هخلص شغل واعدى عليكى بس لازم اقفل دلوقتى عشان معايا ناس ومش هينفع اتكلم كدة واسيبهم
اسراء : طيب قوليلى بسرعة اسيبلهم البيت وامشى
داليا : لالا خليكى بس متتكلميش مع حد خالص
اسراء : ماشى سلام
______________
فؤاد : غصب عنى سمعت كلامك معاها
داليا : هى معذورة بس مش هينفع اقولها اخربى بيتك
فؤاد : واضح أن جوزها شديد
داليا : بالعكس حازم طيب جدا بس حصلة موقف من ٣ سنين وكان ابوة عازم ناس قرايبهم وحازم فى واحد اتخانق معاة بسبب الكورة وحاول ابو حازم يخليهم يتصالحوا وقالهم أن الكورة مش هتخلينا نخسر بعض لكن حازم افتكر أن ابوة متحامل علية ومعجبهوش الكلام وبعد الناس ما مشيت حازم زعق مع ابوة انة صغرة قدامهم ومراعهوش والخناقة كبرت بينهم وابوة للأسف الضغط على علية ونقلوة المستشفى بس على الصبح كان توفى وأمة ساعتها قعدت تقولة كدة يا حازم تخلى ابوك يموت زعلان منك وطبعا حازم دخل فى حالة نفسية وحشة جدا وطولت معاة ومن يومها حازم بقى واحد تانى خالص ومهما أمة عملت بيجى على اسراء وهو فهمها اكتر من مرة لكن أمة معرفش لية بتعمل مواقف تضايق اسراء وانا بقيت خايفة عليها لأنها بقت عصبية بزيادة ولما بتخرج عن شعورها مبتكونش حاسة هى بتقول أية وبتقعد تزعق والمشكلة بعد ما كانت كلمتين بتكون كبرت بين اسراء وحازم
فؤاد : أية دة كلة معقولة موقف حازم للدرجة دى
داليا : ما انا بقولك عندة عقدة من ساعة وفاة ابوة
فؤاد : بس هو معاة حق يخاف لان احساس الندم من النوع دة مؤلم جدا وخصوصا لما تفضل جواة حتت أن هو السبب فى موت ابوة والشعور بالذنب
داليا : عشان كدة دايما اقولها قدرى موقفة لان دة غصب عنة وعدى لأمة اى كلمة وريحى دماغك لان حازم بيحب اسراء فعلا بس الظروف غصب عنة
فؤاد : ضاع الغدا هههه بس قوليلى هتفكرى فى نفسك امتى وانتى شاغلة نفسك بحياة اسراء وحازم
داليا : اتعودت عادى ههههه
فؤاد : طيب قوليلى لو انتى فى موقف اسراء كنتى عملتى أية ؟
داليا : كنت هريح حماتى لأنها بتحب حازم جدا وهو ابنها واكيد لما تشوفة مع مراتة وعلى طول معاها هتضايق وهتحس أنة خرج من تحت طوعها وبتعمل المواقف دى عشان تحسس نفسها أن ابنها لسة باقى عليها مبعهاش ولا متنازل عنها ولا بيتمنى الموت ليها عشان يستريح ولازم اراعى دة
فؤاد : طيب لية بقى اسراء مبتراعيش دة !!!
داليا : لان حماتها عارفة الحتة اللى بتضايق اسراء وتتعمد تتكة عليها وهى جواز حازم من بنت خالتة نورا وطبيعى داليا تضايق
فؤاد : مش عارف اقولك ايه بس انا شايف ان كلهم مظلومين واكتر واحد مظلوم بينهم هو حازم وخصوصا بعد ما عرفت وفاة ابوة
داليا : محدش عارف بكرة فى أية
فؤاد : يالا عشان مستر أحمد يتبسط العملاء بدأوا يهلوا تانى اهو ههههه
داليا : هو المفروض يكون حفظ أن يوم التلات بيكون كدة عشان نص الاسبوع وبعدين احنا بنك خاص مش حكومة يعنى تفرق فى المعاملات كتير
__________
ليلى : دكتور ماهر اهلا بيك
ماهر : اهلا بيكى يا بشمهندسة اتفضلى
ليلى : دى مى صاحبتى وحبت تيجى معايا وبحب ارائها
ماهر : اهلا بيكى أستاذة مى واى حد من طرف بشمهندسة ليلى
ليلى : شكرا يا دكتور ،تحب نبتدى
ماهر : اة طبعا اتفضلى
مى : ماشاءالله مساحة الشركة كبيرة وفهمت من ليلى أن حضرتك عاوز تعملها على نظام اميركن وتراعى مكان لبريك الموظفين
ماهر : لو قدرت اوفر مكان مريح للموظفين يبقى اكيد هاخد منهم شغل اكتر وانا كدة اللى كسبان
مى : عندك حق ،ياريت هنا يهتموا بالجزء دة لان أغلبهم كل اللى يهمهم الشغل وتحت اى ضغوط غير كدة بقى يبقى كل موظف يشيل نفسة ومش مهم هو جعان ولا تعبان ولا فى اية! اهم حاجة الشغل ولو يطولوا يلغوا إجازة الجمعة كمان كانوا يلغوها هههه
ماهر : هههه شكلك على اخرك من شغلك
مى : الموظفين كلهم على اخرهم ههههه
ليلى : هههه ضغوط الحياة بتخلينا كمان ننسى نفسنا واليوم يعدى ورا يوم لحد ما السنة تعدى وتتفاجئ بيوم عيد ميلادك وانك كبرت سنة كاملة وتقعد تفكر ياترى السنة اللى عدت من عمرى دى أنا انجزت فيها اية أو عملت اية لنفسى أو كسبت منها ههه عارف هتلاقى إجابة واحدة بس مكررة كل سنة أو بمعنى أصح كل ما بتكبر
ماهر : اية هى الإجابة دى ؟
ليلى : أن دايرة المحيطين حواليك عمالة تقل كل سنة عن اللى قبلها وكل ما تقرب من ناس وتفتكر انهم اقرب حد تكتشف السنة اللى بعدها أنهم غرب عنك وترجع تقول أنا اية خلانى اعرفهم من الاول مدام هيبعدوا ويطلعوا اندال
ماهر : ياااة للدرجادى خسرتى ناس كتير فى حياتك
ليلى : للأسف اة
مى : ولية منقولش أن اللى قصادنا هو اللى خسرنا ولية دايما شايفين أننا بنخسر على الرغم أن ممكن يكون ربنا بيحبنا وبيبعد الناس دى عننا لأى سبب عشان وجودهم فى حياتنا غلط من الأساس
ماهر : أنا مع أستاذة مى وكمان فى حاجة ،مين قالكوا أن مافيش حد مبيخسرش ناس دخلوا حياتة بالعكس كلنا بنخسر ناس لكن بنخسر بتوع مصالحهم أو اللى واخدينا طريق ليهم لحد ما يوصلوا لهدف معين لكن المفروض اننا منقفش عند النقطة دى ونكمل ونستفيد منهم ونشكرهم أنهم نورونا وعرفونا على نوع جديد من البشر الاستغلالين وعشان كدة أنا اهو واحد من الناس اللى خسرت كتير فى حياتهم بس كان عندى حماس اقوم اقف من تانى واعافر لحد ما اكمل واوصل واثبتلهم زى أستاذة مى ما قالت إنهم هما اللى خسروا مش أنا وتعدى الأيام اهو وكل واحد منهم يجى يتمنى شغل عندى والصحة مالية وشوشهم وكأن محصلش حاجة قبل كدة
ليلى : واضح أن كلنا عندنا احزان مأثرة فينا ومش عارفين ننساها
ماهر : لا هو واضح أن حزنكوا أو خسارتكوا لسة طازة ههههه
مى : فعلا
ليلى : بس هعمل زى ما انت قولت وهكمل لحد ما أثبت نفسى فى مجالى
ماهر : انتى مهندسة ديكور شاطرة جدا لية متاخديش الشغل لوحدك لية مستنية توجيه من فارس مثلا وبعتذر لو كلامى هيضايقك
ليلى : لا انت بتتكلم صح ويمكن كلامك حمسنى اكتر للشغل وعشان كدة أنا هستلم شركة حضرتك وانا اللى هكون متكفلة بالعمل عليها وهسلمها لحضرتك فى اقرب وقت
ماهر : هو دة الكلام بس ممكن اعرف سبب خلافك مع فارس لان أنا لما كلمتة حسيت أنة مخنوق منى بس محبش يوضح
ليلى : هو حر هو لازم يكون ملتزم بمواعيدة والا هيخسر ودة اللى حصل
ماهر : هعتبر نفسى فهمت اتفضلوا الشركة قدامكوا
مى : ممكن سؤال يا دكتور ؟
ماهر : اتفضلى طبعا بدون استئذان
مى : هو حضرتك اللى عرفتة دكتور فى جامعة خاصة ،يعنى معلش فى كلامى اكيد العائد المادى كويس جدا ،اية بقى يجبرك تعمل شركة ؟
ماهر : هههه مش بقولك مينفعش اقع ومقومش
مى : مش فاهمة
ماهر : يعنى اى دكتور فى جامعة خاصة سهل يجى وقت وبأى طريقة ويمشى ولما الواحد يبتدى يحس بالخطر دة لازم يأمن نفسة والشركة دى هى الامان لأنها هتكون أكبر شركة دعاية وإعلان والطلبة عندى هيتمنوا يجوا تدريب هنا وشغل كتييير جدا هيتفتح وخصوصا انى قدرت اعمل اسم معروف واسمى لوحدة مكسب لأنهم بيثقوا فيا والحمدلله
ليلى : على العموم نتمنى التوفيق ونجاح الشركة ان شاء الله
مى : ان شاء الله بالتوفيق واتمنى تعزمنا يوم الافتتاح ان شاء الله
ماهر : طبعا ان شاء الله وانا اللى مش هقبل أعذار ساعتها ههه
ليلى : عن اذنك هشوف شغلى
ماهر : اتفضلى
__________
فارس : مالك يا أمى حاطة ايدك على خدك لية
الام : ولا حاجة بس كنت عاوزة اروح اشوف خالك ، عشان بيقولوا تعبان
فارس : تعبان مالة
الام: مرات خالك بتقول بذل مجهود فالشغل جامد والنهاردة حس أنة تعبان ومش قادر يتحرك
فارس : لا الف سلامة علية ،طيب قومى اجهزى أنا كدة كدة مش نازل النهاردة
الام : ربنا يخليك انت واخوك ويبعد عنكم اى مرض ، هقوم البس بسرعة
فارس : ماشى وانا هنزل اظبط العربية على ما تخلصى واطلع البس على طول بس بلغى بابا بقى عشان لو اتأخرنا
الام : هو اللى قالى لو عاوزة تروحى مافيش مشكلة
فارس : ماشى
____________
فارس : السلام عليكم الف سلامة عليك يا خالى مالك حاسس بأية؟
الخال : والله يا فارس ماعارف بس مش قادر أسند طولى
فارس : طيب مافيش دكتور جة شافك
مريم : اكيد طبعا جبنا دكتور اومال هنسيبة كدة
فارس : طيب يا خالى انت مش محتاج حاجة
مريم : لا متشكرين
ام فارس : يا بنتى هو فارس غرضة يطمن ويشوف لو عاوزين حاجة
مريم : عارفة يا عمتو بس احنا الحمدلله مش محتاجين حاجة
مرات الخال : يالا بقى أنا عارفة انك بتعز ام فارس يالا شد حيلك كدة قبل ما يمشوا وساعد نفسك وتاكل عشان الدكتور قال لازم غذا
فارس : هاتى وانا اأكلة واكيد مش هيكسف ايدى
مريم : براحة بس وانت بتأكلة لان هو مينفعش يأكل بسرعة لازم ياخد وقتة فالأكل
فارس : بسم الله يالا تشرب الشوربة الاول ريحتها جميلة جدا ومرات خالى متوصية بيك ابسط يا عم هههه
ام فارس : ههههه ربنا يباركلك يا ابنى ضحكتنا
الخال : هههه هو أنا ليا بركة غير مرات خالك دة هى اللى مستحملانى
مريم : يعنى أنا يا بابا مش مستحملاك
الخال : يا بنتى انتى مش مستحملة نفسك هتستحملينى ازاى
مريم : كدة يا بابا بعد قعدتى جنبك كل دة طيب يا بابا شكرا وانا خارجة هقعد فى اوضتى
ام فارس : تعالى يا مريم دة بيهزر معاكى
فارس : تعالى يا أمى كملى كدة أكل خالى لما اشوف بيحب يأكل من ايد مين اكتر ههههه وانا هشوف مريم عشان متقولش أننا جينا عملنا مشكلة
مرات الخال : معلش يا فارس استحملها انت عارف مريم بس الامتحانات عاملة ضغط عليها وربنا يسهل وتخلص بقى السنة دى وتشتغل
فارس : لا يا مرات خالى متقلقيش أنا مش زعلان
ام فارس: فارس دماغة كبيرة متقلقيش هو هيعرف يفهمها
_______________
فارس : احمم ينفع تيجى برة نتكلم شوية
مريم : لا
فارس : طيب على الأقل اعملى حساب انى فى بيتك وواقف قدام اوضتك وانا اللى جيتلك
مريم : محدش طلب منك كدة
فارس : اهو بقى واحد رخم تعملى اية ههه
مريم : انت اهو اللى بتقول على نفسك مش أنا
فارس : ماشى أنا اللى بقول على نفسى ممكن تبقى احسن منى وتيجى نتكلم عشان مينفعش ادخل اوضتك
مريم : بس انا بذاكر ومش فاضية
فارس : خلاص بقى مضطر ادخل عشان دماغك العنيدة دى
مريم : ها عاوز تقول اية اتفضل
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حريم القصر)
تعليق واحد