رواية حانة راشيل وكوهين الفصل الأول 1 بقلم اسماعيل موسى

رواية حانة راشيل وكوهين الجزء الأول

رواية حانة راشيل وكوهين البارت الأول

رواية حانة راشيل وكوهين الحلقة الأولى

انا كل ما ادخل الحمام جسمي يقشعر واحس ان فيه حد بيبص عليه من المرايا
مش بشوف حاجه، جسمي بيقشعر لما اقلع هدومى، ساعتها بخاف والبس هدومى بسرعه وأخرج من الحمام، مش عارفه كل ده يحصلي بعد ما اتخطبت ليه؟
خايفه خطيبي يعرف او اشكي لحد يتهمني بالجنون، أنا سبعه وعشرين سنه يا دكتور، سبعه وعشرين سنه؟
كل العرسان الي أتقدمولي كانو بيهربو بعد اول مقابله مع اني جميله ومؤدبه، أنا خلاص هجنن، ارجوك شفلي حل !
كنت بقلب صفحات دفتر الدكتور علي صديقي حتى يفرغ من أحدا جلساته النفسيه الطويله وانا فى مكتبه ، كان بالصفحه صورة البنت ومعلومات عنها ، غرقت وسط كلامها، كنت أسير عيونها حتى حضر على.
على ___انت قرأت الدفتر يا مدحت ؟
مدحت ___مين دي يا علي؟
دكتور على __مريضه بتتعالج عندي،
مجنونه سألته؟
جلس على جواري، ليس كل شخص يعاني من اعراض يبقا مجنون يا مدحت؟
سألته عندها فوبيا؟
لست مقررتش يا مدحت، ظاهريا البنت مش بتعاني من اي حاجه.
لكن فيه مرض بينتج عن اضطراب عقلى بيخلى المخ يختلق ويخلق حجات مش موجوده اسمه استنكوبيتا
قلتله على؟؟ على فكره البنت دي بتحضر ماجستير في نفس الجامعه بتاعتي!؟
امسك على الدفتر وحدق به بتركيز، غريبه ملاحظتش ده لما قرأت تفاصيل الجلسه بالأمس؟ ازاى مخدتش بالى؟
وحدق على بالدفتر مره أخرى يتحقق ان كان هناك من كتب بخط يده وغير كلماته.
احتاج على لدقيقه كان خلالها شديد التركيز، أنا مكتبتش الكلام ده!؟
قلت، لكن دا خطك يا على؟ وسحبت الدفتر من بين يديه ؟
قلتله __ايه رايك اراقبها؟
حملق بي على بأبتسامه خطيره، انت هتشتغل مخبر سري يا مدحت؟
قلت، على؟ وصوبت عيني عليه، متنساش اني انا بدرس في كلية الطب كمان؟
على كان متلخبط جدا، أنا مكتبتش الكلام ده يا مدحت ! مش عارف ووضع الدفتر أمام عينيه مره أخرى !
حاولت اهديه قلت، دي حاجه بسيطه يا على متشغلش بالك، يمكن نسيت تقرأها؟
قال على بصدمه ___ونسيت اسمهها كمان؟
مكنش فيه كلام عن جامعه او دراسه ولا جامعه يا مدحت ؟
ابتسمت، بسيطه يا علي اسألها؟
ليس من عادت على أن يهاتف مرضاه، بتردد تناول هاتفه وسجل رقم الهاتف المدون بالدفتر وكلم المريضه
على ____الووو وووووو،
صوت المريضه من الناحيه التانيه، دكتور علي؟
على ___عرفتي ازاي؟
المريضه __أنا كنت منتظره مكالمتك يا دكتور!
على بهياج ___ايه خلاكي تتوقعي اني هكلمك النهرده؟ دلوقتي حالا؟
المريضه، هو!
على __هو مين؟
المريضه __مش عارفه يا دكتور، فيه حد قالي انك هتكلمني النهرده، صحيت من النوم وانتظرت مكالمتك، على فكره سلملي على صحبك الي جنبك!!
على بصدمه __صحبي مين ؟
انتي عرفتي كل ده ازاي؟ مشي على خطوات تجاه الشرفه ونظر من خلالها للشارع وبحث بعينيه عن أي شخص يقف قريب من العماره !! ثم صرخ انتي فين؟
المريضه __أنا في شقتي يا دكتور!
على ___لا انتي مش في شقتك، انتي هنا في الشارع بتراقبيني؟
المريضه __والله في الشقه، حتي اسمع، يا ماما، يا ماما وفتحت الاسبيكر !!
على بمكر __انتي بعتي حد يراقبني صح؟
المريضه __عيب يا دكتور، عيب!
على ____امال عرفتي اني هكلمك ازاي؟
المريضه ___هو قالي كده !
على ___مين ده الي قالك؟
المريضه __صوت جاني في النوم وقالي انك هتكلمني !!
على بسخريه ___وقالك كمان عن صحبي الي قاعد معايا؟ وفطرت ايه؟ وشربت ايه؟
المريضه بنبره بريئه ___لا قالي ان صديقتك مروه هتكلمك النهرده وهتطلب تقابلك بعد مواعيد العياده، بيقلك، البنت فرسه يا علي، بس بلاش تعمل كده !؟
سكت على لدقيقه وبدأ على وجهه الرعب والخوف، حملق بي يترجى مساعدتي،ثم صرخ متجيش العياده هنا تاني لو سمحتي ورزع الهاتف على الأريكه!!
القصه بقلم اسماعيل موسى
سألته _فيه ايه يا علي؟
على بغيظ ___فيه حد دس البنت دي عليا، دكتور منافس، حاقد، غيور مش عارف !؟
قلت ___لكن البنت باين عليها محترمه يا علي؟
على بسخريه وهو بيولع سيجاره __محترمه ايه يا مدحت؟
دي بتراقبني، تصدق كانت منتظره مكالمتي وعارفه انك هنا قاعد معايا؟ انت قلت لأى شخص انك هتزورني النهرده؟
قلت، لا انا مكنتش ناوي ازورك النهرده يا علي، أنا عديت العماره وبعد كده رجعت، كنت في مشوار قريب ومكنتش مقرر اقابلك !
على بتركيز __امتي قررت يا مدحت؟
قلت، بعد ما عديت العماره بسبعه وعشرين متر غيرت رأي ورجعت ابص عليك.
على بنفس التركيز __سبعه وعشرين متر؟ انت عرفت المسافه ازاي!؟ قستها؟
قلت _لا، مقستهاش يا علي !
على باصرار __امال عرفت ازاي انها سبعه وعشرين متر يا مدحت؟
قلتلك مش عارف يا علي، مش عارف!!
على ____طيب قلت سبعه وعشرين متر ليه؟
كان دفتر الدكتور على مفتوح على صفحة البنت ، تظهر صورتها الغريبه والجميله، اسمها امل احمد محمد، السن سبعه وعشرين عام
زعقت بعصبيه فيه ايه يا علي؟ انت هتحقق معايا
على قال، لا يا مدحت، بس البنت برجلتني، تصدق تعرف مروه ؟
بنت الم*ره بتقول البنت فرسه، بس بلاش يا علي؟
بلاش ايه مش عارف
حطيت ايدى على بقى، ، لا أحد يعرف علاقة على بمروه غيري، لا أحد على الإطلاق !