رواية جحيم الرجال الفصل الثاني 2 بقلم جمانة وائل
رواية جحيم الرجال الجزء الثاني
رواية جحيم الرجال البارت الثاني
رواية جحيم الرجال الحلقة الثانية
صحيت تاني يوم على صوتهم، جابوا الميك اب ارتيست وحطولي الميك أب كنت قاعده مصدومة وببص في عين الدكتور بترجي.
جاسر: قمر يا حبيبتي يلا عشان نكتب الكتاب
مسك أيدي وبصيت آخر نظرة على الدكتور
كتبنا الكتاب تحت تهديدهم ليَّا إني مقولش حاجه للمأذون، وروحت البيت معاه.
جاسر: ادخلي برجلك اليمين
دخلت البيت وبصتله وبعدين رفعت الفستان وجريت على الأوضة وقفلت الباب عليا.
جاسر: إيه لعب العيال ده يا سيلين هنام فين أنا؟ في أوضة الأطفال؟
سيلين: نام في أي حته وابعد عني
جاسر: مكنتش هأذيكِ على فكره ولو عايز ادخل هكسر الباب بس هسيبك
سمعت سيليلن خطوات رجليه وهي بتبعد
جاسر بصوت عالي: مش هتاكلي؟
قالت سيلين بتردد خفيف: لأ شبعانه
جاسر: استني للصبح بقى
سيلين وهي بتشوف تلبس إيه: هو إيه اللبس ده كله؟ اومال لو كنت متجوزاك عن حب كان إيه حصل؟
جاسر أكل ونام وسيلين غيرت وحاولت تنام
وتاني يوم صحيوا على الباب
جاسر وقف على باب أوضة سيلين وقال: افتحي بقى الباب بيخبط.
خرجت سيلين وفتحت الباب
ثُرية: مبروك يا حبيبتي
بصتلها بجمود وبعدت عنها ودخلت المطبخ
إسراء دخلت المطبخ وبصت عليها وقالت: اوعي تكوني فاكره إني نسيت اللي حصل هناك في المستشفى انا جايه ادفعك تمن الكلمة اللي قولتيها مش عارفه حبك ولا اعجب بيكِ على إيه اكيد جاي يربيكِ مش اكتر
سيلين: لو مكنتش متربيه كنت عرفت أرد عليكِ إنما للاسف مش هعرف أرد عشان مضيعش وقتي وعشان متربيه
خرجت سيلين وقعدت معاهم وشوية مشيوا
مسك جاسر أيدها وقال: متدخليش الأوضة اقعدي معايا شوية
سيلين: معلش يا جاسر بس يعني تعبانه وعايزه أنام شوية
جاسر: سيلين هو في مشاكل بينك وبينك مامتي؟
سيلين: لأ عادي كان سوء تفاهم
جاسر جاله موبايل وكانت مامته وقف اتكلم من بعيد وبعدين هجم على سيلين ومناخيرها جابت دم
سيلين: أنت مجنون؟
ضربها تاني وقال: انا هعلمك إزاي المفروض تتكلمي مع ماما بطريقة كويسه
سابها ودخل اوضته وطلع سجاره ونزل الشارع
كانت سيلين بتحاول تقوم بس معرفتش خالص وشها كله اتملى دم وبعد ساعتين رجع جاسر من بره دخل اوضته وهي دخلت تنام
حددوا معاد لشهر العسل وراحوا الغردقه
جاسر: اخدتي الدوا؟
سيلين: ملكش دعوة
جاسر: أنا زهقت منك
سيلين ابتسمت وقالت: خلاص طلقني
جاسر: لأ هربيكِ الأول واسيبك
سيلين عيطت وقالت: أنت مريض
جاسر: بحب اشوف دموعك
خرج جاسر وفضلت سيلين تعيط لحد ما رجع وناموا
مرت أيام ورجعوا تاني بيتهم
جاسر: سيلين
سيلين بخوف: نعم يا جاسر
مسك جاسر ايدها وقال: فصصيلي السمك
سيلين: افندم؟
جاسر: فصصي السمك
قطعت سيلين السمك وبعدين كانت هتتحرك بس هو مسك ايدها تاني وقال: اقعدي كلي
سيلين: شبعانه
جاسر: كلي يا سيلين أنتِ كده مش بتاكلي خالص
سيلين: كويس يا جاسر عشان أموت وارتاح
بصلها جاسر وقال: متجبيش سيره الموت تاني يا سيلين بدل ما تندمي
بصتله سيلين وسكتت
جاسر: اقعدي كلي عشان متعصبش عليكِ
قعدت سيلين وعينها اتملت دموع وبدأت تاكل
جاسر غسل ايده ووقف ورا سيلين لم شعرها ومسح دموعها وقال: أنتِ بتعيطي ليه؟
سيلين سكتت
جاسر: كلي كويس عشان تعرفي تحملي
سيلين: نعم؟ إحنا هنجيب عيال بالمنظر ده؟
جاسر: اومال فاكره إيه؟
سيلين: لأ لأ لأ مش هجيب عيال ويتعقدوا زيي لما يشوفوا امهم بتتضرب أو يبقى عندهم جده زي مامتك أنا لسه مش جاهزه إني اربي
جاسر حضنها وقال: مش هضربك تاني خلاص وعد
سيلين استغربت رد فعله
جاسر: وعد يا سيلين
سيلين: ومامتك خليها تبعد عني
جاسر: حاضر
سيلين: تصبح على خير
جاسر: هتنامي بدري كده؟
سيلين: اه
دخلت سيلين اخدت منوم وبعد ٥ دقايق نامت
صحيت تاني يوم على صوت جاسر
سيلين: إيه يا جاسر نعم
جاسر: اتفضلي اعملي الفطار أنا مش متجوز عشان تنامي
سيلين: حاضر
راحت سيلين المطبخ عملت الأكل ودخلت اوضتها وبعدين نده عليها وحدف الأكل عليها وقال: ابقي اظبطي الملح ونضفي
بصت سيلين على هدومها والأرض وعينها كلها دموع وبدأت تنضف.
رجع جاسر لقى الأكل محطوط ومعاه مامته
جاسر: أمي هتعيش معانا بعد كده
سيلين هزت راسها ومشيت
– مالها دي اتكتمت ولا إيه ما تشوفها كده واعدلها
جاسر: سيبيها بقى وكلي
– مفيش بيبي ولا ايه أنا عايزه أحفاد
جاسر: ادعيلنا بقى
– خير
كانوا بيتكلموا وسمعوا صوت حاجه وقعت على الأرض، دخل جاسر بسرعة وكانت سيلين فاقده الوعي تمامًا.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية جحيم الرجال)
تعليق واحد