رواية تكره سلفها الفصل الأول 1 بقلم إسراء ابراهيم عبدالله
رواية تكره سلفها الجزء الأول
رواية تكره سلفها البارت الأول
رواية تكره سلفها الحلقة الأولى
اتبلت على سلفها عشان مش بتطيقه
كان جوزها عازم أخته وأخوه ومراته في أحد المطاعم، قعدت مراته جنب سلفها
وهما بياكلوا وجوزها بيكلم في أخته وبيضحكوا، راحت مراته مزعقة وقالت: في إيه يا هشام؟ إيه اللي أنت عملته دا؟
هشام أخو جوزها باستغراب: إيه يا مروة مالك؟ أنا بصتلك حتى ولا كلمتك؟
مروة بعصبية: أنت هتستهبل ولا إيه؟
جوزها بعصبية: وطي صوتك يا مروة وقولي إيه اللي حصل؟
مروة بعصبية: كل شوية يعمل نفسه بياخد حاجة من قدامي ويخبط في إيدي
هشام وجوزها وأخته بصولها بصدمة
هشام بسرعة قال: ماتصدقهاش يا محمد دي بتتبلى عليا
محمد بغضب: أنت اتجننت يا هشام بتلمس إيد مراتي؟!
ووقف وشد إيد مراته وقال: حسابي معك في البيت مش هنا قدام الناس وشد مراته وراه ومشي
بقلم إسراء إبراهيم عبدالله
لكن مروة بصت وراها على هشام بشماتة وانتصار وكان هشام بيبصلهم بصدمة منها ومن تصرف أخوه كمان اللي ماصدقهوش كأنه مايعرفهوش ولا يعرف أخلاقه
وكانت أخته بتطبطب عليه ومش واخدة بالها من نظرات مروة
أخته بهدوء: يلا نرجع عالبيت ونشوف اللي مروة قالته دا، أكيد فهمت غلط… أنا عارفه إنك عمرك ماتعمل حاجة زي كدا
أنت ماتبصش لأي ست ولا عمري شوفتك هزرت معها ولا مع غيرها فمستحيل أصدق اللي قالته
هشام بحزن: بس أخويا اللي أنا متربي معه صدقها يا نهال
نهال بوضوح: لا لا هو بس متعصب من اللي سمعه من مراته بس هو متأكد إنك مستحيل تعمل كدا، أكيد دلوقتي بيعرفها دا، ولما رد عليك كدا عشان دماغه مش قادره تستوعب اللي مراته قالته
ويلا نرجع عالبيت تلاقيهم دلوقتي وصلوا وراحوا عند ماما
دفع هشام حساب الأكل اللي يعتبر مأكلوش منه حاجة، ورجعوا عالبيت
لقى محمد ومروة قاعدين بيشتكوا لوالده ووالدته
دخل هشام ونهال وقالوا: السلام عليكم
ردوا السلام، لكن وشهم كان باين عليه العصبية، ونظرة والده لهشام خلته يزعل
كان لسه هشام هيتكلم ويبرر اللي حصل، لكن لقى والده رفع إيده بمعنى يسكت وقرب منه لحد ما وصل عنده
يا ترى والده هيعمل إيه؟ وإيه سبب كره مروة له؟
هنعرف دا كله في الأحداث القادمة
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تكره سلفها)
