رواية تكره سلفها الفصل الثاني 2 بقلم إسراء ابراهيم عبدالله
رواية تكره سلفها الجزء الثاني
رواية تكره سلفها البارت الثاني
رواية تكره سلفها الحلقة الثانية
قرب والده منه والكل منتظر هيعمل إيه، لكن اتصدموا لما قال: أنا واثق إنك ماعملتش حاجة لمرات أخوك يا هشام
ممكن تكون فهمت غلط، بس أنا عارف أنا مربيك على إيه، ولو مين قالي عكس اللي أعرفه مش هصدقه يا بني
فرح هشام من كلام والده وتصرفه، وباس رأسه وابتسم
أما محمد اتعصب وقال: يعني مراتي هتتبلى عليه؟
والدته: احنا ماقولناش إنها بتتبلى عليه، بس احنا عارفين أخلاقكم كويس، وأكيد فهمت غلط، ممكن يكون لمسها بالغلط
هشام بسرعة: ماحصلش ولا حتى إيدي قربت من طبق ناحيتها عشان إيدي تخبط في إيدها
محمد بضيق: ماشي، وخد مراته وطلع على فوق
أول ما دخلوا شقتهم قالت: يعني كلام أهلك تحت بيقول إني بكذب وبتبلى عليه، أنا مش عارفه أخوك ماله من ناحيتي
قعد هشام في الصالون وقال بضيق: يمكن مش قصده حاجة يا مروة، أنا بردوا عارف أخويا، دا مابيرفعش عينه على أي بنت ولا أي ست، ولا بيسلم عليهم طالما أجانب عنه
وأنا متربي مع أخويا وعارفه كويس يمكن مثلا اتهيألك إنه لمس إيدك
بصتله مروة بضيق هي عايزه تكرههم في بعض
دخل هشام الأوضة، وفضلت مروة قاعده مكانها متعصبة إنها ماوصلتش لمرادها
قالت بحقد: ماشي يا هشام إما وريتك لسه الأيام بينا كتير
بتفتكر لما راحت قالتله إنه يتجوز أختها
فلاش باك
كان هشام عندهم في البيت بيطلع مع أخوه طلبات للبيت، ودخل محمد المطبخ وكان هشام نازل لكن وقفته مروة وقالت: استنى يا هشام لحظة بس
وقف هشام من غير مايبصلها وقال: نعم يا مروة في طلبات تانية عايزاها؟
مروة بتوتر: بص طالما حماتي بتدورلك على عروسة، إيه رأيك تاخد أختي؟ طيبة ومحترمة
بقلم إسراء إبراهيم عبدالله
هشام: ما هو احنا لقينا عروسة وخدنا منهم ميعاد ورايحين ليهم بكرة، وكمان دول قرايب والدي وبيعزوه وبيحبوه جدا، فمش هينفع إننا نقولهم خلاص مش جايين
مروة بضيق: طب ما أختي أنتم عارفين أختي ليه تروحي تدوري على عروسة برا؟
هشام بضيق: يا مروة الزواج دا نصيب
وسابها ونزل، لكن هي فضلت واقفة مضايقة وقالت: ماشي يا هشام بقى تسيب أختي وتروح تشوف عروسة برا أنت وأهلك
باك
دخلت لجوزها الأوضة وقالت: أنا مش هروح معكم النهاردة قراية فاتحة أخوك على المحروسة بتاعته
بصلها محمد: ليه؟
مروة بضيق: أنت لسه بتسأل؟ يعني بعد اللي عمله دا وأروح أفرحله؟
محمد بضيق: براحتك
طلعت راحت المطبخ وهي مضايقة وبتفكر تعمل إيه عشان أخوه يكرهه ومايشاركش معه في حاجة
ياترى جوزها هيعرف الحقيقة ولا هيفضل كدا؟ وهل فعلا هيجي يوم ويبقى ضد أخوه؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تكره سلفها)
