رواية تبادل سكرتيرة الفصل الثاني 2 بقلم نورين محمد

رواية تبادل سكرتيرة الجزء الثاني

رواية تبادل سكرتيرة البارت الثاني

رواية تبادل سكرتيرة الحلقة الثانية

تاني يوم في الشركة دخلت مني وهي شيله ملفات في اديها حتطها علي المكتب ووقفت شوية قدامه عشان يلحظها بعد شوية
رفع وشه لها وهو بيبصلها وقال بجمود وعجرفة : نعم
– انا عايزة أخد إيجازة يا فندم
بصلها فهد شوية قبل ما يقول
– إيه أسبابك الاجازة
بصتله مني شوية وهي خيفة ميوفقش علي الاجازة قبل ما تقول بسرعة
– اختي هتولد ولازم أكون جنبها
أماء فهد براسه وهو بيقول
– روحي الحسبات خليهم يصرفولك بقيت الشهر وغيب الأسبوعين اللي فضلين وورق إجزتك كمان ينزل الحسابات
يا دوب فهد خلص كلامه لقاها جريت من قدامها بصلها شوية ورجع بص تاني في الاب توب قدامه
بينما خرجت مني من عندو وهي بتجري تعمل ورق إجزتها اللي كان لازم تخلصه بسرعة وتنزله الحسابات
بعد وقت كانت مني خارجة من الشركة وهي مش مصدقة إنها مش هترجع تيجي تاني بكرا وقفت تاكسي من علي الطريق و ركبت بسرعة وهي بتقوله
– علي المول يا أسطي
شوية وفونها رن وكانت أختها نور اللي قالت
– هـــــا يا مني عملتي ايه
ردت عليها مني وهي مش فاهمة قصدها
– عملت ايه في ايه
اتنفست نور بعصبية شديدة وهي بتقول
– بنت انتي غبية مش قلتلك يكون ليكي شخصية قدام المدير بتاعك
ردت مني وهي بتقولها بشوية زهق
– علي فكرة انهاردة كان بيعملني كويس وكمان طلبت منو إجازة وإدهالي وصرفي مرتب شهر
ضربت نور الارض برجليها وزعقت في قلب الشارع
– بنت إنتي غبية ولا ايه بقولك أعمليلك شخصية تقوليلي صرفلي مرتب شهر
سكتت شوية بتاخد أنفاسها وبعدين رجعت قالت
– إنتي فين يا غبية
سكتت مني وقفلت الفون في وش أختها وهي بتقول بزهق وغلب
– هتيجي تزعقلي وتفضحني قدام عامة الشعب وكبريائي ووقاري يضيعو تحت التراب
بعد وقت
دخلت مني الشقة وهي بتتسحب علي طرطيف أصبعها قبل ما تتكعبل في سجادة وتقع علي وشها وتعمل صوت عالي تطلع نور عليه وهي بتبصلها من فوق لتحت
شوية وقالت وهي شيفة مني بتقوم
– كدا الكبرياء طار
شوية ورجعت مني اتكعبلت في السجادة مرة تانية من غير ما تخد بلها أن السجادة لسا مش معدولة و وقعت علي وشها مرة تانية وضحك نور غصب عنها وهي بتقول
– وكدا وقار الهانم بقي في الزبالة
عند فهد بعد ما خلص دوام الشغل في الشركة طلع بــ الاسنسير الدور الاخير اللي عاملة شقة له ورمي كل حاجة علي مكتب ورمي جسمه علي الاريكة وغمض عيونه بتعب ونام بسرعة من كتر تعبه وإرهاقه في الشغل طول النهار و بالأخص بعد ما مني سبته ومشيت بقي هو يقوم كل شوية يدور عن الملفات بنفسه
شوية وهو نايم كان بيبتسم وهو بيحلم
في البيت عند نور ومني كانت نور قاعدة علي كرسي بينما مني وقفة قدمها وهي حطة رأسها في الارض وبتحكي لنور كل حاجة حصلت إنهارة من غير متحكلها إزاي أخدت الاجازة وبعد شوية ردت نور عليها وهي بتقولها
– إنتي مبقاش ليكي شغل هناك في الشركة دي
رفعت مني وشها بسرعة وصدمة من اللي أختها قالته وهي بترد بسرعة وتوهان
– بس بس ليه لا انا مش هسيب الشركة
رجعت نور ضهرها وراء علي الكرسي ورفعت رجليها رجل علي التانية وهي بتبص لختها وبتقولها
– خلاص ترجعي بكرا الشركة ويبقي ليكي شخصية قدام مديرك ده
حركت مني رأسها يمين وشمال وهي بتبص لأختها
– بس يا نور انا ما صدقت أخدت إجازة بليز بس الاجازة تخلص وهعمل كل اللي انتي عايزه
سكتت نور شوية قبل ما تقول
– وانا موافقة علي كدا
بعد يومين كانت مني ونور قاعدين قاعدة عائلية معا بعض وبيتفرجو علي مسلسل لـــ هيفاء وهبي وهي عاملة فيه شخصيتين بنتين توام ووحدة بتأخد مكان التانية في كل حاجة في الوقت ده ردت مني بحنق وتزمر
– بقي في كدا يا نور شفتي
حركت نور رأسها فوق وتحت وهي بتسم كلام أختها شوية وبعدين مني بتمسك كوباية الماية وكانت فاضية فــ قامت تملها و نور لسا بتفكر في الفكرة الخطيرة بتاعتها
شوية و مني رجعت لقت نور لسا علي حالتها سرحانة فـــ هزتها عشان تأخد بألها بس لسا سرحانة في كل اللي حوليها مش مركزة معا أي حد وشوية ووقفت و راحت ناحية أوضيتها وهي بتقول لسا بسراحان
– الوقت اتأخر اوي وانا تعبانة طول النهار في الورشة
و دخلت أوضيتها وهي بتبص في المراية علي نفسها كويس هي شبه مني مفيش فرق غير لون العيون بس شوية وردت
– عادسة متركبة أيو
تاني يوم الصبح في الشركة كان فهد قاعد علي مكتبه وكــــــ العادة بيضرب علي مفتيح الأب توب بسرعة كبيرة و كل تركيزه علي شاشة الاب لحد ما ظهر قدامه لون أخضر غامق أفتكر وقتها الحلم اللي حلمه إمبارح