رواية بيت جدتي الفصل الأول 1 بقلم أشرقت أسامة
رواية بيت جدتي البارت الأول
رواية بيت جدتي الجزء الأول
رواية بيت جدتي الحلقة الأولى
يعني اى يا ماما هنروح بيت تيته أنا استحالة اروح هناك مش فريده الجارحي تعيش في بيت زى دا
الأم:انتى اتجننتى انتى شكلك نسيتى اصلك قبل ما تتكلمى اعرفى إن انتى اللى فيه دا بسبب ابوكى وعمك غير كدا مش هتكونى فريده الجارحي وبعدين قولتلك إن باباكى وعمك بيمروا بأزمه مالية والبنك اتراهن على بيتنا وبيت عمك عشان كدا هنروح بيت ماما الله يرحمها
فريده :وفيها ايه لما نروح نقعد مع جدو سليم
الأم :استحاله اعتب بيت جدك سليم دا لو اخر يوم في عمري
فريده: انا نفسي اعرف انت بتكرهيه كدا ليه
الأم :مدخليش نفسك في مواضيع اكبر منك وبعدين يلا اطلعي جهزي شنطتك وحاجتك عشان هنمشي على بالليل
فريده: يوه يا رب خدني وريحني من الهم دا
طلعت فريده غرفتها
الأم :انا اسفه يا بنتي بس لازم نعمل كدا عشان اللعنه لازم تنفك إلا كدا انتى هتموتي يا ضى عيوني
وفى بيت الجارحي
سليم :انت اتجننت يا مراد عايز تودي مراتك وبنتك ل بيت حماتك
مراد: ايوا يا بابا احنا هنعيش هناك
سليم :وماله بيت ابوك يا مراد جناحك انت ومراتك وفريده جاهز ليه لازمته تسافر الصعيد وتبعد عننا يابنى
مراد: انا اسف يا بابا بس انت عارف سالي مش بتحب تقعد هنا
سليم: قول لمراتك تنسى الماضي وتيجي تعيش هنا هي وفريده عشان انا استحاله اتخلى عن حفيدتي
مراد :الماضي عمره ما هيتنسى يا بابا لازم تعرف دا كويس
سليم :ماشي يا مراد انت حر بس انت كده اللي بتلعب في الماضي وعداد عمرك انت وبنتك ومراتك
مراد: عارف يا بابا عشان كدا انا لازم اروح بيت حماتي
سليم: اعرف اني في ضهرك وعمري ما هسيبك ولا اتخلى عنك ولا اخلي حاجه تحصللك انت ومراتك وبنتك
مراد: محدش يقدر يغير المكتوب يا بابا
سليم :خلي بالك من نفسك ومن فريده وسالي
مراد: حاضر يا بابا عايز حاجه قبل ما اسافر
سليم :لا مع السلامه يا ابني
مراد: مع السلامه يا بابا
خرج مراد من غرفه سليم وقابله فهد
فهد :ايه يا عمى هتمشي خلاص
مراد :ايوه يا ابني همشي خلي بالك من جدك
فهد: متقلقش يا عمي انت بس خلي بالك من فريده وطنط سالي
مراد: في عيوني يا ابني
فهد: عمي انا عارف انه مش وقته بس انتم هترجعوا امتى عشان اتقدم لفريده
مراد بغموض : قريب اوى
فهد: تمام وحضن عمه مع السلامه يا عمى
مراد:مع السلامه يابنى
مراد روح البيت لاقى فريده وسالي جهزوا وفريده باين على ملامحها الغضب
مراد: يلا بينا
سالي: يلا يا حبيبي
مراد : فريده افردى وشك وتقبلى الموضوع عشان ممكن يطول
فريده: نعم بابا وحياتي عندك اعمل اي حاجه واتصرف وخلص موضوع الأزمه دا في اسرع وقت كفايه اني وافقت اروح معاكم الصعيد إنما هنطول هناك لأ وألف لأ
سالي: اتكلمي بأدب يا فريده الظاهر كدا لسه الصدمه مأثره على دماغك
مراد: سيبيها يا سالي بكرا هتتقبل الوضع فريده: مقتنعش
خرجوا من البيت وركبوا العربيه وبعد كده اتجهوا المطار وأخذوا اول طائره متجهه الى الصعيد او مكان نهايتهم أيهما أقرب وبعد مده فى الصباح الباكر تعلن الطائره على الوصول إلى واجهتهم
مراد:يلا بينا نركب تاكسى وقفوا تاكسى وركبوا
مراد:قريه الصياد لو سمحت
اومأ السائق وذهب بهم الى القريه ونزلهم عند مدخلها
مراد:شكرا ياسطا وأعطاه الأجره
مراد: فاكره يا سالى البيت فين
سالي: ايوا طبعا يا مراد بس عشان احنا باقلنا كتير مجيناش هنا بقى في مباني جديده وطرق جديده تعالى نسأل اي حد هنا اكيد عارف
مراد: تمام يلا بينا
فريده في سرها: يعني كمان مش عارفين البيت مكنش يومك يا فريده
مراد وقف راجل كبير باين عليه الشيب: لو سمحت متعرفش فين بيت المنشاوي ملامح الراجل اتغيرت إلى ذعر وخوف وجري من امامهم ولا كأنه رجع 30 سنه لورا
فريده باستغراب من رده فعل الراجل بدأت تشك: هو جري ليه
سالى بتوتر حاولت تداريه: معرفش يا بنتي
مراد: طب يلا وانتى يا سالي حاولي تفتكري البيت كان فين
سالي: بحاول والله بص كل اللي انا فاكراه أن البيت كان على يمينه ترعه وشماله زرع وقدامه كان مسجد
مراد: خلاص يلا بينا ندور على جامع قريب من هنا وبعد مده فريده بتعب: اوف امتى بقى نخلص انا تعبت
سالي بتعب هي الأخرى: قربنا يا فريده بص كدا يا مراد انا شايفه مأذنه جامع هناك اهي
مراد: يلا نروح هناك
وبالفعل ذهبوا الى هناك ووجدوا جامع ويبدو عليه القدم
سالي بصت حواليها لقت قصر كبير وعلى يمينه ترعه وعلى شماله زرع كما هو منذ أن تركوه ومر عليه زمن ولكنه لم يتغير
فريده نظرت بذهول الى القصر فهو يشبه القصور فى العصر القديم فهي تحب هذا الذوق كثيرا
فريده: اوباااااا جدو الله يرحمه كان برنس ومعلم
سالي: شوفتى يلا بينا ندخل عشان انا تعبت من الشمس
فريده:بس ده محتاج تنظيف والقصر كبير يعني كمان مش هنعرف نعمل كل دا لوحدنا وانهارده كمان
مراد: متخافيش انا كلمت شركه تنظيف تيجي البيت وترتبه قبل ما نيجي زمانهم جم و ونضفوا القصر
فريده :احبك يا مراد وانت فاهمني
مراد: طب يلا يا لمضه ندخل ويلا يا سالي هاتي المفاتيح
اديته سالي المفاتيح وفتح اقفال بوابة القصر مع كل فتحه من فتحات الاقفال هناك قلوب تنقبض وقلوب تخاف وقلوب لا تفهم شيء وهناك خبر ينتشر في القريه ان قصر المنشاوي تم فتحه وسيعود الجحيم من جديد
دخلت سالي القصر وهي تدعو الله ان يخرجوا من هنا سالمين
ومراد بجانبها يدعو الله ان يعدي فتره إقامتهم على خير وبجانبه فريده هي تخطى كل خطوه وفرحانه بها ولكنها لا تعلم ان هذه الخطوات تدفع تمنها
فتح مراد باب القصر
واندهشت فريده من المنظر فالقصر كان كبير وكان يجمع بين التراث الشرقي والغربي القديم
فريده: انا كدا هعمل عيد ميلادي هنا انا ماصدقت لقيت مكان تحفه كدا يتعمل فيه عيد ميلادي طول عمري بحلم بالمكان دا
مراد وسالى بيبصوا لبعض نظرات لم يفهمها الا هما
فريده:انا خلاص حبيت المكان دا يا ماما
اومأت سالى برأسها وعلى وجهها ابتسامه وتسأل نفسها هل يدوم هذا الحب ام سيحل مكانه لعنه وكره
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية بيت جدتي)
