رواية بعت نفسي الفصل الثامن والثمانون 88 بقلم نسرين
رواية بعت نفسي الجزء الثامن والثمانون
رواية بعت نفسي البارت الثامن والثمانون
رواية بعت نفسي الحلقة الثامنة والثمانون
**عصمت حاولت بس مش عارفة ازاي وصلوا ليهم
دا حتي الناس اللي معايا اتقبض عليهم
ربنا يستر من جوزك
**كامليا علشان كده أدهم قال لجدو أنك هربانه ؟
**عصمت خالك فعلا تعبان وجيت أريح أعصابي شوية وأفكر نعمل إيه ؟
اللي فهمتو من كلامك إنها لسه مراتو؟
**كامليا آه وكمان حاتعيش معاه ماما ولادها شبها بيئة آوى هدومهم وحشه الولد قالي بصوت عالي ماما مش شحاته ازاي دول يبقوا أخوات بنتي لا وهي فرحانة بيهم اوي اوي
**عصمت لا لازم تفهميها أنهم وحشين وأنهم حايخدو بابا منها ومش حايحبها تاني العبي لي دماغ بنتك
**كامليا ارجوكي حاولي ما تتاخريش عليا
**عصمت إلا قوليلي أنت ليه قولتي ماينفعش تخلفي احنا ممكن نسافر أمريكا نشوف حل الموضوع دا؟؟
**كامليا ماما أنت ناسية اللي حصلي زمان ؟؟
**عصمت وإيه اللي حصل ما الحوادث كثيرة حصلتلك
**كامليا ما تتريقيش يا ماما مش وقتو
كان حصلي نزيف لما نزلت البيبي وشالو ليا الرحم
هنا كانت الشغالة سمعت الكلام
يادوب فتحت الباب بسرعة رجعت طلعت قبل ما كامليا تشوفها
**عصمت شهقت أنت بتقولي إيه ؟؟؟
**كامليا الحقيقة لو أنت كنت جنبي مكانش دا حصلي
**عصمت أنا اللي ماكنتش جنبك ولا أنت اللي غبية خونت جوزك مع صاحبك اللي اغتصبك بس أقول إيه أنت طالعه غبية زي أبوكي
حانعمل إيه في المصيبة دي وليه كدبتي عليا قولتيلي حصلك بس تشوه؟؟
**كاميليا كفاية كل شوية تفكريني أنا عملت إيه كلو بسببك وبسبب بابا وسبب ادهم وجدو انتو السبب في كل حاجه وحشة في حياتي
**عصمت كفاية كلام في حاجة راحت فكري ازاي تكسبي جوزك سلام
هنا كامليا قعدت على الأرض وافتكرت اللي حصل ليها
*******فلاش باك ********
في مكان عام خاص بي السهر
**مصطفي إيه يا بت أنا بحبك أوي
**كامليا وأنا كمان بحبك
**مصطفى لو بتحبيني بطلي شرب سجائر وبطلي سهر
**كامليا أنا اتعودت علي كده
**مصطفى بس معايا لا
أوك أنت مع راجل اللي بحب حبيبته ويخاف عليها
**كامليا هو أنت ناوي تتجوزني ؟؟
**مصطفي آه لو عايزة ممكن نتجوز دلوقتي
**كامليا ازاي مامي مسافرة
**مصطفى ما احنا ممكن نضرب ورقتين لحد ما ترجع
**كامليا عرفي؟؟
**مصطفى مؤقتا ويبقى رسمي
اشربي العصير دا
شربت العصير، ومابقتش فاكره أي حاجة
صحيت لاقت نفسها في شقه وحشة اوي اوي عريانه، وجنبها بقعه دم اتخضت بصت حواليها ما لاقيتش حاجه قامت لبست بسرعة رغم الم و الوجع اللي حاسه بيه في جسمها
مالاقتش الشنطة ولا دهبها اللي كانت لابساه نزلت تحت كانت منطقة شعبية وقفت عند أول كشك
**كامليا ممكن اعمل تليفون
**صاحب الكشك اتفضلي
أخدت منو الموبايل
**كامليا الحقيني يا ماما أنا مش عارفة أنا فين ؟
**عصمت أنت بقالك يومين مختفية وتقوليلي مش عارفة فين؟؟
في حد جنبك يديني العنوان
كامليا أدت صاحب الكشك تليفون كلم عصمت أداها العنوان، وطلبت منو يخليها عندو لحد ما ترجع و حاتديلو فلوس
بعد ساعتين جات عصمت اخدت كامليا لعيادة نسائية بعد ما لبسوا النقاب
و الدكتورة قالت ليهم أنها تعرضت لي اغتصاب وحشي مده طويله مع كذا شخص
رجعتها القصر، وبعد كده بليل سافرو أمريكا عند بنت خالة عصمت عالجتها وريحت نفسيتها عصمت رجعت وسابت كامليا هناك فضلت اكثر من 6 شهور، ورجعت
بعد سنة
عمرها ما قابلت مصطفى، ولما سألت على اللي حصل في الليلة دي قالو ليها صاحباتها أنت طلعت لوحدك ومصطفى فضل هنا، وفي عربية أخدتك
عصمت ابتدت تفكر تعمل إيه علشان تستر على بنتها
بعد ما عملت ليها غشاء بكارة صيني
خططوا أنهم يدو حبايه زرقاء لي ادهم وكامليا تدلع عليه ودا اللي حصل
يوم الواقعه علي ادهم
**أدهم إيه دا ؟؟؟
**كامليا أنت عملت فيا أية ضيعتني وضيعت شرفي،
وافتكرت الاغتصاب، وكل اللي حصل ليها وفضلت تعيط بجد لدرجة عصمت اتخضت بس فعلا كامليبا رجعت ليها الذاكرة ليوم دا
وادهم صعبت عليه وصدق انو اذاها
سيف ضرب كامليا، وكانت اول مرة يمد إيدو بس هو عارف إنها هي اللي اغوتو بتخطيط من أمها
رحيم قرر يجوزهم وجاب المأذون
في المده اللي كانت كامليا في أمريكا كانت حامل نتيجه الاغتصاب بس نزلت البيبي، ومن هناك ابتدو مشاكل عندها في الرحم نتيجة الاغتصاب اللي الدكتورة قالت إنه كان أكثر من شخص
بعد 8 شهور من الجواز بي ادهم
كانت كامليا حامل في ملك وهي عارفة خطورة الحمل ومشاكلو راحت تابعت عند الدكتورة في أمريكا علشان أدهم مايعرفش اللي حصل ليها
لحد ما ولدت ورجعت
ادهم كان فرحان اوي اوي بنتو بس مكانش مبسوط معاها ولا هي شافت نفسها معاه وعرفت انها ولا حاجة عنده على طول مشغول ومش مديها وقت وأهان انوتثها كثير،
فا رجعت لسهر،
وقابلت تاني مصطفى وكدب عليها على أنها ضربتو وراحت ركبت في عربية تانية و سابتو
في ليلة كانت كثرت من الشرب، واخدها شقتو وحصل بيهم ما حرم الله
بعدها اختفى
بعد شهر لاقت نفسها حامل
بعد ما عصمت شكت في اعراض اللي عندها جابت ليها تيست الحمل
**عصمت مبروك يا حبيبتي
**كامليا ماما دا مش من أدهم
**عصمت بصدمه أنت بتقولي إيه ؟؟
**كامليا بقول الحقيقة أدهم بقالو 4 شهور مش بقرب مني خالص
**عصمت يعني عايزة تقولي إن أنت نمت مع راجل تاني ؟؟
**كامليا آه
**عصمت يا نهار أبوكي اسود ازاي تعملي كده انت عارفة نقطة ضعف أدهم الخيانة احنا اتهمنا مراتو بي الخيانة تقومي أنت اللي بنتي تخونيه بجد انقلب السحر على الساحر اعمل فيكي إيه اللي في بطنك لازم ينزل
**كامليا ما انا لو نزلتو مش حاحمل تاني عندي مشاكل في الرحم
**عصمت ماليش دعوة أنا حاكلم بنت خالتي وانت روحي عندها، فاهمه
*كامليا بصي أنا أطلق من أدهم واتجوز واحد تاني
**عصمت اياكي بس تفكري في دا حاتشوفي اللي عمرك ما شوفتيه
كامليا دورت علي مصطفى، وقالتلو أنها حامل وأن جوزها كان مسافر هو خاف على نفسه راح أخدها علي عيادة في بير السلم عيادة معفنه وهناك عملوا ليها عملية إجهاض وبطلب من مصطفى شالو ليها الرحم علشان ينتقم من عصمت اللي دمرت اهلو زمان
لما فاقت كامليا قالوها أن عندها تشوه في الرحم ومش حاتعرف تخلف
بعد سنين رجعت تتعالج علشان زن رحيم وأمها على الحمل، واكتشفت أنها معندهاش رحم
**الدكتورة معلش هو أنت ماحستيش أن الدورة مش موجودة علشان استئصال الرحم اللي حصلك ؟
**كامليا أنا الدكتور قالي عندي تشوه في الرحم، ودا بؤدي أن الدورة الشهرية بتنقطع تماما بس ماكنتش أعرف أن مافيش رحم انت متأكده ؟؟
**الدكتورة أيوه بس كمان في تغييرات في الجماع والعلاقات مع جوزك ازاي ما حستيش ؟؟
**كامليا كنت فاكره كلو من التشوه
**الدكتورة لا حضرتك مش حاتعرفي تخلفي تاني
من اليوم دا كرهت ادهم، والرجاله كلها ومابقتش تهتم لا بيه ولا بي بنتو وبقت مقضياها سهر علشان تنسى وخبت علي عصمت علشان ماتفضليش تزن عليها
***********باك *******
بعد ما افتكرت الاحدات دي كلها خلت كامليا في انهيار تام
دخل ادهم شافها قاعدة متكومة على نفسها وبتعيط
راح عندها
**أدهم مالك يا كامي في حاجة ؟؟
كامليا فضلت تعيط
**ادهم هو أنت عامله في نفسك كده علشان حبت أولادي ولا خايفه علي امك مني؟؟
**كامليا ابعد عني أنا بكرهكم كلكم دمرتو حياتي بي انانيتكم
أنت عمرك ما حبتني محسسني إني ولا حاجه عندك طول السنين دي والشحاتة في قلبك، رغم أنها خانتك بس أنت كنت بدور عليها
**أدهم أنت عارفة كويس أنها ماخنتنيش، وأنها ثمثيليه قذره منك، ومن أمك علشان تبعد واتجوزك وكمان مثلتي عليا دور العفة والشرف وخلتيني أتجوزك اوعي تفكري إني نايم علي وذاني اللي بيشفع ليكي عندي بنتك، وبس
اوعي تفكري بس انك تأذي مراتي ولا ولادي
حاتكون اخرتك علي ايدي
ولسه حسابنا ما خلصش
**كامليا ليه حبتها وأنا لا، رغم أني أحلى منها مليون مرة ست شيك وبعرف البس أنت عارف إن رجال الأعمال بيحسدوك عليا بس أنت مش شايفني ليه حرام عليك
**أدهم لأنك أنت مش شايفه نفسك الجمال مش شكل وإنما روح مليكه جميلة بره وجوه مليكه ست بمعنى الكلمة خلتني طول السنين دي ماعرفش أنساها مليكه أم بجد
والله يا كامي أنت صعبانه عليا لأنك ضحية أمك اللي عايزة تدمر كل حاجة عايزة تنتقم من الكل، ومش عارف ليه بس لو قربت من ولادي ومراتي مش حارحمها
طلع وسابها
نزل تحت
**رحيم مش أن الأوان أنك تشرح ليا اللي بيحصل
**أدهم بعصبية اشرح أية؟
**رحيم ازاي لاقيت مليكه وازاي جايب عيال تقول عليهم ولادك ؟؟
**أدهم أنا مش عايز اشرح حاجه لأن مش في مصلحتك دلوقتي أتكلم دول ولادي وعلشان تطمن أنا عملت تحليل DNA، وطلع ملف رماه علي المكتب دول ولادي،
وأنا مش حاسيبهم يعيشوا بعيد عني
أنا مش انت اللي فرطت في ولادك علشان الشيطانة بنتك
وقولها إني مش حاسكت أنها حاولت تخطف ولادي، ولما ترجع من المافيا عيليتها تشوف مكان تاني تعيش فيه بره القصر
أنا من اليوم و رايح مش حاسكت على أي حاجة وحا حافظ على عيلتي ومش حسامح أي حد آذاني ولا إذى مراتي ولا بعدني عنها فاهم يا رحيم باشا
رحيم فضل ساكت وعرف ان بركان ادهم انفجر وهو اول واحد حايتلسع منو
********
ايه رأيكم في اللي حصل لي كامليا ؟؟
وايه حكايه مصطفى مع عصمت ؟؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية بعت نفسي)
