رواية انتقام عاشق الفصل السابع 7 بقلم وفاء محمد
رواية انتقام عاشق الجزء السابع
رواية انتقام عاشق البارت السابع
رواية انتقام عاشق الحلقة السابعة
رواية انتقام عاشق
الفصل السابع
في بيته نايم علي سريره
فجأة سمع أصوات مخيفة وصوت فظيع مع صراخ شديد
قام مفزوع من الصوت لقي كل الأزاز بيتكسر وفي حد بيحاول يفتح الباب
خاف وقلق من اللي بيحصل حاول يتصل بالحراس لكن ملقاش تليفونه
وبدأ التليفون يرن تحت السرير حاول يتمالك نفسه ويجيبه
وهو بيمسكه لقاه في وشه وفجأة مسك أيده
صرخ بأعلي صوته لكن محدش سمعه
بص علي اللي بيتصل أنصدم من الاسم ووقع في مكانه
الاسم…. أمير عزام
ضحك ضحكة كبيرة لأول مرة من سنة يضحك
أخيراً بدأ أنتقامه…. أخيراً
تاني يوم الصبح
علي الفطار
قاعدين سرحانين
ريم: هاه يا أحمد هتعمل إيه
أحمد: مش عارف يا ريم بس أول حاجة لازم أروح للنائب العام أخد إذن بفتح القضية تاني
ريم: طب هو مش هيحتاج دليل أو حاجة زي كده
أحمد: علي حسب القضية كان مصيرها إيه ، غير كده أنا هحاول مش هيأس
ريم: ياريت يا قلبي ، لازم اللي عملوا كده ياخدوا جزائهم
أحمد: أكيد يا حبيبتي متقلقيش ، هقوم أمشي أنا بقي
ريم: حاضر خلي بالك من نفسك وأبقي طمني هاه
أحمد: حاضر وأنتي كمان ، من عنية ربنا معانا
ريم: يارب
بيرن التلفون
مي: الو يا ريم عاملة إيه
ريم: مي رنيتي في وقتك ، الحمد لله أنتي عاملة إيه
مي: الحمد لله بخير ، إيه في جديد وصلتي لإيه
ريم: مش هتصدقي اللي حصل الحكاية توجع أوي
حكت لها علي كل حاجة وإزاي ماتت حلا وإزاي هو أستسلم للموت
مي: قصة حزينة أوي طب قررتوا تعملوا إيه
ريم: أوي أنا من وقتها وأنا مش قادرة أتمالك نفسي ، أحمد هيحاول يفتح القضية تاني
مي: بس انتوا عارفين أنكوا محتاجين دليل ، مش كل الناس بتصدق في موضوع الأرواح ده
ريم: أيوة عارفين ، ربنا يستر بقي
مي: خير يا قلبي ربنا دايماً مع الحق
والحقيقة بتبان مهما طال الوقت
علي العموم أنا جاية يوم الخميس يارب أقدر أساعدك بأي حاجة
ريم: تمام يا قلبي تيجي بالسلامة يارب
أمير: كنتي بتكلمي مين
ريم بخضة: إيه خضتني بعد كده أبقي أدي أي إشارة طيب
أمير: مكنتش أقصد
ريم: ولا يهمك ، كنت بكلم مي
أمير: مي مين
ريم: مي دي صاحبتي بتحب الروحانيات وبتحضر ماجستير في علم الأرواح
هي اللي قالتلي إزاي أقدر أتكلم معاك وأعرف أنت هنا ليه
أمير: تمام فهمت ، أحمد وصل لإيه
ريم: مش عارفة بس أنا قولتله يبقي يطمني عمل إيه
أكيد لما يوصل لحاجة هيعرفني
بس أنا خايفة النائب العام ميفتحش القضية
أمير: أكيد هيفتحها لازم الحق يبان
ريم: يارب ، أنا أسفة علي اللي حصلكم من قلبي والله
قعدت تتكلم كتير مخدتش باله إنه مش موجود أصلاً
لسه بتقوله مبتردش ليه ملقيتهوش
يوووه بقي بيظهر مرة واحدة وبيختفي مرة واحدة
هههه ما أكيد يا هبلة أنتي مش روح
عند عادل في البيت
علي: إزاي يا عادل بيه عايزني أصدق الكلام ده
عادل: زي ما بقولك كده شوفته ولقيت اسمه علي التليفون
علي: مهو يا أما كنت شارب يا أما كنت بتحلم بيه
إزاي أصدق إن الشخص اللي حرقته بأيدي وأنت دفنت جثته موجود
عادل: مش يمكن روحه
علي: بضحكة سخرية ههههههااااااااء روحه ، طب عن إذنك يا عادل بيه شكلك تعبان دلوقتي أنا بقول ترتاح يومين
مش عارف إزاي أفهمه أن كل اللي قولته حصل
كان بيراقبهم من بعيد بأبتسامة خبث مش مصدق صح هخليك تصدق
في عربيته
والله شكله أتجنن ولا خرف علي كبر باين
ظهر فجأة قدام عربيته
حاول يبعد عنه خبط في عمود وخبط رأسه جامد
اااه إيه ده دم
هو يوم باين من أوله
لقاه قدامه وعيونه حمرا وفيها غضب شديد
إيه ده ده
أنت عا عا….عايش
أمير: عايش إزاي وأنت حرقتني بأيدك
علي: أومال..أومال أنت إيه
أمير: أنا عذرائيل بالنسبالك…..
