رواية الم الرحيق الفصل الثاني 2 بقلم سمية عبدالسلام

رواية الم الرحيق البارت الثاني

رواية الم الرحيق الجزء الثاني

رواية الم الرحيق الحلقة الثانية

في القصر
الجد تلفونه رن
الجد _الو
_…………
الجد_ايوة انا مين معايا؟
_…………
الجد بصدمة _مستحيل انتي بتقولي ايه؟
_………..
الجد بحزن _طب المكان فين يابنتي؟
الجد قفل الفون ورن علي آدم
آدم =الو ياجدي انا وصلت اهو ولسه مشفتهاش
الجد بحزن _بت عمك عملت حادثة يا آدم.
آدم بصدمة =ايه ازاي ده حصل
الجد_اتلغبط ياولدي ونسيت ان معاد الطيارة 9 مش 10 وتلاقيها زهقت من الانتظار قالت تيجي علي العنوان اللي معاها… وكمل بحزن_وعملت حادثة و دلوجت في المستشفي.
آدم =طب قولي هيا في مستشفي ايه؟
الجد_مستشفي……….
آدم =متقلقش يا جدي انا هرحلها وبإذن الله هتكون كويسة.
_____________~___________________~
في بيت في حي شعبي
مصطفي بقلق _هيا اتأخرت كده ليه دي عمرها ما عملتها.
سنية _ما تهدى يا مصطفي زمانها جيا تلاقيها واقفة مع واحدة صحبتها والهانم نسيت نفسها وانت هنا قلقان عليها
مصطفي_ حرام عليك بطلي تظلميها بقا انا معرفش انتي بتكرهيها ليه؟
سنية_وهكرها ليه ولا عشان هيا بنت جوزي.
مصطفي _يمكن عشان بنت فاطمة الله يرحمها وانتي مكنتيش بتحبيها
سنية بحقد_طب مش شهد اللي جوا دي بنتك برضو ولا ست الحسن والجمال هيا بس اللي بنتك
مصطفي _في ايه علي الصبح انتي عايزة تتخانقي وخلاص
سنية _لأ ياخويا بس شيفاك مش معبر حد وشهد بنتك زي ما بنت فاطمة بنتك وشهد دلوقتي في تالتة ثانوي ومحتاجة اهتمام وفلوس عشان تجيب مجموع حلو.
مصطفي _حاضر حاجة تاني؟
كانت لسه هترد بس تلفون مصطفي رن
مصطفي _الو
_…………..
مصطفي _ايوة
_…………..
التلفون وقع من ايد عم مصطفي ووقع علي الارض
سنية جريت عليه وصوتت _مصطفي يامصطفي مالك يا خويا في اي بت ياشهد انتي يابت
شهد طلعت من الاوضة و لقت امها بتصوت وابوها واقع علي الارض مبيكلمش جريت عليهم.
شهد بقلق _في ايه؟
سنية بصوت عالي _اندهي عمك ابراهيم من تحت قوام.
شهد جريت علي تحت وبعد شوية طلعت هيا وراجل عنده حوالي 45 سنة، ابراهيم جري علي مصطفي وقومه من علي الارض هوا وسنية.
ابراهيم _مالك يامصطفي في ايه؟
مصطفي بحزن _رنو عليا من المستشفي وقالولي بنتك عملت حادثة ولازم اجاي اشوفها
ابراهيم _طب هيا في انهي مستشفي؟
مصطفي _مستشفي………
ابراهيم _طب يلا بينا وبإذن الله هتكون كويسة متخفش.
سنية في سرها _ياريت تكون ماتت ونخلص منها وتبقا جت من عند ربنا.
_____________~__________________~
في المستشفي
الممرضة سعاد _هوا ايه اللي حصل اغيب ساعتين الاقي الدنيا مقلوبة كده.
الممرضة منى _اصل في بنتين تقريباً في نفس السن جم في حادثة بس كل واحدة في حادثة مختلفة عن التانية وفي واحدة منهم شكلها بتودع
سعاد _ياساتر يارب
منى _مالك كده، يعني هيا اول مرة نشوف حالات صعبة.
سعاد _ربنا يكون في عون اهلهم، بس هما فين؟
منى_انا رنيت عليهم زمانهم جايين، وبعدين كملت _هيا الساعة كام معاك؟
سعاد_11
منى _ينهار، يادوب الحق اغير عشان خارجة انا وعماد جوزي، هوا مين هيمسك الشفت بعدي؟
سعاد _المس نعمة
منى بعصبية _ايه؟! مس نعمة هما ازاي لسه سيبنها تشتغل دي واحدة مخبولة في عقلها، دي اخر مرة ادت مريض دوا غلط لما ستر ربنا ولحقناه كان زمانه مات.
سعاد _يابنتي دي ست قد والدتك سبيها في حالها.
منى _قليلي بس هيا المديرة في مكتبها؟
سعاد_ايوة،بس انتي عايزاها ليه؟
منى_بعدين بعدين
منى راحت عند المديرة وخبطت علي الباب.
صوت من الداخل _ادخل
دخلت منى وقالت ازي حضرتك
المديرة _انتي لسه ممشتيش يا مس منى شفتك خلص.
منى _ايوة منا جيا لحضرتك عشان كده
المديرة _في حاجة حصلت؟
منى _هوا ازاي مس نعمة لسه بتشتغل وهيا يعني…..
المديرة قاطعتها وقالت _مس نعمة ست وحيدة ومفيش حد يصرف عليها وبعدين هيا مريضة زي اي حد مريض بس بدل ما يكون عضوي مرض نفسي.
منى_خلاص عيانة تقعد في البيت
المديرة _مس نعمة دي كانت موجودة هنا من وانا لسه ممرضة في سنك كده وكانت احسن واحدة وبتشتغل بضمير وكانت هتبقا مكاني بس لما اللي حصلها
منى بفضول _هوا اي اللي حصلها؟
المديرة كانت هترد بس تلفون منى رن، كان جوزها
منى _طب سلام انا همشي انا احسن اتأخرت وانا رنيت علي اهل البنتين اللي جم في حادثة وزمانهم جايين خلي مس نعمة تتابعهم عشان في حالة منهم صعبة اوي.
خرجت منى ودخلت سعاد
سعاد_نعم حضرتك عايزاني في حاجة.
المديرة _اه روحي لمس نعمة في اوضة التمريض واستعجليها عشان تستلم الشفت
سعاد _حاضر
~~~~~~~~~~~~~~~~~~~~~~~~
في اوضة التمريض
كانت قاعدة والدموع في عنيها وماسكة صورة وبتقول_وحشتيني وحشتيني اوي انا عارفة انك عايشة وهلاقيك
الباب خبط و مس نعمة خبت الصورة
دخلت سعاد _يلا يامس نعمة، اتاخرتي ليه؟
نعمة بجمود_حاضر هيا الدنيا هطير
______________~__________________~
في الشركة وتحديدا في مكتب آدم البنهاوي
عمر _بنعتذر لحضرتك يا ياسر باشا وبشمهندس آدم بلغني اقول لحضرتك ان الاجتماع هيتأجل وهنبقا نحدد معاد ونبلغ حضرتك
ياسر ببتسامة باردة _تمام بشمهندس آدم يعمل اللي عايزه وأنا هستني معاد الاجتماع ال جاي، سلام
عمر _سلام
عمر بعد ما مشي _ياااه ابو تقل دم امك ياشيخ معرفش آدم عايز يتعامل معاك ليه؟
_______________~_________________~
نرجع تاني للمستشفي
وصل آدم عند المستشفي
آدم =خليك انت هنا يا عم حسن
حسن _يابني اجاي معاك لا تحتاج حاجة
آدم ابتسم علي طيبة عم حسن لانه مش عارف ان بس اسم آدم البنهاوي يخوف بلد بحالها.
آدم =لأ خليك انت هنا انا عارف انك بتتعب من ريحة المستشفيات
حسن_اللي تشوفه يابني
ع النحية التانية كان عم مصطفي وعم إبراهيم وصلو بتاكسي ودخلو الاستقبال
إبراهيم _لو سمحت في بنت عملت حادثة وجت هنا متعرفش فين؟
الشب _انت تعرفها؟ دي حالتها صعبة اوي علي العموم الحالات ال زي دي بتبقا في العمليات او العناية المركزة
إبراهيم _شكراً يابني
اول ما عم مصطفي سمع كده جسمه اتنفض ومبقاش قادر يتحرك
ابراهيم لاحظ ده _اي يا مصطفي اجمد مش كده امال بإذن الله هتكون كويسة وبعدين مفيش ال هيا اللي جت في حادثة
~~~~~~~~~~~~~~~~~~~~~~~~
في العناية
نعمة _يادكتور تعالي شوف الحلة دي بسرعة
الدكتور نزل السماعة وقال _أن لله وان إليه راجعون
… لسه الحكاية مخلصتش…
ياترى ايه ال حصل لمس نعمة زمان ومين ال كانت في الصورة معاها؟
ومين الحالة ال ماتت دي؟
هيبقا في علاقة بين البنتين ال جم في حادثة ولا لأ؟