رواية الم الرحيق الفصل الثالث 3 بقلم سمية عبدالسلام

رواية الم الرحيق البارت الثالث

رواية الم الرحيق الجزء الثالث

رواية الم الرحيق الحلقة الثالثة

في العناية
نعمة _يادكتور تعالي شوف الحالة دي بسرعة
الدكتور نزل السماعة وقال _ان لله وان اليه راجعون
نعمة _ماتت
الدكتور بدأ يتعصب_ربنا يرحمها، هيا فين اهلها؟
نعمة_لسه محدش جه من اهلها
الدكتور _طب اول ما ييجي حد من اهلها تودها علي المشرحة عشان تتغسل هناك
نعمة_حاضر، مش هتشوف البنت التانية؟
الدكتور_ لأ هيا لسه نايمة من البنج عشان الخبطة في دماغها شديدة اول ما تفوق اندهي عليا
نعمة كانت سرحانة ومردتش عليه
الدكتور _مس نعمة يامس انتي سمعاني؟
نعمة_ايوة ايوة شفت حضرتك.
الدكتور سابها ومشي قبل ما يتجنن عليها دي ست اد والدته برضو
نعمة_ياعم سيد ياعم سيد
سيد (شغال امن)_ايوة يامس نعمة
نعمة _الحالة دي ماتت
سيد_ان لله وان اليه راجعون
نعمة_الدكتور بيقلك خدها وديها التلاجة عشان تتغسل هناك
سيد _طب اهلها شفوها
نعمة بتوتر _ها….. اه…… اه انجز بقا عشان عايزة اروح
سيد _تروحي ايه؟!! دانتي لسه الشفت بتاعك بادأ.
نعمة_طب يلا ياخويا هيا في اوضة 4
سيد_حاضر
سيد مشي وخرج البنت وكانت متغطية مش باين منها حاجة، سيد خرج و آدم شافه
وقال في نفسه =يارب ما تكون هيا
دخل لاقي نعمة في وشه
نعمة بصوت عالي _انت ازاي تدخل هنا هيا سايبة اتفضل اطلع برا
آدم بصلها نظرة خلت جسمها يرتعش وقال بهدوء مخيف =صوتك ميعلاش، وبعدين كمل =كان في بنت جاية في حادثة وانتو رنيتو علينا هيا فين؟
نعمة بخوف _موجودة في اوضة تلات….. ولسه هتكمل آدم سابها ومشي.
نعمة _هيا اي الناس اللي كل مكلمها تسبني وتمشي دي!
وبعدين لاقت اتنين رجالة كبار دخلين نفخت بضيق وقالت _ناااعم
إبراهيم _ما براحة احنا جيين عشان انتو رنيتو علينا و…….
نعمة بمقاطعة _حضرتك تبقي ابو البنت اللي العربية اتقلبت بيها؟
إبراهيم وهوا مضايق منها _لأ….. انا جارهم وزي عمها وده ابوها
شاور علي عم مصطفي اللي مش قادر يتكلم
نعمة _البقاء لله ربنا يرحمها
مصطفي في الوقت ده انهار جامد وفضل يعيط وعم إبراهيم بيواسيه
إبراهيم بحزن_اهدى يامصطفي انت مؤمن وموحد بالله مينفعش كده… راحت عند اللي احسن مني ومنك قوم ياخويا قوم عشان تدفنها وتاخد عزاها اصلب طولك كده
شوية ولقي نعمة جيا عليهم في ايدها شنطة وكتب وقالت _الحاجات دي كانت معاها
مصطفي بطل عياط ومسك الشنطة والكتب وحضنها جامد وقال بصوت مبحوح _ممكن اشوفها؟
نعمة_لأ مينفعش هيا راحت التلاجة خلاص ممكن تنزلو تحت تدفعو حساب المستشفي وتمضو علي شوية ورق عشان تستلمو الجثة،
وسابتهم ومشيت
ابراهيم _اعوذ بالله منك ياشيخة ولية بوما
~~~~~~~~~~~~~~~~~~~~~~~~
عند آدم
راح للاوضة وخبط علي الباب بس محدش رد فتح ودخل لاقى بنت قاعدة علي السرير سرحانة وبتبص لسقف كانت ملامحها جميلة اوي وعيونها بني غامق باين عليها معيطة بص لهدومها كانت لابسة دريس واسع وعليه خمار، مكنش متوقع انه يلاقيها كده كان متخيل انها هتكون بشعرها وبتلبس بناطيل وكمان ممكن تكون بتلبس لبس قصير مهيا عايشة في امريكا بقا
آدم اول ماشافها ابتسم معرفش يفسر ابتسامته دي، يمكن عشان طلعت احسن من تخيله او عشان طلعت عايشة وكويسة وخاف علي زعل جده
آدم =احم…….. انسه نسرين؟
بصت وقالت =انت تعرفني؟
آدم =انا آدم البنهاوي ابن عمك
نسرين =يعني انت ابن عمي امال بابا وماما فين؟
آدم استغرب كلامها =باباك ومامتك الله يرحمهم
لاحظ علي ملامحها الزعل
نسرين =انا مش فاكرة حاجة خالص والممرضة جت هيا والدكتور وقالو ان عندي فقدان في الذاكرة
دخلت عليهم الممرضة سعاد، سعاد شافت آدم تنحت.
آدم بجدية =لو سمحتي فين الدكتور المسئول عن حالتها؟
سعاد بأعجاب _اخر الممر تاني اوضة علي ايدك اليمين، وبعدين قالت _انا ممكن اجاي اوصل حضرتك
آدم ببتسامة مزيفة =لأ متشكر هعرف اروح لوحدي
سعاد في نفسها _هوا كان بيرضع ايه وهوا صغير؟…. كريم شانتيه
نسرين في نفسها =دا ايه البلاوي دي انا مش فاكرة حاجة ودي هتموت عليه
~~~~~~~~~~~~~~~~~~~~~~~~
في مكتب الدكتور
آدم =يعني هيا هتفضل كده علي طول؟
الدكتور _لأ دي حالة مؤقتة نتيجة الخبطة اللي اتعرضت ليها بس مش هنقدر نحدد هترجع امته بالظبط بس اهم حاجة ابعد عنها الضغوطات والمشاكل وتاخد العلاج في ميعاده
آدم بجدية =طب هيا تقدر تخرج معايا النهاردة؟
الدكتور _هوا الافضل انها تفضل هنا شوية بس مفيش مانع لو خرجت طالما هتلتزم بالكلام ال قلته.
آدم =تمام بعد اذنك
آدم خرج وراح عند نسرين
آدم =ظبطي خمارك كويس عشان هتخرجي وانا هنزل ادفع حساب المستشفي تحت.
آدم كان لسه هيمشي بس…
سعاد_يا استاذ يا استاذ
آدم =خير
سعاد_النوتة دي كانت معاها وكان فيها ارقام غريبه شكلها ارقام مش من مصر معادا رقم واحد كان مكتوب جمبه جدي بالعربي، زميلتي رنت عليه ورد راجل كبير.
آدم =طب وبقية حاجتها؟
سعاد_لا هيا مكنش معاها حاجة تاني غير دي.
آدم =تمام حاجة تاني؟
سعاد بأعجاب _لأ مفيش حاجة تاني
آدم نزل دفع حساب المستشفي وشاف جنازة خارجة اترحم عليها ودعى لاهلها بالصبر وبعدين طلع تاني عند نسرين
آدم =يلا
نسرين كانت ماشية جمبه وبتكلم نفسها =هوا بيخاف يضحك، سبحان الله طول بعرض وجسم رياضي، ده العضلة عنده ادي مرتين وكمان عيونه خضرة، مش عارفة ليه خايفة منه؟
آدم من غير ما يبصلها =ركزي في الطريق بدل منتي سرحانة فيا كده
نسرين حست بأحراج =انا مكنتش سرحانة فيك علي فكرة
آدم =اه بأمارة العضلة عنده ادي مرتين
نسرين شهقت =يالهوي هوا سمعني؟!!
وصلو عند عم حسن
حسن _ازيك يابنتي الف سلامة عليك.
نسرين حست انه راجل طيب مش زي هولاكو اللي شفته ده (آدم)= الله يسلم حضرتك
آدم =ده عم حين هوا اللي مربيني ودي نسرين ياعم حسن
حسن _بسم آلَلَهّ ما شاء الله ربنا يحفظك يابنتي
عم حسن ركب العربية وركب آدم جنبه ونسرين ركبت ورا.
_______________~_________________~
في المقابر
ابراهيم _يلا يامصطفي ملوش لزوم قعدتك هنا يلا عشان تاخد العزا
مصطفي _سبني اتونس بيها شوية دي كانت بتخاف تنام لوحدها عايزني اسبها وامشي
إبراهيم _ياحبيبي هيا خلاص مبقتش موجودة معانا بجسمها بس روحها هتفضل موجودة حولينا وحسن حاجة تعملها انك تدعلها بالرحمة.
______________~__________________~
في بيت عم مصطفي
سنية بدموع تماسيح _ياحببتي يابنتي كانت طيبة اتخطفت منا وسطنا
ست من ال موجدين في العزا _ربنا يرحمها، اخلاقها وتربيتها مكنتش علي حد وكانت بتحب تساعد الصغير قبل الكبير وحنية الدنيا فيها
سنية في سرها _اهو ربنا خدها واستريحت منها
وردة مرات عم ابراهيم _ربنا يرحمها ويصبر ابوها علي فرقها
سنية_منجلكش في حاجة وحشة
وردة بخبث _مخلاص الحلو بتاعنا مشي مفضلش غير الوحش
سنية بتوتر من نظرات وردة _ربنا ما يجيب حاجة وحشة ياختي.
“” “” “” “” “” “” “” “” “” “” “” “” “” “” “” “” “” “” “” “”
قد تشعر ان الكون سوف يتوقف عند وفاتك ولكن في الحقيقة لا احد يهتم بغيابك ”
“” “” “” “” “” “” “” “” “” “” “” “” “” “” “” “” “” “” “” “”
في القصر
الجد _وبس يابنتي دي كل الحكاية و اتحرمت منك كل السنين دي بس ربنا اراد انه يجمعنا تاني
ايمان كانت قاعدة وبتبص لنسرين بغيرة لانها كانت جميلة لأ جميلة جداً وكمان لابسة خمار ولبس واسع و آدم ياما اتكلم مع ايمان واية في موضوع لبسهم للبناطيل وهما مش مقطنعين
نسرين= بأذن الله مش هنتفرق يا جدي
آدم =دادة فاطمة……. يا دادة فاطمة
فاطمة _ايوة يا آدم يابني
آدم =خدي نسرين لاوضتها عشان ترتاح
فاطمة _حاضر
آدم =دادة دي نسرين بنت عمي،، وبص لنسرين وقال =ودي دادة فاطمة مرات عم حسن اللي شفتيه معايا وهيا ال مربياني.
نسرين ابتسمت حست انهم ناس طيبين وهيحبوها وتحبهم بس حست بعكس كده مع إيمان.
فاطمة_تعالي يابنتي، فاطمة اول ما شفتها ابتسمت _بسم الله ماشاء الله قمر
نسرين ببتسامة = شكراً يادادة
نسرين طلعت مع فاطمة فوق
الجد _تعالي يا آدم عايزك
آدم =حاضر
~~~~~~~~~~~~~~~~~~~~~~~~
في المكتب
الجد _كده انا هقعد معاكم يومين وهدلى (انزل) الصعيد ومش هينفع اخد نسرين معايا لانها ممكن متتعودش علي العيشة هناك وكمان مفيش حد يرعاها زي هنا
آدم =قصد حضرتك انها تقعد هنا معانا؟
الجد _ايوة
آدم =ايوة ياجدي بس هتقعد معانا ازاي وحضرتك مش موجود
الجد_انا عشان عارف اخلاقك ياولدي فهطلب الطلب ده منك
آدم =خير يا جدي؟
الجد _……………..
آدم بعصبية =انت بتقول ايه ياجدي مستحيل انا لا يمكن اوافق علي الكلام ده.
… لسه الحكاية مخلصتش…
حكاية بنت عم مصطفي خلاص لحد كده ولا هيظهر حاجة جديدة منعرفهاش؟
وياتري نسرين هتعرف تعيش مع العيلة وهيا فاقدة الذاكرة؟
وايمان هتتكرها ولا ممكن تغير رايها؟
طب جد آدم هيكون طلب ايه من آدم، اتعصب كده؟