رواية القيصر الفصل التاسع عشر 19 بقلم نهى عادل

رواية القيصر الجزء التاسع عشر

رواية القيصر البارت التاسع عشر

رواية القيصر الحلقة التاسعة عشر

ومن وُهب له الرضا بقضاء الله وقدره فقد بلغ أفضل الدرجات. ثق بأن الله يرى كم تكبدت الصعاب. سيستجيب، لأنه وعدك، ولأنه الله.
❈-❈-❈
صباح يوم جديد
داخل شقة منه
استيقظت من نومها على صدح هاتفها نظر ت وجدتها مارية قامت بالرد قائله: صباح الفل يا حب عمري
قهقهت مارية قائله: صباح الخير يا اخرة صبري لقيتك رني عليى اكتر من عشره مرات
اعتدلت منه من جلستها قائله: فكرتني صح كنتي فين يا بت قولت لي اجي لك وبلاش تأخير و الذي منه و في الاخر اجي مش الاقيك يا واطيه
حمحمت مارية قائلة: اصلا الصراحة كنت مع أرسلان
_مين و أزاي!!!
هكذا قالت منه بتعجب و ذهول
تنهدت مارية قائله: اهدي يا منه و انا هقول لك على حاجة
اردفت منه قائلة بسخرية: قول لي يا ماما قول لى و اشجني
اخذت مارية نفسا و قصت ما حدث معها منذ ان قامت بفتح الباب وجدته أمامها الى ان طلبها للزواج
اتسعت عيون منه قائله: ينهار أسود ومنيل يعنى عايزه تقول لي أنه كان عارف عنك كل حاجة
أجابتها مارية قائله: اه كله كله تصوري يا منه و انا اللي كنت فأكرة نفسي نصحه و هعمل حوار صحفي عنه و اعرف كل تفاصيل حياته اتاري هو اللي طلع عارف كل حاجة عن حياتي شفتي النحس
قهقهت منه قائله: يا خبتك الكبيرة يا مارية و اللي كنا بنعمله مع الناس اتعمل فينا، بس مش مهم المهم انه هاااا طلع عاشق و لهان وطالب القرب و الحب أوعدني يارب بقمر و شخصية كدة زيه
اردفت مارية قائله بغيرة: أتلمي يا منه.
اردفت منه قائلة بمكر : اه شغل الغيرة هيشتغل ولاء ايه المهم اميرة عامله وحشني كتير
اجابتها مارية قائلة: كويسة الحمدلله انا شفتها امبارح لما روحت الفيلا اشوف وهج بس حاولت اتصل بها لقيت نوح رد عليى و قال لي انها نايمه اتحرجت و قفلت على طول بس هروح لها النهارده ايه رايك لو تيجى وكمان ضحي اخت ابو النوادر هتيجي واخدة بالك من ضحي
ابتسمت منه باتساع قائلة: طبعا معاكم يا حب عمرى هقوم بسرعة انزل اخلص اخر تقرير فى المجمع و على طول اجى لك بس ابقى ابعتى العنوان فى رسالة
أردفت مارية قائله: تمام بس امانه عليك ابعدي عن المشاكل يوم بس
زمت منه شفتيها قائله: بقى انا وش ذألك
قهقهت مارية: أنتِ كذألك كله يا روحي
قالت هذا و قامت بغلق المكالمة.
بعد انتهاء المكالمة نهضت منه من على الفراش و انتصبت واقفة و سارت متجه الى الحمام دلفت الى الداخل اختفيت دقائق و خرجت واقفت امام خزانه ثيابها و انتقت فستان من اللون الرصاص وحجاب من اللون السماوي و أدت فرضها وخرجت الى الردهة وجدت والدتها تجلس امام التلفاز اقتربت قائلة:
_صباح الخير يا منال
نظرت لها منال بغضب قائلة: صباح الخير يا اخرة صبري لبسي و رايحه بدرى كده على الصبح فين مش عادتك يعنى
اجابتها منه وهى ترتدى حذاء رياضي من اللون الأبيض قائلة: عندي شغل قولت اخلصه بدرى علشان رايحه عند أميرة مع مارية
لوت منال شفتيها قائلة: شغل طيب امانه عليك ابعدي عن المشاكل نفسي تيجى لي مرة من غير مشاكل يا حبيتى مرة كدمه في وشك ومره في عينيك ومرة خياطة سبعه غرز في ايدك ارحمى نفسك و أرحمنى يا منه
وضعت منه يديها فى خصرها قائلة بغرو: دي ضريبة النجاح يا أعداء النجاح بس حاضر هبعد عن الشر و اغنى له مبسوطة منى سلام
قالت هذا واقتربت منه من والدتها ووضعت قبله على وجنتيها.
❈-❈-❈
في شقة نادر الحسيني.
وضعت ضحي الأطباق على الطاولة التي يجلس امامها نادر قائلة: برده يا ابية شربت قهوة قبل الفطار
ابتسم لها نادر قائلا: انتِ عارفة يا ضحي انا بحب اشرب القهوة قبل الفطار بس تسلم ايدك ايه الفطار الملوكي ده
ابتسمت بفرحة قائلة: بجد عجبك يا ابية
قبلها نادر من وجهتها قائلا بحب: ربنا يخليكى ليا يا ضحي ويهدى بابا وماما ويلا بقا نفطر علشان اوصلك معايا في سكتي للكلية و اول ما تخلصي رني علي اجي اخدك على طول
اجابته ضحي: لا ما انا بعد اذنك لما اخلص الكلية عايزه اروح عند وهج و الدكتورة اميرة
أومأ له برأسه قائلا: تمام مفيش مشكلة خلصي و اجي اخدك وأوديكِ هناك.
صدح رنين هاتفه اخرجه من جبيه و جده سيف قام بالرد قائلا: سيف باشا بيتصل مره واحدة لا كده يبقى فى حاجة اشوفك و اسمع صوتك
شحب وجه ضحي عند سماع اسم سيف
قهقه سيف قائلا: شفت علشان تعرف انى اجدع منك
المهم محتاج اشوفك ضروري
اجابه نادر قائلا : خير قلقتني فى حاجة أنت كويس يا سيف
تنهد سيف قائلا: انا كويس متخفش بس محتاج لك فى موضوع مهم.
تنهد نادر قائلا: طيب تمام حد الوقت والمكان وبلغني
اجاب سيف قائلا: الليلة فى الكافية بتاعنا عندك مشكلة
رد نادر بهدوء: لا مفيش مشكلة هوصل ضحي عند القيصر
شعر سيف بالغيرة أردف قائلا بتسرع: وهى تروح عنده ليه لوحدها
تعجب نادر قائلا: فى ايه يلا مالك و بعدين انا اللى اخوها مش أنت يا جدع المهم سلام دلوقتي و خلينا على تليفون علشان لازم انزل علشان تلحق كليتها سلام يا صاحبي
تنهد سيف قائلا: سلام يا صاحبي
بعد ان انهى نادر حديثه مع سيف جذب أشيائه من على الطاولة قائلا وهو ينظر الى: يلا يا منه
منه اين منه كانت شاردة شاحبه الملامح أخافت بشده عندما سمعت حديث سيف ايعقل ان يخبر نادر بما حدث معها، تعجب نادر و هو يرتب على ضهرها بحنان قائلا: منه،
آفاقت قائلة: هااا بتقول لى حاجة يا أبيه
أردف نادر قائلا بحنان: أنت كويسة يا حبيتى
ارتبكت منه قائله: اه كويسة بس هو في حاجة معاك
اجابها قائلا: حاجة أزاي يعنى مش فاهم
تنهدت قائلة: مفيش يا ابيه خلاص و يلا علشان ميعاد المحاضرة قرب.
قالت هذا وجذبت حقيبتها تهرب من امام نادر الذي كان ينظر لها نظرات ذات معنى.
❈-❈-❈
امام المجمع السكنى الخاص لشركات القيصر
ترجلت منه من سيارة الأجرة قامت بدفع الحساب و سارت متجه الى الداخل زفرت بغضب عندما وجدت المجمع خالي من العمال فهي جاءت مبكرا حتى تنهى عملها بسرعه و تذهب الى مارية و أميرة تنهدت و قامت بعمل جولة داخل المجمع تقوم بتصوير تلك الشقق الفاخرة قائلة بمرح: أوعدني يارب و أسكن فى شقة من دول.
و اثناء حديثها مع نفسها سمعت همسات قادمه من إحدى الغرف اقتربت ببطء و انصعقت حين سمعت:
_ شخص: عملت اللي قولت لك عليه يا بيومي و بدلت الحديد الجديد بالحديد المضروب زي ما الباشا طلب مننا
اجاب الشخص الأخر قائلا: حصل يا رشاد رغم انى خايف ان المجمع يقع على الناس ولو ماتت يبقى ذنبها فى رقابتنا
وقبل ان يجيب بيومي اقتحمت منه الغرفة قائلة بصوت حاد: ينهار أسود و منيل بتسرقوا فى الحديد عايزين الناس تموت وقعتكم سوده بأذن الله على ايدي وانا صورت كل ده صوت و صورة وهروح بسرعة اقول ل مستر نادر
انتفض بيومي ورشاد من جلستهم الذي أردف بغضب: انتِ مين ودخلتي هنا أزاي
اردف بيومي قائلا: اهدي بس يا آنسه و نتفاهم
اجابته منه قائلة بسخرية: التفاهم هيكون مع مستر نادر
أردف رشاد بشر قائلا:
قبل ما تفكري تقول لي حاجة ل نادر بيه هتكوني موتي
قال هذا و حاول مسكها الا انها فرت بسرعة البرق من أمامه تحاول الاختباء ولكنها شهقت فجأة حين وجدت يد تكبلها من معصم يدها قائلا: رشاد تعال بسرعة انا مسكتها.
اقترب رشاد منها و أردف بغضب بعد ما اخرج من جبيه سلاح يوجه إليها قائلا: كنتِ بتقول لى ايه بقا يا حلوة
عضت على شفتيها قائلة: ولزومها ايه المطواة ده يا أخ رشاد أنا بقول نتفاهم احسن
زفر رشاد قائلا بشر : فين التسجيل يا بت بدل ما اخلى المطواة ده تلعب في وشك البخت قبل ما نقتلك و نرمي جثتك للكلاب السكك
شحب وجهها قائله: و على ايه كل ده يا اخ رشاد التسجيل معايا اهو في موبايلي اتفضل خده و سيبنى أخرج من هنا و انا اوعدك كل الوعد إني لا اري لا اتكلم لم اسمع شئ والله بس سبني اخرج انا اللي غلطانه
صرخت بقوة صرخة مدوية تعبر عن مدي غيظها قائله:
_ياريتني سمعت كلامك يا امى، عاااا انا عايزه اروح لأمي منال انا ايه اللي عملته فى نفسي ده ياربي كانت لازم تاخدني الشهامة اوي كده، سجلت و خلاص مش امشي و انتل اروح اقول ل ابو النوادر على اللي سمعته و اخليه يسمع التسجيل ، لا أزاي لازم احط التاتش بتاعي و ادخل اقول لهم إني سجلت لهم فالحة انا عارفة إني فالحة و هبله زي ما منال بتقول
صرخ بيومي قائلا: بس كفاية كلام هنعمل معاها ايه يا رشاد كله الا القتل انا لا يمكن اقتل حد لحد هنا و انا براءة يا صاحبي.
اجابه رشاد قائلا: أهدي شوية خلينى نفكر انا هحاول اتصل بعصام بيه يقول لى هنعمل ايه
نظرت منه الى رشاد وجدته مشغول في هاتفه يحاول الاتصال ثم نظرت بيومي و انتهزت الفرصة انشغاله و قامت بغرز أسنانها فى ذراعيه وهرولت الى الخارج تحاول الاختباء او الاتصال بأحد يقوم بمساعدتها
اردف بيومي قائلا: اه يا بت العضاضة
صرخ رشاد: بسرعة لازم نمسكها قبل ما تروح تبلغ علينا.
و اثناء هروب منه اصطدمت بجسد صلب ارتجف جسدها و أنتفض رفعت وجهه مع دقات قلبها السريعة خوف ان يكون أحد ذألك الاشخاص و لكنها وجدته نادر ابتسمت و اخذت نفسا طولا قائله بفرحه: هو انت حمدالله على السلامة يا ابو النوادر جيت المرة ده متأخر بس الحمدلله انك جيت.
كانت تتحدث بمرح رغم رجفه صوتها و جسدها
رفع نادر حاجبه قائلا بتعجب: قصدك ايه و بتخرقي بتقولي ايه.
اجابته منه قائله: ثواني بس اخد نفسي واقول لك على كل حاجة وتعال نستخبى فى حته ليكون حد جاي منهم.
اما رشاد و بيومي عندما وجدوا نادر بصحبه منه فروا من المكان بسرعة البرق.
اخذ نادر منه الى غرفة مكتبه و اعطى لها كاس من المياه بدا جسدها يهدي قصت له ما سمعته حتى هذه اللحظة بعد ان انتهيت من سرد ما حدث انتصب و اقفة قائله: التسجيل معاك أهو استأذن انا بقا سلام عليكم
قالت هذا و كادت ان تخرج من باب المكتب الا ان نادر اردف قائلا بصوت حاد: أستني عندك رايحه فين؟!
استدارت وجدته ينهض من جلسته يقترب منها وقف امامها بغضب يشعل داخله يحدث حالة بهياج كمن فقد عقلة من افعال تلك التي ستصيبه بالجنون لا محال. نظر له نظرة دبت الرعب بأوصالها همست بداخلها: يلهوي ده هياكلني
وجدته يقترب منها اكثر بخطوات بطيئة دون ان ينطق بكلمة واحدة ومع كل خطوة منه كانت تعود للخلف حتى وجدت الباب اردفت قائلة بغضب: لو قربت منى خطوة كمان، شوف انا هعمل فيك ايه اديك شوفت اللى بقرب منه بعمل فيه ايه.
نظر لها بمكر ومال على اذنها قائلا: منا نفسي أشوف والله انت فعلا م متهورة وبس لا وغيبة كمان بجد انا عمري ما شوفت أغبي منك يا منه
نظرت له نظره زلزلت كيانه، تأمل ملامح وجهها بدقة
لا تخلو من الأعجاب من بداية حجابها الفوضوي و تلك الخصلة الهاربة اللامعة مثل سواد الليل، ابتلع لعابه
حين نظر الى شفتيها المكتنزة كحبه الكرز الطازجة للالتهام
غضب منه عندما وجدته ينظر إليها هكذا أ ردفت قائله بصوت حاد: لو سمعت ابعد عني خلينى اخرج
شهقت منة بعنف و تحول وجهها لكتلة حمراء حين حاصرها بيده في احد الأركان و اليد الأخرى رفعها لكي يقوم بإدخال تلك الخصلة الهاربة من حجابها
انتفض قلبها و اصبح يعلو ويهبط من هذا الشعور اردفت قائله بعنف وهى ترفع له اصبعه فى وجهه:
على فكرة أنت قليل الأدب
قالت هذا ولكنه فجاة قام بتقبيل أصبعها ثم قهقه بصون مرتفع مستمتع بخجلها و غضبها الذي جعل قلبه يدق مثل الطبول من شده فرحته اردف من بين ضحكاته و اقترب من أذنها وهمس له:
و ايه كمان غير إني قليل الأدب.
جحظت عينيها من جرائته غير مستوعبه من افعاله فكرت سريعا في حل يخرجها من هذا الموقف ابتسمت بمكر وهى تنظر الى الأعلى: بص العصفورة دى
ليقع نادر فى الفخ وينظر الى الاعلى لتنتهز منه الفرصة و قامت بفتح الباب وخرجت مسرعة تهرول الى الخارج و هى تضع يديها على قلبها قائلة:
_يا نهار أبيض ده طلع قليل الأدب يعنى يارب يوم ما احب بجد يكون شخص قليل الأدب، بس جمر ابن الذين
بينما وجد نادر تفر من امامه ظل يضحك عليها بشده حتى أدمعت عينيه و لكنه تذكر شئ و اخرج هاتفه قائلا: ياسر فى آنسه لسه خارجه دلوقتي من المجمع الأنسة منه الشاذلي عينك ما تفارقهاش ولو حصل اى حاجة تبلغني بها على طول
جاءه الرد: تحت امرك يا باشا.
انهي المكالمة و اردف قائلا: لقد وقعت فى حبك مجنونتي
❈-❈-❈
فى فيلا القيصر
بداخل تلك الغرفة المتواجد بها أميرة
نوح لم يغمض له جفن ظل طوال الليلة مستيقظ بجانبها يضمها بشده إليه خوف عليها. حتى انه هاتف ارسلان بما حدث و طلب منه عدم اخبار مارية
وجدها تفتح عينيه ببطء شديد قائله بهس يكاد يسمعه: عطشانة ميه عايزه ميه.
اردف قائلا: حاضر ثانيه واحدة
قال هذا و ابتعد عنها يضعها بحنان شديد على الفراش
وانتصب واقفا يجلب لها كاس من المياه
اقترب قائلا بحنان: أتعدلِ يا اميرة علشان تشربي
عدلت من جلستها تنظر بضعف و بالفعل ساعدها نوح بالشراب الميه هتفت قائله: الحمدلله، هو ايه اللى حصل انا مش فأكرة حاجة غير وجع بطني بعد ما شربت العصير ده كل اللى فاكره
تنهد نوح بألم قائلا: كان عندك حالة تسمم
تعجبت أميرة قائلة بذهول: تسمم!!! طيب إزاي
اجابها نوح قائلا: مش مهم أزاي، المهم إنك كويسة انا هروح اقول لمنى تحضر لك فطار لحد ما تاخدى شاور
و على فكرة مارية رنت عليك امبارح بس انا ما رضيتش اقول لها اللي حص لك.
تنهد قائلة بوهن: كويس إنك عملت كده
قالت هذا و حاولت تنهض من على الفراش رغم شعورها بذألك الألم و انتصب واقفة لكى تذهب الى الحمام ولكنها شعرت بدوار كادت ان تقع الا ان حاوطها نوح بيده حول خصرها تلاقت العيون
انفجر بركان شوقه وخوفه عليها فتن بملامح وجهها الخجولة رغم تعبها ولكنها كانت شديدة الجمال، مد يده ورفع وجهها و انحنى برأسه يتذوق قبله من شفتاها
تاهت أميرة فى بحور عشقة ولمسته الحنونة ابتعد عنها
و ضغط على خصرها ضغطه خفيف كانت بنسبه لها ضغطه على قلبها ومشاعرها كاد ان يتحدث و يقول لها بحقيقة مشاعره الا انه سمع طرق على الباب اخراجهم من هذه المشاعر
حاولت اخراج صوتها تحاول تهدئه خفقان قلبها قائلة:
_اكيد دي مارية انا هروح افتح لها.
ابتسم لها يحاول هو الاخر ان يسطر على مشاعره و قلبه الذى يدق بشده من قربها منه قائلا: خليك انا هفتح لها و أنا خارج
قال هذا و اتجه الى الباب و قام بالفتح و بالفعل وجدها مارية التي خجلت حين وجدته هو من قام بفتح الباب قائله: اسف للإزعاج.
ابتسم نوح بهدوء: ولا يهمك بعد اذنك
قال هذا وهرول من امامها يذهب الى مكتب القيصر.
دلفت مارية وجدت أميرة تقف شارده يظهر على وجهها التعب اردفت قائله بقلق: أميرة انت كويسة
ابتسمت اميرة تحاول عدم شعور مارية بشئ قائله:
_انا الحمدلله كويسة و بأفضل حال، كان عندي شوية برد بس نوح جاب لى علاج و عمل لى لمون
رغم شعور مارية انه يوجد شئ الا انها هتفت بمزح قائلة: اه قولت لى نوح ولمون بس ليه وشك احمر كده يا بت ميرو اوعي تقول لى إنى جيت فى وقت غير مناسب لسمح الله.
ابتسمت اميرة باتساع وهى تتذكر تلك القبلة قائله:
_بالعكس لأول مرة تيجى في الوقت المناسب، بصي انا هموت من الجوع هدخل ادخل شاور و اطلع نفطر سوا فى الجنينة و تقول لى اخرالأخبار
أومات لها برأسها قائله: تمام يكون منه وضحى جم كمان و نقعد مع بعض زي زمان و بالمرة احكي مرة واحدة بالجملة على ما تاخدى الشاور انا هنزل استني تحت
قالت هذا و هرولت الى الخارج تبحث عن وهج و أرسلان
بينما اميرة تنهدت بوهن تدلف الى الحمام.
❈-❈-❈
فى مشغل الإنسانية.
منال بعد ان اخبرتها إيمان و مارية بما حدث مع السيدة توحيدة صعدت الى الشقه لكى تطمن عليها قامت بالطرق لتفتح لها إيمان قائلة:
_صباح الخير يا خالتى عاملة ايه النهارده
ابتسمت منال قائلة بحب اموي حقيقى: صباحك عسل با بت يا إيمان، انا الحمدلله احسن من الاول انتى عارفة وجع المفاصل بقى يلا هناخد زمنا و زمن غيرنا المهم فين الست كوثر
اجاتبها إيمان قائله: ربنا يديكى الصحة و العافية وتجوزي منه وكمان اولادها
أمنت منال على دعاء إيمان قائله: يارب يسمع منك ربنا و اشوفكم كلكم فى بيت عدالكم.
قال هذا و سارت متجة الى غرفة كوثر التى وجدتها مفتوحة اردفت قائلة وهو تقوم بالطرق على الباب: ممكن أدخل
تنهدت تلك الشاردة قائلة: اتفضلى البيت بيتك
دلفت منال قائله: انا منال المسؤولة عن المشغل انا عرفت ان الذاكرة رجعت لك من تانى حمدالله على السلامة يا ست كوثر
ابتسمت لها كوثر قائلة بوجه بشوش: الله يسلمك .
❈-❈-❈
بينما كانت مارية تبحث عن وهج و ارسلان صدح رنين هاتفها اخرجته وجدته الرائد سيف.
قامت بالرد قائلا: السلام عليكم ازاى حضرتك يا حضرة الرائد
اجابها سيف قائلا: تانى رائد احنا قولنا ايه، المهم انتِ عاملة ايه
ردت بأحترام قائله: الحمدلله حضرتك وصلت لاى حاجة فى موضوع الست توحيدة قصدى كوثر
تعجب سيف قائلا. هى كوثر ولاء توحيدة
ضربت مارية وجهتها قائلة: انا اسفة معلش نسيت اقول لحضرتك انها رجعت لها جزء من ذاكرتها و قالت انها اسمها كوثر
_حلو اوي، طيب قالت اسمها كوثر ايه
هكذا قال سيف
عضت مارية على شفيتها قائلة: الصراحة نسيت لانى انشغلت بس اكيد هروح أتكلم معاه فى أقرب وقت
اجابها سيف قائلا: على فكره انا كمان وصلت لحاجة مهمه اوي
اجابته مارية بلهفه: ايه هى
اردف سيف قائلا: أنها دخلت مستشفى السجن فى قضية مخدرات بس كانت فاقدة الذاكرة
_مستحيل الكلام ده
هكذا اردفت مارية بتعجب
اردف سيف قائلا: و ليه مستحيل كل شئ جايز انا هبعت لك كل التفاصيل فى رسالة لحد ما تقعدى معاها مرة تانيه
اجابت ماريه قائله: انا مش عارفة اشكر حضرتك أزاى.
_مفيش شكرا يا آنسه مارية مع السلام قال هذا سيف و قام بغلق الهاتف
بعد انهاء المكالمة ظلت مارية واقفة شاردة الذهن آفاقت على: كنتي بتكلمى مين يا مارية
انتفضت مارية و استدرات للخلف وجدت أرسلان يبتسم عليها اردفت قائلة بغضب: خضتني يا أرسلان
لمعت عينيه بالحب عند ذكر اسمه بدون ألقاب ابتسم قائلا وهو يقترب منها وهمس قائلا:
_سلامتك من الخضه يا مارية القلب.