رواية العشق الممنوع الجزء الثاني الفصل السادس عشر 16 بقلم مارلي إيهاب

رواية العشق الممنوع الجزء الثاني الجزء السادس عشر

رواية العشق الممنوع الجزء الثاني البارت السادس عشر

رواية العشق الممنوع الجزء الثاني الحلقة السادسة عشر

في بيت روفان كان يقف وجية بضيق ومعه الدكتور و بيكشف علي روفان
الدكتور خلص وقال بهدوء.. متقلقش يا استاذ هي كويسة بس محتاجة شوية هدوء نفسي و بلاش شدة اعصاب انتي في الخامس بلاش تفضلي متوترة طول الوقت لان ممكن بسبب التوتر الزايد ده يسبب في سقوطك لا قدر الله
روفان هزت راسها بدموع
اما وجية خرج مع الدكتور بره و حاسبه و مشي وهو فضل في الصالة جلس بضيق وهو يقول.. مش كانت ماتت و ريحتني انا تعبت
خرجت روفان بدموع وقالت… وجية
وجية بغضب.. عايزة اية دكتور و جبت عايزة مني
روفان اتخضت جدا من صوته العالي…. انت بتعمل معايا كدة ليه يا وجية هو انا عملت حاجه
وجية بغضب.. لا هو انتي بتعملي حاجه يا هانم
ومسكها من ايدها بغضب وشده… انا بكرهك بكرهك وبكره اليوم اللي شوفتك فيه فاهمة و بتمني موتك علشان اخلص منك و من قرفك و من العيشة السودة ديه فاهمة بلاش جو المسكنة ده مش حلو عليكي انتي واحدة رخيصة ياروفان رخيصة
و ذقها جامد وقعت علي الارض صرخت بوجع وهي تبكي من الم بطنها الشديد من اثر الواقعة
و تبكي من كلماته التي قت. لها بها في قلبها
روفان بصراخ… اه بطني بتتقطع
وجية كان يقف يراها ببرود وهي تتلوي من الالم امامه
روفان وهي تنظر للدماء التي في الارضية صرخت بزعر ورعب وتبكي… وجية الحقني ابوس ايديك ابني هيموت
وجية ببرود…. ده اللي انا عايزه
روفان بصراخ وبكاء… حرام عليك عايز تموت ابنك
وجية ببرود… انا عايز اموتك انتي شخصية ومش عايز اي حاجة منك
روفان ببكاء…. الحقوني ياناس بموت
كانت روفان تصرخ حتي يسمعها الجيران و لكن قال وجية… محدش هيسمعك البيت في عازل للصوت
روفان فقدت الامل وكانت علي وشك فقدان الوعي
والد*م زاد نزوله و قلق كمان وجية
وجية بضيق.. اما اوديها الزفت المستشفى احسن تجبلي مصيبة
قرب منها و شالها بضيق و كره وهي كانت لسه لم يتم الاغماء كاملاً فتح باب الشقة وخرج بسرعة و اخدها علي عربيته وطلع علي اقرب مستشفي
وبعد ربع ساعة و صل و اخدوها علي الترولي
وتم ادخلها العمليات بعدما راو حالتها
بعد مرور نصف ساعة. خرج الطبيب وهو بيقول… هي الحمدلله كويسه وقدرنا ننقذ الجنين ولكن ده مينفعش يحصل تاني اي واقعة زي دي هتبقي خطر علي الام والجنين ممكن وقتها نفقده
وجية هز راسه وقال ببرود.. شكرا
الدكتور استغرب ملامح البرود وقال.. بعد اذنك هي شوية و هتخرج من غرفة العمليات و هتتنقل في اوضة
وتركه وخرج وتلفون وجية رن وكانت حورية..
وجية بضيق… مش ناقص ياماما دلوقتي
وجية رد بهدوء… الو ياماما
حورية بهدوء… انت فين
وجية بضيق… بتمشي
حورية بهدوء… من امبارح مجتش البيت قولت اما اشوفك فين يمكن تكون مع حد
وجية بضيق.. لا مع حد ولا سبت
حورية بهدوء… وناوي تجي امتي يا استاذ
وجية بهدوء… هشوف يا ماما انا كنت قاعد في اوتيل انا مرتاح فيه عايز اريح اعصابي الاول و بعدين ارجع البيت لو سمحتي
حورية بضيق… ماشي يا وجية
وقفلت الخط في وجهه
اما وجية سند راسه علي الحيطة
وجية في نفسه بضيق وزعل.. ليه كدة بس ليه دايما ميقعش معايا غير بس التعب و القرف يمكن عملت غلطات كتير يارب بس مستحقش عقاب زي ده انا تعبان يارب مش قادر ليه ليه انا مش بحب روفان بالعكس بكرها و بكره اللي عملته فيا لغاية امتي هفضل متعذب حتي العيل ده اية ذنبه يجي مع ام واب زينا احنا الاتنين غير مستحقين لطفل نربيه و نكون مسؤولين عنه ارحمني يارب ارحمني
فاق من شروده علي صوت الممرضة وهي بتقول… المريضة فاقت في اوضة ٦٦٠ يا استاذ و عايزة حضرتك
وجية هز راسه بضيق وقام دخل الاوضة وهي كانت تنام والدموع تنزل من عيونها
واول ما دخل و قف قدامها التفتت له وقالت بدموع علي وشك ان تتحرر و تنزل… ليه محبتنش
وجية وقف امامها لا يرد كملت كلامها باول دمعات بادرت بالنزول علي خديها… انا عملت كل حاجة علشان بس تحبني وتبقي معايا متوقعتش ابدا انك تبقي معايا كدة تكرهني و تتمني موتي و موت ابني
دموعها كانت تتزل بغزاره…. وجية رد عليا انا متحبش علشان كدة مش بتحبني انا وحشة طيب شكلي مش عجبك قولي اية اللي مش عجبك وانا هعمل تجميل واغيره وجية رد ارجوك
شافته سوف يتركها و يخرج قالت برجاء والدموع تنزل من جفونها…. رد عليا متسبنيش كدة يا وجية ارجوك رد عليا انت بتكرهني ليه
وجية بجحود… علشان بكرهك و بكره اسمك و شكلك وكل حاجه فيكي فاهمة مهما تعملي و تسوي هتفضلي في نظري رخيصة
وتركها وخرج وهي نظرت لكلماته التي اثرت فيها اكتر من الاول و بكائها زاد بشدة والممرضة دخلت بخضة.. في اية انتي تعبانة ولا اية اندهلك الدكتور
كانت لا ترد علي احد خرجت الممرضة بسرعة وندهت علي الدكتور اللي جه واول ما شاف حالتها ادلها حقنة مسكن نيمتها واستغرب من جوزها اللي واقف بره ببرود. حتي مسألش مالها استغرب بروده جدا
الدكتور بستغراب… ماله ده مش مراته اللي بنجري عليها
.؟……………………
في باريس كان بدر في غرفته يجهز ملابسه حتي ينعم بشاور دافئ
بدر بهدوء… انا خلصت رص الهدوم ادخل انا بقي قبل ما ريتاج تجي علشان نخرج
دخل اخد الشاور بتاعه وبعد عشر دقايق خلص و ارتدي ملابسه وخرج كانت ريتاج تجلس علي السرير
بدر بستغراب.. انتي دخلتي ازاي
ريتاج بابتسامة… انت سايب الباب مفتوح يا استاذ
بدر بصدمة.. ياراجل
ريتاج هزت راسها وهو ابتسم وقال.. هسرح والبس الجزمة و هكون جاهز
ريتاج بهدوء… اوك
بدر سرح شعره و لبس جزمته وقال.. يلا بينا
ريتاج بابتسامة… يلا
خرجوا الاتنين بابتسامة علي وجههم
وبعد ما خرجوا من الفندق كان في سيارة موجوده ليهم
ريتاج بابتسامة.. اركب يا عم يلا
بدر بهدوء… احنا هنقضيها ركب ولا اية انا عايز اتمشي
ريتاج بهدوء.. اصبر علي رزقك يا عم
ركب بدر العربية وريتاج كمان و ساقت هي العربية
وقالت.. الاول هنروح ناكل و بعدين هنروح نتمشي شوية و نجيب ايس كريم و حاجات من اللي قلبك يحبها وبعدين في مول كبير في كل حاجه بقي ملاهي و شوبنج ووكل حاجه يعني
بدر بهدوء… اوك
ريتاج طلعت بالعربية علي المطعم وبعد عشر دقايق وصلوا ونزلوا بعدما ركنت السيارة في مكانها المناسب. ودخلوا المطعم
بدر بنبهار.. اية الجمال والحلوة ده المطعم شكله تحفه
ريتاج بابتسامة… ده اكبر مطعم هنا و اغلاهم طبعا اقعد
بدر كان ينظر حاوله بابتسامة وهو يتأمل جميع جدران المطعم والرسومات التي مرسومة عليه
الجرسون… ما هي طلبتكم
ريتاج نظرت في المنيو وقالت علي الاكله اللي هي عايزها
بدر بستغراب.. اية الاكلات دي يا ريتاج هو انا هاكل من الاكل ده
ريتاج بهدوء.. في اي بس يا بدر اختار اي حاجة عجبتك او شايف انها هتبقي مناسبة
بدر بستغراب.. انا مش فاهم اصلا اية اللي مكتوب يا بنتي
ريتاج للجرسون… عل تسمح لينا بدقيقه من فضلك
الجرسون بابتسامة… امرك
بعد الجرسون عنهم وشافت ريتاج المنيو وقالت بهدوء…. بص يا سيدي و ركز معايا الاكله دي عبارة عن روز بسمتي بس هو اللي شكله غريب هنا شوية ولونه متغير عن مصر شوية ومعه نص فرخه بالشوربة بتاعتها ها اجبلك دي
بدر… اوك مش عارف انا اية الاكل ده
ريتاج بابتسامة… معلش خليها عليك انت المرة دي
شاورت ريتاج للجرسون وحه واخذ الطلبات بتاعتهم
ومشي
وهي قالت بهدوء…. بص يا سيدي ممنوع تسبني و تروح في حتة علشان المول اللي هنروحه كبير ولو بعدت عني وللهي لو روحت فين ما هلاقيك
بدر بهدوء… تمام
الاكل جه و ابتدوا الاتنين ياكلوا و كانت ريتاج تاكل عادي لكن بدر مش عجبه الاكل نهائي
ريتاج بهدوء.. في اية يا بدر
بدر بضيق.. اية الاكل ده طعمه وحش والرز وحش و الشوربة وحشة مفيش حاجه انتي بتكلي ازاي كدة وكان مفيش حاجه
ريتاج بابتسامة… لاني خدت علي الاكل ده خلاص اتعودت عليه وزي ما بيقولوا كدة جتتي نحست مش فارق بقي كل الفراخ. طعمها حلو
بدر اكل جزء من الفراخ حتي يتذوقها واعجبته
وابتداء يترك الاكل و ياكل فقط الفراخ اللي موجوده
وبعد ما خلص قال بضيق…الحمدلله بس انا مش شبعان و الاكل كله مش حلو
ريتاج بابتسامة…طيب خلينا نمشي دلوقتي و بعد كدة نعدي علي اي محل سندوتشات و نشتري من هناك
بدر بهدوء..اوكي
دفعت ريتاج حساب الاكل وبعدين خرجوا وراحوا علي المول
وقفت العربية وقالت بهدوء…يلا بينا بدر اوعي تروح كدة ولا كدة من غيري اديك شايف المكان عامل ازاي و الناس موجوده قد اية
بدر بهدوء…طيب بس يلا
نزلوا الاتنين و دخلوا المول و ابتدوا يتمشوا فيه
و لفت نظر بدر قميص لونه ابيض عجبه جدا و ريتاج اخدت بالها وقالت بابتسامة… تعالي نجيبه اي حاجة هتعجبك قولي عليها وانا هجبهالك
بدر ابتسم وقال.. تعالي
دخلوا المحل وابتدات ريتاج تتحدث باللغه الفرنسية
بطلاقة
بدر بهدوء… هدخل اقيسه
ريتاج بهدوء…. تمام
دخل ولبس القميص و عجبه جدا وخرج علشان اخته تشوفه وتقول رايها فيه
ريتاج بابتسامة… تحفة يا قلبي يلا ادخل غير علشان نكمل جولتنا
بدر ابتسم و هز راسه بهدوء
دخل غير بسرعة وهي دفعت حق القميص وخرجوا وكل حاجه بتعجب بدر ريتاج بتجبها بسرعة
لحد ما هي وقفته قدام محل تلفونات
بدر بأستغراب… واقفتني هنا ليه يا ريتاج
ريتاج بابتسامة… بما انك كسرت الفون والاب و التابلت انا هجبلك فون جديد بدل اللي كسرته
بدر اتكلم بضيق… مش عايز
ريتاج مسكت ايديه بابتسامة وقالت… مش بمزاجك يا حبيبي يلا تعالي معايا
وشدته ودخلته المحل واختارت احدث فون ايفون نزل وكان بدر مبهور بيه
دفعت حقه وابتسمت.. ها اية رايك بقي في الفون ده
بدر بانبهار… تحفة جامد
ريتاج اخدته علي كافية وجلسوا الاتنين وقالت بابتسامة.. بدر انا هتكلم معاك بصراحه واتمني تقدر موقفي
بدر نظر لها بهتمام و ترك الفون من ايده
ريتاج بحزن.. انا يمكن اهملتك واهملت اخواتك و لكن انت عارف انا طول الوقت في مؤاتمرات و بلاد ومستشفيات مكنش عندي الوقت الكافي اني اهتم بيكم واليوم اللي كنت محتاجني فيه انا فعلا مكنتش فاضية وكنت بجهز حاجتي للسفر ومكنتش متوقعة ابدا ان الموضوع ده يقصر في نفسيتك ولا فيك بالعكس كنت شايفة ان الموضوع عادي انا مش موجوده ماسة موجوده وجية موجود انا بعتذر بعتذر جدا يا بدر و بتمني تسامحني بس انا طموحي دايما عالي و بعمل كل اللي اقدر عليه علشان خاطر ربنا يوفقني و احقق اللي بتمناه سامحني يابدر وانا جبتك هنا معايا هنا علشان نبدا انا وانت صفحة جديد مع بعض
تحدث بدر بعد صمت لدقايق وقال بهدوء… انا مش زعلان يا ريتاج ولا مضايق ومسامحك
ريتاج بحزن… مش حاسها من قلبك يا بدر
بدر بابتسامة.. لا من قلبي بجد انا مش زعلان من حد
ريتاج ابتسمت.. يعني هترجع بدر اللي اعرفه
بدر بهدوء… مش عارف بس حاسس ان كدة احسن من الاول
ريتاج بابتسامة.. لا مش احسن انك تتقمص شخصية مش شخصيتك مش احسن يا بدر افهم ماما غلطتك ولكن مش لازم الغلط ده ياثر عليك بالسلب عيش بشخصيتك واتمني اي شعور كره حاسس بيه من ناحية وجية تمحيه و جية ملوش ذنب في اللي ماما عملتها يا بدر
بدر بضيق..لا ليه لانه هو رسم شخصية غير اللي هو عليها يا ريتاج و طول الوقت بتقارني بيه و بالشخصية الوهمية اللي رسمها وانا اللي اتأذيت في الاخر
ريتاج بابتسامة…حبيبي افهم يمكن وجية هو كمان بيعاني من حاجة نفسية زيك كدة و شايف ان كدة احسن يا بدر اتقرب منه كلمه يمكن في حاجه تعباه و تعبه نفسيته زيك وصلته انه يعمل كدة و يتقمص شخصية غير شخصيته
بدر اتنهد بهدوء… حاضر يا ريتاج حاضر
ريتاج بابتسامة… يحضرلك الخير يلا قوم نكمل جولتنا
بدر بابتسامة… يلا
………..
في الفندق كان يجلس عمر وهو شارد خبط اسر علي الباب
عمر بهدوء.. ادخل
اسر دخل بتوتر… بابا
عمر بهدوء..اية يا اسر
اسر ب توتر.. كنت عايز اسال حضرتك هو حضرتك مش هترجع ماما
عمر بهدوء… حاولت هي اللي مش عايزة ترجع هي في بيت جدك لو عايز تروح تشوفها
اسر بحزن.. يعني اية مش عايز ترجع
عمر بهدوء.. يعني مش عايزة ترجع هي حرة
اسر بحزن.. طب ليه
عمر بهدوء… ابقي اسألها علي السبب
اسر بحزن… طيب فين العنوان
عمر بهدوء…. العنوان******** هتروح ساعة وتجي و متتاخرش
اسر بحزن.. حاضر
عمر طلع من جيبه ٥٠٠ جنية وقال بهدوء…. ادلها دول ومتقولهاش انهم مني قولها انك كنت محوشهم
اسر اخدهم بحزن… حاضر
خرج اسر وعمر جلس وهو بيتنهد بضيق
تلفونه رن وكان وجية
عمر بهدوء… ازيك يا وجية بيه
وجية بهدوء.. انا كويس انا جاي انا وريان و مالك علشان الشقة جهزت ورهف تروح شقتها و تقعد فيها وانت هتفضل يومين كمان عندك وبعدين ترجع الفيلا
عمر اتنهد بحزن… حاضر يا وجية بيه
وجية بهدوء.. خليها تجهز حاجتها
عمر بحزن.. حاضر
وجية… مع السلامه
قفل وجية وعمر اتنهد بتعب ودخل اوضة بنته و لقها نايمة علي السرير قرب منها بعنف وقال بغل… انتي يا زفتة قومي
رهف قامت بتعب.. في اية
عمر بغضب.. قومي لمي هدومك علشان تروحي الشقة اللي هقعدي فيها يا هانم مع جوزك
رهف بهدوء.. طيب
عمر متغاظ من برودها وقال… ربع ساعه و تخلصي الناس جايين
هزت راسها بهدوء وخرج من الاوضة وهي قامت تجهز شنطتها
علي الجانب الاخر في السيارة كان يجلس ريان وهو مضايق ولكن لم يظهر هذا
وجية بهدوء… اسمعني كويس يا ريان طبعا انت عارف ان البت حامل واكيد مش. هتفضل قاعدة لوحدها طول الوقت لان لا قدر الله ممكن تتعب وهي سنها صغير وكمان علشان الناس اللي في العمارة محدش يتكلم لما يلقوها متجوزة وقاعدة لوحدها ليل مع نهار لازم تبات معها كام يوم في الاسبوع علشان نمنع قيل وقال
ريان اتكلم بسرعة ولم يفكر في كلامه.. وعلشان كمان متجبش حد الشقة وهي لوحدها
وجية ومالك نظروا له بصدمة وهو تدرك ما قال وقال بحدة وهو بيتنهد… اسمعني يا وجية بيه انا يمكن وافقت علشان محتاج لكن لو رجعت عملت اي حاجة غلط او جابت حد الشقة مش هسكت لو هتحبسوني ولا هتموتوني مش فارق معايا بما انها بقت علي اسمي تحافظ علي اسمي ولو رجعت للولا اللي عملت معه المصيبة دي مش هسكت ولو عملت حاجه تمس عرضي و شرفي مش هسكت يا وجية بيه
وجية بهدوء… وقت ما تعمل حاجه يا ريان تقولي وانا اجبلك حقك
ريان بحدة.. لا معلش يا ياباشا مفيش حد بيجيب حق حد في المواضيع اللي تخص الشرف يا باشا اذا مكنش الراجل بيجيب حقه بايده ميتقالش عليه راجل
وجية مكنش عارف يقول اية سكت
مالك بهدوء… خلاص يا ريان و هي اكيد مش هتعمل حاجه متقلقش
ريان بضيق… هنشوف
وصلوا الفندق و نزل ريان و وجية ومالك فضل في العربية
طلعوا علي الاوض بتاعة عمر و خبط
عمر فتح ودخل وجية وريان وكانت رهف تجلس علي السرير بالامبالاة
ريان نظر لها وراها طفلة قصيرة القامة لا تتعدي ١٥٠سم بعكسه طويل القامة جدا
وجية بهدوء.. يلا يا رهف جهزتي حاجتك
رهف بهدوء.. ايوة
وجية استغرب برودها و هدوئها وقال… طيب يلا قومي
قامت رهف وجرت شنطتها وعمر كان يقف بتعب كسره امام ريان اللي واقف ساكت لا يتحدث
خرجوا كلهم و عمر نزل معاهم وماسك الشنطة
وصلوا عند مالك وجية بهدوء… اركبي يا رهف يلا
ركبت بدون ولا كلمة
وجية بهدوء… وانت كمان يا ريان اركب
تركه و ذهب باتجاه السيارة
وجية تحدث… عمر انا مش عايزك تقلق انا اكدت عليه انه يعاملها بحترام بس هو قال يعني لو صدر منها اي حاجة تخص الشرف قالي مش هيسكت علي حاجه زي دي انا قولت اقولك علشان خاطر تبقي علي نور معانا
عمر بحزن… هيي اللي لو عملت حاجه انا اللي هقتلها وهشرب من د*مها ومش هسكت
وجية اتنهد بحزن… ان شاءلله تكون عقلت ومش هتعمل حاجه يلا تعالي علشان توصلها
عمر هز راسه بضيق وركب بجانب ريان و بنته ورا و وجية ركب بجانب ابنه
……………
في بيت مريم كان يجلس انس مع مهاب ومريم
مريم بابتسامة.. حبيبي مش ناوي تكمل نص دينك بقي و تتجوز
انس ضحك بقوة و مهاب و مريم استغربوا
مهاب بهدوء… اية اللي ضحكك اوي كدة يا انس ما تضحكنا معاك
انس بضحكة… يا جماعة جواز اية وكلام فاضي اية هو انا بتاع جواز انا واحد بتاع شغل بحب شغلي و بصراحة كدة مش هتجوز واحدة تقرفني و تنكد عليا عيشتي انا حابب كدة
مهاب بهدوء… وهي هتقرفك في اية يا انس
انس بهدوء.. في كل حاجه الستات اصلا نكديين و طول الوقت بيتدخلوا في اللي ملهمش فيه وانا بقي
لا بحب حد يقولي رايح فين وجاي منين و الحوارات الفاضية دي مش ناقص ثم انا علي طول في شغلي يعني مش هفضي لخطوبة و جواز و كلام فاضي
مريم بحزن… ليه كدة بس يا بني طب ما انا و مهاب حياتنا مستقرة لا في خناقة ولا مشاكل ولا قرف زي ما بتقول
انس بهدوء.. ماما بابا مش ظابط وشغله غير شغلي
و انا كمان طريقتي غير طريقته وانا مقتنع بالفكري و مش عايز اتجوز بعد اذنكم انا محتاج ارتاح شوية
مهاب بهدوء.. اتفضل
تركهم انس و ذهب غرفته ومريم جلست حزينة و مضايقة
مهاب قرب منها و اخدها في حضنه وقال بهدوء… لما يلاقي الشخص اللي يحبه كل ده هيتغير
مريم بحزن… وافترض محبش
مهاب بابتسامة.. طب ما انا فضلت كدة لغاية ما عرفت اني بحبك وبعشقك و اتجوزتك بكرة ربنا هيرزقه ببنت الحلال اللي تحبه و يحبها متزعليش نفسك يا حبي
مريم ابتسمت بحب وقالت.. ربنا يخليك ليا يا حبيبي و متحرمش منك ابدا
…………..
في الشقة اللي هتقعد فيها رهف كانت تجلس هي وريان بعدما اوصلهم و تركهم
ريان بحدة… اسمعي بقي لو فكرتي مجرد تفكير تقلي بعقلك و تفكري توسخي سمعتي و شرفي لا قت*لك فيها و مش هسمي عليكي فاهمة اياكي ثم اياكي تفكري مجرد تفكير تخونيني انتي دلوقتي علي اسمي فاهمة
رهف ببرود.. اوكي
ريان اتعصب من برودها وكان نفسه يروح يكسر جسمها ولكن خد مفاتيحه وخرج. حتي لا يتهور عليها
…………..
في بيت ندي كانت تجلس مع ابنها اسر
ندي وهي بتتكلم معه… وحشتيني اوي يا اسر
اسر بحزن.. لما وحشتك ليه مردتيش ترجعي مع بابا
ندي بحزن… حبيبي انت هتفهمني انا مش هقدر ارجع لبابا تاني لان خلاص يا حبيبي انت واختك كبرتوا و مش محتاجيني انا حسيت اني اتحررت من عبودية ابوك ليا طول الوقت حبسني و مش بخرج ولا حتي بفتح الشبابيك كفاية كدة يا اسر عليا انا عايزة اعيش لوحدي هنا وقت لما تحب تجي تقعد معايا اقعد و لو عايز تفضل معايا هنا خليك بس خليك مع ابوك فترة علشان ما يفكرش اني بقويك عليه
اسر بحزن… اللي يريحك ياماما اعمليه
ندي بحزن.. انا مش عايزك زعلان مني
اسر ابتسم و قبل راس امه وقال.. انا عمري ما ازعل منك يا ماما خدي دول ٥٠٠ جنية كنت محوشهم خليهم معاكي
ندي بحزن.. لا يا حبيبي انا معايا خليهم معاك
اسر ابتسم.. علشان خاطري خليهم معاكي علشاني لو سمحتي
ندي حضنت ابنها وقالت بحب… ربنا يخليك ليا يا حبيبي و متحرمش منك ابدا
اسر بابتسامة.. ولا منك يا ماما انا همشي دلوقتي علشان بابا قالي ساعة و تجي
ندي بابتسامة….. ماشي يا حبيبي لما توصل ابقي طمني عليك
اسر بابتسامة.. حاضر مع السلامه يا ماما
ندي بابتسامة… مع السلامة يا حبيبي
وصلته لغاية الباب وخرج وهي حزينة انها بقت لوحدها في شقة باردة لا يوجد معها ونيس
………….
هنا تنتهي حلقتنا اتمني تنال اعجابكم
رايكم في تصرفات وجية مع روفان ياتري هي عملت اية مخليه بيكرها كدة
رايكم في كلام ريان هل معه حق ولازم يسكت علشان خاطر واخد تمن اللي بيعمله