رواية الثمن الفصل التاسع عشر 19 بقلم ميرفت السيد
رواية الثمن الجزء التاسع عشر
رواية الثمن البارت التاسع عشر
رواية الثمن الحلقة التاسعة عشر
أول شرط يامصطفى مفيش شرب خم… ور ولا أي نوع من المخ…. رات أنا عاوزة اب وقدوة لاولادي
رد مصطفى وقال: موافق
بصتله وقالتله: انا لسة مكملتش لما اخلص تبقى ترد وتقول الي عندك
اومأ برأسه بالايجاب
استطردت كلامها: تاني شرط ممنوع تماما الكدب والحوارات الي بتعملها معايا اي فكرة مجنونة تدور براسك صارحني بيها ناقشني انا عاوزة علاقتنا تكون فيها نضج واحترام عاوزة علاقة هادية مش ناقصة جنانك
تالت شرط بقى ودة محتاج تفكر فيه ومش لازم ترد عليا حالا انا عارفة انه هايكون صعب ولكن ظروف جوازنا بقى
انا نفسيا وجسديا مش جاهزة اقرب منك
مش قادرة حتى احاول
قبل ماترد عليا حقك ترفض او تقبل شروطي وصدقني مش فرض سيطرة مني انا حاولت اشرحلك اسبابي عشان نكون على نور سوا
كان بيبصلها ووشه عليه اثار صدمة من كلامها
وبعد صمت طويل قال:
اول وتاني شرط موافق عليهم انا يهمني مصلحة الاولاد فوق ماعقلك يتخيل وطبعا عاوز اعيش بهدوء واستقرار معاكي
ولكن تالت شرط صعب جدا جدا جدا
طب ليه متحاوليش ياهنا انا محتاجلك واسبابك دي ممكن تتغير لو حاولتي
هنا: انا مهما حاولت اشرحلك مش هاتفهم
: لا هافهم والله عشانك مستعد اتفهم
مش متخيلة اني اكون…. بلاش يامصطفي مش هعرف اقول الي جوايا
: لا قولي ارجوكي
يامصطفي كلامي ممكن يجرحك
: وانا مستعد اسمع كفاية اننا بنتكلم كفاية عليا انك. مراتي دة كان حلم
ياهنا انا بحبكك اكتر مما تتخيلي
كقاية يامصطفي ارجوك
: لأ مش كفاااية
وسحبها الى احضانه وقال: والله العظيم ماهعمل إلا الي يرضيكي
شعرت هنا بصدق مشاعره فقالت وهي تحاول الابتعاد عنه: طيب ممكن بس تسمعني
ابعدها عنه برفق وابتسم وقال بهدوء: هاسمعك وهافهمك بس وضحيلي
مانا بحاول اقولك بس بطريقة تفهمها
ضحك وقال: ليه هو انا غبي
ابتسمت وقالت: احيانا😆
: ارجوكي صارحيني
ارجوك متضغطش عليا
: وحياتك. ماهازعل مهما كان الي هاتقوليه
شعرت هنا بالضيق فصرخت فيه: كفاية الحاح يامصطفي مش عاوزة اجرح مشاعرك انا لسة باتعافى من فراق هارون مش قادرة اتخيل نفسي زوجة لغيره
وشرعت بالبكاء
اتصدم مصطفى وظل محتفظ بهدوئه ولكن بداخله يغلي كالبركان
فقال: انا هابات في بيتي محتاج اكون لوحدي
وحين. هم بالرحيل استوقفته هنا: استنى
: خير
انا مش عاوزاك تفهم اني عاوزاك. تطلقني او تسيبني
: انتي عاوزة تجننيني
نظر اليها فوجدها تبكي بحرقة فرق قلبه
جلس وهو بركان ثائر من مشاعر مختلطة
يعشقها ويغار من حبها لاخيه الراحل حزين على قرارها ومقهور لبكائها وحزنها
اقترب منها مهزوما امامها واحتضنها برفق وقال: ارجوكي ماتعيطيش عارفة انا جبل عشان متحمل منك
الي اتقال بس عارف انك محتاجه لوقت عشان تبدأي معايا من. جديد هسألك سؤال واجابتك. ممكن تخليني اعيش عمري كله جنبك زي الاخوات
: اسأل
ابعدها عنه ونظر اليها وقال: احساسك دة ممكن يتغير مع الوقت يعني انتي تقبلتيني كزوج عالورق هل ممكن تتقبليني زوج زي هارون في يوم ولا الموضوع اتقفل جواكي انا عارف اني ابعد مايكون عن الشبه بهارون بكل شيء ولكن صدق حبي وصلك صح! علاقتنا محكوم عليها بنظرك للابد. تفضل عذرية ولا ممكن بلحظة تحسي بيا وتقربيلي
هنا نظرت إليه وهي تمسح دموعها وقالت:
بصراحة مافكرتش في بعدين
: طيب هابسطهالك ليه وافقتي تتجوزيني برغم عيوبي ومعرفتك بخطتي الفاشلة
عشان هارون طلب كدة
: بس؟
لا وانا شوفت حبك وحسيت انك هاتكون سند وعاوزة ولادي يلاقو اب جنبهم لاطمعان فيا ولا ممكن يعاملهم وحش اي ست لوحدها مهما كانت جدعة محتاجة راجل بضهرها حماية وسند
: يعني مفيش اي سبب جواكي انتي مفيش شعور واحد يديني امل
بصراحة في
: ايه هو قولي
انك اتحملت وبتحاول انك تتغير لشخص بيتناقش واتحملت كل الي قولته ودة بالظبط الي محتاجاله منك الاحتواء والصبر والحب الغير مشروط
: بجد يعني ممكن في يوم…
بعد. كلامنا دة اه ممكن
تنهد بعمق: ياااااه ريحتي قلبي
بس متستعجلنيش انا عارفة صعوبة ان شخص زيك يتحرم من كل ماهو متاح ليه فجأة ويعيش على امل ياعالم هاييجي امتى
: وانا مستعد عشانك استنى ولو عمري كله بس اضمن وجودك وان شاءالله مع الوقت هاضمن حبك
يعتي اتفقنا ومش ظالماك كدة معايا
: ايوة اتفقنا ومنتهى العدل بالنسبالي انك تديلي فرصة حتى لو فرصة من المستحيلات
طب هات ايدك ومدت ايدها من اجل إبرام الاتفاق
فصافحها وسحبها لاحضانه طابعا قبلة حانية على جبينهاوقال: كدة اتفقنا
شعرت بالتوتر وابتعدت عنه وقالت: اه حاجة اخيرة قدام الكل احنا….
: مفهوم اسعد زوجين
ابتسما كلاهما
قالتله: تصبح على خير
وانتي من اهله
وخلدت للنوم وبعد قليل شعرت به ينام بجوارها
وبعدما اطمئنت انه ملتزم بالجانب الاخر من الفراش ابتسمت واغمضت عينيها
اما هو فكان اسعد انسان حتى ولو لم. تكن سعادته كما تمنى ولكن يكفى انها تستلقيى بجواره زوجته يتأمل جمالها كما يشاء
اكتفى بالافكار السعيدة واغمض عينيه وراح بالنوم
وبالصباح استيقظت هنا على مفاجأة
🤔🤔🤔🤔
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الثمن)
تعليق واحد