رواية البنت غير الشرعية الفصل الثمانون 80 بقلم ياسمين
رواية البنت غير الشرعية البارت الثمانون
رواية البنت غير الشرعية الجزء الثمانون
رواية البنت غير الشرعية الحلقة الثمانون
ملي قلعنا وحنا ساكتين كان داير موسيقى نتاع الشاب مامي مع وحد القور داني لوحد البلاصة عالية منها نشوفو كامل المدينة قارى اللوطو وبقى يشوف معايا حشمت بقيت غير ندور في راسي قالي علابالي متوحشتينيش ماكالاه نسقسيك قتلو وعلى واش نتوحشك قالي عندك الحق تبانلي راكي مليحة لاباس قتلو غاية الحمد لله قالي الحمد لله وبقى ساكت غير يشوف معايا قتلو إذا معندكش حاجة تحكيها غير رجعني عندي خدمة لقيتو هجم على شفافي يبوس بحنانة معلاباليش كيفاه تفاعلت معاه حتى ضاق فينا النفس فالزوج قالي توحشتك أنا بداو دموعي يسيلو قالي بسمة تعيشي لالا مقدرتش نحبس وهو غير يحاول فيا باه نسكت شوية حبست مسحت دموعي قالي شعرك وينو قتلو داه الريح قالي نحكي بصحي شعرك علاه قصيتيه قتلو هكا حبيت نبدل ضوكا طوال انا شعري طوالي هذي الحاجة المليحة فيه ضوكا راه تقريبا كاري مالا
كون شافو كي كان كوب قاغسون واش يقول قالي سمعتيني قتلك توحشتك هزيتلو راسي ايه قالي ونتي عاودت هزيتلو راسي لالا قالي راهي باينة عليك بلا ما تقوليلي زدنا لقينا كثر من نص ساعة تم ساكتين برك ديمارا لوطوه وصلني لحومة خالي قالي تهلاي في روحك نزلت محبيتش نقولو منسكنش هنا ديجا مليحة ليا خليتو كما طريقو ورحت شديت البيس لداري غير دخلت بقيت غير نبكي هذا علاه جا هذا علاه رجع باينة ضوك يسمط عليا معيشتي ممبعد بقيت نضرب في روحي علاه فشلت قدامو علاه استسلمتلو علاه خليتو باسني لا وفوقها تفاعلت معاه هبلت ، طاح الليل نضت غسلت ودرت تعشيت وجيت في بلاصتي غير نخمم عييت من التخمام سمعت لوطو حبست عند الدار شفت مع الساعة 1 نتاع الليل جريت للتاقة طليت لقيتها لوطوت يوسف هذا واش يدير هنا حتى شفتو نزل ويترامى يا نندب راه خابطها اليوم يفضحني بين الجيران زربت فتحتلو الباب ودخلتو طبعني شكون معاك معامن بايتة قتلو راني وحدي شوف مكان حتى واحد نقص حسك برك شاف مكان والو طل في التوالات مالقى والو تكسل في بلاصتي ورقد جيت عندو ونخمم هذا كيفاه لقاني وزيد علاه جا عندي بقيت ندي
ونجيب حتى غفيت ، جابتني الفطنة لقيتها 6 ونص يا نندب لازم نوضو يروح قبل ما ينوضو الجيران و يشوفو اللوطو واش نقوللهم بالسيف لا نوضتو ناض قالي صباح الخير قتلو صباح النور ناض غسل وجا قالي مكاش فطور هيا نفطرو برا قتلو لالا يوسف تعيش روح مديرليش مشاكل مع الجيران قالي تحاوزيني قتلو موش هكا تعيش روح وممبعد نحكو قالي حاب نحكي ضوكا قتلو يوسف الرحمة على والديك روح متخلنيش نخسر داري قالي هذي دار وتهدري عليها قتلو ايه بالنسبة ليا دار وقصر زادا روح برك وشديتو من يدو راح نخرجو لصقني مع الحيط بصحك تحاوزيني طبعتو قتلو علاه تموت تفسد عليا حياتي قتلك روح روح بدا يعيط انا نفسد عليك حياتك وليت فساد والله يعطيك الصحة يا بسمة قتلو نقص صوتك لا يسمعونا الجيران قالي تخمي على الجيران ومتخميش عليا لي جاي من طرف الدنيا على جالك
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
