رواية اعشقك ولكن كبريائي يمنعني الفصل الرابع والعشرون 24 بقلم لوكا

رواية اعشقك ولكن كبريائي يمنعني الجزء الرابع والعشرون

رواية اعشقك ولكن كبريائي يمنعني البارت الرابع والعشرون

رواية اعشقك ولكن كبريائي يمنعني الحلقة الرابعة والعشرون

فرح روحت قعدت مع سعاد وامل ومريم شويه وبعدين طلعت الاوضه
جه ادهم وطلع هو كمان
فرح:ادهم مالك فى ايه؟؟
ادهم:مالى كويس
فرح:كويس ايه شكلك مش مظبوط خالص
ادهم:شويه مشاكل فى الشغل
فرح:مشاكل ايه قولى
ادهم:متشغليش بالك
فرح:فى ايه يا ادهم مش احنا واحد ولا ايه فى ايه يا حبيبى
ادهم:حبيبتى انا كويس يلا ننزل نتغدى
فرح:بس هتحكيلى لما نطلع
ادهم:ربنا يسهل
فرح:يلا يا حبيبى ومتزعلش نفسك كل اللى يجيبه ربنا خير
ادهم:ونعم بالله
***********************
بعد الغدا طلع ادهم وفريد وحسام يتكلموا فى اوضه فريد
فريد:بس ده حصل ازاى دى اول مره تحصل
ادهم:محدش عارف حصل ازاى
حسام:المشكله ان احنا مش شاكين فى حد معين
فريد:بس انا شاكك
ادهم وحسام:مين؟؟؟؟؟؟؟؟؟؟
فريد:مها
ادهم:متعرفش تعمل كده
فريد:متستهونش بمها ممكن تعمل اى حاجه علشان الفلوس
حسام:بس وصلت للورق ازاى؟؟
ادهم:ممكن تكون وصلت لحد من الشركه
فريد:اكيد
حسام:طب مين؟؟
فريد:انت قولتلى ان مها جت وراكم اسكندريه مره
ادهم:اه اول مره اسافر مع فرح
فريد:مين كان يعرف انكم مسافرين
ادهم:منى السكرتيره
فريد:اديك جاوبت على نفسك
حسام:قصدك ان منى هى اللى بتشتغل مع مها
فريد:اه اكيد مش صدفه تقابل ادهم وفرح هناك
ادهم:صح كده
حسام:هتعمل ايه معاها
ادهم:اكيد هرفدها
فريد:غلط هى تعرف اسرار كتير للشغل
حسام:امالنعمل معاها ايه نديها جايزه
فريد:لا بس نخليها توصل اللى احنا عاوزينه
ادهم:ازاى؟؟؟
فريد:الاول نوصلها اننا خسرنا كتير بسبب المناقصه وبعدين اننا
بنخطط لمشاريع وهميه وقتها نكون عرفنا نبعدها عن اسرار الشغل
ونكون شفنا حد ثقه مكانها ونمشيها بعد اما نكون امنا نفسنا منها
حسام:فكره كويسه
ادهم:ماشى تمام
**************************
ساب ادهم اخواته ورجع اوضته ينام لقى فرح مستنياه
فرح:اتاخر كده ليه؟؟
ادهم:كنت بتكلم معاهم فى شغل
فرح:ادهم مش ناوى تحكيلى مالك؟؟
ادهم:مش عاوز اشغلك
فرح:كده يا ادهم هو احنا مش واحد
ادهم:ماشى يا ستى هحكيلك…………وحكالها كل حاجه
فرح:طب كده مش خطر
ادهم:لا فكره فريد امان نكون احنا عرفنا ناخد حظرنا منها
فرح:خد بالك من نفسك يا حبيبى
ادهم:حاضر………..ها البت دى عامله ايه …….قالها وحاطط ايده
على بطنها
فرح:برده بت انا عاوزه ولد
ادهم:ها قولنا ايه كل اللى يجيبه ربنا كويس
فرح:بحبك
ادهم:وانا بموت فيكى
*********************
تانى يوم راح ادهم الشركه هو وحسام وفريد راح شركه الادويه
ادهم وحسام فى المكتب
نادوا منى السكرتيره
منى:ايوه يا فندم
ادهم:بصى يا منى انتى عارفه بعد ما خسرنا المناقصه شغلنا
هنخسر فيه كتير
منى:ايوه يا فندم
ادهم:عاوزينك تركزى معانا الفتره الجايه هتبقى فتره صعبه
عاوزه مجهود كبير
منى:تحت امرك يا فندم
ادهم:روحى انتى يا منى
خرجت منى
ادهم لحسام:انت ايه رايك
حسام:كويس كده
ادهم:فريد هينزل اعلان على سكرتيره على اساس انها لشركته
حسام:هيكلم الجرنان النهارده ينزل الاعلان وهو هيعمل الانترفيو
ادهم:ربنا يسهل
***********************
فريد فى الشركه طلب السكرتيره بتاعته “ايمان”
فريد:بصى يا ايمان عاوزك تبعتى للجرنان اعلان لسكرتيره
ايمان:هو انا عملت حاجه يا فندم؟؟
فريد:لا يا ايمان انتى مفيش منك اصلا انا عاوز واحده انتى تعلميها
الشغل علشان هتشتغل مع ادهم
ايمان:حاضر يا فندم
فريد:عاوز المقابله تبقى الخميس ها
ايمان:حاضر يا فندم
خرجت ايمان ورجع كل واحد لشغله وفريد كان بيفكر فى حنين
*******************************
فرح بقى كانت عندها متابعه مع رنا وهتروح لوحدها
رنا:اهلا ازيك يا فرح؟؟
فرح:ازيك يا رنا عامله ايه؟؟
رنا:الحمد لله عامله ايه فى الحمل
فرح:الحمد لله
رنا :يلا طيب نطمن عليكى
فرح:يلا
طلعت فرح وقعدت عند السونار ورنا بتكشف عليها
رنا:ها عاوزه ولد ولا بنت
فرح:انا عاوزه ولد وادهم عاوز بنت
رنا:غريبه كل الناس بتبقى العكس
فرح:شوفتى نحن نختلف عن الاخرون خالص
رنا:بصى يا ستى انا مرضيتش اقولك قبل كده علشان مش متاكده
فرح بقلق:خير يا رنا
رنا:متقلقيش بس انتى حامل فى تؤام
فرح مكنتش مصدقه نفسها
فرح:متاكده
رنا:ايوه متاكده
فرح كانت مبسوطه اوى
فرح:رنا متقوليش لحد انا عوزاهم يتصدموا
رنا:مش هتقولى لحد خالص
فرح:لا لما اولد يبقول يعرفوا
رنا:براحتك مش هتقولى لادهم
فرح:لا خليها مفاجاه
**************************
روحت فرح وهى الدنيا مش سيعاها من الفرحه
رجعت
سعاد:شكلك مبسوطه
فرح:الحمد لله البيبى كويس
امل:ربنا يكملك على خير
فرح:يا رب وانتى كمان انتى فى ال6 مش كده؟؟
امل:ايوه
فرح:ربنا معاكى
جه ادهم وحسام وفريد
وقبل الغدا جه ضيف
فرح:نطلع يا ادهم
ادهم:لا خليكم
ودخل عليهم عمر
فرح:عمر!!!!!!!!!!!!!!!!!!!
عمر:ايه مفيش حمدالله على السلامه
فرح:انت جيت امتى؟؟
عمر:من المطار عليكم
فرح راحت عليه باسته وحضنته
ادهم عرفه على العيله بس ركز مع مريم اوى
وقعد يتغدى معاهم
بعد الغدا
فرح:كده متقوليش على معاد المناقشه
عمر:كنت عارف انك هتقلقى
فرح:لا بس انا زعلانه
ادهم:خلاص يا فرح متزعليش منه
فرح:خلاص مش زعلانه
عمر:اقولك على خبر حلو
فرح:ياا ريت
عمر:مش هسافر تانى هشتغل هنا فى الجامعه الامريكيه
فرح:بجد مش هتسافر
عمر:بجد
وقضوا اليوم كله مبسوطين ومشى عمر بس ساب قلبه فى البيت
فرح فى الاوضه
فرح:بس كانت مفاجاه حلوه
ادهم:شوفتى جوزك
فرح:جوزى ده مفيش زيه
ادهم:ولا انتى فى زيك……….. ها عرفتى ولد ولا بنت
فرح:لسه مش دلوقتى
ادهم:احسن خليها مش عاوزين نعرف
****************************
بدا ادهم وحسام وفريد فى تنفيز خطتهم وفريد اختار السكرتيره
وايمان بدات تدربها
وعدت الايام وجه بوم خطوبه جاسر الكل كان مبسوط وفرحان
وعمر عمل جو حلو للحفله وعنيه منزلتش من على مريم
*************************
وبعدها باسبوع جه بوم خطوبه فريد وبرده عمر هو تقريبا الوحيد
اللى كان عامل حس للحفله
وبرده كان مركز اوى مع مريم
بس اللى هو ميعرفوش انها بدات تحس بحاجه نحيته وبدات تحس
ببوادر حب
منى كانت بتنقل كل حاجه لعصام وهو بيبلغها لمها
ادهم وحسام بقوا متاكدين ان منى اللى بتنقل الاخبار
عدت الشهور وكانوا 3 شهور مفيش فيهم جديد غير ان عمر قررر
يخطب مريم خصوصا ان هى خلصت الدراسه السنه دى
عمر راح لادهم الشركه
ادهم:حلوه الزياره يا عمر كنت عملتها من زمان
عمر:كل شئ باوانه
ادهم:ها تشوب ايه؟؟
عمر:لا مش عاوز انا كنت جاى اكلمك فى موضوع
ادهم:خير
عمر ومن غير مقدمات:عاوز اتجوز مريم
ادهم سكت شويه:كنت عارف انك راجل
عمر استغرب
ادهم:انا عرفت من نظراتك ليها انك بتحبها بس استنيت لما انت
تيجى تقولى بنفسك
عمر:يعنى موافق
ادهم:موافق بس المهم رايها هى
عمر:طب هترد عليا امتى؟؟
ادهم:هسالها وارد عليك ولازم كمان راى بابا وانا عارف انه اكيد
هيوافق وحسام وفريد مش هيعترضوا
عمر بفرحه شديده:ربنا يخليك يا ادهم
ادهم:يلا بقى هوينا عندى شغل
عمر:بس متتاخرش فى الرد عليا
ادهم:حاضر
*********************
رجع ادهم وقعد مع اخواته وبباه وقالهم على عمر وكلهم محدش
فيهم اعترض
فاروق:عمر كويس بس المهم راى اختك
ادهم:هسالها انا النهارده
راح ادهم لمريم الاوضه
ادهم:بتعملى ايه؟؟
مريم:بقرا كتاب
ادهم:ممكن نتكلم شويه
مريم:خير
ادهم:متقدملك عريس
مريم بخوف:مين؟؟
ادهم:عمر
مريم اندهشت
ادهم بخبث:بس لو مش موافقه عادى
مريم بسرعه:لا موافقه
ادهم :يا راجل
مريم بارتباك:قصدى يعنى اللى تشوفوه
ادهم:كبرتى وبقيتى عروسه
وسابها وراح اوضته قال لفرح وفرحت جدا
فرح:بجد يا ادهم
ادهم:بجد يا قلبى
فرح:انا مبسوطه اوى
ادهم:البت مريم كبرت
فرح:بقت عروسه كمان
ادهم:انا فاكر يوم ما اتولدت زى ما يكون امبارح
فرح:ادهم يا حبيبى دى اختك مش بنتك
ادهم:مش عارف
وحددوا معاد الخطوبه
ويوم الخطوبه مريم كانت زى القمر فى الفستان
وفى وسط اللمه والفرحه سمعوا صوت صرخه جامده