رواية اسميته يوسف الفصل الأول 1 بقلم شهد محمد جاد الله

رواية اسميته يوسف الجزء الأول

رواية اسميته يوسف البارت الأول

رواية اسميته يوسف الحلقة الأولى

_انتي مش بتحبيه يا شهد
_لأ بحبه انا حاسه إني بحبه
_لأ ده مش حب عشان اول ما هو يميل ليكي
هتبعدي عنه زي ما بتعملي
_واللي عندي ده مرض صح انا مريضه !
_متقلقيش دي حالة عند اغلبية البنات انتي بس عايزه تراضي غرورك وعشان كدا بتلفتي نظره ليكي واول ما يقع في حبك هتراضي غرورك إن اللي كان بيتجاهلك حبك وانتي سبتيه
_طب وعلاج الحاله دي إيه ؟
_للأسف إنتي مش سويه نفسيآ
_مع إني اتحضنت وانا صغيره والله
_مالوش علاقة يا شهد مالوش علاقة
_متزعقليش يا دكتور اتكلم بهدوء
_هدوء اكتر من كدا
_اتعالج إزاي دلوقتي؟
_انتي غرورك اللي متحكم فيكي مخليكي عايزه الكل يعجب بيكي ووقت ما تشوفي حد مش منبهر زي الباقي بتبهريه انتي عشان يعجب بيكي حتى لو هيوصل لأرتباط المهم تراضي غرورك والشخص اللي مش واخد باله منك ياخد باله منك
_بس دي حاجه وحشه انا مش كدا والله
_فاهم وعارف بس زي ما قولت غرورك اللي بيتحكم فيكي احكيلي عن آخر إكس في حياتك
_اخر إكس إيه هما اتنين
_عايز اسمع حكايتهم
_الأولني كان زميلي في الكلية كان حب مراهقه بصراحة وتفكيرنا مكنش شبه بعض وسيبته
_في بداية الأمر كان بيعاملك إزاي
_حلو
_حلو إيه هو أنا بسألك على صحته كان بيعاملك إزاي في الأول خالص قبل ما يكون فيه بينكم حاجه
_هو كان تقيل وكاريزما التعامل كان بحدود وكانت البنات كلها عينيها عليه واول ما قال انه معجب بيا فرحت بصراحة ووافقت على دخوله في حياتي
_وبعدين سيبتيه أمتى وإزي
_بعدها بشهر بدأت ازهق منه ومن اهتمامه الأوفر والتحكمات وعشان كدا سيبته ونضيف عليهم الأسباب التانيه
_واضحه كنتي معجبه بيه عشان كاريزما ومش بيهتم بيكي ووافقتي عليه عشان كل البنات عينيها منه بس هو كان عينه منك انتي وسبتيه عشان بقى بيهتم زهقتي من اهتمامه وخلاص وصلتي للي انتي عايزه اللي هو إن الكاريزما أعجب بيكي
_إيه التفسير المرعب ده لأ لأ اكيد مش صح اكتر ناس مريضه نفسيه هي الدكاتره النفسيه اصلآ
_مش هرد عليكي عارفه ليه عشان محترم وجودك هنا لأن اغلبية اللي بيجي لينا ضحايا المرضى النفسيبن مش المرضى ذات نفسهم نادرا لما ده يحصل وعشان كدا انا حابب اساعدك ومتحمس للتجربة اللي هعيشها في رحلة علاجك
_بص يا دكتور بسام انت
_باسم
_مش هتفرق انسى إني جيت هنا
_اقعدي مكانك وكملي
بيقولها بزعيق وبيبرق ليا بخاف منه وبسمع كلامه وبقول:
_طب ممكن اقعد على الشازلونج اللي هناك ؟
_اقعدي
بروح ناحية الشازلونج بقعد عليه وبحاول استرخي
_ممكن بقى تشغلي مزيكا هاديه
بيشغلها وبيجي ناحيتي وبيقول:
_كملي
_مش هعرف بصراحة محتاجه اشرب قهوة
_هطلب ليكي قهوة حاضر
_قهوة بالكراميل ومعاها حاجه حلوة تتاكل
بيبص ليا بنفاذ صبر وبيعمل مكالمة تيلفون وشوية وبتدخل بنت معاها القهوة بتسيبها وبتخرج بيلفت نظري شكل المج بيكون على شكل قلب
_حلو المج ده ابقى اخده وانا ماشيه
_كملي يا شهد الأكس التاني حكايته إيه
بيقولها وبيشرب بق من قهوته وانا بمسك المج بتاعي وبفتح الشكولاته وببدأ احكي
_كنا زمايل في الشغل اعجبنا ببعض بعدين اتخطبنا بعدين سيبنا بعض سنه بعدين رجعنا اتخطبنا تاني فضلنا مع بعض خمس شهور بعدين سيبنا بعض تاني لاء سيبته
_امم وده إيه عجبك فيه
_الأول كنا اغراب عن بعض اصلآ بعدين اتكلمنا مره على مره قالي انه معجب بيا وانا كمان كنت معجبه بيه واتخطبنا على طول بعدين اكتشفت إن طبعه صعب اوي
_زي إيه بظبط
_زعيق وغيره اوفر وتفكيره وحش اوي تفكيره واقف في العصر اللي كان الراجل بياكل فيه والست تفضل واقفه مستنيه يخلص اكل بعدين تقعد هي تاكل
_تمام وبعد سنه رجعتيله تاني ليه؟
_طول السنه مكنتش بفكر فيه كنت نسيته فعلآ لحد ما جمعنا شغل تاني وعرفت ان فيه بنت في حياته وكان بيعاملني معاملة وحشه جدآ
_إزاي
_كإني كنت شفافه بنسبه ليه وده كان بيجنني لحد ما عرفت انه انفصل عن البنت اللي معاه وبعتله قولتله هو انا موحشتكش اتعاتبنا شوية بعدين رجعنا تاني لبعض ورجع بنفس الاهتمام ونفس الحب
_وسيبتيه تاني ليه ؟
_نفس السبب القديم
_طيب اهو واضحه برده رجعتي ليه عشان كان متجاهلك وعرفتي إن فيه بنت غيرك في حياته العبه اللي كانت في إيديكي أصبحت في إيد بنت تانيه وده اللي جنن غرورك
_معرفش بقى
_بنسبه للكراش
_هو تحفة جمال إيه وسمار إيه وغمازات إيه
_بيتجاهلك؟
_هو غريب اوي يوم مهتم وعشره لأ يومين مهتم وعشرين لأ
_امم من الواضح كدا إنك شخصية توكسك
_لأ والله انا غلبانه
_سيبيني اكمل كلامي شخصية توكسك وبتعملي تروما ل اي راجل يدخل حياتك والكراش ده ما هو إلا ضحية جديده اول ما يتعلق بيكي ويعاملك حلو ويهتم بيكي هتسبيه
_وإيه الحل
_الحل إن انتي اللي تتحكمي في غرورك مش العكس وبداية مبشره لأتك جيتي برجلك ومقتنعه وعندك استعداد إنك تتعالجي دي حاجه كويسه لأن طبيعة المريض النفسي انه مش بيحس بنفسه ولا بـ مرضه
_طيب وهعمل كدا إزاي
_هنتابع مع بعض هتجيلي كل يوم اربع
_تمام يا دكتور بسام
_باسم يا شهد باسم
_على فكره بسام احلى وعلى فكره انت بتعرف تسمع اللي قدامك حلو
_دكتور بقى
_بس انا حالتي مش خطيره صح؟
_انتي بس لسه مالقتيش الحب الحقيقي
_اشوفك الاربع الجاي يا دكتور
بقولها وباخد شنطتي وبمشي من العياده النفسيه كانت خطوه جريئه مني إني اروح لدكتور نفسي
بس الفتره الاخيره حسيت إني فعلآ مش كويسه في النهاية عادي محدش فينا سليم يعني
برجع البيت بغير هدومي بلبس بنطلون جينز ابيض وتوب ابيض على جاكيت جينز بينك وبعمل شعري ويفي وباخد شنطتي وبنزل عشان اقابل صحابي
بيكون فيه حفلة لـ عمرو دياب وبنتفق إننا نحضرها سوا طبيعي بنوته حلوه زيي تحب عمرو دياب وأغاني عمرو دياب
مبجبش سيره لـ صحابي عن موضوع الدكتور بفضل إنه يكون سر بيني وبين نفسي ، وبنوصل لمكان الحفلة
وبتبدا الحفلة وبنغني معاه وبنصور استوري انستجرام الحفلة كانت عباره عن كابلز مفيش حد سنجل غيري انا وصحابي تقريبآ
بس منكرش إني كنت مستمتعه كنت بغني مع عمرو في دلال وشعري بيطير من الهوا كإني كنت بمثل مشهد في إعلان
لحد ما عيني بتيجي في عينيه واقف جنبي مندمج مع الحفلة بيغني وبيصور
مكنش تحفة ده كان المتحف كله طويل في حدود ال١٩٠سم تقريبآ بشرته خمريه وشعره طويل الطول المعقول مش اوفر ودقنه كثيفه لكن متحدده عنده غمازات ورموش عينيه تقيله وضحكته حلوه
حاولت ابعد عيني عنه لكن غصب عني كنت ببص ليه وفي المره دي عيني جت في عينه ابتسم ليا رديت ليه الابتسامة
ورجعنا نغني سوا.
|..الماضي انتهى لما قابلتها
وعرفت إنها حبتني اكيد
حسيت وقتها إني بحبها
وابتدا حبها جوايا يزيد
يا أرق ملاك انا قلبي مَلك..|
بروح مع صحابي للبنت الي بترسم بـ الجيلتر على الوش عملتلي رسمه سيمبل بجليتر فوشيا ورجعنا للحفلة تاني
كنت بدور عليه بعيوني لكن اختفى
فص سكر وداب !
الحفلة بتخلص وبنروح ناكل سوا انا واصحابي بس بيفضل شاغل تفكيري
وبرجع للبيت بعد ما الوقت بيتأخر بفتح باب الشقة وبتفجأ من اللي بشوفه
اهلي متجمعين والشقه كلها زينة خطوبه وانا واققه لابسه دريس ابيض ستان وجنبي الشاب اللي كان في الحفلة بيديني بوكيه الورد وبيبلسني الدبله
إيه الهبل ده !!!
_يا جماعه دي مش انا دي نسخه مني انا النسخه الحقيقيه
قولتها بصوت عالي و ..