رواية ابنه بائعه الخضار الفصل التاسع 9 بقلم هبة نصر

رواية ابنه بائعه الخضار البارت التاسع

رواية ابنه بائعه الخضار الجزء التاسع

رواية ابنه بائعه الخضار الحلقة التاسعة

مروه بقهر/وكمان هتتخطب لوكيل نيابه وغنى .. دا كده هتشوف نفسها اكتر
عمرو / تبقى غبيه لو عملتى حاجه غير انك تروحى دلوقتى تباركيلها وترجعى علاقتك بيها
مروه / انت بتقول ايه .. أنا ابارك لدى .. مستحيل
عمرو / اسمعى بس انا هقولك تعملى ايه ……….
………………….. ……………
سعد بغضب / بقى انا يا امال يتعلم عليا ادام بيتك وتسكتى .. هو انا مش خطيب بنتك ولا ايه
امال / مين قال انك خطيب بنتى .. وبعدين انا بنتى اتقرأت فاتحتها على وكيل نيابه اد الدنيا .. شاب يشرح القلب .. مش راجل اد ابوها متجوز اتنين
سعد / والله وبقالك صوت يا أمال وبقيتى تعرفى تتكلمى ادامى
امال بقوه/ اسمى المعلمه امال .. زى مانت المعلم سعد
سعد/ دا من امتى .. دا انتى لسه الفرش بتاعك متشالش
امال / سبحان العاطى الوهاب
سعد /لو مكنش الراجل اللى فتحلك المحل كان زمانك قاعده لسه على الفرش
امال / تماااام .. وكان زمانك على الفرش اللى جنبى لولا المعلمه
سعد / بقى كده .. طب ابقى قابلينى لو حد من المعلمين باعلك حبايه واحده
ليسمع صوت فجله الصبى من خلفه / الحق يا معلم سعد .. المزارعين كلهم رافضيين انهم يدونا خضار وفاكهه
امال / ابقى شوف ليا وليك تجار تورد لنا فاكهه وخضار .. يا .. يا معلم
ليدخل نفس الشخص اللى هدد سعد
سعد / انت .. هى ايه الحكايه بالظبط
وليد /ايه يا معلم سعد اللى جابك هنا .. وايه اللى انت عملته امبارح ادام بيت الست امال ده ..( ليميل عليه ) انا مش قايلك انى بحب العنف.. وبسبب اللى انت عملته دا .. هتشوف اللى عمرك ما شفته
سعد / انت بتهددنى .. انا ماشى
وليد / اه بهددك .. على فكره .. متتصلش بالمزارعين .. لان انا اشتريت المحصول كله
سعد / يعنى ايه
وليد / يعنى استعد للى جاى .. وانت اللى جنيت على نفسك .. انا حذرتك
سعد بعد قليل من التفكير والخوف من تعرف زوجته فتحرمه من العز /انا اسف يا باشا حقك عليا .. حقك عليا يا ست امال .. قصدى يا معلمه امال
وليد / بلاش الشويتين دول .. لانى خلاص حطيتك فى دماغى
امال / خلاص ياوليد بيه .. احنا مهما ان كان جيران .. بلاش قطع الارزاق .
وليد / علشان خاطر الست امال بس .. بس لازم تعرف ان عينى عليك
سعد / لا وعلى ايه يا باشا .. لو عايزنى اسيب السوق خالص انت تؤمر
ليخرج سعد وهو يحدث نفسه .. وعلى ايه يعنى .. انا مش هيجيلى من وراها الا وقف الحال.. بلا جواز بلا قرف
……………. ………………….. .
مروه / مبروك يا امل
امل / الله يبارك فيكى يا مروه .. عقبالك
مروه وهى تحضن امل/ انا اسفه لو زعلتك يا أمل.. متزعليش منى احنا بردو صحاب .. والصحاب ياما بيحصل بينهم
امل / خلاص .. حصل خير .. انا مش زعلانه
مروه / يعنى صافى يا لبن خلاص
امل / خلاص يا حبيبتى مش زعلانه
لتأتى سمر / فيه ايه يا مروه تانى … إحنا مش هننفض من الموضوع ده
مروه / فيه ايه يا سموره .. انا كنت ببارك لأمل وبصالحها
سمر / يا سلام .. انتى ناسيه انتى عملتى ايه المره اللى فاتت فى امل
مروه /فيه ايه يا سمر .. اذا كان صاحبه الشأن .. نسيت كل حاجه ومش زعلانه منى
سمر / علشان صاحبه الشأن هبله وطيبه .. مش عارفاكى زيى
مروه / ماتنسى بقى يا سمر .. اللى حصل حصل .. احنا ولاد النهارده
امل / اخنا هنفضل نتكلم كتير .. والمحاضره هتبدأ .. وانا عايزه احضرها من اولها
سمر / يلا يا أمل
مروه / استنوا خدونى معاكم
لتدخل ثلاثتهم المحاضره .. وتجلس مروه خلف امل وسمر وهى عينها لاتنزل من على مروه بكل حقد وغل
لينتهى اليوم الدراسى وتبدأ الطلبه فى الخروج من بوابه الكليه . لتتفاجأ الثلاث بنات بسليم يقف وظهره على سياره اخر موديل منتظر اخته وخطيبته ..
سمر / دا ابيه سليم واقف هناك اهو مستنينا
امل بكسوف ووجه احمر / طب انا همشى بقى
سمر وهى تشد امل من يدها / رايحه فين ياعسل .. دا زى خطيبك بردوا
امل وهى تمد يدها بكسوف / ازاى حضرتك يا استاذ سليم
سليم متعجبا / مين استاذ سليم ده
امل / حضرتك
سليم / وفيه واحده تقول لخطيبها .. حضرتك واستاذ
أمل /امال اقول ايه
لتمد مروه يديها / ازيك يا سليم .. انا مروه صاحبه امل وسمر
ليمد سليم يده / اه .. اه .. اهلا وسهلا
لتقطع عليهم سمر / فيه ايه يا أبيه .. ايه اللى جابك
سليم / لقيت نفسى قريب قلت اجى اوصلكم
سمر /ما انا معايا عربيتى
سليم /خلاص سبيها هنا .. ونبعت السواق يجى ياخدها
سمر / ماشى … طب هنفضل واقفين فى الشارع كتير
سليم بهيام وهو ينظر لأمل / يلا اتفضلوا .. ليفتح الباب بجانبه لأمل
امل بكسوف/ معلش خلينى انا ورا
سليم / ماشى .. على راحتك
مروه / طب خلاص علشان متزعلش .. هركب انا ادام .. اصلى بحب اركب ادام .. ( لتركب بجانب سليم دون ان تعطيه فرصه للرد )
ليركب سليم .. وتركب امل وسمر وهى كلها غيظ مما فعلته مروه .. لتبدأ مروه فى الكلام وفتح المواضيع مع سليم تحت نظرات سمر وامل .. ونظرات سليم المتجاهله لها .. والتى لا يترك فرصه دون ان ينظر لأمل فى المرآه
سمر / اه يا دماغى .. انا هيجيلى ارتجاج فى المخ من كتر المعلومات اللى دخلت دماغى النهارده
امل / ارتجاج ايه .. هو احنا اخدنا حاجه
سمر / يا مفتريه .. يعنى محاضرتين وسيكشن ومعمل .. ومأخدناش حاجه
أمل/ عادى يعنى .. انتى بس اللى بتحبى الدلع
سليم وهو ينظر لأمل فى المرآه / باين عليكى يا أمل بتحبى العلوم اوى
امل بكسوف/ اوى
سليم / يا بختها
سمر/ هى مين دى
سليم / العلوم ..( ويمد يده يعطى علبه لأمل ) اتفضلى يا امل .. دا هديه صغيره علشانك
لتخطفه مروه من يديه وتبدأ بفتحها.. لتمد سمر يدها وتأخذه من مروه …/ بيقول امل .. مش مروه
مروه بغيظ / وايه يعنى .. احنا واحد
سمر / لا مش واحد .. دى خطيبته .. وانتى زميلتنها
مروه / لسه مبقتش خطيبته .. دا لسه فاتحه
سمر وهى تدير وجهها بغيظ/ افتحى كده يا امل الهديه ورينا هى ايه ..
لتفتح امل الهديه .. دا موبايل
سمر / واو .. دا احدث من بتاعى .. دا انا كان نفسى فيه من زمان
أمل وهى تعطيه لها .. اتفضلى يا حبيبتى
سمر / لا يا قلبى دا بتاعك انتى … ابيه هيبقى يجبلى واحد زيه .. صح يا ابيه
سليم وهو ينظر فى المرآه لأمل / انتى تؤمرى يا سمر
مروه وهى تمد يدها وتأخذه من امل / الله .. جميل اوى الموبايل ده .. انا كمان كان نفسى في واحد زيه
سليم بعزومه مراكبيه / اتفضليه
مروه / بجد .. خلاص هديه مقبوله منك
سمر وهى تخطفه من يديها/ ايه قراده .. ما صدقتى .. دى عزومه مركبيه يا ماما
امل / هو احنا رايحين فين
سليم / هنتغدى وبعد كده فى مشوار ضرورى لازم نعمله
امل / بس انا مقولتش لماما
سليم/ انا اتصلت بيها واستئذنتها
امل بكسوف/ بس انا ورايا مذاكره كتير
سمر / ماجتش من ساعتين .. متبقيش رخمه .. قلتلك دا زى خطيبك
ليتجه الاربعه الى احد المطاعم الفخمه .. ليبدأ الاربعه فى الجلوس ..لتهم مروه فى الجلوس بجوار سليم .. لتمسكها سمر من ذراعها وتهمس لها / بقولك ايه يا مروه .. بلاش حركاتك دى .. امل اللى خطيبته مش انتى
مروه وهى تشد ذراعها من يد سمر هامسه/ فيه ايه يا سمر .. انا عملت حاجه ..وهى حد مانعها تقعد جنبه .. ليجلس الجميع .. سليم بجوار امل وامامه سمر وبجوارها مروه .. ليبدأ الجميع فى طلب الطعام
سليم / انا هطلبك على ذوقى يا أمل
سمر / اطلبلى انا كمان على ذوقك يا أبيه .. انا عرفه ذوقك حلو
مروه / انا هطلب لنفسى
وبعد الانتهاء من الطعام .. يذهب سليم والبنات الى محل للمجوهرات
امل/ إحنا جايين هنا ليه ..
سليم/ هنجيب الدبل
امل بكسوف / بس ماما ..
سليم / مامتى ومامتك وعبير موجودين جوه