رواية إذا ناداك الحب الفصل السابع 7 بقلم سلمى سعيد

رواية إذا ناداك الحب الفصل السابع 7 بقلم سلمى سعيد

رواية إذا ناداك الحب الجزء السابع

رواية إذا ناداك الحب البارت السابع

رواية إذا ناداك الحب الحلقة السابعة

اكرم اتجنن ازاي امضته جت على ورقه زي دي
الظابط : أكرم باشا انت كويس
اكرم راح مسك ياسين من قميصه ومكنش شايف قدامه
المحامي: انا عايز اثبت ده في المحضر لو سمحت..ده بيتعدى على ماوكلي بالضرب
اكرم: انا هخرب بيتك، إنت فاكر انك هتضحك عليا بالورقة المزورة دي
ياسين نزل ايد اكرم بعنف واتكلم بثقة
ياسين: اثبت انها مزورة..الامضاء دي بتاعتك ولو جبت اي خابير، هيثبت كلامي وده لأنه ببساطة شديدة الامضه سليمة ميه في الميه
اكرم: يعني انت عايز تقول ان انا جوزتك اختي، وانا مش واخد بالي مثلا
ياسين: كلام بيني وبينك يا ابو نسب هو ده اللي حصل بالظبط
اكرم بص ل ياسين بشك ، في الوقت اللي ياسين كان بيفتكر هو عمل ايه عشان يتجوز جميلة
فلاش باك من ثلاث ايام
كان ياسين بينيم جميلة في اوضتها وبيحكلها حكايه،وهو بيلعب في شعرها
ياسين: وبس يا ستي الأمير اتجوز الاميرة والساحرة الشريرة ماتت
جميلة: هو انت مش هتتجوزني بقي والبس فستان

ياسين: الموضوع مش سهل كده يا جميلة
جميلة: ليه
ياسين خد ايدها وبدا يعد على صوابعها
ياسين: واحد لازم نستأذن أبيه اكرم..اتنين لازم الدكتورة كمان توافق…تلاتة..لازم اعرفك عفى امنه هانم..مامتي اللي خلفتني ، أربعة نتخطب وخامس حاجة الجواز.
جميلة: ايه ده كل دول
ياسين: شوفتي بقي الموضوع صعب ازاي
جميلة: اوف..انا مليش دعوة انا عايزة اتجوزك
ياسين: طب ما انا كمان عايز اتجوزك
جميلة: طب يلا نتجوز..ونجيب بيبي
ياسين: ما انا شرحتلك يا جميلة الوضع
جميلة: ياسين
ياسين: عيونه
جميلة قعدت قدامه وبصت في عيونه واتكلمت بصدق
جميلة: انا بحبك اوي
ياسين ابتسم ،وخدها في حضنه وبدأ يطبطب عليها عشان تنام ، وهو قلبه هيطير من الفرحة بكلامها
بعد ما جميلة نامت خرجت ياسين من عندها و خرجت الجنينه مستني الحراس يجيبو اللي هو طلبه
بعد شويه كانت عربيه الحرس دخله المزرعة ،نزل من العربيه واحدة ست و الحرس حوليها ، خدوها للمكان اللي ياسين قاعد فيه
الحارس: الدكتورة يا باشا
ياسين: طب روح انت
الدكتورة نوال : انت مين وانا بعمل ايه هنا.
ياسين: اتفضلي يا دكتورة متخافيش
( دكتورة نوال٤٠ سنة محجبة..ودكتورة جميلة من وهي عندها ١٠سنين)
الدكتورة نوال: مخفش..رجالتك جايبني بتهديد السلاح والدنيا ليل كده ده وتقولي متخافيش
ياسين: انتي تعرفي جميلة صالح
الدكتورة نوال: جميلة..طبعا دي مرضتي من عشر سنين
ياسين: جميلة حاليا معايا واما كنت عايز اطمن على حالتها
نوال: مش معقول معاك ازاي ، هو اكرم فين!!
ياسين : ممكن تقعدي الاول عشان نتكلم
نوال: اهو..ممكن اعرف بقي جميلة بتعمل ايه معاك و فين اكرم وزينب
ياسين: بصي يا دكتورة لظروف خارج ارادت الجميع جميلة معايا دلوقتي بصفتي خاطفها
نوال: انت بتقول ايه…ايه الجنان ده وفين جميلة

ياسين: اهدي لو سمحتي ،بصي انا مش عارف انتي هتصدقي ولا لا بس كان في ناس خاطفين جميلة وانا انقذتها منهم ومن ساعتها وهي معايا بقالها اسبوع دلوقتي…وأكرم قالب عليها الدنيا دي الحكايه كلها
نوال: وانت عرفت منين ان انا الدكتورة بتاعتها وعايز مني ايه
ياسين: عايز شهادة بحاله جميلة عشان اتجوزها
نوال: استاذ..انت اسمك ايه معلش
ياسين: انا ياسين زهران
نوال: انت فاهم انت بتطلب ايه يا استاذ ياسين
ياسين: انا عايز اعرف حاله جميلة بالتفصيل
نوال: انت عارف انت عايز ايه..المفروض انا دلوقتي ابلغ عنك..انت خاطف بنت فاقدة للأهلية
ياسين اتنهد بضيق، شكل الدكتورة دي مش هتساعده بسهوله…بداء يتكلم معاها ويحاول يفهمها كل حاجة وعن مشاعره الصدقة لجميلة
ياسين : و عشان كده انا جايبك هنا
نوال: دلوقتي فهمت بس انا اسفة مش هقدر اخرج اسرار مريضة عندي..بس ممكن اساعدك في التعامل معها
ياسين: انا عشان اعرف اتعامل مع جميلة لازم اعرف هي حصلها كده ليه و ازاي..دي الحاجة الوحيدة اللي معرفتش اوصلها..ولو سمحتي ساعديني عشان انا كمان شرحتلك ان انا شخصيتي صعبة ازاي وممكن رد فعل ميعجبكيش
نوال: احممم..جميلة حصلها كده بسبب حدثة ابوها وامها.
ياسين: ممكن تشرحيلي الحادثة
نوال: كانت جميلة صغيرة عندها ١٠سنين وكانت عليشة مع مامتها وباباها وكان اكرم ساعتها في الكليه الحربية وبيجي اجازات بس، في يوم دخل حرامي البيت وحصل اشتباك بينه وبين أهل جميلة وقتلهم ..بس مشفش جميلة وخرج الحرامي زي ما دخل وجميلة يا حبيبتي كانت في حاله صدمة خلتها متتحركش من مكانها ولا تطلع صوت ، ومحدش من الجيران خد باله ابدا
ياسين: وبعدين
نوال: مفيش جميلة فضلت مصدومة ، وجثة امها وابوها قدمها وهي مش بتتحرك ولا بتتكلم لحد ما تاني يوم بليل يعني بعد اكتر من٢٤ ساعة كان اكرم راجع من الكلية واكتشف اللي حصل
ياسين صعق من كلام الدكتورة ،نوال كملت كلامها

نوال: ومن ساعتها وجميلة بتتعالج عندي قعدت خمس سنين مش بتتكلم ولا بتتحرك خالص..بس انا شويه شويه بالعلاج واكرم و دادة زينب بحبهم الكبير ليها بقت تتكلم بس بيجلها حالات انهيار باستمرار ولازم تاخد الحقن باستمرار عشان متأذيش نفسها
ياسين: حقن ايه
نوال: حقن مهدئة
ياسين: هي دي اللي معلمه في ايدها
نوال: ايوا
ياسين: جميلة بقالها اسبوع معايا ومخدتش اي حقن من دي
نوال: ايه الكلام ده…اومال بتتعامل ازاي مع حالات الانهيار
ياسين: بحضنها
نوال: نعم!!!
ياسين: بحضنها وهي بتهدا
نوال: ده مستحيل..انا لازم اشوف جميلة
ياسين: جميلة نايمة دلوقتي
نوال: وايه نوع المنوم اللي بتدهولها
ياسين: منوم..انا مش بدي جميلة اي ادويه
نوال: دي حاجة غريبة جدا بجد.
ياسين: المهم هتديني الشهادة
نوال: انت عايز تتجوزها ليه
ياسين: عشان بحبها
نوال: استاذ ياسين انت عارف انه مستحيل جميلة تبقي زوجة طبيعية…يعني احممم.
ياسين: انا فاهم انتي عايزة تقولي ايه ، بس صدقيني انا عايز اتجوز جميلة عشان بحبها وبس وانا فاهم ومقدر اللي انتي بتتكلمي فيه
واخيرا قدر ياسين يقنع الدكتورة وبالنسبه لاكرم ، كان أكرم طول الليل يدور على جميلة و الصبح يروح الشغل من غير نوم او راحة يعني التركيز تقريباً مش موجود..

ياسين قبل ما يفكر يروح جميلة بيتها قرر يتجوزها عشان هو مش ضامن ردت فعل اكرم لما جميلة ترجع
عشان كده ياسين اجر حد يمضي أكرم على ورقة الجواز بس الورقة دي مخفيه تحت ورقة تانية بتاعة التأمين وبعت حد من شركة التامين اللي اكرم مأمن فيها على عربيته..وخلاه يمضي على الورقه على انها ورقه اجراءات رسميه ،وبعدين شال ورقة التامين من فوق عقد الجواز وبكده الامضاء سليمه بشكل قانوني
باك
اكرم: انا هرفع عليك قضيه تزوير..واقسم بالله ما هسيبك
ياسين: هنشوف الكلام ده بعدين بس انا لازم امشي دلوقتي عشان الحق الغداء مع العائلة
خرج ياسين ومعاه المحامي ، بس ياسين كان رايح في حته تانيه..رايح لجميلة
في الوقت ده كانت جميلة في البيت مع دادة زينب، بس عشان اكرم يهديها من حالة الانهيار اللي كانت عندها أداها الحقنه اللي بتاخدها علطول
دادة زينب : معلش يا حبيبتي هتبقي كويسه ان شاء الله ، والحمد لله انك رجعتي بخير وسليمه
جميلة كانت قاعده على السرير وسرحانه خالص ومش حاسة باي حاجة حواليها
زينب كانت بتمشي اديها على شعرها وبتكلمها بحنان
دادة زينب: طب احكيلك حدوته
وقبل ما تحكي كان الباب بيخبط، راحت زينب تفتح الباب ، لقت قدامها ياسين..هي طبعا متعرفهوش
دخل ياسين وساب الحراس على الباب
ياسين: فين جميلة
دادة زينب: انت مين يا استاذ وعايز ايه
ياسين: بقولك جميلة فين
وقبل ما زينب تتكلم كان ياسين دخل وبيدور على جميلة
ياسين: جميلة يا جميلة…انتي فين
فتح باب اوضه وكانت جميله قاعده على سريرها، راحلها وقعد قدامها على ركبه
ياسين: جميلة حبيبتي…مالك يا جميلة سكته كده ليه انا ياسين…انا جيت اهو
زينب: انت يا استاذ انت مين بالظبط بقولك اطلع برا عيب تتعدى على حرمة بيوت الناس كده
ياسين: جميلة..انتي مالك ساكته كده ليه…هي واخده ايه
زينب: يا نهار اسود..يا بيه ابوس ايدك انت مين..اطلع برا بدل ما ابلغ البوليس
ياسين شال جميلة وكان هيخرج بس زينب مسكت فيه
زينب: انت بتعمل ايه يا مجنون انت سيب البت
ياسين: دي مراتي وانا مش هسبها
زينب سابت ياسين وتنحت من الزهول
خرج ياسين وهو شايل جميلة اللي صحيه بس مش بتعمل اي رد فعل ابدا
ياسين ركب بيها العربيه وهي في حضنه
ياسين: جميلة مالك يا روحي
جميلة مش بترد
ياسين: انتي زعلانه عشان سبتك ومشيت..بصي انا رجعت اهو عشانك..وهوديكي تشوفي مامتى كمان
**********************

في قصر زهران
كانت امنه زهران قعدة في الصالون بتشرب القهوة بتاعتها
(امنه زهران ٥٠سنة..ست طيبه جدا وهاديه وزكية جدا.. حلوة اوي كمان عشان كده شكريه بتحقد عليها جدا)
دخلت عليها اسيا،وراحت عليها بسرعة تحضنها
امنه: يا كلبه لسه فكرة ان ليكي مرات عم
اسيا: والله يا موني الشغل واخد كل وقتي..وياسين سايبلي شغل فوق بعضه
امنه: موني ايه يا قليله الادب اتلمى يا بت
اسيا: اتلم ايه يا قمر انتي…والله بفكر اجوزك
امنه: اتلمى يا بت…ايه اخبار ياسين
اسيا: والله يا موني انا حاسه اني جاسوسة مزدوجة في البيت ده
امنه: ليه هو في حد مجندك غيري
اسيا: ياسين مجندني انقله اخبار امير بيه، وانتي مجنداني عشان تعرفي كل حاجة عن ياسين
امنه:هههههه…طب اعمل ايه مبلحقش اشوفه عشان اسأله عن احواله واخيرا السفر اللي طلعله فجأة ده
اسيا: الحقيقة ياسين في القسم
امنه: ايه…انتي بتقولي ايه يا اسيا
اسيا: اهدي بس انا هفهمك كل حاجة ، بس لازم تعرفي ان انا كنت ساكته عشان ياسين كان طالب مني كده
*********************
في الجامعة
كانت يمني راكبه عربيتها وخارجة من البوابة ، كان امير وراها بعربيته و وراه عربيه الحرس
امير مش عارف ليه بيتحرك ورا يمني
يمني وقفت قدام المول ودخلت ، امير نزل وراها
كانت يمني بتتمشي في المول لحد ما وقفت قدام محل لبس اطفال، ثواني ودخلت.. في اللحظة دي قلب امير اتقبض
معقول هي مخلفه ولا ايه…واضح انها بتتقفل من كل حتي
بعد ساعة كانت يمني خرجت من المول ومعاها شنط كتير جدا ،وكملت سواقه لحد ما وصلت مكان
خدت الشنط ودخلت المكان ده ،امير نزل من عربيته وراح يشوف المكان ده ايه..ابتسامة غريبة ظهرت على وشه وهو بيقراء الاسم
(دار الايتام)
واضح ان تعلقه ب يمني مش هيخلص بالسهوله اللي هو فاكرها
فجاة وقف كده وحسيت انه بيعك
امير في سره: انا بعمل ايه..انا بتعلق بوحدة متجوزة ايه الجنان ده…ايه يا امير من قله الحريم حواليك يعني
رجع أمير عربيته ومشى

جوا الدار كانت يمني بتلعب مع الولاد والبنات بعد ما فرقت عليهم اللبس واللعب ….كانت بتلعب معاهم و قلبها بيبكي..عشان طول عمرها يتيمة في دار ولما كبرت كان نفسها تبقى ام بس تعمل ايه ربنا رزقها بزوج عقيم
**********************
كانت شكريه لسه راجعة من النادي و دخلا القصؤ في الوقت اللي كانت اسيا وامنة بيتكلمو فيه
شكريه: هاي يا جماعة
امنة: وعليكم السلام
شكريه: اوف عليكي لازم توقفيلي على الواحدة
اسيا: كنتي فين يا ماما.
شكريه: كنت في النادي…مقولكيش بقى يا اسيا كل صحباتي كانو بيسالو عليكي..كل واحدة عايزة تجوزك لابنها كانو بيتخانقوا عليكي كده
طبعا شكريه بتقول كده عشان امنه، تحس بقيمة اسيا وتجاوزها ل ياسين
امنه: اللي هيتجوز اسيا ده لازم يبقى راجل بجد…مش عيل زي ولاد اصحابك المدلعين
شكرية: راجل زي ياسين كده يا موني
امنه: موني..احترمي نفسك يا شكرية قال موني قال
شكريه: ايه شكريه دي يا امنه …انتي فكراني زيك ولا ايه انا اسمي شاكي..
امنه: شاكي..الله يرحم ابوكي كان بيركب الحمار بالمقلوب
وهما قعدين يتكلم و كده …دخل ياسين وهو شايل جميلة

امنه: ياسين حبيبي…مين دي يا ياسين
اسيا: حمدالله على السلامة يا ياسين انت ومراتك
امنه وشكريه في نفس واحد: مراتك!!!!

يتبع…

لقراءة الفصل التالي : اضغط هنا

الرواية  كاملة اضغط على : (رواية إذا ناداك الحب)