رواية أنقذتني الفصل الأول 1 بقلم ندى صابر
رواية أنقذتني الجزء الأول
رواية أنقذتني البارت الأول
رواية أنقذتني الحلقة الأولى
= نعم ياعمي
_ تعالي هنا، في موضوع عاوز اتكلم معاكي فيه
“مشيت وانا حاسه بقلق غريب”
= طبعاً انتي عارفه انك كبرتي وجه الوقت اللي تشيلي فيه المسؤليه وتعتمدي علي نفسك
زينب: انا من يوم وفاة بابا وماما وانا شايله مسؤليه نفسي ياعمي، بشتغل عشان مصاريف الجامعه، وحتى الكورسات بطلت احضرها وبشرح لنفسي
_ انا صبرت عليكي كتير اوي واهو انتي شايفه معايا 4بنات والحمل تقيل عليا، جايلك عريس غني وهيطلعك من الفقر دا
زينب: وانا مش موافقه لأن عارفه هو مين
_ وهو دا شخص يترفض، دا راجل معلم اد الدنيا
زينب بسخريه: راجل عجوز وعيونه زايغه وحقير كمان
_ احترمي نفسك.. انتي بتقولي ايه
زينب: الراجل دا معروف عنه في الحاره انه مش بيتجوز غير البنات اللي لسه في العشرينات والله اعلم بيعمل ايه تاني، تقدر تقولي جايب كل الفلوس دي منين والبيوت اللي ظهرت والشركات… كل دا منين وهو كان جربوع الحاره
_ انتي تخرسي خالص وهتتجوزيه يعنى هتتجوزيه….. فااهمه
زينب بوجع : الموت افضل ليا قبل ما افكر ابيع نفسي بالرخيص… سلام
_ تعالي هنا انا بكلمك
زينب: انا عندي محاضره وكفايه بقا…
_ بنت******.. هتتجوزيه وهنشوف مين صاحب الكلمه هنا.
________________________________________
“خلصت المحاضره وطلعت علي العماره العاليه اللي كل يوم بطلع عليها وبحاول الان*تحار… المره دي هنقذ نفسي من العذاب دا، لأن مستحيل اتجوز بالطريقه دي
طلعت علي السور واتحركت كام خطوة، بعيط وصوره بابا وماما قدامي، كان نفسي اروح ليهم من زمان.. بس للأسف هستخدم الطريقه الغلط
…………..
زينب: عاااااااااااااااا
_انتي مجنونه، إزاي كنتي هتعملي كدا…انتي مين عشان تنهي حياتك بالسهوله دي
زينب بعياط: انت متعرفش عني حاجه، انا واحده حياتي كلها وجع… قولي اعيش ليه واعيش لمين
_فين أهلك؟!
زينب بوجع: ماتوا في حادثة عربيه
_ربنا يرحمهم… أنا اسف جدا
زينب بإنهيار: انا مش المفروض اعيش انا لازم انهى حياتي دي واخلص من الوجع دا
_وهل دا الحل، بدل ماتقولي انا هتحدى الصعوبات بترفعي رايه الإستسلام بالسهوله دي، انتي ضعيفه اوي
زينب بقوه: انا عمري ماكنت ضعيفة بالعكس انا اقوى مما تتصور
_لو كنتي قويه مكنش تفكيرك جابك علي هنا وكنتي بعد دقايق العالم هيتكلم عليكي، عاوزه تبقي ضعيفة والكل يشمت فيكي ويتكلم عليكي حسب المظهر الخارجي وإلا عاوزه تبقي قويه وتواجهي إزماتك؟، ها.. اختاري حاجة من الاتنين
زينب: انا وحيده، معنديش اهل ولا عندي اصحاب ولا فيه شخص موجود في الحياة يسعدني…وبردوا مصمم اني لازم اعيش
_ لو قولتلك دلوقتي انا مين هتختفي من هنا حالا وتروحي علي بيتك؟
زينب: انت مين
_ انا…..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أنقذتني)
