رواية أحببت زوجي الفصل الرابع 4 بقلم رحمة سامي
رواية أحببت زوجي الجزء الرابع
رواية أحببت زوجي البارت الرابع
رواية أحببت زوجي الحلقة الرابعة
فؤاد وقف يضحك: اي يا زينه اللي انتي واقفه علي السرير كدا ليه يخرب عقلك في اي يا بنتي حصل اي وبتصرخي كدا ليه هي القيامة قامت ولا اي
زينه بخوف: انت بتضحك علي اي يا فؤاد في صرصار كبير اوي ماشي في الارض
فؤاد: هو انتي صغيرة يا زينه في حد يخاف من صرصار انزلي وبطلي دلع بقي في اي
زينه بخوف: لا يا فؤاد مش هنزل دا كبير وعند شنبات
فؤاد مقدرش يمسك نفسه من الضحك: يخرب عقلك يا زينه قدرتي تشوفي شنباته انزلي يا حبيبتي
زينه قبل ما ترد الصرصار طلع علي السرير وهي فضلت تصرخ وجت وجري وقعت بس فؤاد لحقها ووقعت في حضنه وفضلوت يبصوا لبعض برومانسية وكانت اول مره فؤاد يقرب اوي كدا منها ويركز في عيونها
زينه بكسوف: فؤاد بعد اذنك ممكن تسبني
فؤاد فاق لنفسه: اهو يا ستي مش تخلي بالك بقي حته صرصار يعمل فيكي كدا برضو
زينه بغضب: انت رخم والله اوع كدا ووريني مين هياكلك النهارده بقي
فؤاد برخامه: حسبي يا زينه الصرصار وراكي وجاي عليكي
زينه بخوف جريت علي حضنه: يوووه موته بقي يا فؤاد حرام عليك انا مش هعرف اتحرك
فؤاد بحب: ومين قالك اني عايزاك تتحركي انا مرتاح وانتي في حضني كدا
زينه بكسوف بعدت: انت رخم انا هسيبلك الاوضة خالص اوع من وشي بقي عيل غتت
فؤاد بضحك: طلعت متجوز طفلة والله
بعد شوية الباب خبط وفتحت زينه وكان سوزي بشنطة هدومها: امسكي يا بت انتي الشنطة انا مش قادرة
زينه بحزن: تمام اتفضلي ادخلي
فؤاد: انتي اي اللي جابك يا سوزي هو مش انا قولتلك هكلمك هو مفيش سمعان كلام
سوزي بخبث: اعمل اي يا فؤاد انا عايشه لوحدي وتعبانه والصبح وقعت وملقتش حد جانبي وعشان كدا جيتلك عشان نخلي بالنا من ابننا سوي
زينه بحزن ودموع: ادخلي ارتاحي وانا هحضر ليكي الاكل انتي باين عليكي مهمله في نفسك خالص
سوزي بقرف: ياريت تغسلي ايدك كويس واوعي تكتري الشطة انا بتعب منها
زينه بحزن: حاضر عن اذنكم
بعد ما زينه مشيت فؤاد بغضب: انتي ازاي تتكلمي معاها كدا انتي لو محترمتيهاش هحبسك في مستشفي لحد ما تولدي ونتأكد مين ابو اللي في بطنك دا
سوزي بصدمه: انت بتقول اي يا فؤاد كل دا عشان الزبالة اللي جوه دي حته مستعمله
فؤاد بغضب: كلمه كمان وهتشوفي اللي عمرك ما شوفتيه مني يا سوزي اتفضلي ادخلي اوضتك
سوزي بدلع: خلاص يا حبيبي متزعلش حقك عليا تعال معايا بقي عشان عايزاك
فؤاد بقرف: سوزي انتي هنا عشان اللي في بطنك وبس ياريت متنسيش دا يلا ادخلي ارتاحي
سوزي: ماشي يا فؤاد عن اذنك
في المطبخ كانت زينه بتعيط دخل فؤاد: متزعليش منها يازينه انا قولتلك دا هيبقي وضع مؤقت
زينه: مفيش حاجه يا فؤاد انا كويسه دقايق والاكل يكون جاهز
فؤاد قرب ومسك ايدها: ممكن تهدي انا بجد اسف اي دا ينفع العيون الحلوة دي تدمع كدا
زينه بكسوف: مفيش حاجه بجد متشغلش بالك بيا
فؤاد بمعاكسة: طب بقولك اي خلصي الاكل بسرعه عشان هنخرج انا وانتي هوديكي مكان حلو اوي
زينه بفرحة: بجد طب وسوزي
فؤاد: سيبك منها يلا هروح اخلص شوية شغل لحد ما تخلصي
……………………..
في البلد عباس اتجوز صفياء فعلا وكتب ليها البيت وطلعوا اوضتهم…
صفياء: مش ناوي تقولي سبب جوازك مني يا عباس
عباس: عشان بحبك يا بنت عمي والله
صفياء: بتحبني كيف وانا كنت مرات اخوك انت بتخرف تقول اي بس
عباس: دي الحقيقه يا صفياء انا اللي حبيتك وكان نفسي تشيلي اسمي بس اخويا حب يقهرني واخدك مني
صفياء: انا عمري ما حسيت بحبك دا ازاي يعني اكيد في سبب تاني وانت بتكدب
عباس قرب: انا مستحيل اكدب عليكي مهما حصل انتي حبيبتي اللي عيشت دا كله علي نظرتي ليها بس
صفياء بتوهان: انا مش عارفه اقولك اي بس انا دلوقتي مراتك بس مش هقدر اكون ليك يا عباس علي الاقل دلوقتي وكمان احنا كبرنا خلاص بس متقلقش انا هلبي كل طلباتك
عباس بحزن: اسمعي يا بنت الناس انا مش هجبرك علي حاجه وهسيبك براحتك يكفي عندي انك بقيت علي اسمي خلاص وهستني تيجي بنفسك وتقولي الكلمة اللي عمري كله بتمناها عن اذنك
خرج عباس وصفياء قعدت تايهه ومش فاهمه حاجه دخلت عليها ضرتها كريمه: ارتحتي يا وش الفقر اخدتي جوزي مني خلاص مخلصتش منك كل السنين دي وكنت عايشه علي اساس انتي وفي الاخر اتجوزك برضو
صفياء: انتي بتقولي اي انا مش فاهمه حاجه
كريمه: هتمثلي اياك اي متعرفيش ان عباس مغرم بيكي لدرجه انه بيتعامل معايا علي اساس اني انتي
صفياء: وانا ذنبي اي يا كريمه دي حاجه مش بتاعتي وانا لو وافقت علي الجوازة دي فهو عشان بنتي مش اكتر
كريمه بقرف: مش عارفه اقولك اي اقول يا بختك ولا اقولك منك لله بجد مش عارفه
سابتها وخرجت وصفياء بقيت قاعده سرحانه وبتفكر في اللي بيحصل دا
……………………
زينه خلصت الاكل ولسه هتخرج من المطبخ تلفونها جاله رساله فتحتها وهي خايفه واول ما شافت المكتوب كانت الصدمه من نصيبها……
*ياتري اي هيحصل والرسالة فيها اي وسوزي هتقدر تخرب بين زينه وفؤاد ولا لا ونقدر نقول دي بداية حب بين زينه وفؤاد ولا في حاجه تانية وصفياء هتعمل مع عباس هنعرف مع الاحداث قولوا توقعتكم يا حلوين… 😉❤
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببت زوجي)
تعليق واحد