رواية أحببت جميلة الفصل الأول 1 بقلم أماني عبدالجليل
رواية أحببت جميلة الجزء الأول
رواية أحببت جميلة البارت الأول
رواية أحببت جميلة الحلقة الأولى
نعم ؟!
يعني اى اتجوز بنت عندها 18 سنة يعني طفلة
وانت عارف كويس انها مش من نوعي المفضل
انا بدور ع واحدة ناضجة تفهمني وافهمها تعرف احتياجاتي من غير اقولها
تقدر تفهمني بقا اتجوز طفلة مراهقة زي دي ازاي ؟
الحج نعمان: انت ابني وانا اعلم بمصلحتك وياريت متحاولش تعترض لأني خدت ميعاد من باباها الساعة 8 بليل اعمل حسابك تبقى جاهز ع الميعاد
جاسر: مش هروح يا بابا انا مش هعمل كدا
الحج نعمان: هتروح يا اما تنسى انك ابنى وهسحب منك العربية ومش هتشوف مني ولا مليم يا اما تعقل بقا وتبطل جنان وتيجي معايا
جاسر : تمام عن اذنك
ف الوقت دا اخد جاسر عربيته ومشي باقصى سرعه وكان هيخبط بنت ولكنه فرمل في اخر لحظة
نزل من العربية وجري عليها انتي كويسه وهي ف الوقت دا كانت باصة ف الأرض
جاسر : انسة ؟ سمعاني؟!
جميلة : كويسه كويسه عن اذنك
جاسر : استني بس وبيرفع وشها
(جميلة اسم ع مسمى بشرتها بيضة وعيونها سمرا وواسعة زي عيون المها عندها حسنة بتميزها جمب بوقها شفايفها زي حب الكريز مناخيرها وكأنها منحوتة من شدة جمالها شعرها اسود زي سواد الليل وطويل واصل لآخر ضهرها)
جاسر هنا فضل مصدوم شويه ولا ارادي حرك شعرها بايده من ع عينيها وقالها انا اسف انا كنت بس مضايق وانا سايق لكن حقيقي اسف
جميلة : ولا يهمك بس انا محصليش حاجه وزي الفل قدامك اهو وكمان مستعجلة ولازم امشي عن اذنك
جاسر: ممكن نشرب حاجه مع بعض بس الاول وبعدين امشي
جميلة : معلش مش هقدر عن اذنك
جاسر : تمام فرصة سعيدة
مشيت جميلة بابتسامة مرسومه ع وشها وكانت حاسة أنها هتشوفه تاني ومتعرفش ليه الاحساس دا جالها
انما جاسر كان في دنيا تانيه ملامحها مفارقتش خياله كان تايهه وهايم ومش عارف يفكر في حد غيرها وبعدين افتكر الميعاد وظفر بضيق ورجع ع البيت عشان يجهز
دخل جاسر البيت شاف باباه
نعمان : اهلا يلا يادوب تجهز
جاسر : حاضر عارف
نعمان : هتلاقي بدلة عندك ع السرير ألبسها
جاسر بص لباباه بضيق وطلع ع اوضته ودخل شاف البدلة وقرر ميلبسهاش واختار قميص بيج وبنطلون ابيض كلاسيك وجزمة هاڤان ونزل
نعمان : اى اللي انت لابسه دا
جاسر : ومش هلبس غيره يا اما مش هروح ها قولت اى
نعمان : يلا اطلع قدامي
جاسر : مشي بضيق
نعمان ف العربية : جاسر انت عارف أننا أصحاب اكبر شركة عقارات ف البلد وعشان كدا كان لازم نناسب عائلة تليق بينا وعائلة الهواري متقلش قيمة عن عائلة نعمان الشوري
ابو عروستك عنده شركة مقاولات كبيرة وليها بدل الفرع اتنين وتلاتة وهو دا بقا النسب اللي يشرف وهو معندوش غير ولد وبنت
فهمتني يا جاسر
جاسر : فهمت يا بابا
نعمان : وصلنا يلا يا عريس
جاسر : يلا يا نعمان بيه
نزل جاسر ووالده ودخلوا البيت مروا ع جنينة وبعدين دخلوا ريسبشن كبير ورحب بيهم عزيز الهواري وقعدوا
نعمان : دا ابني جاسر مهندس مدني وماسك شركاتي دلوقتي
عزيز : تشرفنا
جاسر : ليا الشرف اكتر حضرتك
نعمان : احنا جايين نطلب ايد بنتك لابني
عزيز : طب استني الاولاد يشوفوا بعض الاول
نعمان : خير البر عاجله
عزيز : طب ثواني هخلي حد من الخدم ينده بنتي
طلعت بسينة تنده ع بنت عزيز الهواري
بسينة : ياستي يا ستي البيه عايزك تحت
ردت عليها وقالت هو انا مش قولتلك مليون مره ناديني باسمي وبلاش ستي دي عشان مبحبهاش
بسينة : معلش ياستي
ردت عليها برضو ؟! طب قولي لبابا اني نازلة
بعد شويه نزلت ع السلم وبص جاسر بفضول وهنا تقريبا شبه اتصدم ولكن عينيه لمعت من الفرحة وهي بصتله وابتسمت وسلمت وقعدت
عزيز : جميلة بنتي
نعمان : بسم الله ما شاء الله قمر يا عزيز
جاسر : فعلا قمر يابابا
هنا ابتسمت جميلة
وعزيز و نعمان سابوهم لوحدهم ومشيوا
جاسر : انا مش مصدق نفسي بجد
جميلة : بس انا مصدقة وكنت عارفه اني هشوفك تاني لكن مش بالسرعة دي
ضحك جاسر وهنا ظهرت غمازاته وعيونه العسلي لمعت ومسح ع شعره وبصلها و….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببت جميلة)
تعليق واحد