رواية المشاغبة والامبراطور الفصل الرابع والعشرون 24 بقلم شروق مجدي
رواية المشاغبة والامبراطور الجزء الرابع والعشرون
رواية المشاغبة والامبراطور البارت الرابع والعشرون
رواية المشاغبة والامبراطور الحلقة الرابعة والعشرون
ده فصل احتفالى
بين الابطال
فصل يجمع بين ابطال مهمه خارج البلاد و المشاغبة و الامبراطور بعنوان
( في عشق ارض الفيروز مدينة السحر والخيال♥️ )
……………………………….
عاد ادهم و مصطفي وحاتم من مهمه خارج البلاد اخذت معهم يومين فقط وهم أيضا ابطال روايه مهمه خارج البلاد احببت قاسي
تحدث ادهم في ممر مبني المخا،برات وهو ينظر للملف بيده : خلصت في وقت قياسي مش متخيل قولت هتاخد وقت كبير
حاتم : فعلا بس عدت بسلام حاسس اننا كنا في نزهة مش اكتر
ادهم : بلاش سيره الفسح دي فيروز مسكه دماغي هتموت وتخرج مجناني معاها
مصطفى: هي مش حامل قولها تهدي بقه لا لقدر الله يحصل حاجه
ادهم : اسكت بلاش سيره الحمل دي كنت فاكر هتبقى اسعد لحظات حياتنا في استعداد مولود جديد لكن العكس مجناني تعبت منها
حاتم : لي بتعمل اي ياعني
ادهم : كل حاجه تتخيلها انا تعبت متفكرنيش
مصطفى بخبث : تعالو قبل ما ندخل المكتب نعدي نرخم على الواد مازن
ضحك حاتم وهو يقول: هيفرح اوي برجوعك يا ادهم
بقلم شروق مجدي
ضحك ادهم بخبث : انت هتقولي ده حبيبي
اقترب من الباب ووضع يده وفتح الباب ولكن وقف على صوت مازن يقول وهو يجلس على كرسي المكتب ويعطي ظهره للباب ويتحدث بالهاتف : اهدي يا فيروز بقه بلاش عياط هو في مهمه يا بنتي
فيروز : لالا ان شكه ان ادهم بيخوني يا مااازن ازاي يومين ولا يعبرني معقول كده ويبعت رساله يقولى بدال انتي كويسه يا حبيبتي بطلى رن انا مش فاضي
مازن : بيخونك اي بس يا بنتي اه في بنات كتير موزز في المهمات معانا بس ادهم كويس برضه ، بس هو يومين دي كتير الصراحه انتي مراته برضه ليكي حق تشكي والرساله لالالا اي مش فاضى دي قلت زوق منه اوي
وضع ادهم يده يؤشر على نفسه بصدمه وهو ينظر لحاتم الذي يضحك بخبث على ادهم ومصطفى يقف خلفهم ببرود ويبتسم على مازن الذي سيقع فريسه بين يدي الصخر
اكمل مازن : بصي لما يرجع اقلبي عليه ده بيهزر ولا اي مينفعش الكلام ده هو مبقاش لوحده لازم يفهم انك مسؤله منه واكمل وهو يلف الكرسي : هو خلاص هيبقى اب لازم يعقل ده تهري…………
نظر امامه وجد ادهم يقف يربع يده ويرفع حاجه له بغضب وحاتم ومصطفى يمنعون انفسهم من الضحك عليه
اكمل مازن بخوف من ادهم : بس هو ككككويس يا فيروز برضه وطيب اوووي ده ده بيحبك اه وعلى فكره لا في بنات حلوه معانا ولا نيله انتي بيهم كلهم ده ده ادهم راجل عاقل ووووو
اشار. له ادهم ان يغلق الخط معها اكمل مازن بتوتر : طب سلام دلوقتي ابقى اقري الفاتحه على روحي سلام واغلق الخط بتوتر وهو يقف ويقول: ادهم حبيبي اي الي رجعك اااا اقصد ياعني انته مكملتوش يومين اقصد
ادهم وهو يقترب منه : جيت عشان اشوفك وانت بتسخن مراتي عليااااا
مازن بصدمه وهو يقف وراء حاتم : انا فين محصلش ده انا عمال اشكر فيك
حاتم بهمس : كان موجود من اول المكالمه يا ناصح
مازن : يا راجل طب طب انا كنت بس بهاودها بخدها على اد عقلها مش اكتر انت عارف بقه الهرمونات و الحمل الستات بتتجنن
ادهم بغضب : انا بقه هوريك الهرمومات على حق ربنا ضحك حاتم وهو يفصل بينهم ومصطفى يقف يضحك عليهم
…… : اي الى بيحصل هنا ده
مصطفى بضحك : العادي يا امبراطور ههههه واقترب منه يسلم عليه
يونس وهو يضحك : الصخر ومازن كمبيوتر يابني بطل بقه انت مش اده واقترب يسلم على ادهم بحب
مازن وهو يقف خلف يونس : وحياتك ما عملت حاجه كل الى عملته اني كنت بهدي مراته عليه
ادهم بغيظ : لا يا راااجل قصدك تشعللها
ضحك يونس عليهم وهو يقول: المهم انا كنت بسلم ورقه هنا و سئلت عليك طارق قال لي انك عند مازن جيت اسلم عليك قبل الإجازة بقه
ادهم : اجازه اجازه اي دي
يونس وهو يضع يده حول كتف مازن : ابدا هاخد ندي و نتفسح شويه انت عارف ظروف جوازنا وهي من ساعت ما حملت وجعت دماغي عيزا تخرج قلت فرصه بقه حتى ياسين وريم جين معايا
ادهم بتفكير : اااااممممم طب بقولك اي تعالى نتكلم في مكتبي لحسن هنا في ناس رويتر ونظر لمازن وهو يرحل : اما وريتك مبقاش انا ادهم واخذ يونس وخرج
مازن بغيظ : ياعم اتلهي اتشطر على فيروز الى بتيجي قدامها وتقلب بطه بلدي
مصطفى بضحك وصوت عالى : يا ادهااااام
اقترب مازن منه وهو يضع يده على فمه ليصمت : بهزر يا جدع بهزر اي ده
………………………………………
في مكتب ادهم
يونس : امممممم ياعني انت عايز خمس تذاكر بس
ادهم بتاكيد : yas انا وفيروز وكريم وورد وشهد بس كده
يونس : طب ما تاخد فيروز بس واخد العيله كلها لي
ادهم : لان كريم وورد محتاج علاقتهم تقرب اكتر ورد من ساعت ما اتكتب الكتاب بعد الحاح شديد من كريم لانهم في بيت واحد وهو بيحبها وفقت ، بس العلاقه بينهم بعيد جدا كل ما يحاول يقرب هي بتتوتر وتبعد
يونس : اه بس اعتقد ان كريم متفهم ده صح
ادهم بتاكيد: طبعا وجدا كمان انا نفسي متفاجي ان كريم عاقل كده وقادر يحتويها ومتفهم الموقف وده حطه عندي في حته كبيره في نظري جداااا ، بس حبيت اكسر شويه الى بينهم يمكن ده يقرب بينهم اكتر وشهد كمان بتحب الطبيعه والرسم وده هيغير من حالت الوحده الى عيشاها لانها شخص بطبعه منغلق على نفسه رغم ان فيروز ديما جنبها . ، اهو تشوف اماكن جديده وترسم براحتها انا من ساعت ما رجعت انا وفيروز من شهر العسل محدش منهم خرج من البيت خالص
يونس بتفكير : طب وده مش هيضايق فيروز انك وخدها ولامم العيله كلها
تنهد ادهم بحب واكمل : فيروز دي يا. يونس عوض ربنا ليا مش متخيل اد اي متفهمه الموقف وفرحانه من لمتنا بالبيت كلنا ، انا فكرت في وقت اخد فيلا جنبي ل كريم وشهد عشان فيروز تكون براحتها اكتر بس هي رفضت جدا وقالت ليا كفياك وحده بقه يا ادهم خليهم حولينا انا فرحانه بيهم ، وكمان وبتساعد شهد في دراستها وديما جنب ورد وبتشجع حبها لكريم وبتروح معاها جلسات العلاج النفسي حتى كريم بيحكي ليها كل حاجه و يستشيرها اكتر مني ، انت مش متخيل لو زعلت بس فيروز ثواني البيت كله بيتقلب عليا حتى ورد الى اتربت معايا , فيروز شيله البيت كله انا معرفش اي حاجه عن البيت مش مهتمه بحملها زي ما مهمته بيهم هما ، انا حته مش شايل هم شهد وانها مراهقه لان فيروز متابعه خطوه بخطوه معها فيروز دي نعمه ربنا ليه وانا جي عليها اوي هي برضه لسه متجوزه من كام شهر وشيله مسؤليه عيله كامله عشان كده هخطفها بقه ، كريم يحل اموره مع ورد وشهد ترسم
كمل يونس بضحك : وانت تحب في فيروز
ضحك الاتنين معا وادهم يقول : صح كده جدع واكمل بتحذير : اوعي اوعي تقول لحد قبل ما نسافر سامع مش عايز حد ينط معايا فيها خصوصا مازن الزفت ده
وقف يونس وهو يتجه للخارج بضحك : عيوني يا صديقي اول مره نسافر سواااا ياااه
ضحك ادهم واغلق يونس الباب ورحل
………………………………………
بقلم شروق مجدي
بمنزل ادهم بغرفه فيروز
فيروز بغضب وهي تقف امام الشرفه و تحدث ادهم بالهاتف: والله زعلانه واوي كمان ، يومين بحلهم لا تسأل عليا ولا تعبر اخص عليك يا ادهم اخص بجد بقه كده هي دي مراتك الى حامل ومحتاجة ليك جنبها
ادهم : حئق عليا يا فيرو بقه شغل يا روحي ،طيب انا مصدقت افضى شويه واكلمك وحشاني وحشاني اوي
تحدثت هي بصوت متقطع من البكاء : وانت كمان وحشني اوي اوي تعالى بقه يا ادهم بليز
تنهد ادهم بشوق لها وهو يقول : عيزاني اجي طب ليه بقه ده انا مكملتش يومين بس اي وحشتك اوي كده
شهقت هي بصدمه وهي تقول: طبعا وحشتني وحشني حض.نك وريحتك ونفسك ونظره عيونك وحشني كل حاجه فيك يا ادهومي ، تجمدت مكانها ووقع هاتفها من يدها عند شعوره يحتضن خصرها بتملك ويقربها منه بظهرها ويلف يده حولها وهو يدفن رأسه في عن.قها بقب.لات هامسه متفرقه ويقول بين كل قب.له : كنتى بتقولي اي بقه كملى كده محتاج اسمع تاني
فاقت فيروز بصدمه وفرح وهي تضع يدها على يده الموضوعه على خص.رها بتملك و تقول: اااادهم انت رجعت امتي
ابتسم بخبث وهو يلفها لتكون امامه بوجهها ويقول بخبث امام شفتي.ها : من ساعت ما قرد المخابرات كان بيسخنك عليا
ضحكت بمرح وهي تضع يدها حول عن.قه وتقربه منها وهي تقول بشوق : وحشتني اوي
حملها من خص.رها وهي تضحك بمرح وتقول : بتعمل اي انت لسه راجع
وضعها على الفر.اش وهو يقول بشغف ويقبل عنق.ها برقه : وانا راجع عشان مين ها لازم ادرس موضوع اني وحشتك ده وتاكد بنفسي .ضحكت فيروز بفرح وهي تستسلم لقب.لاته الرائعه لتذهب معه لعالمهم الخاص الذي يجمع بينهم
………………………………………
بمنزل يونس الهلالى بطل روايه المشاغبة و الامبراطور بمطبخ الفيلا تقف ندي تعد الطعام بفرح لهم فهي قررت عمل الطعام اليوم لهم تحت اسرار ياسين ونادر انهم يريدون الطعام من يدها ورفض يونس لخوفه عليها من الوقوف في حملها هكذا ولكن هي اسرت على ذلك
وقف يونس يسند على الباب وهو يربع يده ويشاهد مشاغبته وهي ترتدي فستان منزلى قطني يصل لركبتها وترتدي المريول الزي يخفي بطنها المنتفخه قليلا فهي الان بالشهر الخامس ولاكن لا يظهر عليها الحمل ويزيدها جمالا اكثر و لكن المضحك في الموضوع انها ترفع شعرها للاعلى وتربط عليه ايشارب بطريقه مضحكه وهي تعقده من الامام عقده لعدم فكه
ظل يراقبها وهي تدندن بهيام : يا قلبي الحظ نادى عليك
وجابها لك زي ما الحلم كان بيقول
حقيقة بجد مش معقول
دي هيا حبيبتي بالأوصاف
حقيقة وأحلى من اللي اتشاف
دي جيالك وإنسي يا قلبى ثاني تخاف
يا قلبى الدنيا راضيه عليك
و عايزا لك تعوض كل حلم وراح
وجالك يوم عشان ترتاح
وتلقى اللى إنت مستنيه♥️
تنهدت ندي بغيظ وهي تقول : ماشي يا يونس الكلب بقه من يوم الصحراء والشيخ بدران وانت مفكرتش توديتي حتى حديقه الحيوان لما ترجع بس ، نظرت للخلف بصدمه وهي تسمع صوت ضحكاته العالية عليها
شهقت بصدمه وهي تضرب يدها على صدرها : خدتني يا يونس اخس عليك
ضحك بمرح وهو يقلدها ويخبط بيده على صدره : خدتني يا يونس اخس عليك
ندى بفرح : مش تقول انك جي طيب
اقترب منها بخبث وهو يقول : لما كلمتيني وقولتي انك هتعملى الاكل بنفسك قولت لازم اتفرج على اميرتي الحلوه
ضحكت بمرح وهو يضع يده على خص.رها وهي ترفع يدها حول عن.قه بمشاغبه: وحشتني الشويه دول
تحدث بغيظ منها : امممم كنت لسه يونس الكلب من شويه
نظرت له بطفوليه وهي تقول: دي مجرد تعبير مجازي لا اكثر
ابتسم بمرح وهو يداعب انفها بأنفه : روحي مرحتش الكليه انهارده لى بقه ممكن اعرف ولا هنهزر من اول سنه
بقلم شروق مجدي
ندي بمرح : قولت اتسلوح انهارده واعمل محشي بقه المحشي ولا الكليه افيد ها ، وفردت يدها بمرح وهي تكمل : اكيد المحشي طبعا
ضحك بقوه عليها وهو مازال يضع يده على خصرها ويقول: اكيد طبعا المحشي بس افهم ازاي تعبير مجازي مع اتسلوح دي دي لغه عربيه ودي لغه ارصفه
اكملت بمرح وهي تبتعد عنه لتنظر للطعام قبل ان يحترق : اهي كلها لغه الشعب يا يونس وتراقصت بخصرها وهي تتمسك بالمغرفه وتكمل. : احنا شعب يعشق الهشتجه
ضحك بقوه اكثر وهو يتمسك بخصرها مره اخري ويقول : انتي مجنونه بس اي يا روحي الى عملاه في شعرك ده
وضعت يدها على الايشارب باستغراب شديد : ماله شعري
اكمل هو : الربطه الكوميديه دي اي ده
ندي بفخر : دي ربطه الست المصريه الاصيله وهي بطبخ لي بقه قول لي
يونس بهمس وهو يضع رأسه في عن.قها ويتح.سسه بشفت.يه : لي بقه
اكملت بتوتر: عشان الاكل ميقعش في الشعر
نظر لها بعدم فهم اكملت بمرح : يووووه قصدي الشعر ميقعش في الاكل ابعد بقه الاكل هيتحرق
قربها منه اكثر وهو يهمس امام شفت.يها بشغف : ما يولع الاكل قوليلى بس هو في حامل قمر كده
توترت من لمساته وهي تهمس له: الاكل يا يون….. ابتلع هو باقى كلماتها في شف.تيه وهو يقربها منه اكثر ويرفعها من خص.رها له ثم احتض.ن خص.رها بيد واحده والاخري رفعها يزيل رابط راسها ويحرر شعرها الذي يعشقه وهو ما زال يقب.لها
بعد وقت ابتعد عنها عندما شعر لحاجتها للهواء وهو يضع جبينه على جبينها ويهمس لها بخفوت : وحشتيني انا بعشقك شعرك مفرود كده يقع في الاكل مش مهم وظل يحرك يده داخل شعرها بشغف
قالت هي بخفوت ايضا وهو تضع يدها حول عن.قه : حد يدخل علينا يا مجنون انت ابعد
اقترب من باب المطبخ وهي بين يديه وأغلقه بقدمه ثم حاوط خص.رها بيد واحده وبالاخري اغلق الباب بالمفتاح
شهقت في بفزع وهي تنظر له : انت اتجننت يا يونس فالمطبخ
اكمل هو بمرح : واي المشكله دي احلى حاجه وسط الحلل يا بطه انتي
شهقت بصدمه وهي تبعده عنها بقوه : مين بطه دي ها اعترف انت رجعت لقلت الادب تاني ولا اي تعرف حد اسمه فاطمه طبعاااا
يونس بغيظ : بطلى هلاوس بقه اقصد ان انتى بقيتي بطه بعد حملك ده
صرخت بوجهه بقوه وهي تكمل : انااااا تخينه قصدك اني تخيييينه صح انت مبقتش تحبني صح شكلى بقه وحش تخينه انا بقيت وحشه
فتح الباب مره اخري وهو يخرج : انا غلطان اني جيت ليكي اساسا واتجه للاعلى بغيظ منها
ضحكت بمرح وهي تصفق بيدها : احسن زحلقته قل.يل الادب ده وجذبت الايشارب مره اخري وهي تضعه على شعرها بمرح وتقول: الاكل المحشي واكملت وهي تتجه للحلل : ده انا ثبت الكليه عشانه مش هسيب يونس الس.افل ده
………………………………………
على الطعام
ياسين بهايم وهو يتناول الطعام : احلى محشي بأكله من ايدك يا نودي والله يجنن
نادر : فعلا ندي طول عمرها استاذة في الاكل
يونس بتحذير : دي اخر مره هاا لم نفسك انت وهو ندى تعبانه وانا مش عايزها تقف في المطبخ اصلا
نادين بمرح : فين الى تعبانه دي ماهي زي القرده اهي
رفعت ندي كفها فى وجه نادين وهي تقول: كان عندنا خمس كتاكيت وفطسووووو
ضحك الجميع عليها
تحدث يونس بتحذير لنادين : كفايه مشاغبة بقه يا نادين ها انا لو من نادر كنت طلق.تك وخلصت
شهقت بصدمه وهي تضع يدها على صدرها : انا انا ده انا هادية جداااا هو في زيي اصلا
نادر بغيظ : اه جداااااا ملاك يابني ملاااااك
ياسين بضحك : ده انتي يا بت ماشيه تضربي في خلق الله
نادين بتكبر : مش هما الى بيستضعفه وحده مكسوره الجناح زيي
يونس بصدمه : مكسوره اي ياختى اخرسي خااااالص ااااه منك انتي ربنا معاك يا نادر والله
ظل نادر ياكل ولا يتحدث ولكن تحدثت نادين له بغضب وهي تقول : ما تتكلم ولا تدافع عني اي ده انت مش جوزي
نادر ببرود وهو ياكل : ماهو انا اتكلم تزعلى اسكت تزعلى اعملك اي طيب اقولك انا قايم اعمل شاي اعملك وجدها تنظر له بغيظ من بروده اقترب هو قبل جبينها ووقف يتجه للمطبخ ولكن توقف على صوت يونس يقول له : برضه مش عايز تيجي معانا السفر انت ونادين فقر يابني
نادر: انت عارف عندي شغل كتير ولسه فاتح الشركه ان شاء الله هعوض نادين في وقت تاني
ريم : المهم نادين متكونش زعلانه
ندي بمرح : اخيرا افلاطون نطق
ريم بمرح : ما اكلك ده مش عايز كلام خالص عايز استمتاع فقط لا غير
تحدثت نادين وهي تأكل : لا خالص مش زعلانه المهم شغله اكيد
نظر الجميع لنادر بحزن فهي واضح انها تحزن
اقترب نادر منها بخوف ان تكون بالفعل حزينه لعدم سفرها معهم فهي طفلته المشاغبة الجميله ورقع امامها على الارض وهو يجذب يدها ويقول : انتي زعلانه يا نودي لا نسافر خلاص مش مهم ابدأ اي حاجه في حياتي غيرك
ابتسمت بحب له وهي تقول : بس انا مش زعلانه يا حبيبي ومهم عندي شغلك جدا طول مانت بتكبر وتنجح انا اسعد انسانه في الدنيا و متاكده انك لو عندك وقت لو ساعه هتقضي معايا انا فعلا مش زعلانه انا بقول عادي
قبل يدها بحب واكمل : لو نفسك تروحي نروح والله مافي حاجه في حياتي اهم منك ابدا
اقتربت من اذنه بمشاكسه وهي تقول : نسافر معاهم لي انا عيزا استفرد بيك لوحدك با ندور مش مع جوز الغربان و الغزالتين دول
قبل جبينها بحب وهو يهمس لها : ربنا يباركلى فيكي يا روحي يارب
يونس بصدمه : هي تقصد انا وانت جوز غربان
ياسين بضحك وهو ياكل : اه اكيد
لفت نظر يونس ندى التي تنظر لهم بهيام وتضع يدها على خدها تحدث لها بغيظ : مالك انتي كمان اي عادي ده فلم عربي قديم
نادين بمرح : الى متغاظ مننا يعمل زينا
وظل الجميع بين الضحك و المناغشه والمرح
………………………………………
في منزل ادهم
كانت فيروز تجهز الحقائب بفرح فهي تعشق السفر والمتعه مع معشوقها والسفر هذه المره مختلف فهو داخل البلاد في دهب ارض السحر والخيال والجمال
نظر لها بطفوليه و استعطاف ادهم وهو يخرج من المرحاض يرتدي منشفه حول خصره والاخري يمسكها بيده
ضحكت فيروز على منظره الطفولى وهو ينظر لها هكذا واقتربت منه وجذبت يده ليجلس على الاريكه واخذت المنشفه من يده وبدأت تضعها على شعره وتنشفه جيدا
ابتسم وهو يضع يده على خص.رها ويقول : انا قولت مش تردي تنشفي بقه شعري وتقولى مش فاضيه يا ادهم
ضحكت بمشاكسه وهي تقول : انا اقدر برضه يا ادهومي ده انت جلبااااااااي واكملت بتفكير : بس قولى يا ادهومي بتعمل اي وانت في مهمه مش بتستحمي بقه ولا اي ها مش بتنشف شعرك
ابتسم بعشق وهو. يجذبها لتجلس على قدمه وهو يقول: بتخيل ان انتي الى بتنشفي شعري وبلتبسيني انتي معايا فين ما بروح يا فيروزتي
ضحكت وبدأت تساعده في ارتداء ملابسه وهو يغازلها بمشاكسه الى ان انتهت ووقفت بتعب : ننام بقه شويه قبل السفر
حملها على ذراعه بحب وهو يقول: عيوني
قالت بتحذير : اااادهم عيزا انااام
ضحك بقوه وهو يضعها على الفراش ويجلس بجوارها ويزيل التيشرت الخاص به وتسطح بجانبها
فيروز بخوف : كده تبرد يا ادهم كلها ساعتين ونصحى البس التيشرت
ادهم وهو يجذبها لاحض.انه وينام بتعب : انتي عارفه مش بعرف انام غير كده صيف شتاء
فيروز : ايوه بس انت لسه واخد دو…….
ادهم وهو يضع يده على شفتيها بنوم : شششش نامي يا فيروزتي انا كويس و البنوته الحلوه حبيبه بابا عيزا تنام
استسلمت للنوم بتعب داخل احضانه
………………………………………
صباحا في فندق بمدينة دهب الساحره الخلابه
يونس : ادهم نورت دهب يا صديقى
ياسين بفرح : انا مصدقتش لما ادهم قالى انك جاي عامل اي يا صخر المخابرات
ضحك ادهم وهو يقول: كويس يا قناص وحشني والله
واكمل وهو يحتضن فيروز : فيروز مراتي
ياسين بفرح : الى رجعت من الموت فرحت ليك والله اوي وسلم عليها وهو يقول : انتي مش متخيله يا مدام كان عامل ازاي الاربع سنين دول الجهاز كله كان حزين عليه خصوصا لما استقال
قالت فيروز بمرح : واديني رجعت اهو وكل حاجه رجعت ونظرت له بمرح : صحابك موزز اوي انت لى معندكش صحاب وحشه يا ادهم
نظر لها بصدمه وغيظ ولكن انصدم من من اخترقت ياسين ويونس ودخلت من بينهم وهي تقول بغضب : نعم يا حلوه مين دي يا يوووونس
بقلم شروق مجدي
اختبأت فيروز خلف ادهم بخوف منها وكتم يونس فم ندى وهو يقول : بس يخربيتك هنتفضح دي دي ندى بنت عمي واخت ياسين
عضت يده بقوه و ابعد هو يده بوجع منها وهي تقول بغيظ : ومراته يا ماما ها مراته وحامل كمان ماتتهد بقه يا يونس
ضرب يونس كف على كف والجميع يضحك حوله وهو يقول: يا بنتي انا اتحركت من مكاني اصلا ودي مدام هاااا مدام فيروز مرات ادهم باشا الى حكيت ليكي عليهم
ضحكت فيروز وهي تقول ب مشاكسه بس معايا ورد اختى انسه ولاعبت حاجبيها بمشاكسه لها وورد تضحك على جنون فيروز
اقترب منهم كريم بغيظ : على اساس انا اي ها بطه بلدي ونظر لندي : انا جوزها كاتب كتاب الهانم الانسه دي
نظرت ندي لفيروز بغيظ والاخري تنظر لها بمشاكسه
ادهم وهو يضع يده على يونس بمرح : طب انا شايف اني مش عايز اشوفك افضل لاخر الرحله
يونس بتاكيد : انا برضه بقول كده لان لقد اعلنت الحرب يا صديقى
ياسين بمرح وهو يحتضن ريم : طب سلام عليكووو انا بقه يلا يا بيبى وجاء يرقد بها ولكن صرخت ريم يخوف منه : براحه يا ياسين انا حامل مالك
ياسين بمرح: شطوره فكريني ديما عشان انا بنسي
ريم يضحك : بس كده حاضر يا فندم
ضحك ياسين وهو يحملها بمرح ويذهب لغرفته : وحشتيني يا افلاطون كمبيوتر
ضحكت بمرح وهو يتجه بها للداخل واغلق الباب خلفه
يونس : طب فرصه سعيده يا مدام فيروز وجذب ندي بغيظ وهو يقول : يلا يا مغلباني جائت تنظر له وجدت الفندق ملئ بالسياح و البكيني صرخت بقوه : يوووونس روحني حالا مش عايزاه اتفسح
يونس بغيظ منها وهو يجذبها من ملابسها بغضب : انجري قدامي اطلقك واخلص ياااارب
ادهم بتحزير: فيروز مش عايز مشاكل من فضلك
ضحكت بمرح: بس كده عيووووني واكملت بانبهار : بس حقيقي الفندق كله مووووزز ، ليها حق ندي تغير
نظر لها بأستغراب وهو يقول : انتي بتبصى عليهم كده لي مش غيرانه عليا منهم
فيروز بفرح وهي تنظر حولها : اغير لى اولا انا بثق فيك ثانيا وده الاهم انا موزا وقمر اصلا ثالثا بقه يا ادهوم نبص سوا ونعاكس سواا هههههههههههه
فرك ادهم يده بوجه بغيظ منها ثم وجه حديثه لكريم اخوه : كريم ودي البنات الاوض بتاعتهم وارتاح انت كمان انتو احرار كل واحد يروح مكان ما يحب بس جوا الفندق بس خروج برا لا ممنوع والكلام للكل يا كريم عايز تخرج مع ورد عرفني الاول امتى وفين
نظر بجانبه وجد فيروز اختفت نظر حوله يبحث عنها وجدها تقف عند زجاج يطل على حمامات السباحة للمكان وتقف بانبهار شديد
اكمل بغيظ : خد البنات يا كريم وروح انت
و اقترب منها بغيظ : بتعملى اي وبتتحركي من غير ماعرف لي
فيروز بفرح : المكان حلو حلو اوووووي الجبال الفندق السحر كل حاجه فوق الخيال
ابتسم وهو يضع يده في جيبه ويقول : حد غيرك يتكلم انتي تقريباً لفيتي العالم
تحدثت وهي تطلع للمكان بفرح : فين ده لفيت فين كل مكان روحته كان من العربيه للبيت والمافيا
مكنتش بتنفس حتى من غيركم ولا بلد اتفرجت عليها ولا اتمشيت حتى في شوارعها حتى الاربع سنين إلى بعيد عنكم تلاته منهم غيبوبه وست شهور بتعالج والسته التانين محبوسه في قصر بتنفس بحساب
واكملت وهي تنظر له بحزن : انا طول عمري تحت حصار اهلى وبعدها انتم وحمزه انا معرفتش اعيش بجد غير لما رجعت ليك يا ادهم فى حضنك بس هي حياتي اول فسحه بجد كانت بعد جوازنا وكنت حامل هههههههههههه ودلوقتي برضه لسه حامل هههههههههههه ووضعت يدها على بطنها المنتفخه قليلا بفرح
ابتسم بحب وهو يحتضنها بقوه ويهمس لها : هعوضك عن كل حاجه اوعدك كل ماقدر هخدك ونبعد عن العالم كله والف معاكي كل الدنيا يا كل دنيتي ، وحامل اي بس ده انتي في الشهر السادس والى يشوفك يقول ولا كانك حامل
فيروز بشقاوه : عشان انا موزا يابني موزاااا
حملها بين يده وهو يتجه لغرفته : طب يلا يا موزا هانم عشان نرتاح والففك دهب كلها
فيروز بغيظ : نرتاح من اي احنا جينا في طيارة اخلص بقه
ادهم بتاكيد: ايوه بس عشان خاطر بنوتي القمر الى في بطنك لازم نرتاح ومش عايز مناقشة
واتجه لغرفته وهو يحملها بين يديه
………………………………………
بغرفه يونس
يونس وهو يئشر على رأسها بغيظ : انتى مجنونه دماغك دي فيها اي بقولك ادهم وصديق وصخر المخابرات تحرجيني كده مع مراته انا قايل ليكي اي فى الطيارة هاااا مش حاكي عنهم هتكبري اااامتى
وضعت يدها في خصرها بغيظ : وهي مراته تقول عليك موز لي ها ها
فرق يونس وجهه بغضب وهو يستغفر ربه منها ثم اكمل : يابنتي قولتلك فيروز دي عفويه جدا بصى من الاخر هبله كده زيك بس كل واحد هبله شكل
شهقت بصدمه وغضب : انا هبله انااااا
يونس بغضب : وستين هبله كمااان غوري من وشي بدال مطبق وشك
ندي بدموع : شكرا شكرا اوي هي دي الفسحه بتاعتك شكرا وجلست على الأريكة تبكي بقوه وهي تضع يدها على خدها
تنهد بتعب واقترب منها : اسف حقك عليا يا ستي وقبل رأسها بعشق وهو يقول : شوفي كل مره تعملى مصيبه و اصالحك انا
ظلت صامته وتبكي فقط اكمل بضحك: اممم شكلك هتفضلى كده ونرواح بقه ومش هنروح ل الشيخ بدران وفرح خلاص بقه
شهقت بصدمه وهي تتمسك بيده بفرح: بجد بجد هنروح عنده
يونس بهمس وهو يقترب منها : بجد يا قلب يونس وجاء يقبلها وضعت يدها تبعده بغيظ وهي تقف وقع على الارض للخلف بصدمه ونظر لها تحدثت هي وهي تربع يدها : ما تتهد بقه يا يونس اي ده عيزا اخرج يااخي
وقف بغيظ وهو يقول : طب يلا اتفضلي غيري هدومك واعملي حسابك الصبح بتاعك واقترب منها بغزل : وبليل بتاعي
ضحكت بدلع واتجهت للمرحاض
بقلم شروق مجدي
………………………………………
جلس كريم على شاطئ البحر وبجانبه ورد وتبعد عنهم قليلا شهد ترسم تلك المناظر الطبيعيه الخلابة
نظر كريم بملل وجلس بغيظ وهو يقول : هو احنا جينا نذاكر ولا اي يا ورد
نظرت له ورد بأستغراب: مش فاهمه
جذب منها الكتاب ووضعه على الطاوله وهو يجلس بجانبها بمرح : تعالى نتمشى اي رايك
ابتسمت ووقفت معه : يلا
تمسك بكف يدها وهو يسير معها على شاطئ البحر وهي لا تتحدث قطع صمتها وهو يقول بتفهم : لسه حسه بتوتر تحبي اشيل ايدي
انفجرت من البكاء ووضعت يدها على وجهها وهي تبكي بشده
ظل ينظر لها بتوتر وينظر حوله فهو بعيد عن شهد لتأتي له او فيروز ظل ينظر لها وحوله في تتوتر من ان يحتض.نها فقال بحزن وتفهم : ورد حبيبتى
فجاءه وجدها تحت.ضنه بشده وتبكي بقوه رفع يده للاعلى بصدمه لاول مره تفعل هذا دائما تفضل الابتعاد عنه فأكمل باستغراب: ورد انتي كويسه
نظرت له وهي داخل احض.انه بدموع وقالت : طل.قني يا كريم طل.قني
كريم بصدمه : نعم بتقولي اي
اكملت هي : انا مش هقدر اسعدك كل حياتي ملغبطه ذنبك اي انت تتجوز وحده زيي ماضيها ملعون وقذ.ر
قاطعها وهو يضع يده على شف.تيها بحب : شششش بحبك ذنبي اني بحبك من اول يوم شفتك في بيت ادهم وانا بحبك
اكملت بدموع : مستعد تتحمل كل ده لى لى انا مش قدره اسعدك زي اي اتنين مخطوبين ولا حتى مكتوب كتابهم
ابتسم بمرح وهو يضع يده على خص.رها: مين قال كده مانتي قفشه فيا هو اخيرا
نظرت لنفسها وشهقت بخجل وجائت تبتعد تمسك بها وهو يكمل بمرح : ورحمت امي ما يحصل انا قتيل الحض.ن ده زي مانتي
ضحكت بقوه عليه داعب انفها وهو يقول بس لى ها لى فاجأه الحض.ن الجامد ده
ورد بغضب طفولي : البنات عماله تبص عليك و و تغزل فيك وهما مش لب.سين حاجه اصلا
كريم بمرح: انا كريزما يا بنتي عشان بس تعرفي قيمه الى معاكي
تنهدت بتعب واكملت: عارفه ومازلت بقولك انت تستاهل وحده احسن مني
قاطعها بحزن : ورد احنا اتكلمنا قبل كده في الموضوع ده وقولت ليكي أنسي اني ابن راجل ق.ذر كان بيصدر بنات عرب قا.صر كتير لمكان زي ده
وانسي انتي كمان انك كنتى هناك ورد انتي كنتي ١٢سنه مين مين ممكن يحاكم طفله ويسجن روحها لمجرد انها اترمت في مستنقع حق.ير كده ، حبيبتى انتي بقيتي في كليه طب وان شاء الله احسن دكتوره بالدنيا و متجوزه كريم اه فاتح شركه على ادي بس بكرا تكبر معاكي وكمان يكفي ان الصخر بنفسه اخوكي ده انا الى اخوه بجد مش بيحبني ادك
ضحكت بمرح وسط دموعها واكملت : عايز تقولي بصي لنص الكبايه المليان
اكمل بتاكيد: ايوووه وممكن كمان نزود النص الفاضي اي مشروب غير الى ادلق مش هينفع يبقى نلون على الكوبايه من برا احلى اللوان وتبان مش فاضيه ابدا
اكملت بحزن : بس هي من جواها فاضي
قبل وجنتيها وهو يقول بعشق : بكرا تتملى امال واحلام وبيت واسره وأطفال
ورد : تفتكر
كريم وهو يجذب كفاها ويكمل سير : طول ما انا ايدي في ايدك كل حاجه تعدي المهم نكمل جلسات العلاج النفسي تمام يا دكتوره
ورد بمرح: تمام يا يا فندم ههههه ، ثم تركت يده و رقدت امامه وهي تضحك بمرح
حمد الله عليها في حياته ورقد خلفها يضحك بقوه وهو يحاول الامساك بها تحت ضحكاتها العالية
………………………………………
بغرفه فيروز : انت مبقتش تحبني ابداااااا
ادهم بهمس: يخربيت ام الهرمونات كل شويه بحال
صرخت بغضب : بتقول اي سمعني
وقف وهو يبتسم بلطف: ولا حاجه يا روحي انتي عيزا اي وانا تحت امرك
فيروز بصراخ: انت مبقتش تحبني ابداااااا عاااااااا
ادهم بغيظ : بااااس ودني اي ده انتي ام الخصله دي مش تخلص فيكي ابدا يا ساتر
شهقت بصدمه: انت بتشخط فياااا ياريتني فضلت ميته بدال وحشه على قل……..
اقترب منها بقوه ووضع يده على شفتيها بحزن : كده كده يا فيروز تصدقى بقه انا زعلان منك شكرا جدا
ورحل وجلس على الفراش بحزن وهو يغمض عينيه وسند ظهره على الفراش ويده خلف رأسه حركته المعتاده عندما يريد الهروب منها
تنهدت بضيق وهي تفرك يدها وتنظر له بحزن فهو حظرها كثيرا من سيره الموت ان تاتي بينهم بعد ما حدث معهم
اقتربت بندم ووضعت رأسها على صدره العاري وهي تحتضن خص.ره بقوه : اسفه اوعي تزعل مني مقدرش على زعلك …… ادهم ادهوم ادهم
ظل صامت يغمض عينيه بقوه تشجعت وقب.لت شفت.يه بخفه ابتسم وهو يفتح عيونه ويح.تضن خص.رها بتملك: ده اي ده بقه كده اتصالحت ياعنى
ضحكت بطفوليه وهي تقول : طبعا يلا بقه عيزا اخرج
وقف وهو يتجه للمرحاض : حاضر يا ستي عيوني بس خفي هرمونات بقه ها
………………………………………
ندي بفرح وهي تنظر حولها : الجبال روعه المكان جنان اي ده تحفه لى مشفتهاش قبل كده
يونس وهو يسير بجانبها وسعيد لسعادتها : عشان مجتيش قبل كده بسيطه
ندي: هو لى اسمها مدينه دهب يا يونس تعرف لي
وضع يده على كتفها يحت.ضنها بحب : طبعا اعرف انا خدمت هنا كتير جدااااا وحافظ كا شبر في سيناء بصي يا ستي دهب دي تبع محافظة جنوب سيناء وهي طبعا في خليج العقبة، وتبعد حوالي 100 كم عن مدينة شرم الشيخ نفسها
و 87 كم عن مدينة نويبع، لي بقه سميت بهذا الاسم تيمناً بلون رمالها الذهبي وجبالها . و تنقسم إلى قسمين، الأول يقع جنوباً ويسمى قرية العسلة وتشتهر بالحياة البدوية البسيطة، والقسم الثاني يقع شمالاً وهو روح ونبض المدينة بسبب انه في الأسواق التجارية والأماكن الترفيهية، و المدينة مشهوره بشواطئها البكر الصافية ومواقع الغطس الطبيعية الغنية بالشعاب المرجانية.ها فهمتي
صفقت بيدها وهي تقول بفخر : الله عليك مدرس تاريخ يا ناس
ابتسم بمرح عليها وهو يكمل : لازم الناس تعرف تاريخ بلادها صح ، واي اول واخر بلدها وازاي الأرض دي كانت تحت الإحتلال ، سيناء دي مطمع لكل عدو لينا اجددنا دفعه دمهم ليها ، سيناء لسه فيها شهداء كتير تحت التراب سيناء ارض ومقبرة جدودنا يا ندي
ياما امهات الاف الشهداء ميعرفوش مكان قبر عيالهم كل الى يعرفوه ان العدو دفنهم هنا في ارض سيناء
ندي بفخر : فعلا عندك حق وطبعا تقصد بالعدو ده إسر.ائيل صح
يونس : اسر.ائيل مجرد دوله صغيره حقي.ره نفعصها برجلينا للاسف العضو الاكبر البلاد الغربيه الى بتساند الدوله دي من جذورها
ندي بفخر: انا بحبك اوي اوي يا يونس
اقترب منها يحملها بفرح : انا بموت فيكي يا قلب يونس
………………………………………
بقلم شروق مجدي
فيروز بفرح : المكان صوره سبحان من ابدعها وصورها
ادهم بحب : المكان هنا سبحان الخالق قطعه من الجنه
فيروز بتذكر : احنا صاحيح يا ادهم قريب كده من إسر.ائيل
ادهم بخبث : انتي بالظبط على بعد ١٤٠كم من مدينة إي.لات الإسرا.ئيلية بس لي عيزا تروحي
شهقت بصدمه واكملت : لالا بعد الشر الله لا يعيدها ايام يا جدع تف من بؤك
ضحك بقوه عليها : كتك القرف يا شيخه
فيروز : هما لى بقه عيزين يأخذه دهب
ادهم : مش دهب يا روحي عيزين سيناء كلها هدفهم من زمان من النيل للفرات دي خطتهم
فيروز : ايوه بس سيناء بتاعتنا احنا و حرب عشانها
( ملحوظه الاحداث هنا قبل طو.فان الاق.صي في فلس.طين غ.زه الشقيقه )
ادهم : وده هدفهم الح.رب هما حاليا بيحاوله في فلس.طين طلبه كتير من السادات ومبارك نقل اهل غ.زه بسي.ناء بهدف القضاء على حركه حم.اس لانها بتهدد أمنهم القومي وطبعا احنا رفضنا
فيروز : ولى احنا نرفض حرام دول مبهدلين فلس.طين ناخدهم كلهم
ادهم بنفي : غلط طبعا انتي كده بتقولى ليهم اولا ادخل خد البلد الى تعجبك ورحل اهلها عادي
ثانيا دي قض.يه وطن.ية وأهل غ.زه لو دخلت س.يناء راحت القضيه
ثالثا بقه وده الاهم ان اهل غ.زه هتيجي سيناء وطبعا جواهم نار ان ارضهم راحت وتبداء تانى ح.رب بينهم وبين إسرا.ئيل وطبعا إسر.ائيل تضرب فيهم بحجه انهم بيضربه من سي.ناء والمع.اهدات شكرا على كده وهب تصحي من النوم تلاقي ارض جدودك الى ضحه بحياتهم عشنها راحت وانتى الى سلمتيها بنفسك ليهم
فيروز : والحل اي نسيبهم كده
ادهم : الع.رب الحل الع.رب تتوحد زي صلاح الدين الايوبي ما وحد الع.رب الحل نكون اقوي الحل نسند بعض الحل يكون في جي.ش للع.رب متجمع من كل البلاد العربيه للدفاع عن اي بلد ، المشكله في ضعفنا يا فيرو فهمتي انا حولت ابسطلك المعلومات عشان تفهمي اكتر
فيروز بغيظ : هو انت جي هنا تحكي لي تاريخ عيزا اتفرج اكتر ياعم يلا قدامي
ضحك بقوه وهو يلعب بشعرها : مجنونه انتي مجنونه لسه زي مانتي مافيش فايده فيكي
فيروز : لي ياعني مالى
اكمل بضحك لسه فاكر لما حاتم حكالك حكايه مراته احلام واحنا في الغابه وانتي بعد ما خلص وكلنا متأثرين تقولي له وقلد صوتها بمرح : اي النكد ده الله يقرفك هو انا نقصه نكد هههههههههههه
فيروز بتكبر : مش هو الى نكدي احنا في غابه وديابه واسود ومافيا كمان ، وده بيكمل عليا
ضحك مرح : طب يلا يا غلباويه يلااا قدامي
………………………………………
ياسين بغيظ : البحر حلو اوي
ريم بهدوء وهي تنظر للبحر : اه جدا
ياسين: طب خدتي كام صوره للبحر
ريم بهدوء: انا اصلا بفكر في قضيه مش البحر خالص
وقف بغيظ وهو يحملها للبحر : طب تعالى بقه ماهو انا مش جي اجازه عشان افلاطون باشا يفكر في الشغل وسايب القناص
ريم بصدمه : مش عيزا اعوم انا الله
ياسين بخبث : خلاص اعوم انا مع الصاروخ الي هناك ده بقه
نظرت للفتاه وجدتها تتغزل بياسين من بعيد وترتدي ما.يوه بك.يني وغايه الجمال
تشبثت بياسين وهي تقول بغيظ : عيزا اعوم خلاص بس براحه انا حامل على مهلك
ضحك بقوه وهو يعوم معاها بمرح
ندي: الله ريم نزلت اهي ولبسه طويل تعالى ننزل بقه
يونس : حبيبتى ريم مش محجبه اوعدك هخدك شاطئ خاص يوم كامل
نظرت بغيظ وجدت ادهم ايضا يلاعب فيروز في الماء بمرح نظرت له بغيظ مره اخري ابتسم بحرج : اي بقه مش محجبه برضه اي انا مش بحب كده
تنهدت بضيق حملها بمرح وتجه بها الى احد لانشات البحر ودخل في اعماق البحار تحت فرحتها الى ان توقف بمكان وهو يعطي لها مايوه : البسي بقه محدش هيجي هنا خااااالص
ضحكت بمرح وغيرت ملابسها بفرح وبدأ يغوص معها بمرح وحرص على حملها
………………………………………
بدأ الشباب يلعبون كرة الطائرة بمرح ومعهم ورد وشهد وطريقه لعبهم المحترفه واجسادهم الرياضيه تلفت جميع من حولهم وتجلس الفتيات الحوامل في صف وهم يصفقون بمرح لهم بعد ان تم الصلح بين ندي وفيروز
الى ان قالت فيروز بهمس : بصي يا بت يا ندي اي ده كلهم قمر قمررررر
ندي بمرح : اتوحم على القمر ده ونبي
ريم بغيظ : بس يا ماما منك ليها
لفت نظره الشاب الفتيات واقترب منهم هو وصديقه يتحدثون الانجليزيه: هاي هل ممكن نتعرف
فيروز بخوف : ارحل من هنا انت وهذا قبل اعلان الح.رب
الشاب بوقاحه وهو يجلس بجانبها : لما لا نتعرف حبيبتى
ريم بصوت عالى : قولنا غور من هنا انت والتاني ده
نظر كريم خلفه وجد الشباب والفتيات رقد لهم بخوف ولفت نظر ادهم ويونس وياسين ورقده خلفه بغضب
امسك ادهم الشخص بغضب ويونس الاخر
ادهم : من انتم ماذا تريد من زوجتي
الشخص : اعتذر سيدي لم اكن اعرف انها متزوجه
الشاب الاخر بغزل : وهل هذه وتلك ايضا متزوجات
قبض يونس يده بقوه وضرب الشاب الذي رقد سريعا بخوف منهم
تركه ادهم بغضب الآخر رحل الشاب وخلفه الاخر بخوف
ادهم بغضب : كفايه كده يلاه ندخل
فيروز بغيظ: انت بتزعق فيا لي وانا مالى انا
ندي بخبث وهمس: لا يا شيخه
نغزتها فيروز بغيظ ان تصمت
………………………………………
بعد وقت في خيم الحاج بدران
فرح : منورين والله منورين عاملين الحفله اليوم مخصوص عشانكم اتفضلو يا الف اهلا وسهلا
يونس: منور بأهلها يا فرح
ياسين: وحشتني والله يا شيخ بدران
الشيخ بدران: وانت والله يا ولدي فرحتى بيكم مالا حد منورين يا ولاد منور يا ادهم باشا انت والجماعه
ادهم باحترام : بنورك يا شيخ
نظرت فيروز حولها بفرح وهي تقول: عندك حق يا ندى ده مكان حلو اوي
ندي بغيظ : هو انتي كل حاجه منبهره منها كده
فيروز بفرح: اه اول مره اشوف الحاجات دي
الشيخ بدران: طب يلا يا ولاد ارتاحوا من الطريق و اجهزه للحفله يلا
فعلا بعد وقت خرج ادهم ويونس وياسين وكريم واتجه كل منهم لمكان الحفل
بقلم شروق مجدي
كريم وهو ينظر لهم بضحك : واضح طبعا من مناظركم انهم لسه مجهزوش
يونس بملل : ستات فاضيه
ياسين بغيظ : حتى ريم ريم افلاطون تخيل ساعه بتجهز
ضحك الجميع عليه واكمل ادهم : الى خلى شهد الى مكملتش ١٤سنه بتقولى سيبني بقه يا ابيه بلبس الله
وظله يضحكون الى ان اقتربت منهم الفتيات
ظل ادهم ينظر لفيروزته الساحره بجلباب بدوي رائع عليها وعيونها الساحره منه خطفت قلبه كل يوم عن الاخر
اقترب منها وهو يلف حولها بإعجاب ثم وقف يغازلها ويقول : ممكن نتعرف بالفيروز
ضحكت بقوه وقالت : ممكن
اكمل بمشاكسه : الله ده انتي طلعتي سهله بقه
ضربت صدره بيدها وهو يضحك عليها
اكملت بانبهار : انا جعانه ريحه الاكل هنا تجنن
ادهم : تعالى كليني يا فيروز ده انا مرتبي كله على اكلك لوحدك لي حامل في اي فيل
فيروز بفرح: بغض النظر عن التريئه بتاعتك انا جعانه برضه ، ضحك بقوه واخذها لمكان تناول الطعام
اقترب يونس من حبيبته ندي: لسه ذى اول مره اشوفك فيه و سحرتي عقلي وقلبي بيه
ندي بحزن : لا الحمل انا تخنت
يونس وهو يقترب منها بعشق ويجذب يدها لمكان الرقص : ذي مانتي بال الحمل ذاد من جمالك جمال
ياسين بعشق : اي ده ريمو اي الجمال ده
ريم بخجل : انفع بدويه
ضحك بقوه وهو يقول: احلى بدويه بدويت قلب القناص
كريم : لو اعرف ان اللبس هيزيد جمال عليكي كده كنت رفض تلبسي
ابتسمت بخجل عليه وضع يده يحت.ضن اخته شهد وهو يقول : لا انته انهارده جمالكم مش عادي
ضحكت شهد وهي تبعد يده وترحل لمكان الخيل ومعها ادوات الرسم : انا مش ورد يا خويا ركز مع وردتك
اقترب من ورد بعشق : بتفهم البت دي
ضحكت ورد عليه بقوه اكمل بفرح : بركاتك يا ادهوم الله اكبر
ادهم بغيظ : مش هنر.قص بقه ولا نشرب شاي ولا نعمل حاجه
فيروز وهي تأكل: روح انت انا قعده هنا
نظر لها بغيظ وهو يستغفر ربه منها
ظل الجميع يضحك ويرقص الى ان حل الظلام وتجمع الجميع حول النار
شهد : هو يا ابيه ادهم اي المشهوره بيها مدينه دهب
ادهم وهو يحتضن فيروز من ناحيه وشهد من الاخري : وجود مناطق الغوص الشهيرة عالميا ذي البلوهول والكانيون.
وكمان محمية أبو جالوم من أبرز المميزات بالمدينة
و فيها طيور وحيوانات برية.
وكمان حياة بحرية غنية بالشعاب المرجانية والأسماك النادرة جداااا وجود وديان وجبال ساحرة مثل وادي الطويلات وطبعا الطقس هنا معتدل صيفا وشتاء.
ندي : فيروز احكي ازاي انتي وادهم اتعرفته على بعض يونس قالي ان قصتكم حلوه اوي
ابتسمت فيروز ل ادهم وبدأت تقص عليها قصتهم
تحت تأثر الجميع بها وكان يكمل معها ادهم
بعد ان انهت فيروز الحكايه قالت وهي تضع يدها على خد ادهم : بس يا ستي وكانت اول و اخر واحلى خطف اتخطفه في حياتي
قبل ادهم يدها بعشق واحتض.نها بقوه
كريم بمرح : نحن هنا ياحج احم احم
ضحك الجميع عليه
فيروز : وانتي يا ندي اي قصتك مع يونس ادهم قالي انك مكنتيش تعرفي انه ابن عمك
تنهدت ندي بحزن وهي تقول : فعلا انا كنت قبله كل يوم في خطر من خط.ف لض.رب من ابويا و بهدله وإهانة
احت.ضن يونس ندي بحزن : و اختصر الحوار وهو يحكي لهم قصتهم حتي لا يؤذي مشاعر ندي بشئ
حتى انتهى منها
فيروز بحزن : كنت فاكره حكايتي مئساويه طلعت في نكد اكتر مني اهو
ضحك الجميع عليها بقوه
تحدث ياسين بمرح : انا بقه حكايتي غريبه ريم دي صديقه العمر كنت بش.قط بنات وهي عرفه عادي وكانت بحكم شغلنا ممكن نقعد في بيت واحد واجيب بنات انا ويونس وهي عادي كنا بنعتبرها واحد صحبنا كده هي افلاطون كمبيوتر وبس دي كانت احيانا كمان لما تعجبني بت ريم تظبطهالى انتي متخيله
فيروز وهي تنظر لهم بصدمه : ده بجد ده وازاي اتجوزتك عادي كده
ضحكت ريم واكملت : ده كمان كان بيشجعني على الارتباط ولما يجي ليا عريس يقعد يقنع فيا وان لي لا
لحد ما في يوم
اكمل ياسين وهو يحت.ضن خص.رها بعشق : اكتشفت انها روحي قدري اني بهرب من حبها مع ناس تاني وهي اصلا الحب كله
صفق الجميع له باعجاب
بدأت ورد تدندن لهم : يالي بتسال عن الحياه
خدها كده زى ما هيا فيها ابتسامه وفيها آه
فيها قسيّه وحنيّه
اكملت ندي معها : ياما الحياه فيها، اللى بيشكيها
واللى بيرضيها، واللى يقاسيها
بداء الجميع يغني معها وكل منهم يح.تضن حبيبته وادهم يحت.ضن حبيبته واخته شهد : الدنيا ريشه فى هوا طايره بغير جناحين
احنا النهارده سوا وبكره هنكون فين
فى الدنيا .. فى الدنيا
الدنيا ريشه فى هوا طايره بغير جناحين
احنا النهارده سوا وبكره هنكون فين
فى الدنيا .. فى الدنيا
تمت …..
لقراءة الرواية كاملة اضغط على : (رواية المشاغبة والامبراطور)
