رواية قصة سميرة الفصل السادس 6 بقلم عادل الشريف

رواية قصة سميرة البارت السادس

رواية قصة سميرة الجزء السادس

رواية قصة سميرة الحلقة السادسة

اتقابلنا انا وعمر علي باب جنينه الحيوانات. الاطفال ماسكه بلايين ،سيدات بتببع بيض وبقسماط . الناس لتحاول تدور علي اي مكان في ضل لتفادي الشمس .
جو جميل جدا. المره ده عمر سلم عليه ومسك ايدي .شديت ايدي كنت مكسوفه.
دخلنا من الباب الرئيسي . في طريقين يمين وشمال.
– نمشي اي طريق.
اليمين لاني بحب اشوف الفيل .
جو مبهج في حديقه الحيوان. الاطفال لابسه ملابس ملونه. ناس قاعده تأكل علي النجيله و ناس بيتاكل الحيوانات والطيور.
_ تعريفي ياسميره . ده اقدم حديقه حيوان في افريقيا. أسسها الخديوي اسماعيل سنه ١٨٩١ ظ
– فعلا جميله جدا . انا دائما بحس احساس جميل لما بشوف الحيوانات والأطفال فرحانين.
– انتي جميله اوي النهارده ياسميره.
– بجد
– جدا .
-شكرا
وشي احمر من الخجل. بصيت علي نعامه لونها بني وهي بتعلب في التراب
– النعامه لما تخاف بتدفن رأسها في التراب ياعمر.
– للاسف مش حقيقي زي حاجات بنقولها . النعامه كائن ذكي جدا بيدفن رأسه في التراب علشان يحس بتردادت خطوات المفترسه وبيعرف اتجاه قدومها.
– انت تعرف حاجات كتير جدا. ياعمر
– شكرا .بحب اقري اي شىء يقع تحت ايدي .
– ,تعرفي أن فيه حيوانات اكثر اخلاص من الإنسان ياسميره.
– اه. الكلب
– الكلب والقطه والديب والصقر كمان . من اخلص الكائنات لأصحابهم.
– دايما يقولوا القطه غدراه .
ضحك عمر،
– لا ياسميره القطه نفس اخلاص الكلب . ولكن بتعبر بطريقه مختلفه عن الكلب. ليها شخصيه مميزه في التعبير عن حبها.
– الله. بص الدب الابيض ده جميل جدا. بيحب دايما ياخد دوش. والأطفال متابعينه باهتمام.
– حيوان جميل جدا قريت عنه. صاحب شخصيه مستقله لا يحتاج الي راعي كما في الخراف. لانه يعتمد علي نفسه في الحصول علي الاكل من الغابه.
– جميل جدا ياعمر. ده المفروض يبقي مثلي الاعلي في التحرر من قطيع الخرفان وانا كمان بحب الميه .
عدي وقت جميل جدا مع عمر ودايما لازم اروح بيت الفيل لو مرحتش بيت الفيل يبقي مرحتش حديقه الحيوان.
-تعالي اوريك الفيل الحيوان المفضل بالنسبه ليه.
لاقينا اطفال بباكلو الفيل وسعداء جدا. وناس بتتصور جنب خرطومه .
ياعمر ممكن تاخد صوره ليه والفيل ورايا .
اكيد .
الصوره حلوه؟
اكيد ياسمبره. الفيل امور اوي.
-الفيل بس ياعمر.
وضحكنا و اكلنا بيض وجبنه نستو سوا .
ركبنا الميكروباص ونزل المهندسين وهو كمل لمنطقه اللي عايش فيها لوحده اسمها الموظفين.
سمعت سبب الأسماء ده كان عبد الناصر . بيعمل لكل مهنه حي باسمها . ومساكن كلها استايل واحد . وبرده فيه مدينه العمال وغيرها.
ده كان يوم من أسعد أيام حياتي .
روحت الشقه بتاعه ناديه الساعه ٧ في المساء. لقيت ناديه بتشرب كوبايه قهوه علي كتبه وشكلها مضايق.
– الجو حر اوي النهارده .ازاي تروحي الجنينه في الجو ده.
_ الجنينه كان فيها اشجار كتير جدا بتقلل قوه الشمس وبتخلي الجو مرطب . الاشجار ده نعم.
-تصدقي ياسميره الراجل اللي متجوازه بيقولي واحد صاحبي نازل مصر استضفيه في الشقه. مش عارفه اعمل ايه.
– تعملي ايه ؟ ده راجل مبحبكيش . راجل مبخافش عليكي . اقطعي معاه واطلبي الطلاق .
– انا فعلا بفكر في كده. ده محسسني أن جاريه ايام العبوديه بيهاديني لصاحبه مش جواز بشهود وموثق.
– لازم تتخلصي منه رجل حقير. وكتبلك شقه ممكن تعمليها حضانه زي ما قولتلك . وتعتدي علي نفسك
– كلام صح ياسميره ده كلب ولا يسوي. انا ابتديت أكره الرجاله.
عمل اكل لناديه صينيه بشاميل واكلت.منها . ونضفت الشقه ودخل انام. سعيده بان ناديه رجعت لطبيعتها . بصيت في الموبايل عمر بيشكرني علي اني خرجته من المود اللي فيه . شكرته برده علي الرحله الجميله.وقولت أن ده يوم من أسعد أيام حياتي