رواية قصة حب أبكاها القدر الفصل التاسع 9 بقلم وفاء كامل
 |
| رواية قصة حب أبكاها القدر الفصل التاسع 9 بقلم وفاء كامل |
رواية قصة حب أبكاها القدر الفصل التاسع 9 بقلم وفاء كامل
خرج موسى عليه السلام يوما لمناجاة ربه سبحانه
ثم سأل ربه قائلا : يارب كيف يأخذ الضعيف حقه من القوي ؟
قال له ربه سبحانه : اذهب بعد العصر إلى مكان كذا …
في يوم كذا …
لترى وتعلم كيف يأخذ الضعيف حقه من القوي
ذهب موسى إلى المكان فرأى شلالاً من الماء يخرج من جبل .
جلس موسى ينظر متفحصا متأملا فإذا بفارس يأتي راكبا ناقة له يريد الماء ، نزل الرجل عن ركوبته وخلع حزامه الذي كان يعيق حركته أثناء وروده للماء ووضعه على جانب قريب منه ، شرب الفارس واغتسل ثم انصرف ناسيا حزامه الذي وضعه في مكانه .
جاء غلام صغير راكبا حمارا إلى شلال الماء ، واغتسل وشرب أيضا ، ثم حمد الله تعالى ، وعندما أراد الانصراف وقعت عينه على حزام الفارس الذي كان قد نسيه بجوار شلال الماء ، فتح الغلام الحزام ، فإذا هو ممتلئ بالذهب والأموال والمجوهرات النفيسة ، أخذه وانصرف .
وبعد ذهابه بقليل ، أقبل على الماء أيضا شيخ عجوز ليشرب ويغتسل ، وبينما هو كذلك ، جاء إليه الفارس الذي نسي حزامه عند شلال الماء مسرعا ، يبحث عن حزامه فلم يجده ، سأل الفارس الشيخ العجوز : أين الحزام الذي تركته هنا ؟ أجاب الشيخ لا أعلم ولم أر هنا حزاما .
أشهر الفارس سيفه وقطع رأس الشيخ العجوز .
كان موسى عليه السلام ينظر ويتأمل ويفكر ، قال يا رب : إن هذا الفارس ظلم عبدك الشيخ العجوز .
قال له ربه : يا موسى :
الشيخ العجوز كان قد قتل أبا الفارس منذ زمن، أما الغلام فكان أبوه قد عمل عند والد الفارس عشرين سنة ولم يعطه حقه.
فالفارس أخذ بحق أبيه من الشيخ العجوز، والغلام أخذ بحق أبيه من الفارس ، وسبحان من سمّى نفسه الحقّ ولا تضيع عنده المظالم.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وصلنا الفصل ال فات عندما حكي محمود كل شئ للعم عثمان
وحزن عليهم بشده وقرر ان يساعدهم واول شئ هو ايجاد شقه مناسبه لهم
ثم نحاول ان نجد لكم شغل تسترزقوا منه
ووافقوا ع ذلك وشكروه جدا
لكن لم تدوم ابتسامتهم عندما قال لهم انه لا يوجد سكن الا شقه صغيره ف حي فقير لدينا
والحمام شرك بين الشارع كله
والشقه عباره ع صاله كبيره ومطبخ فقط
دهشت يارا وقالت له اين سننام
قال لها سوف اتي اليكم بسرير وكام حاجه اقدر اساعدكم بيها
نظرت يارا لمحمود وقالت له.. ازاي انا وانت ف غرفه لوحدنا وسرير واحد
محمود.. هتصرف يا يارا وهنام ع الارض متقلقيش ولا انتي مش واثقه فيا
يارا.. بعد كل ال عملته عشاني لكيد واثقه فيك ومامناك ع حياتي
الحج عثمان معلش يابنتي والله غصب عني ولولى اني واثق ف الجدع الطيب ده مكنتش قبلت انكم تسكنوا سوا بس مافيش اي سكن غير الشقه ده
نظرت يارا اليهم وقالت ع بركه الله
يارا ومحمود دخلوا مع الحج عثمان الشقه التي هي صاله ومطبخ فقط
كانت مليئه بالتراب ومهجوره منذ فتره
نظرت اليها يارا بقرف ف هي طوال عمرها تعيش ف قصر كيف سوف تعيش ف مكان كهاذا
امسك يدها محمود وقال لها.. عايزك تطمني اننا هنعيش حياه جديده بعيد ع الكل وهخليكي اسعد واحده ف الدنيا ومع بعض هنحل اي مشكله
ابتسمت له يارا وقالت.. طيب هنعمل اي دلوقتي
الحج عثمان.. انا هجبلكم مكنسه وممسحه للتنضيف وسرير وثلاجه وبوتوجاز
محمود.. كتر خيرك ياراجل ياطيب
والله مش عارفين نقولك اي
الحج عثمان.. متقولش حاجه يابني انتوا ذي اولادي والله ال اتحرمت منهم وماتوا ف الجيش حظهم يطلعوا ع حدود اسرائيل يدافعوا ع اراضينا وقتلوا انا مش زعلان لا انا فرحان وفخور بيهم اولادي شهداء عند ربنا
يارا ومحمود بحزن.. الله يرحمهم ????
الحج عثمان.. اللهم آمين
يلا اسيبكم بقا وهبعتلكم الحاجه
وبالفعل بعد دقائق بعت لهم كل شئ وبدؤا ف التنظيف سويا
يارا كانت هذه المره الاولي لها ف التنظيف ولا تعرف كيف تستخدم المكنسه
رائها محمود متعصبه فقام باخذ المكنسه م يدها وقام هو بالكنيس وطلب منها ان تمسح شباك الصاله والباب فقط وهو سوف يقوم بالباقي
وبعد يوم طويل م السفر والتنظيف
كل واحد فيهم رما جسمه ع السرير م التعب
يارا.. اي ده انت هتنام هنا
محمود.. لا انا هاخد الخداديه وانزل ع الارض انام
يارا.. طيب الجو مش برد عليك
محمود.. متخفيش احنا رجاله ومتعود ع كدا
وغاصوا ف نوم عميق
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ف صباح يوم جديد
استيقظ محمود وذهب للاسفل ليحضر الفطار والجريده
وفي طريقه قابل الحج عثمان
الحج عثمان.. صباح الخير يابني
محمود.. صباح النور ياحج عثمان
الحج عثمان.. انا عايزك تفطر كدا عشان نروح مشوار سوا
محمود.. ع فين
الحج عثمان.. هنروح للفندق السياحي انا كلمته عنك
ووصيته ع شغل ليك
محمود بفرحه.. ربنا يخليك ياحج والله جمايلك كتر علينا
الحج عثمان.. انتوا عيالي
وطبطب ع كتف محمود وابتسم له وذهب
اما ع يارا استيقظت م نومها ونظرت حولها ولم تجد محمود معها ف الغرفه
دب الخوف فيها واخذت تبكي وهي تبحث عنه
ظنت ان به شئ او احد م عائلتها علم بمكانها واخذوه
خرجت تبحث عنه ف كل مكان وهي تبكي
حتي صدمت ف امرأه
نعيمه.. مالك ياحبيبتي بتعيطي ليه
يارا بخوف وهي تتراجع للخلف.. مافيش
نعيمه احست بانها خائفه منها.. متقلقيش انا نعيمه زوجه عثمان
جيت اطمن عليكي واشوفك محتاجه حاجه
يارا ببكاء.. محمود مش لاقياه????
نعيمه.. اهدي بس انا لسه شيفاه تحت مع عثمان بيتكلموا وكان رايح يجيب فطار
يارا براحه.. الحمدالله انه بخير
نعيمه.. انا يابنتي ف مقام والدتك اي حاجه تحتاجيها تعاليلي تمام
يارا.. ربنا يخليكي ياحجه نعيمه
نعيمه.. طيب تعالي معايا عند جارتنا سميحه دي خياطه
هنجبلك فستانين ولا حاجه
يارا.. لا ملهوش لزوم والله
نعيمه.. وبعدين معاكي مافيش فرق بنا يلا بس
وذهبت يارا معها
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بعد ما انتهى محمود م شراء الفطار والجريده
ذهب ليارا
وعندما وصل لم يجدها
بدأ الخوف يدب فيه
وظن ان احد علم بمكانها ظل يبحث عنها كالمجنون ف المكان كله
خرج م الغرفه يبحث عنها وهو خائف جدا
حتي سمع صوت ضحكتها
اسرع اليها ووجدها ف شقه بجانبهم
اقترب منها واحتضنها وسط اعين الاخرين
محمود بقلق.. حرام عليكي ليه تخضيني عليكي
يارا.. متقلقش يا محمود انا صحيت ودورت عليك خفت يكون حد م اهلي عرف طريقنا واذوك فضلت ابكي وابحث عنك لحد ما وجدت الحجه نعيمه زوجه الحج عثمان وهي صممت اننا نيجي عند مدام سميحه نجيب فستانين
محمود… الحمدالله انك بخير
انا باذن الله لما ربنا يكرمني بشغل اول حاجه هعملها هجبلك فون اطمن عليكي
واعرف مكانك فين
نعيمه.. ربنا يحرسكم يابني
محمود.. يارب ياحجه نعيمه
انا متشكر اوي ع ما تفعليه مع يارا
نعيمه.. دي ذي بنتي يابني
سميحه.. خلاص كدا يا يارا انتي عرفتي مكاني ابقي تعالي بكره نكمل المقاسات عشان اخيطلك الفستان
يارا.. حاضر
محمود.. ع اذنكم
وذهبوا سويا لغرفتهم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ف مكان اخر
اسماعيل.. ها لقتها
محمد.. للاسف لا
اسماعيل بعصبيه.. ازاااااي اختفت يعني كدا
اكيد مسافرتش يعني يااما كنت عرفت
عايزك تقلب الدنيا عليها لازم اقتلها هي والحيوان ال معاها ????
محمد.. اهدي بس يابابا انا هتصرف
وقام بالاتصال ع رجالته وامرهم ان يحضروه
وبعد فتره اتت رجالته ومعهم شوال
محمد.. افتحوا الشوال
ويفتحون الشوال واذا به عم حسن والد محمود وهو ينزف م كل مكان ف جسده م شده الضرب
محمد.. لسه مش عايز تعترف ابنك فين
حسن.. والله يابني ما اعرف عنه حاجه
محمد بعصبيه.. متقولش ابني انت واحد جربوع ازاي تبقا ذي والدي
حسن.. كلنا ولاد ادم وحوا
كلنا ولاد تسعه
محمد بعصبيه وهو يصفعه.. انطق ابنك فين
ولكن لم يتحمل حسن اكثر وفقد الوعي
محمد.. فوقوه بسرعه
جاء احدى الرجال بالماء وسكبه ع حسن حتي افاق مفزوع
وهو يحاول ان يلتقت انفاسه
محمد.. ارموه ف المخزن لحد ما نعرف الزفت ابنه فين
رجالته.. اوامرك يابيه
محمد.. مش هسيبك ابدا يامحمود
ولازم اخد روحك انت وحبيبه القلب ????????
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عند محمود
بعد ما انتهوا م تناول الافطار ذهبت يارا لتحضر الشاي له
ولاول مره تفعل ذلك ولا تعلم كيف تعمله
محمود فتح الجريده يقرأ الأخبار كعادته لكنه صدم م هذا الخبر ????
يارا.. محمود هو انا المفروض اعمل الشاي ازاي
محمود…………
يارا.. محمود مالك انا بكلمك ع فكره
محمود…………….
يارا.. سرحان ف اي
محمود.. ابوكي منزل ف الجريده
البحث عنا وصورنا موجوده هنا ومن يجدنا له مكافأه ٤٠٠،٠٠٠ ج
يارا.بصدمه.. ياالهوي
طيب هنمشي ازاي وسط الناس ده مبلغ كبير يطمع فيه اي واحد
وممكن يدلوه ع طريقنا
محمود.. خايف الحج عثمان يعرف ويتصل بيهم عشان المكافأه
يارا.. لا يامحمود الحج عثمان مش كدا باين عليه طيب وبيحبنا ذي اولاده بالظبط
محمود .. ربنا يستر
يارا.. سيبها ع ربنا وباذن الله خير
محمود.. ونعم بالله
يارا.. المهم اعمل الشاي اذاي
محمود بضحك.. ههههه ينهاااري عليا
مش عارفه تعملي شاي او لو قولتلك جعان هتعملي اي
يارا بحزن.. شكرا
محمود.. انا اسف متزعليش بهزر والله
يارا.. انا بحاول والله ارضيك
واتعلم كل حاجه
بس مش عارفه
يامحمود انا عمري ما خدمت نفسي ولا اعرف اي حاجه ع الكنيس والترويق والطبيخ
انا طول عمري معايا خدم هما ال بيخدموني
وعايشه ف قصر
مش واخده ع العيشه دي
وعشان بحبك قبلت ب ده كله عشانك
محمود قبل يدها وقال لها.. انا عارف والله عشان كدا انا عمري ما ازعل منك ابدا وهساعدك ف كل حاجه
وبدؤا سويا ف تحضير الشاي وبعد ذلك اخذوا الاطباق وذهبوا للخارج
توجهوا للحمام العمومي وقاموا بغسل الاطباق سويا
مع ان يارا كانت خائفه م تواجد الناس حواليها ومستغربه ازاي كل الشارع مشترك ف حمام واحد
وازاي هي هدخل الحمام وسط الناس دي كلها طيب ولو احبت تاخد شاور هتاخده ازاي
ع حوض كبير يغسل محمود الاطباق وينظر لها لتتعلم لكنه وجدها سرحانه
محمود.. مالك يايارا
يارا.. هاااا لا مافيش
محمود.. ف اي
يارا.. انا بس خايفه م ال حوالينا
محمود.. ليه بس دي ناس طيبين جدا
يارا.. انا عايزه اخد شاور اعمل اي
محمود.. ادخلي الحمام ده
نظرت يارا له وجدت الارضيه متسخه وهناك طبق كبير ع الارض وبه ماء
يارا بقرف.. اي ده
محمود بصحك.. ههه حمام
يارا.. لا يمكن ده يكون حمام ابدا
محمود.. معلش هو مختلف اكيد ع ال انتي متعوده عليه
يارا.. فين الدوش
فين البانيوا
فين الشاور
فين الباشكير
فين….. فين…. فين…
محمود ..???????? حيلك حيلك اي كل ده
ياقلبي هنا ناس ع قد حالها مافيش الكلام ده
الدوش هو الطبق ده
والشاور والشامبوا هي الصابونه دي والبانيوا هو الكرسي الصغير ده
تقعدي عليه وتاخد اجمل شاور هههههههه
يارا بعصبيه.. اكيد بتهزر صح
محمود.. لو خايفه او قرفانه او مش عارفه انا ممكن اساعدك ع فكره ????
يارا بعدم فهم.. ع اي
محمود.. ع اخذك للشور
يارا.. اتلم يامحمود هو ده وقته ????
محمود.. خلاص انا هحاول اشوف الوقت ال بيكون الحمام فاضي م الناس وهجيبك تاخدي شاور براحتك وهعلمك ازاي تستخدمي الحاجات دي
يارا نفخت بضيق.. اوووووف بقا انا زهقت
محمود.. يارا حياتك لازم تنسيها وتتقبلي ال احنا فيه وتستحملي ده لو عايزه تعيشي معايا معلش هتبقا صعبه شويه مختلفه ع حياتك بس لو بتحبيني استحملي
يارا.. حاضر يامحمود هحاول
محمود انا لازم امشي دلوقتي
يارا بفزع.. هتروح فين
محمود.. الحج عثمان عايزني هنروح ندور ع شغل
يارا بخوف.. هتسبني لوحدي ????
محمود.. خلاص روحي عند الحجه نعيمه
يارا.. هتتاخر
محمود.. الله واعلم
ذهب محمود مع الحج عثمان بعد ما اوصل يارا للحجه نعيمه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ف الفندق
الحج عثمان.. سلام عليكم
خالد.. عليكم السلام
اذيك ياحج عثمان واحشنى ياراجل ياطيب
الحج عثمان.. الحمدالله يا خالد مشغول ف الدنيا والله
خالد.. ربنا معاك
الحج عثمان.. هو ده ال حكتلك عنه
خالد وهو ينظر لمحمود.. انت اشتغلت قبل كدا
محمود.. م صغري وانا شغال
خالد.. اي اخر حاجه اشتغلتها
محمود.. سواق تاكسي
خالد.. اممممم
شكلك شاب صغير انت بتدرس
محمود.. ايوه انا ف كليه هندسه
خالد.. كليه هندسه وتشتغل ع تاكسي
محمود.. اكل العيش بقا والشغل مش عيب
ولازم اصرف ع نفسي واساعد والدي
خالد.. معاك بطاقه
محمود نظر للحج عثمان وقال له.. لا
وانا ف القطر اتسرقت مني الحقييه وفيها جميع الاوراق
خالد.. مش معاك بطاقه ولا شهاده ولا اوراق
ازاي عايز تشتغل
محمود.. ربنا بيرزق كل واحد
الحج عثمان.. انا ضامنه ياخالد
وانت عارفني
خالد.. انت معزتك غاليه عندي ياحج بس اسف مش هقدر اشغل عندي لازم اي حاجه تثبت هويته
جاء محمود ان يذهب لكن امسك الحج عثمان بيده واوقفه
الحج عثمان.. خالد
محمود ده ذي ابني وغلبان جدا متبقاش انت والظروف عليه
هو شاب جدع جدا ومتفوق حتي ف دراسته
وصدقني مش هتندم ابدا
خالد.. خلاص ياحج متزعلش
انا هشغله امن لحد ما اختبره
الحج عثمان.. والمرتب
خالد.. ١٥٠٠ج
الحج عثمان.. لا قليل اوي ده فاتح بيت ياخالد
محمود.. رضا م عند ربنا ياحج انا موافق
الحج عثمان.. بس يابني
قاطعه محمود.. نعمه والله ياحج احسن م مافيش
خالد.. ع بركه الله انت تيجي بكره الصبح ع ٧ صباحا تستلم الشغل
شكره محمود وذهب للبيت مع الحج عثمان
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مرت الايام عليهم
اسماعيل وابنه محمد ما ذالوا يبحثون عنهم
حسن للاسف مات م شدت الضرب والتعذيب الذي تلقاه ولم يعرف محمود بما جرا لوالده حتي الان
ممدوح عندما علم بما جرى لحج حسن ترك البلد وهرب خوفا ع نفسه ذهب لبلده مع والدته سوهاج ولا بعلم اي شئ ع محمود
محمود يشتغل بجهد واتقان واعجب به خالد جدا
ع حسن اخلاقه ومعاملته مع الذوار
وكافئه ب نقله للحسابات
واصبح يجلس ع مكتب يخصه ويدير حسابات الفندق
وذاد مرتبه م ١٥٠٠ ج ل ٤٠٠٠ ج
يارا حتي الان لم تتاقلم ع الحياه الجديده بدون قصر او خدم
وتواجها صعوبات كل يوم
وزهقت م الجلوس وحيده ف انتظار محمود ياتي م شغله
حتي اتت لها الحجه نعيمه ف يوم وقالت لها
نعيمه.. يارا عندي ليكي شغل كويس
يارا بفرحة.. ياااريت انا مليت م القعده لوحدي
نعيمه.. في مطعم كبير اوي في الشارع الي ورانا طالب جارسونات….ما تروحي؟
يارا بحزن.. جرسونة بس….
قاطعتها نعيمه.. مافيش بس
هو انتي عندك حل تاني؟
يارا بحزن.. لا
نعيمه.. يبقي خلاص تروحي
حبيبتي انسي حياتك وابدأي م جديد
عارفه انه صعب عليكي بس عشان تعيشي ف الدنيا دي لازم تواجهك صعوبااات
يارا.. حاضر
انا هكلم محمود لما يجي وهعرفك
نعيمه.. تمام
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اقترحت يارا ع محمود موضوع السغل لكنه رفض حتي لا تتعب وهي غير واخده ع السغل ابدا
لكنها اطمأنته انها سوف تكون بخير وتريد ان تشتغل حتي تتخلص م الزهق والوحده التي تشعر بها كل يوم ف غيابه
يارا تاني يوم تروح علشان تستلم شغل الجارسونة وتدخل مكتب المدير مع الحجه نعيمه
الحجه نعيمه.. سلام عليكم
عصام.. صباح النور ياحجه نعيمه
الحجه نعيمه.. دي البنت ال قولتلك عليها ياعصام
عصام نظر ليارا وقال لها.. انتي اسمك ايه؟
يارا.. يارا يا فندم
عصام.. يارا ايه؟
يارا بقلق.. يارا اسماعيل الانصاري
عصام باندهاش.. انتي…..انتي تقربي اسماعيل الانصاري بتاع مجلش الشعب صاحب اشهر الشركات ف الصعيد
يارا بتردد.. هاا لا ده تشابه اسماء بس
عصام.. انا قولت كده بردو الي تقرب اسماعيل الانصاري متشتغلش جارسونة
علي العموم مرتبك هيبقي 2200 ج
طبعا مرتب كويس مش كده
يارا.. ايوه كويس
عصام.. طيب مبدئيا شغلك هيبقي في الدور الاول وبس لان طبعا مطعمنا كبير
كل طقم متقسم علي الدورين
يارا.. تمام
عصام.. تقدري تبداءي من دلوقتي
اتفضلي
يارا.. عن اذنك يافندم
اودعتها الحج نعيمه ووصتها ان تحافظ ع نفسها وعلي شغلها وقالت لها انها سوف تمر عليها ف المساء لتاخذها للمنزل حتي تتعلم الطريق وتذهب وتاتي وحدها
يارا راحت الشغل في الدور الاول وبدات تفهم نظامه
وهي بتبص اتفاجات ان زميلها في الشغل بيهزروا مع بعض
يارا بدات تبصلهم وهي سعيده ع حبهم لبعض وكانهم اسره واحده
وليد باعجاب بجمالها.. انتي هنا معانا
يارا.. اه لسه مستلمه الشغل والمدير قالي اني هستلم شغل ف الدور الاول
وليد.. اهلا وسهلا بيكي
انا وليد
وده محمد
وده احمد
ودي سماح
ودي اميره
ودي اسماء
يارا.. اهلا وسهلا
الجميع.. اهلا بيكي
وليد مد ايده علشان يسلم عليها
.. امممممم هنتعرف بقي ولا ايه؟
يارا بابتسامه.. اه طبعا مش هنبقي زمايل ومع بعض طول اليوم
وليد.. انا ياستي وليد انا خريج كلية اقتصاد وعلوم سياسية
يارا باندهاش.. ايه ده وبتشتغل جارسون؟
وليد بضحك.. ???? اه شوفتي بقا
هي دي الدنيا يااابنتي
وانتي بقي اسمك ايه؟
يارا.. يارا
وليد.. الله….اسم شاعري اوي
يارا في سرها.. ده بينه عبيط
وليد باعجاب.. حقيقي هتنبسطي اوي في الشغل معانا
يارا.. باذن الله
احمد وهو يهمس ل وليد.. ولا مش دي البنت ال ف الصوره م فتره ف الجريده
وليد.. تفتكر دي بنت رجل الاعمال مجلس الشعب
احمد.. دا احنا انفتح لينا طاقه القدر يااابني
????
يتبع..
لقراءة الفصل العاشر : اضغط هنا
لقراءة باقي فصول الرواية : اضغط هنا
نرشح لك أيضاً رواية حياة فرحات للكاتب إسلام عبد العزيز
