رواية عشق مخيف الحلقة التاسعة 9 الجزء 2 بقلم ندى
 |
| رواية عشق مخيف الحلقة التاسعة 9 الجزء 2 بقلم ندى |
رواية عشق مخيف الحلقة التاسعة 9 الجزء 2 بقلم ندى
مع خروج وليد .. لقوا فهد وقع عالارض فاجأة .
الظابط عبدالله جري عليه بقلق : فهد
2 ظباط تانين مسكوا الراجل اللي ضربه علي دماغه ب حديدة ضخمة
نزل دم كتير من فهد لحد ما وصل للمستشفي
عبدالله دموعه نزلت غصب عنه :يارب يبقي كويس ، انا مليش غيره يارب بعد امي
“عبدالله اصغر من فهد في السن .. كان فهد بيساعده في شغله ودربه علي حاجات كتير، عيونه عسلي وشعر اسود ، طويل نسبيا ،بيحب مامته جدا وفهد ويعتبره اخوه الكبير لانه معندهوش اخوات ”
——–
بيجاد وحسام في المكتب مستنين الظباط يوصلوا .. وخلصوا القضية ..
حسام شاف نهي مغمي عليها .. جري عليها بتوتر وبيحاول يفوقها
فتحت نهي عيونها بتعب : فهد .. ابني فين
حسام : هو مجاش معاكوا
نهي : مين حضرتك..انا مين
حسام استغرب جدا .. ازاي معرفتهوش.. معرفتش حبيبها
حسام : انتي مش عارفاني
نهي بصلته بدقة : لا اسفة معرفكش .. عايزة ابني .. فهد .. فهد اسمه فهد
حسام بتشكك : مين اللي قالك انه اسمه فهد
نهي : وليد هددني وقال هيقتله.. هو قالي انه ابني .. وانا زعلته وسيبته
حسام مش عارف يفكر اساسا بس شكلك فيها ومن طريقتها غريبة مش هي نهي .. مش نفس صوتها ولا لون بشرتها : طب حضرتك دلوقتي فيه دكتور هيهديكي لحد ما نلاقي فهد
بيجاد شاورله وخرجوا يشوفوا فهد
بيجاد سأل ظابط من اللي واقفين
ظابط : فهد باشا اتصاب وفي المستشفي يا باشا
حسام بغضب : ومقولتليش ليه علطول لازم نسأل الاول
جري حسام وبيجاد للمستشفي
بيجاد في العربية: انت اتعاملت معاها كدة ليه
حسام: كدة ازاي يعني
بيجاد : برسميه كدة
حسام: دي مش نهي
بيجاد بصدمة : نعم
حسام : زي ما بقولك كدة .. دي مش نهي .. مش نفس عيونها .. ولا صوتها .. ولا اسلوبها.. لازم نتأكد الاول.. مش حمل صدمات تاني
رن موبايل حسام ..كانت سلمي قلقانة جدا وقلبها وجعها علي فهد ومكانش بيرد عليها
سلمي بقلق : حسام.. فهد فين انا برن عليه مش بيرد
حسام بتوتر: حببتي متخافيش هو كويس.. كان في مهمة بس
سلمي : بس انا حاسة فيه حاجة
حسام بكدب : لو فيه حاجة هقولك اكيد .. انا هروحله انا وبيجاد اهو ولما اوصل هكلمك
سلمي : طيب يا حبيبي كلمني علطول ..وخليه يكلمني
حسام : حاضر متخافيش
——–
وصل حسام وبيجاد المستشفي والخوف ماليهم .. لقوا عبدالله قاعد في صمت علي جنب
حسام : عبدالله حصل ايه
عبدالله بحزن : انا اسف .. انا اخدته بسرعة المستشفي ده اللي قادرة اعمله وقتها
حسام : يعني هو فين دلوقتي ولا حالته ايه
عبدالله: في العمليات لسه
بيجاد : ايه اللي حصله طيب
عبدالله : بعد ما قبضنا عليهم ظهر واحد من ورا فهد في غمضة عين وضربه بحديدة علي دماغه
حسام قعد بصدمة وخوف : يارب .. يارب اشفيه .. يارب كويس .. انا واثق انه هيبقي كويس يارب ..
بيجاد طبطب علي حسام يطمنه .. هو عارف صاحبه وحاسس بخوفه وقد ايه مرعوب في اللحظة دي
سلمي رنت تاني علي حسام
حسام رد عليها : سلمي
سلمي قلبها وقف لما سمعت نبرة صوته : حسام .. فهد حصله ايه ..متخبيش عليا والنبي
حسام : فهد اتصاب وفي اوضة العمليات دلوقتي .
سلمي دموعها نزلت بخوف : يارب .. طب انتوا فين انا جاية
حسام قالها العنوان وقفل
فات شوية وقت
مع وصول سلمي ليهم خرج الدكتور
وقفت سلمي بعيد نسبيا بعد ما لاحظت شكل الدكتور بخوف مقدرتش تقرب
حسام وبيجاد وعبدالله وقفوا حوالين الدكتور بخوف : حصل ايه
الدكتور بأسف : احنا وقفنا النزيف الحمدلله .. بس للاسف دخل في غيبوبة… الله اعلم هيفوق منها امتي .. محتاج دعواتكوا
سلمي وقعت اغمي عليها من الصدمة
جري حسام شالها بخوف : سلمي متسيبنيش انتي كمان ..فوقي بالله عليكي
الدكتور امره بأنه يحطها في الاوضة
بيجاد دخل اوضة تانية بعيد عن صاحبه وعيط.. واتوضي وصلي ركعتين وبعدها اتصل ب جنة
جنة جريت بسرعة ترد : بيجاد
بيجاد بحزن : جنة انا محتاجك جدا
جنة بعدت عن العيال ودخلت اوضتها: حبيبي حصل ايه
بيجاد: فهد اتصاب ودخل في غيبوبة ..
جنة بكت بشدة : ان شاء الله خير.. يارب خير .. متقلقش هيفوق ويبقي احسن … ده ابننا كلنا وعزيز علينا وكلنا مش هنسيبه ابدا .. سلمي وحسام عاملين ايه
بيجاد: مش عارف .. هاروح اشوفهم .. خلي بالك من العيال لحد ما اجي ومتقوليش حاجة لسيلا دلوقتي
جنة : اكيد متقلقش .. ابقي طمني علطول عليكوا وادعي ربنا وصدقني ده خير ..
…..
فاقت سلمي وعيطت بشدة وحسام حضنها : فهد يا حسام .. فهد حصله ايه
حسام : ششششش بس كفاية ..هيبقي كويس اكيد المهم انه بخير .. هيفوق اكيد
سلمي مسكت في حسام جامد وبتعيط بخوف : يارب … يارب يا حسام .. مش متخيلة ابقي عايشة ومش موجود حوالينا
حسام : حببتي اهدي خلاص .. المهم ندعيله عشان يفوق بسرعة
خبط عبدالله عالباب ودخل : حمدلله عالسلامة .. انا جاس اتأسف تاني والله فهد ده اخويا الكبير.. بس انا يادوب اخدته وروحت بيه المستشفي معرفتش اوقف النزيف .. انا اسف
حسام : متتأسفش يابني .. ده قضاء وقدر
عبدالله : انا مضطر امشي حاليا ..وهبقي ارجع تاني ازور فهد
حسام : تمام يابني كتر خيرك
————
تاني يوم
جاد خرج هو وبسنت من المستشفي بعد زن بسنت اللي مش بيخلص . وقررت ترتاح في البيت احسن
جاد طلع وشال بسنت ودخلها الاوضة براحة .
بسنت : اااه اخيرا وصلت البيت .. العيال وحشوني اوي
جاد : حمدلله عالسلامة يا قلبي ..هاروح اشوف بيجاد لو هنا نروح نجيب العيال
بسنت : ايوة ياريت .. دي سيلا تعبت اوي معاهم
جاد خرج خبط علي شقة بيجاد
فتح احمد : عمو جاد اتفضل
جاد : عامل اي يا احمد.. اومال ابوك فين
احمد : نزل مع عمو حسام عشان فهد راح يقبض علي الراجل
خرجت ياسمينة : بابا
جاد : انتوا هنا .. انا بحسبكوا عند سيلا وفهد
ياسمينة : ايوة جينا هنا عشان فيه ناس هددت فهد بسيلا
جاد بدهشة : وحصل ايه
ياسمينة: ولا حاجة فهد خرج من امبارح ولسه محدش رجع
جاد بدأ يقلق : مين اللي لسه مرجعش
ياسمينة: عمو حسام وبيجاد وفهد كمان لسه محدش رجع فيهم
جنة خرجت تشوف مين عالباب: انا مش قولت محدش يفتح الباب … بصت لقت جاد : مش قصدي والله بس اللي حصل مش شوية . وكمان هم منبهين علينا محدش يفتح الباب
جاد : طب خشوا جوة يا عيال .. هقول لجنة حاجة بس
دخلوا كلهم جوة ماعدا جنة
جاد : هو حصل حاجة صح
جنة : فهد اتصاب وفي المستشفي.. وبيجاد وحسام وسلمي هناك ..انا هموت واروح بس مش عارفة اروح واسيب العيال
جاد بقلق : لا حول لا قوة الا بالله .. انا هاروحلهم طيب .. هي بسنت هنا عموما وكانت عايزة العيال .. خدي المفتاح اهو
جنة : طيب تمام هانروح نقعد عندها
جاد : تمام
———–
سيلا سمعت كلام مامتها ووقفت في صدمة ودهشة وخوف : ماما
جنة بقلق : ايوة يا سيلا
سيلا عيطت : فهد حصله ايه
جنة بحزن : ادعيله يا سيلا
سيلا بعياط: ماما فهد حصله ايه ..كل ده بسببي وعشاني .. انا عايزة اروحله يا ماما .. مش هسيبه في وقت زي ده يا ماما عشان خاطري خليني اروح
جنة عشان تهديها: حاضر هتصل ب جاد ياخدك هو زمانه لسه ماشي
سيلا : بسرعة طيب
جنة رنت علي جاد : الو جاد انت لسه تحت
جاد : لا مشيت بس علي اول الشارع
جنة : معلش طب خد سيلا معاك معلش
جاد : طيب ماشي
سيلا دخلت بسرعة لبست وربطت النقاب بسرعة ونزلت وركبت مع جاد
سيلا بدموع : عمو هو فهد كويس
جاد : والله يابنتي ما اعرف بس هيكون كويس ان شاء الله
——‐—-
سيلا دخلت اوضه فهد بعد ما نقلوه اوضة تانية وعيطت : فهد انا اسف.. والله انا بحبك اوي ..اصحي بقي عشان خاطري .. عشان مامتك ..عشان حسام .. وعشانا كلنا .. مش هضايقك تاني .. انا والله بعشقك اوي … بس كنت خايفة اعترف ب ده
حسام دخل ليها وبص ليها بحزن .. حاول يتكلم ويخفف عنها بس فشل وقف باصص لفهد شوية وبعدها خرج
بيجاد : سيلا كويسة
حسام : منهارة
بيجاد : كنت عارف
حسام اتنهد بحزن
جاد قرب منهم : هيفوق ان شاء الله بس احنا محتاجين نحسسه بينا حواليه دايما ..
بيجاد : فعلا
جاد : انا كلمت الدكتور وقال حاجات كتير هتساعده انه يفوق بسرعة .. منهم سيلا طبعا .. كلنا عارفين فهد بيحبها .. هتبقي عامل كويس انه يفوق اسرع
حسام : يارب يا جاد
فات 3 ايام و سيلا مش بتمشي ابدا من جنب فهد .. فضلت جانبه كل دقيقة .. تصلي وتقرا قرآن وتدعي لفهد كتييير كتيييير وتفضل تكلمه طول الليل .. بقت دبلانة .. ملامحها انطفت .. منامتش طول ال3 ايام ولا نص ساعة حتي
سلمي بردو فضلت معاها لدرجة ان سيلا تعبت عليها .. بقت تتحايل عليها تروح البيت تاكل وتشرب وترجع تاني
حسام دخلهم : ايه الاخبار
سلمي حضنت حسام بحزن : لسه مفاقش يا حسام .. انا خايفة اوي
حسام : مش هنستسلم ابدا .. فهد هيفوق و هيبقي كويس ان شاء الله
رن موبايل حسام : ايوة يا عبدالله
عبدالله : نتيجة التحاليل طلعت
حسام بقلق : طلعت نهي ولا لا
سلمي بعدت عن حسام بخضة .. هو حسام ممكن يسيبها لو طلعت نهي فعلا .. هيسيبها ويكمل حياته معاها .. ولا هيعمل ايه
عبدالله :
يتبع..
لقراءة الحلقة العاشرة : اضغط هنا
لقراءة باقي حلقات الرواية : اضغط هنا
نرشح لك أيضاً رواية وحدة شغف للكاتبة ندى.
