رواية السند الفصل الثامن 8 بقلم نيرة محمد

لين بعصبيه واحتقاااار …انت واحد حيوان وقليل الادب واقسم بالله سليم اللي غلط فيه من شويه ده جذمته برقبتك واياااك تلمسني تاااني فااااهم ولا لا

مراد اللي كان واقف قدامها وشه احمر اوي وعنيه لون الدم من العصبيه اللي هو فيها قرب منها وعنيه في عنيها بجراه

مراد بهدوء مرعب ..اقسم بالله يابنت الخدامه لاتكوني دافعه تمن القلم ده غااالي قووي وساعتها هتبوسي رجلي عشان ارحمك ومش هرحمك

قال الكلام ده ومشي من قدامها قبل ماترد عليه

لين بخوف في نفسها ..هو الحيوان ده ممكن ياذيني لا اكيد لا اوعي تبيني يا بت يالين انك خايفه منه احسن يسوق فيها

قاطع افكارها مع نفسها بوسه علي خدها خلاها تتنفض من الخضه

لين بخضه …حرام عليييك ياسليم مش تعمل صوت فزعتني وبعدين ايه اللي عملته ده

سليم باستعباط ..عملت ايه ياحبيبتي دي بوسه بريئه

لين بتريقه …لاااا والله

سليم برخامه …اه واللله وكمل بقولك ايه انا جعان اوي مش هتاكليني

لين ..هحط الاكل وناكل علي طول بعيدا عن هتاكليني دي كانك بيبي ..

سليم غمزلها وراح قعد علي الترابيزه يستني الاكل وبعد شويه كانوا بياكلوا سوا وكل واحد بيبص للتاني من غير ما التاني يحس

قطعت الصمت لين اللي قالت لسليم

لين ..انا هكلم نهي صاحبتي لو باباها معاده يسمح ممكن نروح خاصه ان الدنيا هاديه ومش شايفه حد في البيت فالوقت مناسب ولا وراك حاجه

سليم …خلاص مفيش مشكله نروح انهارده

خلصوا اكل وسليم راح يقعد قدام التلفزيون ولين دخلت تحط الاكل في المطبخ وتكلم صاحبتها

لين بترن علي نهي اللي ردت بعد شويه

نهي …ياااااهلا بالاندال اللي مبيسالوش ولا عشان ياست لين اجلتي السنادي متعرفنيش

لين ..ايييه يابنتي حييلك حييلك والله يا نهي انتي وحشتيني اوي بس غصب عني انتي عارفه الظروف وفوق كل ده اني اتجوزت

نهي بصدمه ..ناااااعم ياختي اتجوزتي امتي وازاي انشاء الله انتي مش قولتيلي هتروحي مع مامتك تساعديها ايه بقي حكايه الجواز دي

لين باحراج ..مش هينفع والله يانهي في الفون الحكايه طويله واكيد هحكيلك كل حاجه اما اشوفك

وكملت

بس ممكن يانهي رقم دكتور مجدي والدك ضروري

نهي خضه عليها …ليه ياحبيبتي مين تعبان

لين ..ده جوزي يانهي

نهي ..الف سلامه عليه خلاص متشيليش هم انا هطلب احجزلك بنفسي وابعتلك المعاد في رساله بس اكيد هتحكيلي اتجوزتي ازاي ياندله من غير ماعرف

لين بحزن بعد مافتكرت سبب الجواز ..اكيد هحكيلك يانهي يلا سلام دلوقتي ياحبيبتي

وقفلو مع بعض وخرجت لين تشوف سليم بيعمل ايه لقيته قاعد بيتفرج علي فيلم اجنبي رومانسي ومركز اووي

سرحت فيه وفي وسامته وقلبها دق اوي وكلمت نفسها

لين في نفسها ..معقول ياسليم اكون حبيبتك بس ازاي بعد اللي عملته وكملت بس غصب عنه بس برضوا هو اذاني ووجعني اووي مش عارفه بقه والله مش عارفه

فاقت من تفكيرها فيه لما نده عليها تيجي تتفرج معاه علي الفيلم راحت قعدت جنبه

سليم بحب ..القمر كان بيبصلي وهو سرحان في ايه

لين بهروب من تاثيره عليها اللي اكتشفته مؤخرا ..هااا لا ابدا كنت بس بفكر هنروح للدكتور امتي

سليم بعدم تصديق ..هي صحبتك مقالتلكش

لين ..لا بتقول هتبعتل

وقبل ماتكمل صوت الرساله رن وطلعت الفون لقت المعاد هيكون بعد ساعه فقالتله

لين ..الرساله من نهي المعاد بعد ساعه انا هطلع اغير

بس قبل ماتتحرك لقت مشهد رومانسي في الفيلم بيجمع بين البطل والبطله بصت لسليم لقيته بيبصلها بحب وبدا يقرب منها ومسك وشها بايده الاتنين بحنيه وهي كانت كانها مغيبه ومش بتمنعه بالعكس كانت عايزه الخطوه اللي بعد كده وهو كانه حس بيها ولبي رغبتها ورغبته ومافقش لنفسه غير لما لقه دموعها بدات تنزل بضعف فبعد عنها عشان تعرف تاخد نفسها اللي هو سرقه منها

سليم بحنيه وعشق ..ممكن اعرف بتعيطي ليه احنا معملناش حاجه غلط وبعدين دي بوسه يالين قالها بضحك عشان يخفف عنها

خاصه انه حاسس انها كانها ندمانه انها ضعفت ومبعدتوش عنها

لين بدموع وضعف ..انا انا مش عارفه بس عشان خاطري متعملش كده تاني قالتها وانهارت في العياط

سليم بحنيه قرب منها وحضنها وقالها ..خلاص اهدي انا اسف بس يالين انتي بتحبيني ولا اللي انا حسيته من شويه ده ايه

لين بكذب ..اكيد بيتهيالك وانا مش بحبك ولا هحبك ابدا ماشي

وسابته وطلعت تجري علي فوق كانه بتهرب من حصار حبه اللي ابتداي يظهر في قلبها

بعد شويه نزلت وهي لابسه وخدها وراحوا العياده وهما طول الطريق بيحاولوا ميتكلموش كتير عشان محدش يجرح التاني

اخير وصلوا بعد جو كان مشحون بينهم كل واحد بافكاره وقعدوا شويه وبعد كده دخلوا للدكتور اللي رحب بيهم جدا

دكتور مجدي ..اهلا اهلا اتفضلوا

وكمل

اذيك يالين يابنتي اخبارك ايه

لين باحترام ..الحمد لله يادكتور بخير

الدكتور بعمليه ..ها خير باذن الله

لين شرحت كل حاجه للدكتور من خلال اللي شافته في حاله سليم وكمان سليم قاله علي اسامي العلاج اللي بياخده وكل حاجه عنه من اول وفاه امه

بعد ماخلصوا الدكتور طلب منهم يعملو اشعه وتحليل في نفس المركز بتاعه واللي هيخلصوا خلال ساعه بعد توصيه منه وبعد كده يقدر يشخص الحاله بالضبط

بعد ساعه كانوا قاعدين قدام الدكتور قلقانين بعد ماخلصوا اللي الطلب منهم

وهو دلوقتي بيقرا نتيجه التحليل والاشعه بتركيز جامد

سليم ولين بقلق وصوت واحد ..خير يادكتور

الدكتور اللي بان علي وشو الصدمه والحزن اخيرا نطق ..سليم انت للاسف ………

يتبع……