رواية قدري أنت الحلقة الثامنة 8 بقلم هدى محمد

 رواية قدري أنت الحلقة الثامنة 8 بقلم هدى محمد

رواية قدري أنت الحلقة الثامنة 8 بقلم هدى محمد

رواية قدري أنت الحلقة الثامنة 8 بقلم هدى محمد

القميص الاسود ولا الكحلى

الكحلى 

طب الجذمه السوده ولا الكوتشى الابيض

الكوتشى الابيض

طب..

فى اى يزين 

زهقت..زهقت يا هدى انتى من امبارح منطقتيش ولا كلمه وانا متعودتش ع كدا انا اعتذرتلك وانا مبعملش كدا مع حد اصلا يمكن بقالنا فتره قصيره جدا عايشين سوا بس اتعودت ..اتعودت ع ازعاجك وصوتك العالى واسألتك ال مبتخلصش  انما تفضلى ساكته بالشكل دا لا مش عاجبنى ومش مستريح 

ابتسمت :التيشرت الفيروزى والكوتشى الابيض

اى 

شكلهم احلى عليك 

……….

مبعرفش ارد 

مش فاهم

 يعنى كلامك بالنسبالى حاجه كبيره اوى بس انا مش بعرف ارد ..دبش يعنى

بضحك : يعنى صافى يالبن

حليب يا قشطه ويالا عشان هتنأخر

قولتى التيشرت الفيروزى صح 

اه 

زين طيب طيب اوى وان كان بيتعامل بجمود ساعات ف طيبته الدايمه تشفعله كفايه انه اعتذرلى وانا ال غلطانه وكفايه انه مستحملنى بهبلى وغبائى 

يالا

اه خلاص يالا

اخدنا الشنط ونزلنا وطلعنا ع المطار هو اه باينه سترونج بس من جوايا فار مبلول ..اه والله اصل انا اكره ما ع قلبى الطيران واى حاجه ف البحر والعربيات ال بتمشى بسرعه والضلمه و..

هدى هداااا

اى اى يزين فى حاجه 

مالك 

انا لا ماليش 

متأكده 

طبعا طبعا هيكون مالى يعنى 

ماشى

*********************************************

عند ادم 

سرحان ف اى 

لا ولا حاجه قولى بقا انت عملت اى 

والله ي ادم الناس دى وراها بلاوى بس ال مسكتنى لحد دلوقتى ان كبيرهم مش عارفينه ولو قدمنا الاوراق ال مع زين مش هنعرفه وهتفضل الدايره شغاله زى ما جدى قال 

خلى بالك ع نفسك يا مراد 

متقلقش عمر الشقى بقى قولى بقا سرحان ف اى 

نورا

مين

نورا تبقى صاحبه هدى مرات زين 

مممم وبعدين 

معرفش بس هى غريبه بجد غير اى واحده عرفتها جميله ف كل حاجه 

الله يسهلوووو يا عم 

بقولك اى انا ماصدقت خلصت من زين وتقطيمه 

بضحك :ماشى ياسيدى هسكت اهو ل اجل بس انى شايفك جد المره دى.. بس قولى هو زين فين 

ماهو بصراحه البنات كانوا متفقين هما وطنط لقاء وروز مامت هدى انهم يقربوهم شويه يعنى ف استغليت السفريه بتاعت الارض ال ف دهب و وديته هو وهى 

بضحك :ابليس بيحيك 

مش فكرتى ع فكره دى فكره نورا 

ان كيدهن عظييييم  

بخبث: وحور

اتصدق يالا افكارهم حلوه وتحسها كيريتف كدا 

والله دلوقتى بقت افكارهم حلوه 

غور يالا غور 

احم بقولك هستأذن انا بقا 

اتنيل ..انا ال المفروض امشى خلى بالك ع نفسك بقا 

انت ال خد بالك من نفسك وخلى بالك حد يشوف او يحس اننا كنا مع بعض

بتريقه:لا تكلك يا صديقى  انا مش قليل برضو

ربنا معاك يا مراد

*********************************************

طلعنا الطياره وقعدنا ع الكراسى بتاعتنا وانا من جوايا مرعوووبه

برضو مافيش حاجه 

مرعوبه 

اى

خايفه ومرعوبه وعايزه اروح 

بضحك :اى دا فى اى 

متضحكش متعصبنيش

وهو بيحاول يكتم ضحكته:خلاص يستى اهدى بس كدا خالص وخدى نفس

هعيط 

يبنتاااى تعيطى اى احنا وسط ناس وبعدين متقلقيش انا معاكى اهو 

انا عايزه ارو..

لسه مخلصتش كلامى لاقيت صوت الكابتن وهو بيعلن عن اقلاع الطياره ..معرفش وقتها جراءة الدنيا بقت فيا وكلبشت ف زين حرفيا زى ال ماسكه حرامى ومكنش طالع عليا غير يانهار ابيض 

قربها حلو بيطمن حتى لو كانت خايفه بس انا متطمن بوجودها كل ال مدايقنى منها انا وافقت تتجوزنى مش عشان اتجوزتها بس عشان دخلت نفسها ف متاهات كبيره اكبر من انها تتخيلها.. هى جميله وغريبه ومافيش منها كتير من اول ضحكتها وصوتها وهوايتها ال قرفانى بيها لخوفها من اقل حاجه واحساسى انى مسؤل عنها وبرضو قربها حلو 

طب سيبى التيشرت طيب

لا لا لا هنموت 

يعنى التيشرت هو ال هينقذك ..انا قولت انك طمعانه فيه من الاول اى عرفك انتى ان شكله حلو عليا وانا ملبستهوش اصلا

لاقتنى مره واحده الخوف دا مبقاش موجود وبكل سذاجه وهبل بقوله 

براقبك 

نعم 

ها لا لا مش قصدى ..قصدى يعنى ان شوفتك بتقيسه ف  مره وف الاخر ملبستهوش بس كان شكلك حلو 

رفع حاجبه وبصلى:اه قوليلى كدا بقااا ..انا للدرجه دى حلو عشان مراتى القمر بذات نفسها تراقبنى  

كنت بحاول اهديها ب انى افصلها عن المود ال هى دخلت فيه بس معرفش الجمله دى طلعت منى ازاى بس انا مغلطتش برضو ماهى مراتى فعلا انا والله مبقيت فاهم حاجه وتايهه كل ال عارفه دلوقتى ان الجدل البينى وبين نفسى دا لازم ينتهى ف اسرع وقت 

مراته ما انا عارفه انى مراته بس معرفش لما قلهالى كان فى احساس تانى كدا مختلف ارتبكت ومعرفتش اعمل اى غير انى اسيب التيشرت وابعد عنه  لاقيته بصلى وضحك وراح ماسك ايدى 

متخافيش الخوف مش هيعمل حاجه غير انه يضيع عليكى احلى لحظات حياتك محدش فينا بيموت ناقص عمر ولا حد فينا بيجراله حاجه الا ب ارادة ربنا ف ال مكتوب هيكون حتى لو حابسه نفسك ف اوضه

طول الرحله كان ماسك ايدى بيطمنى للحظه غفيت محستش غير بزين وهو بيصحينى فتحت عينى لاقتنى نايمه ع كتفه 

يا نهار اسووود 

اى فى اى

انا نمت ع كتفك

حرام عليكى يشيخه خضتينى 

ازاى تسبنى كدا

لا اله الا الله انتى عبيطه يبنتى استهدى بالله واربطى الحزام عشان خلاص هننزل

هننزل فين 

صبرنى يارب هو اى ال هننزل فين وصلنا خلاص

شيلت ايدى من ايده عشان  اربط الحزام بس ايدى كانت بتترعش بغباء 

اربطهولك 

لا لا انا هعرف 

يبنتى 

لا.. لسه مكملتش الكلمه ولاقيته مايل عليا وبيربطلى الحزام

يربى نهار اى بس ال مش فايت دا 

بتقولى حاجه 

ها لا تسلم 

عدى دقايق والطياره بداءت ف الهبوط نزلنا بنفس مسكت الحرامى محرمتش لا 

خلصنا ووصلنا الفندق المكان كان فوق العظمه ووقفنا عشان نخلص الورق وطلعنا الاوضه 

الله يزين المكان بجد تحفههههه

ادم حاجزلنا اسبوع 

اى دا مش كتير شغل اى ال يخلص ف اسبوع

والله ما عارف بس اعتقد ان ف دماغه حاجه تانيه 

اى هى 

هبقى اقولك بعدين ..هتعملى اى دلوقتى 

مش قادرههه هنااام ..وانت هتعمل اى 

فى شويه شغل كدا هخلصهم وهريح شويه 

تمام ماشى 

غيرت ونمت ومحستش ب الوقت غير بليل صحيت لاقيته نايم جنبى وماسك ايدى 

ايدااا بقاااا هنهرج بقا ولا اى

قومت وقعدت شويه معرفش هو نام امتى بس كان صعبان عليا اصحيه بس انا زهوجت 

زين زييين زين اصحى بقا انا زهقت بجد

بدون مقدمات لاقيت ال بيسحب ايدى عليه اى الجراءه دى يالا دهب غيرتك ولا اى كنت قريبه قريبه منه اووى كنت حاسه بالنفس ال بيخبط فيا

تعرفى انك صداع 

……

وزنانه 

…….

انتى معايا

ها اه ممكن تسيب ايدى 

لاقيته رفع ايده التانيه وبيرجع شعرى ل ورا 

تعرفى كمان ان شكلك حلو اوى وانتى مكسوفه كدا 

زين انا بتهلوس صح 

تؤ تؤ خالص

بعدت عنه بسرعه لان مكنش ينفع افضل اكتر من كدا 

عايزه اى 

يخربيت ال يزعلك يشيخ

بتقولى حاجه 

دا انفصام رسمى 

بتقولى اييي

مبقولش انا زهقت من القاعده لوحدى 

تحبى ننزل 

لا مش قادره السفر الصبح دا اسوء تانى حاجه بعد السفر بليل

اه دا انتى هبله بقا 

ضحكت:لا بجد مش قادره جسمى كله اتكسر 

وانا كمان تيجى نلعب مثلا 

بجد 

اه والله تحبى تلعبى اى 

مش عارفه بس تيجى نلعب صراحه

دا لعب عيال دا 

ياسلام هو فى لعب عيال ولعب كبار  والنبى يا زين لما كنت بسافر زمان كنت دايما بلعبها 

بس؟!

يعنى اى

يعنى مافيش حاجه معينه عايزه تعرفيها عشان كدا عايزه تلعبيها

بحبك وانت فاهمنى والله 

طب بصى انا هطلب حاجه نشربها وتعالى ف البلكونه نتكلم 

طلب عصير وروحنا قدعنا ف البلكونه المنظر كان فوق الروعه 

ها يستى عايزه تعرفى  اى 

حاجات كتير 

زى 

زى الاوضه المقفوله ولى زعقتلى لما سألتك عنها  وزى تغيرك ووصيه جدو كل دا 

طب وانا اى يخلينى اجاوب ع كل دا 

يعنى اى

يعنى كل حاجه وليها مقابل وانا عارف ان فضولك هياخدك وهتوافقى

اى الثقه دى مش لما اعرف 

انتى دلوقتى عايزه تعرفى ٣حاجات ف كل لغز منهم بطلب ولازم تنفذيه 

واى هما ال ٣طلبات

معرفش بس لما يجى وقتها ..ها موافقه ولا اى

فكرت شويه وقولت لما يجى وقتها يحلها ربنا.. المهم دلوقتى انا عايزه افهم فى اى.. موافقه ماشى

لازم تنفذيهم وعد

حااضر والله وعد .. خلص ها