رواية حكاوي جوازة غصب الحلقة السادسة 6 بقلم عمرو خالد
 |
| رواية حكاوي جوازة غصب الحلقة السادسة 6 بقلم عمرو خالد |
رواية حكاوي جوازة غصب الحلقة السادسة 6 بقلم عمرو خالد
_ أخدنا الشنط ونزلنا على العربيه ومشينا على البلد، كلمت اهلي وقولتلهم انى جاي اقعد عشان فرح محمد وعشان تسنيم تشوف اهلها ، مشينا وبعد تلات ساعات في الطريق ولسه قدامنا ساعتين كمان .. “
تسنيم _ تعرف لو فكرت تكلم ندى هعمل فيك اي ..؟
يوسف” عارف من غير ما تقولي يا حبيبتي اهدي بس كده
تسنيم _ انت شايفني مجنونه رد شايفني مجنونه ..؟
يوسف ” شايفك اعقل العاقلين
تسنيم _ اه بحسب
يوسف” لا يا حبيبتي متحسبيش كتير عشان التفكير متعب وانا بخاف عليكي
تسنيم _ بطل محن بقا وبص قدامك
يوسف بزعيق” بت بقولك اي اتلمي ..!!
تسنيم _ اي يا مان بهزر اهدي كده بس
يوسف” يبقى تتعدلي كده
تسنيم _ عيوني
يوسف ” تسلم عيونك يا قمر انتِ
_ فضلنا ماشين في الطريق ووصلنا مع أذان العصر، استقبلونا هناك كلهم، بس ندى مكانتش موجوده الحمدلله عشان مش عايز مشاكل، سلمت على ابويا وجدي وامي، ولقيتهم مجهزين أوضه لينا عشان ننام فيها، اخدت تسنيم والشنط وطلعنا نرتاح شويه ..”
تسنيم _ مبسوطه اووي اووي اووي
يوسف” خير يا حبيبتي اي اللي مخليكي مبسوطه كده
تسنيم _ ندى
يوسف ” مالها ..؟
تسنيم _ كانت واقفه في المطبخ وهتولع ومامتك بتهدى فيها وعايزه تطلع تضربنا كده
وفضلت تضحك تسنيم على طريقة ندى لما اتعصبت، وشكل تسنيم وهي وبتضحك خطف قلبي خطف .. “
يوسف _ مش عايز مشاكل والنبي
تسنيم ” انا بردو بعمل مشاكل يا حبيبي
يوسف _ انتِ لا طبعا
تسنيم ” دايما ظالمني
يوسف _ معلش، يلا ننام شويه
تسنيم” يلا نتخمد يووه
يوسف _ بتقولي حاجه ..؟
تسنيم ” لا بقول ننام
_ أخدتها في حضني ونمت عشان متهربش وتروح ل امها ونروح مع بعض، ونمت وروحت ف النوم خلاص ..”
_______________________
بعد نوم عميق انا ويوسف، صحيت وهو كان لسه نايم، لبست الخمار وطلعت ع السطوح فوق كانت تقريبا الساعه الساعه 10 بليل، طلعت ولقيت منه اخت يوسف قاعده مع صحبتها، ركبت وسلمت عليهم وقعدت معاهم ..”
منه _ دي تسنيم مرات اخويا يا شهد
شهد ” قمر شبهك، كلكم قمر اصلا
تسنيم _ انتِ اللى قمر يا حبيبتي
منه ” هروح اعمل شاي لينا بقا وانتِ يا تسنيم هتسهري معايا عشان وحشانى اووي
تسنيم _ طيب بسرعه قبل ما يوسف يصحي
منه” عيوني
راحت منه تعمل الشاي وقعدت مع شهد نتكلم عن حياتهم الدراسيه ومستقبلهم، بس قالت جمله كده لمست قلبي قالت ( مستقبلي احدده بنفسي، مش محتاجه حد يحدده معايا لأن انا اللي هعيشه وانا اللي هستفاد منه وانا اللي هتإذي منه بردو، فأنا اللي مسؤله عنه، مش محتاجه حد يخترهولي) اقنعتني بكلامها حقيقي وهي مبهره جدا وكلامها معقول اووي، جابت منه الشاي وفضلنا نضحك ، وبعد شويه طلعت ندى معاها فاطمه، بس انا كنت واقفه بعيد عن شهد ومنه ف اخر السطوح عشان كده ماخدتش بالها مني، قربت منها لقيتها بتتكلم وبتزعق مع شهد .. “
ندى _ عاجبك اللي بتعمله مرات اخوكي ..؟
منه ” عملت اي مرات اخويا يا ندى زعلتك في حاجه ..؟
ندى _ اه وجودها في حياة يوسف مزعلني
منه ” مزعلك لي هو يوسف كان واعدك بحاجه طيب ..؟
ندى _ يا منه المفروض انا اللي اكون مكانها دلوقتي انا اللي استحق يوسف مش هي
منه” متتعبيش نفسك يوسف بيحب تسنيم وتسنيم بتحبه كمان
ندى _ حتي انتِ يا منه
منه ” مالي يا ندى عايزه تخربي بين اخويا ومراته لي محدش عمل معاكي حاجه وحشه انتِ اللى انانيه وعايزه كل حاجه لنفسك وبس
ندى _ انا انانيه يا منه ..؟ ماشى هوريكي هعمل اي فيهم
منه ” اولعي اكتر مانتِ مولعه كده جت داهيه
_ سمعت كلامها وكنت هعيط، احنا معملنهاش حاجه ليها عشان تعمل معايا كده، هي لي عايزه كده طيب عايزه تفرق بينا دا انا اموت، مش هقدر اعيش من غير يوسف اصلا، كنت هعيط بس لقيت شهد ومنه جايين عليا ..”
منه _ متزعلش نفسك دي تعبان اصلا
تسنيم” عادي يا منه مفيش
منه _ حقك عليا انا يا ستي متزعليش
تسنيم ” ملكيش ذنب انتِ
شهد _ خلاص اضحكي بقا عشانا
تسنيم” ههه حاضر
منه _ يلا نشرب الشاي ونسهر براحتنا
تسنيم ” ماشي بس هنزل اشوف يوسف صاحي ولا لسه نايم
منه _ أشتا
____________________
_ صحيت ملقتش تسنيم نايمه جنبي، قومت مفزوع ولسه هلبس الشبشب لقيتها فتحت الباب وداخله تمسح دموعها جريت عليها واخدتها في حضني .. “
يوسف _ مالك يا حبيبتي ف اي ..؟
تسنيم ” مفيش حاجه متقلقش
يوسف _ لا في مالك ف اي ..؟
تسنيم ” ندى تاني يا يوسف بتضايقني وبتقول انها هتفرق بينا صح الكلام دا يا يوسف ..؟
يوسف _ ندى تانى ماشى ، لا مش صح يا قلب يوسف
تسنيم” انا خايف اووي
يوسف _ من أي ..؟
تسنيم” تبعد عني يا يوسف زي ما ندى بتقول
يوسف _ ملناش دعوة بكلام حد اللي يقول يقول براحته المهم انك معايا ومفيش حد هيفرق بينا
تسنيم “بجد ..؟
يوسف _ بجدين يا قلبي
_ أردت امنيه واحده من الدنيا، وهي أن اُخبئكى داخل ضلوعي بعيدا عن البشر .. ????
يتبع..
لقراءة الحلقة السابعة : اضغط هنا
لقراءة باقي حلقات الرواية : اضغط هنا
نرشح لك أيضاً رواية صاحب الشركة للكاتبة روني محمد.
