رواية عشق مخيف الحلقة السادسة 6 الجزء 2 بقلم ندى
 |
| رواية عشق مخيف الحلقة السادسة 6 الجزء 2 بقلم ندى |
رواية عشق مخيف الحلقة السادسة 6 الجزء 2 بقلم ندى
دخل فهد الشقة بتعب شاف سيلا قاعدة قدام التليفزيون وبتضحك علي اخرها
ابتسم فهد علي ضحكها : مساء الخير
سيلا سكتت بصتله بنظرات كره وبعدها بصت للفيلم تاني وتضحك
فهد في نفسه : دي باينها اتجننت ولا ايه ، ماشي يا سيلا انا هوريكي
فهد : هو فيه اكل ولا هنام جعان
سيلا : لا مفيش ، قولتلك لو عايز اكل اعمل لنفسك مش كل شوية هكرر كلامي انا
فهد بحزن مصطنع: طيب تصبحي علي خير
دخل فهد اوضته لقي الدنيا بايظة وكل حاجة من حاجاته في مكان مختلف
فهد ضحك : يا مجنونة والله مجنونة فعلا .. ماااشي …. فهد بصوت غاضب مصطنع : سيييييلا
سيلا اتخضت علي صوته وقالت بصوت خافت: يالهوي يالهوي ، هيضربني اكيد .. انا اتصل ب ماما ولا اعمل ايه
سيلا بصوت عالي وبتحاول تظهر شجاعتها : عايز ايه
فهد بغضب : تعالي هنا فورا بدل ما اجيلك انا
سيلا مشت بخطوات متوترة لحد اوضه فهد : نعم
فهد خطفه اوي نظراتها المتوترة و خوفها اللي ظاهر : ايه اللي حصل هنا
سيلا بتوتر : انا .. انا كنت . انا كنت بس ..
فهد : كنتي ايه
سيلا : كنت برتب الاوضة …ايوة صح كنت برتب الاوضة فعلا .. كان كل حاجة في مكان مختلف انا حطتها في مكانها
فهد ابتسم وقرب منها: طب خايفة من ايه
سيلا توترت من قربه منها : انا مش خايفة
فهد حضنها بحب وطبطب عليها: سيلا انا عايز اعترفلك بحاجة
سيلا حست بدفئ في حضنه ، قلبها دق بعنف ، حست بشعور مختلف فكانت ساكتة ساكنة عقلها وقلبها متناقضين من قربه ليها
فهد بحب : سيلا انا طول عمري بحبك بس كنت خايف اعترفلك ب ده أاذي مشاعرك .. صدقيني انا مقربتش منك خالص .. انا اوهمتك ب ده
سيلا بدهشة : مش فاهمه قصدك
فهد : بصي انا فعلا اتجوزتك علي ورق بس ..صدقيني مش هستحمل انك تبعدي عني لمجرد ان ياسمينه حاسه بمشاعر ناحيتي …مش عايز يحصل مشاكل اكتر بينكوا ، لكن اي حاجة فكرتي اني عملتها .. كانت كدب وحتي مشوفتش اي حاجة
خجلت جنة : طب عملت كل ده ليه
فهد : عشان كان ممكن تقولي طلقني ف كنت عايز اثبت انك هتبقي مراته مهما كان …سيلا والله العظيم انا بحبك .. لو انتي مش عايزاني خالص في حياتك انا هسافر ومش هرجع تاني وعلغكرة لو بعدتي انا عمري ماهتجوز حد بعدك مهما كان
سيلا اتوترت وبعدت عنه وخرجت برة الاوضة في صمت
فهد واقف واتنهد : يارب تاخد المرادي قرار صح
———
بسنت قامت من نومها بوجع شديد حاولت تقوم تغسل وشها او تجيب مسكن ولا اي حاجة معرفتش
بعد شوية فقدت الامل انها تقدر تقوم بدأت تصحي جاد : جاد .. جاد
جاد بصوت منخفض : فيه ايه
بسنت بوجع : انا تعبانة جدا يا جاد .. دماغي بتوجعني جدا مش عارفة انام
جاد قام قعد بقلق : طب حاسه بصداع يعني ولا ايه
بسنت بوجع : مش عارفة دماغي وجعاني جدا .. ممكن بس تجيبلي مسكن حاسه بدوخة كدة مش قادرة اقوم
جاد قام جاب مسكن ليها لقاها نايمة
جاد: بسنت انتي لحقتي نمتي .. طب خدي المسكن طيب
جاد بيحرك بسنت بس مش بتصحي .. خوفه زاد جدا : بسنت .. بسنت .. بسنت اصحي
لبسها بسرعة الاسدال والنقاب و شالها وخرج
نزل بسرعة وركب العربية وطلع عالمستشفي بخوف وقلق
وصل المستشفي اقابلها الممرضة : حصل ايه
جاد : دماغها وجعتها فاجأة وكانت دايخة وبعدها اغمي عليها كدة .
الممرضة : تمام اطمن .. الدكتور هيشوفها حالا
جاد : لو سمحتي لو فيه دكتورة هيبقي أفضل
الممرضة : تمام
وقف جاد برة الاوضة بقلق .. عايز يدخل يشوفها بس قلقان جدا
خرج الدكتورة بعد شوية : حضرتك تقربلها
جاد : جوزها
الدكتورة : مش هضحك عليك هو وجع دماغها ميطمنش .. وان ضغطها كمان مكانش مظبوط هي فاقت عموما بس هنعمل اشعة ضروري
جاد بقلق : تمام هي هتفضل هنا لحد ما اطمن عليها .. اعملي الاشعة اي وقت عادي
الدكتورة : خلاص هنجهز وابلغك
جاد : تمام شكرا .
دخل جاد ل بسنت بقلق : حببتي انتي كويسة
بسنت بتعب : الحمدلله
جاد : حاسه بأيه
بسنت بتعب : جسمي بتوجعني جدا ..بس متقلقش كله هيبقي تمام
جاد مسك ايديها بحب : موتيني من القلق عليكي
بسنت بخضة : جاد العيال لوحدهم في البيت
جاد : زمانهم نايمين متقلقيش هكلم بيجاد يبقي معاهم ، ارتاحي انتي وانا هكلمه برة وهشوف الدكتورة واجي
بسنت : طيب ماشي
جاد خرج رن علي بيجاد
صحي بيجاد يرد : الو
جاد : بيجاد .. معلش ممكن تخلي جنة تروح تشوف كريم وكارما و ياسمينه عشان انا مش في البيت
بيجاد بقلق : هو حصل حاجة ولا ايه
جاد: مش عارف بجد بس بسنت تعبت جدا وانا معاها في المستشفي.. خلي بالك بس من العيال لحد الصبح
بيجاد : انا جايلك
جاد: لا هو مفيش حاجة دلوقتي هي نامت اساسا وانا هشوف الدنيا ايه كدة وابقي اقولك
بيجاد : طيب طمني علطول…لو فيه حاجة اتصل بيا وانا الصبح هجيبلك
جاد : ماشي تمام
———
سيلا قعدت علي السرير تفكر في اللي قاله فهد وفاجاة افتكرت انه مأكلش اي حاجة .. خرجت بخفة للمطبخ وبدأت تجهز اي اكل موجود
بعد شوية خلصت : انا هخليه يتفاجئ بالاكل، مش عارفة انا بعمل كدة ليه بس عادي هفرح لو هو انبسط..
قربت من اوضته وخبطت بتوتر
فهد : اممم
سيلا بتوتر : فهد
فهد : خشي
سيلا : لا انت اخرج
فهد: انتي خايفة مني
سيلا : ابدا بس انا جيت عشان اقولك حاجة
فهد : ايه هي
سيلا : مش هتخرج يعني
فهد : لا مش هخرج ، لو انتي عايزاني خشي انتي
سيلا بعصبية : انت حر انا غلطانه اساسا اني جيت اتكلم معاك
سابت سيلا الاكل عالسفرة ودخلت اوضتها بغضب وعصبية
بعد شوية فهد خرج و اندهش جدا بالاكل ، يعني معني كدة انها خايفة عليه وبتهتم بيه .. كان عايز يضرب نفسه بالجزمة عشان مخرجش يكلمها
خبط علي باب سيلا : سيلا .. متزعليش اخرجي
سيلا طلعت عالسرير بسرعة واتغطت كأنها نامت
فهد : سيلا ارجوكي افتحي .. انا اسف خلاص … انا هدخل طيب
فهد فتح الباب بهدوء.. حس بحركة واضطراب أنفاسها ابتسم جدا لان واضح جدا انها صاحية
لسه هيبدأ يقرب منها موبايله رن
خرج وجاب الموبايل و رد .. : ايوة يا عمو
بيجاد : فهد هي سيلا صاحية
فهد : تقريبا يعني .. اه
بيجاد : طب انا هجيبلك العيال معلش عشان جاد مع بسنت في المستشفي وانا عايز اروحله ومش عارف اودي العيال فين
فهد بقلق : هو حصل حاجة ولا ايه
بيجاد : لسه مش عارف .. بس انا لقيت العيال صحوا اساسا ف هجيبهم واجيلك
فهد: تمام ماشي احنا صاحيين اهو
بيجاد : تمام يابني يلا سلام
فهد : سلام
سيلا حست بقلق وقامت مرة واحدة : حصل ايه
فهد ضحك : يخربيتك فجعتيني.. ابدا ياستي عمتي بسنت تعبت باين و ابوكي هيجيب العيال عندنا
سيلا : مالها عمتو بسنت
فهد : مش عارف بس تعبت وعمو جاد معاها
سيلا : طيب هم هيجوا دلوقتي
فهد : ايوة
سيلا : عمو حسام عرف
فهد بقلق: لا .. اظن لا .. انا هتصل اقوله عشان ميزعلش
سيلا : افرض قلق جدا عالفاضي
فهد: مش احسن ما يزعل مني ، اهو عالاقل يروح عشان انا اكيد مش هسيبك معاهم لوحدك
———
سلمي صحت علي صوت موبايل حسام : حسام .. حسام .. الموبايل بيرن .. اصحي
حسام بنوم : ما تردي انتي
سلمي : والله
حسام : ايوة
سلمي :طيب هرد حتي لو طلع حد من صحابك
حسام اتخض فاجأة ومسك ايديها بسرعة : يا مجنونة .. اي حاجة تسمعي الكلام فيها كدة .. انهو دي قولي لا مرة
سلمي ضحكت : منا لما بقول لا بتزعل
حسام : قولي اه في كل حاجة بس مترديش علي موبايلي ..
حسام بص لقي فهد ..: ده فهد بيرن .. ايوة يا فهد
فهد بقلق : بابا فيه حاجة حصلت كدة
حسام : ايه .. سيلا عملت حاجة
فهد : لا طبعا .. بس عمتي تعبت وجاد معاها في المستشفي
حسام قام بسرعة وقف بخوف : حصل ايه
فهد : والله مش عارف انا قولت اقولك.عشان تروحلهم عشان عمي بيجاد هيجيب العيال عندنا
حسام :طيب ماشي هكلمه واروح انا
فهد : ماشي تمام ،ابقي طمني
حسام : تمام
سلمي بقلق : فيه ايه يا حسام
حسام : بسنت في المستشفي
سلمي بخضة : يالهوي ايه اللي حصل .. هي تعبت ولا ايه
حسام : مش عارف بس يلا نروح
سلمي قامت بسرعة تلبس عشان تروح مع حسام
——–
الساعة 4 الفجر
بيجاد وصل لشقة فهد بالعيال .
سيلا فتحت بسرعة : بابا .. هو ايه الي حصل
بيجاد : هاروح اشوف ايه الدنيا واقولك متخافيش .. خليهم هنا بس عشان مقلقش
فهد : خشوا يا عيال جوة
سيلا : ماما هاتروح معاك صح
بيجاد : اه تحت معايا .. يلا همشي بقي
سيلا بصت ل فهد : انا حاسه بخوف يا فهد
ياسمينة بتعيط : انا خايفة اوي
فهد: متخافيش هتبقي كويسة ، لو فيه حاجة هيقولوا
ياسمينة: انا عايزة اكون معاها
فهد : ياسمينة لازم تقعدي مع اخواتك مينفعش كدة .. صدقيني هتبقي كويسه.. يلا بقي نجهز سرير عشان تناموا عليه عشان اخواتنا ولا ايه
ناموا كلهم لحد الساعة 1 الضهر
صحت سيلا وكانت نايمة علي كتف فهد : فهد
فهد: اممم
سيلا : الساعة واحدة يا فهد.يلا قوم
فهد : قومي انتي
سيلا : طيب ماشي سيب ايدي طيب
فهد : لا
سيلا : اووف انت رخم ليه .. وسع بقي
فهد بعند: هاتي بوسة صغيرة واسيبك
سيلا بخجل : مستحيل ..
فهد : انتي حرة
سيلا بسرعة باسته من خده : وسع بقي
فهد سابها وضحك عليها
——-
راحوا كلهم المستشفي
حسام : ايه ده ايه اللي جابكوا هنا
فهد : الاصرار .. اصروا يجوا كلهم .. ها ايه الدنيا ..
حسام : عملت اشاعة ولسه هنشوف الدنيا ايه
فهد : هي كويسه
حسام : اه كويسه.. بس جاد عايز نستني لحد ما نعرف فيه ايه وسبب تعبها ايه
فهد : خير بإذن الله
سيلا بتحكي ل بسنت علي اللي شافته الصبح من عيالها
سيلا ضحكت : يالهوي بجد وكارما دخلت لقيتها نايمة بالمقلوب ، كنت خايفة اصحيها
بسنت ضحكت : طب كويس انها بالمقلوب بس
كارما بغضب طفولي : انتوا بتتريقوا عليا ليه ، انا حرة انام زي ما احب
احمد : بس يا جماعة بقي .. متزعليش يا كارما انتي مشوفتيش سيلا بتنام ازاي.. دع انتي أرحم كدة
سيلا : ماااشي يا ابوحميد مااااشي
بعد.قليل ..
دخلت الدكتورة وقالت : استاذ جاد لو سمحت ممكن تيجي دقيقة بس
جاد : تمام اتفضلي
خرجوا وخرج معاهم حسام : ايه
الدكتورة : بص الموضوع مش صعب اوي بس هي عندها ورم في الدماغ ، والحمد لله الموضوع بس محتاج عملية وكل حاجة هتبقي تمام .. انا عارفة ان اسم المرض يخض بس كويس انك جبتها من البداية
جاد : طب هو فيه اي خطر عليها او أعراض بعد كدة
الدكتورة : اطمن وتفائل خير و كل حاجة هتبقي تمام.. قولولها و تمضي علي ورق العملية و هنحدد وقت ونعملها في اسرع وقت
حسام: تمام يا دكتورة شكرا
جاد : حسام
حسام : متقوليش قلقان .. الحمدلله علي كل حال .. احنا لازم نشجعها.. بسنت زي ما انت عارف بتخاف .. مينفعش نبين خوفنا احنا كمان
جاد : عندك حق
دخلوا الاوضة بقلق غصب عنها ظاهر علي ملامحهم
بسنت : فيه ايه
جاد : مفيش يا حببتي كله تمام
بسنت : بس انا مش حاسه كدة
جاد بهمس : هقولك بس مش دلوقتي عشان العيال
بسنت ابتدت تتوتر : طيب
بعد نص ساعة
سيلا : يلا بينا يا عيال عشان ورانا حاجات كتير ونسيب ماما ترتاح
فهد : ايوة يلا عشان كمان المستشفي هنا مش هتسمح بالعدد ده في نفس الاوضة
حسام : ماشي لما توصلوا البيت كلموني
خرجوا كلهم ورجعوا البيت
فتح فهد شقته واتصدم ب …
يتبع..
لقراءة الحلقة السابعة : اضغط هنا
لقراءة باقي حلقات الرواية : اضغط هنا
نرشح لك أيضاً رواية وحدة شغف للكاتبة ندى.
