رواية حور الأدهم الحلقة الخامسة 5 بقلم موكا
 |
| رواية حور الأدهم الحلقة الخامسة 5 بقلم موكا |
رواية حور الأدهم الحلقة الخامسة 5 بقلم موكا
حور بصراخ:لااااا
اقتربت فاطمة منها سريعا وهي تحاول ان تجعلها تهدأ
فاطمة بقلق:اهدي يا حبيبتي مفيش حاجه كله تمام
حور بإنهيار وبكاء:لا يا بطه مفيش حاجه تمام انا اسفه والله خليه يسامحني ويرجع يحبني زي الاول
فاطمه:اه….
حور:تعبت يا بطه تعبت مش قادرة انساه حتي وانا نايمه بحلم بكل اللي حصل بينا-ثم بصراخ وانهيار اكثر-تعبت تعبت تعبتتت
فاطمة بصراخ:يا دكتورة
لحظات ودخلت الطبيبة وخلفها الممرضة
الدكتورة:الحقنة بسرعة
قاموا بإعطائها حقنة مهدئ لترتخي ملامحها وتثقل اجفانها
حور بتعب:خليه يس….
واغلقت عينيها لتردف فاطمة بقلق:هي هتبقي كويسه صح؟
الدكتورة:متقلقيش دي حاجة متوقعة لانه زي ما سبق وقولت كان عليها ضغط عصبي فمن الطبيعي انها تنهار
اومئت لها فاطمة لترحل الطبيبة وتتركهم
(في الشركة)
سيف بغضب:يعني ايه يا ادهم؟ازاي انا اخر واحد يعرف باللي حصل لبنته؟!
ادهم بهدوء:مرضتش اقلقك الدكتورة طمنتني هي كويسه بس مش بتأكل كويس ومضغوطة
تنهد سيف وجلس من جديد مردفا:من يوم ما اطلقتوا وهي محبوسه في الاوضه بتاعتها والاكل وبتأكل قليل
ادهم:ازاي يا عمي كل ده يحصل ومعرفش؟
سيف بجدية:يعني كنت هتعمل ايه يا ادهم انت عارف حور عنيدة وانا وفاطمة حاولنا معاها كتير لحد لما قدرت تخرجها زي ما اتفقتوا المهم قولي بقي امتي هتواجها بالحقيقة وترجع كل حاجة زي الاول؟
ادهم بتنهيدة:لسه يا عمي مش دلوقتي ومش عارف ان كانت هترجع زي الاول ولا لا
سيف:ان شاء الله هيحصل كل خير يلا نكمل اللي ورانا وانا رايح اشوفها…..
……..
(بعد خمس شهور)
مر الوقت وبعدما استفاقت حور عادت لحياتها واصبحت اكثر مسئولية وجدية بعدما عزمت علي ان تنساه وان تعيش لنفسها وان تكون افضل
كانت علاقتها بادهم سطحية نظراتهم لبعضهم البعض تبوح بالكثير وتحمل الكثير من المشاعر رغم ذلك كانا بعيدان هي التي تحاول ان تفعلها وتنساه وهو الذي يمنع نفسه من الاعتراف لها بكل شئ وضمها لاحضانه
…..
حور بجدية:ازاي اكتشفت انه الصفقة مش هتنفع؟
نظر لها ادهم بعمق قبل ان يردف بعدما استعاد تركيزه:شروطهم مبالغ فيها ومش هتنفع معانا
حور:بس احنا نقدر نعمل الشروط دي وزيادة
ادهم:الشروط دي بالنسبة لشركة زي شركتهم زيادة عليهم لو وافقنا المرادي المره الجاية هيزودوا طلباتهم ويشوفوا نفسهم علينا
همهمت له بتفهم قبل ان تقف
ادهم:حور
نظرت له واردفت:نعم
نظر لها مطولا قبل ان يردف:خ..خلاص
نظرت له بتساؤل قبل ان تغادر فالان موعد عودتها للمنزل
…..
كانت تجلس علي “اللاب” الخاص بها لترفع رأسها ما ان استمعت لصوت طرقات الباب واردفت:اتفضل
حور:ايوه يا بابي في حاجه؟
جلس بجوارها وربت عليها بحنية
سيف:مازن متقدملك
حور بدهشة:متقدملي انا؟
سيف:ايوه يا بنتي مش كنتي بتحبيه؟
حور بصدمة:هو انت مش كنت رافض؟
سيف:بعد اللي حصل اكتشفت انه مكنش ينفع ابعدك عن اللي بتحبيه
حور:بس….
سيف:هو جاي بكره بليل فكري براحتك ونبقي نرد عليه
وغادر وتركها تحت صدمتها وعدم فهمها لما يجري
…..
حور:صباح الخير
ادهم:صباح النور انتي تقريبا عرفت….
حور:جايلي عريس
رفع رأسه ينظر لها بهدوء من ثم اردف:طيب!
حور:مازن يا ادهم
ادهم:ايوه!
حور بغضب:هوافق!
ادهم:مبروك يا انسه حور
نظرت له بحنق قبل ان تلتف لتغادر مردفة بسعادة مصطنعه:هأخد اجازة النهاردة علشان مازن جاي النهاردة وكده
…..
حور بغضب:تعاليلي علي البيت بسرعه يا بطه
حور:مش وقته دلوقتي لما تيجي هحكيلك كل حاجه
حور:متتأخريش باي
اغلقت هاتفها والقته بجانبها منتظرة اياها بينما كانت تتذكر ما وعدها به سابقا
(Flash back)
كانا يجلسان امام التلفاز بجانب بعضهما البعض وعيناهما معلقة علي الشاشة يتابعان الفيلم بتركيز قطعه ادهم
ادهم:اللي اعرفه انه البنات بتحب الأفلام الرومانسية مش الرعب!
حور:اششش خليني اركز وبعدين مكنتش اجوزتني يا سيدي واجوزت واحده من البنات دي
ادهم:بس انا بحبك انتي
حور:(هو مبيزهقش؟!ده انا بطلت احسب من كتر ما قالها)
حور:الحب افعال مش كلام يا بشمهندس
ادهم:بصي في عيني كده معقوله مش مبينه قد ايه انا بحبك؟انا بحبك لدرجة مقدرش افكر او اشوف واحده غيرك اوعدك مفيش غيرك هتأخد مكانك ولا هسمح لحد يأخد مكاني ده بعشقك يا حوري
حور بإرتباك من نظراته:ايه يا ابني جو الافلام القديمة ده؟قفلتني انا قايمه انام
وركضت من امامه بينما هو قهقة علي افعالها
(End flash back)
نزلت دموعها التي كانت تقاومها لفترة طويلة الان فلم يفي بوعديه هكذا الاول انه لن تأخذ اخري مكانها والثاني انه لن يسمح لاحد بأخذ مكانه ماذا الان؟
مسحت دموعها سريعا واردفت للطارق:ادخل
فاطمة بمرح:شوفتي انا محترمة ازاي وبخبط النهاردة؟
حور بمرح مصطنع:ايوه طبعا انتي هتقوليلي
فاطمة:بت عيب انا اكبر منك بشهرين…مال الجميل بقي
حور:مازن جاي يخطبني
فاطمة:ايوه مش انتي كنتي بتحبيه؟
حور:…..
فاطمة بضحك:اااه يعني مقدرتيش تنسيه زي ما قولتي
حور بغضب:بتضحكي علي ايه يا بنتي بقي؟انا قولتله اني هوافق!
فاطمة بجدية:مين ده؟
حور:ادهم
فتحت فاطمة فمها نسبيا بصدمة ومن بعدها صفعت جبينها مردفة:غبية
حور:هعمل ايه!
فاطمة بتفكير:ممكن توافقي فعلا وبعدين بعد فترة قولي معرفناش نتفق وفركشي
حور بإعجاب:دماغ شغالة مش بتنام
فاطمة بغرور مصطنع:مش بحب اتكلم عن نفسي كتير
لم تعلق حور علي كلامها هذا بل اردفت بحزن:بس اتخلي عني بسهولة يا بطه
فاطمة:ما انتي جرحتي كبريائه كتير يا حور
حور بندم:ما ندمت والله وعرفت غلطي
احتضنتها فاطمة واردفت بحنية:متخافيش يا حبيبتي هيحصل كل خير ان شاء الله
حور بحزن اكثر:يارب يا بطه يارب
فاطمة:يلا يا ست قومي انتي ما صدقتي يلا قومي نجهز ونبقي قمرات كده
حور:قومي يا بت اطلعي بره
لم ترد فاطمة عليها بل سحبتها مردفة:يلااا
(في المساء)
كانت تتحرك في غرفتها بتوتر بفستانها الاسود الخلاب وشعرها الكثيف الذي يتحرك معها اينما تحركت
فاطمة بصراخ:كفاااية بقي اتحولت بسببك
حور بحده:فاطمة مش ناقصاكي دلوق….
نظرتا كلتاهما للباب ما ان فُتح
سيف:يلا يا حور تعالي الرؤية الشرعية
حور:(مش المفروض اقدم حاجه؟)
تجاهلت تساؤلاتها وذهبت خلف والدها ودخلت
استمعت لصوت اغلاق الباب بينما كانت ماتزال تخفض رأسها ليس خجلا بل لا تريد رؤيته
:مش هتبصيلي يعني؟
حور بصدمة:ادهم؟!
وقف ووضع يديه في جيوب بنطاله بينما كان يتحرك بإتجاهها
ادهم:اممم ادهم اه
حور بإرتباك:انت بتعمل ايه؟اوقف عندك
لم يستجيب لها وكان مايزال يذهب بإتجاهها
حور:ابعد والا
وقف امامها لا يفصل بينهما الا خطوتان وكانت رائحة البرفيوم خاصته تصل لها
ادهم بهدوء:والا ايه؟
حور بإرتباك من قربه:علي فكرة حرام تقرب مني ك….
فتحت عيناها بصدمة اثر قبلتة بينما هو سحبها من خصرها له ويده الاخري ارتفعت لرأسها واستقرت عليها
بعد لحظات ابتعد عنها والصق جبينه بجبينها
حور بصدمة:ايه اللي عم…
ادهم بإبتسامة:اللي اعرفه انه مش حرام اقرب من مراتي انا رديتك من اول يوم يا حوري
حور بدهشة:اي…
ادهم بحب:اششش بحبك
حور:وانا كمان
ابتعد ونظر لها بحاجب مرفوع
حور بضحك:بحبك
ابتسم مجددا قبل ان يرفعها ويلتف بها من ثم انزلها من جديد مقبلا اياها من جبينها
«وجئت انت لقلبي المهجور لتسكنه وتمتلكه بحبك»
يتبع..
لقراءة الحلقة السادسة : اضغط هنا
لقراءة باقي حلقات الرواية : اضغط هنا
