رواية عشق مخيف الحلقة الثالثة 3 الجزء 2 بقلم ندى
 |
| رواية عشق مخيف الحلقة الثالثة 3 الجزء 2 بقلم ندى |
رواية عشق مخيف الحلقة الثالثة 3 الجزء 2 بقلم ندى
بعد قليل
فتح باب الشقة ودخل فهد مع سيلا
بيجاد بغضب : كنتوا فين
حسام : اهدي .. بص ل فهد : كنتوا فين لحد دلوقتي وقافلين موبايلاتكوا ليه
سلمي حضنت فهد : قلقتني عليكوا
فهد بغضب : هخطفها يعني انا .. مش فاهم قلقانين ليه كل ده متأخرناش كتير يعني .. انا مش صغير عشان تقلقوا للدرجادي
مشي فهد بغضب ودخل اوضته وقفل الباب بعنف
سيلا واقفة في صدمة كبيرة ،مش عارفة تحكي ايه او تقولهم ايه بس خافت لاول مرة من أهلها.. اول مرة تخاف من زعلهم او من خوفهم
جنة : كنتوا فين يا سيلا كل ده حرام عليكوا بجد قلقتونا كلنا
سيلا واقفة باصة في الارض ومش بترد
بسنت واقفة ملاحظة دموع سيلا اللي نازلة وقلقت، قربت منها : سيلا حببتي ردي علي ماما ، انتي كويسة طيب
سيلا فضلت تعيط
جاد : خلاص يا جماعة محصلش حاجة سيبوها لحد ما تحكي بنفسها
بيجاد : جاد انا مش هرتاح غير لما اعرف هم اتاخروا ليه كل ده …. بص لسيلا .. حد عملكوا مشكله طيب
سيلا هزت راسها ب لا
بيجاد : سيلا ، احنا قلقانين خلقة احكي حصل ايه عشان نخلص
سيلا مقدرتش تتكلم ومش عارفة اقولهم اي حاجة .. بصت ل باباها ودموعها نازلة بشدة وبترتعش وفاجاة اغمي عليها.
جنة بصدمة : بنتي
شالها بيجاد بسرعة وحاولوا يفوقها مفاقتش .. شالها ونزلوا بسرعة يودوها لاي مستشفي
حسام : استني بيجاد.انا جاي معاك
جاد : خليك انت يا حسام انا هاروح متقلقش لو فيه حاجة هكلمك بس خلي العيال عندك
سلمي بسرعة : تمام ابقي طمنونا والنبي
………..
سلمي : ياسمينه خدي اخواتك واحمد وخشوا اقعدوا في الاوضة اللي جوة
ياسمينة: انا عايزة اعرف حصل ايه
سلمي : هقولك لما اعرف صدقيني بس دخليني بس جوة وخليكي معاهم
حسام بص ل سلمي : تفتكري فهد عمل حاجة
سلمي : ازاي تقول كدة يا حسام … ازاي تفكر في فهد ممكن يأذيها
حسام: مش عارف.. ماهو لو حصل حاجة ملهاش علاقة بفهد كان زمان سيلا حكت عادي ..انا هدخل اكلمه
سلمي : طب براحة عشان خاطري يا حسام بلاش تزعله
حسام طبطب عليها ودخل لفهد
حسام دخل لفهد بغضب : انت عملت فيها ايه ، انت ابني صحيح بس هي بنتي بردو مقبلش حد يأذيها ابدا ، حصل ايه
فهد : اتجوزتها
حسام بصدمة : انت بتقول ايه
فهد بغضب: اتجوزتها ، وياريت متقولش لاي حد دلوقتي
حسام بيحاول يهدي نفسه : ليه كدة يا فهد تعمل فينا وفيها وفي أهلها كدة
فهد : انا حر
حسام : مش حر يا فهد ، هي ذنبها ايه ، البت وقعت من طولها وياعالم حصلها ايه
فهد بصدمة : وقعت ايه ،، مش فاهم
حسام : اغمي عليها
فهد مشي خارج من الاوضة
حسام شده من دراعه وقفه : انت اتجوزتها ازاي وهي صغيرة كدة
فهد للحظة اتوتر : اتجوزتها وخلاص
حسام بعصبية كبيرة : فهد ، اقسم بالله لو طلع اللي في دماغي صح هتشوف وش عمرك ما شوفته يا فهد
خرج حسام برة الاوضة قابلته سلمي
سلمي بقلق : حصل ايه
حسام بغضب : مفيش يا سلمي بعدين هحكيلك…دلوقتي انا هاروح ل بيجاد عشان اشوف البت حصلها ايه
سلمي : حسام.. فهد زعلها صح
حسام : متقلقيش بس خلي بالك من نفسك وانا هكلمك لما اوصل
………..
في المستشفي
جنة بدموع : هي هتفضل ساكتة كدة
الدكتور بأسف : هي في حالة صدمة كبيرة وكدة كدة انا اديتها مهدئ ف مش هتتكلم دلوقتي
بيجاد حضن سيلا بقلق : انا مش عارف حصل ايه بس
جاد : متقلقش هتبقي كويسه
بيجاد : يارب
بسنت بتسأل : طب هي ممكن تخرج عادي ولا الموضوع صعب
الدكتور :هو مفيش مشكلة ترجع البيت الموضوع مش كبير بس خليها يوم كدة تهدي عالاقل
بسنت : تمام شكرا يا دكتور
جنة شايفة سيلا بتعيط في صمت وقلبها بيتقطع عليها ومش عارفة تعمل ايه .. خرجت دورت علي اوضة فاضية ودخلت اتوضت وصلت ودعت ربنا كتييير
حسام وصل المستشفي طلع لاوضة سيلا
بيجاد بصله باستغراب: حسام
حسام بصوت غاضب وصارم : عايز اتكلم مع سيلا لوحدنا لو سمحت يا بيجاد حابب اعرف منها حاجة
بيجاد بدهشة: مش فاهم قصدك
حسام : بيجاد .. سيلا دي بعتبرها بنتي ،من غير كلام كتير انا عايز اتكلم معاها لوحدنا
جاد : طب ماشي …يلا بيجاد
بيجاد باصص ل حسام نظرة غاضبة
جاد : بيجاد اكيد هو هيفهمنا فيه ايه بس خلينا تسيبه معاها شوية .
——–
خرجت ياسمينة من الاوضة وسابت أخوها مع احمد وراحت لفهد خبطت ودخلت
كان فهد مشتت مش عارف يروح يشوفها بعد ما ضميره وجعه لما عرف حالتها اللي بسببه
ياسمينة: فهد
فهد: ايوة يا ياسمينه
ياسمينه : هو ايه اللي حصل
فهد بغضب : حاجة مش خاصة بيكي
ياسمينة بدهشة: انت بتزعقلي
فهد : ايوة انا حر .. ازعق مزعقش.. سيبني لوحدي بقي
ياسمينة بحزن : تمام يا فهد انا كنت فاكرة انك
فهد بغضب : فاكرة اني ايه .. بطلي اوهام بقي .. احنا اخوات فاهمة يعني ايه اخوات .. سيبني بقي واخرجي لو سمحتي
ياسمينة بدموع : انا اسفة
خرجت ياسمينة بصدمة ودهشة وحزن وكسرة
سلمي : حصل ايه
ياسمينة : فهد زعقلي
سلمي : حببتي سيبه يهدي شوية وبعدها هيصالحك
ياسمينة : كنت مفكرة انه هيحكيلي
سلمي : معلش متزعليش منه .. انا هكلمه عشانك ياستي
ياسمينة ابتسمت ابتسامة بسيطة ودخلت لاخواتها
سلمي دخلت لفهد
قعدت جنبه بهدوء وبصلها بنفس الهدوء
فهد : بتبصيلي كدة ليه
سلمي : بتحبها
فهد : مين
سلمي : فيه غيرها .. سيلا
فهد سكت
سلمي : لو بتحبها اوي كدة بتبعدها عنك ليه
فهد بحزن : مش عارف خايف تبوظ دراستها
سلمي : بس مش سبب مقنع .. انت اذيتها وانيت نفسك بسكوتك
فهد: ماما
سلمي : عيونها
فهد : انا اتجوزتها
وقفت سلمي بصدمة : اييييه
فهد بحزن : ايوة بس متقوليش لحد
سلمي بحزن زعل : ازاي يا فهد تعمل كدة.. انت اتجننت
فهد : ايوة اتجننت وخلصنا بقي
سلمي : ابوك كان حاسس وانا قولتله مستحيل يا فهد .. .. انت عملت ايه بالظبط
فهد بص في الارض باسف وسكت
سلمي بخوف : فهد متسكتش كدة متخوفنيش
فهد بغضب : اهو اللي حصل حصل بقي مش كل شوية حد يجي يقولي كلمتين كفاية بقي
———-
حسام : سيلا حببتي ، انتي كويسه
سيلا دموعها نازلة في صمت مخيف
حسام : اتجوزك صح
سيلا عيطت بصوت عالي : فهد
حسام بحزن : فهد عمل ايه
سيلا بصوت متقطع : انا بكرهه
حسام : عمل ايه احكيلي وهجيبلك حقك
سيلا بدموع : عمو انا مش عايزة اشوفه تاني ، ابعده عني
حسام بيطبب عليها بحزن : حاضر متخافيش ، طب هو اتجوزك ازاي
جنة بدموع : خلاني امضي علي الورق بالعافية ، كان هيموتني بالمسدس وبعدها اخدني ل …سكتت سيلا بخوف و رهبة ومقدرتش تكمل باقي الكلام بعد ما افتكرت تهديده ليها
حسام بشك : واخدك فين
سيلا بخوف: ماخدنيش في حته بس كدة
حسام : حببتي لو فهد عمل فيكي حاجة هجيبلك حقك قدامك .. بس ساعديني افهم
سيلا بدموع : لا معملش
حسام بشك اكبر : متأكدة
سيلا: اه متأكدة .. انا عايزة اخرج من هنا
حسام : طيب حاضر هخرجك . هاروح اقولهم عشان تخرجي
—–‐-‐—–
خرج حسام
بيجاد بغضب : فيه ايه يا حسام ، انت عارف حاجة ومش عايز تقولي
جاد : بيجاد مش كدة الكلام ، براحة وهنفهم اللي حصل
حسام بصله بأسف وحزن : هفهمك بعدين بس خلوها تخرج من هنا عشان متضايقة
بيجاد بغضب : ماشي يا حسام نبقي نشوف
رجعوا كل واحد بيته بعياله ماعدا حسام فضل مع بيجاد
سيلا نامت في اوضتها وجنة قاعدة جنبها
بيجاد بص ل حسام وخرجوا برة في الصالة
بيجاد : فهد عمل ايه
حسام بأسف : بيجاد انا اسف ، انا اللي فارق معايا سيلا زيك بالظبط ، فهد معرفش بقي عصبي كدة من امتي ومتهور
بيجاد : فهد عمل ايه يا حسام الله يخليك انا هموت من القلق
حسام : اتجوزها.
بيجاد بصدمة : مش فاهم
حسام بحزن : قالي انه اتجوزها وسألت سيلا قالت مضت علي ورقة تحت تهديد فهد
بيجاد قعد عالكرسي قي دهشة من تصرفات فهد
حسام : بيجاد انت صاحبي وعارف ان سيلا بعتبرها بنتي ، بلاش تزعلها .. السبب فهد وانا هتصرف هخليه يجيب الورق ده
بيجاد : انا كنت هحط بنتي امانة في رقبته لو حصلي حاجة ازاي يعمل كدة فيها
حسام : بيجاد انا عايزك تتأكد من حاجة
بيجاد بصله بعدم استيعاب
حسام : فهد مقالش حاجة غير انه اتجوزها ، بس هي مخبية حاجة .. لو عرفت حاجة منها قولي عشان نتصرف صح
بيجاد بهدوء مريب : حسام روح لابنك افهم منه ، بس انا مش هسامحه علي اللي عمله في بنتي ، اتصرف معاه خلينا ننهي الموضوع ده
حسام : اكيد طبعا انا ناوي علي كدة .. انا همشي بقي .. وابقي طمني علي سيلا
———-
فهد قاعد في اوضته حاسس بحزن شديد : انا ازاي اعمل فيها كدة ، يخربيتك يا ياسمينه انتي السبب ، مكنتش عارف اثبتلها اني بحبها غير بكدة ، انا دايما بتصرف من غير ما افكر كدة .. انا لازم اشوف سيلا ، مش هصبر اكتر من كدة
خرج فهد من الشقة وراح لسيلا
جنة قربت من بيجاد : حبيبي حصل ايه
بيجاد بصوت مخنوق : اتجوزها يا جنة
جنة : يالهوي، اتجوز ايه وازاي
بيجاد : خلاها تتجوزه بالعافية .. ومش بس كدة هو عمل فيها حاجة اكيد.. مشوفتيش منظرها كان ازاي لما رجعت معاه
جنة : تقصد انه …
بيجاد : ايوة ، حاولي تكلميها عالاقل نطمن
جنة بكسرة : يارب استرها
بيجاد بغضب : والله ما هسيبه
جنة : حبيبي احنا كلنا عارفين ان فهد بيحبها .. اكيد حصل حاجة او سؤء تفاهم .. خلينا نفهم الاول اللي حصل
بيجاد : مش عارف يا جنة كل ما افكر انه كان بيأذيها وانا كنت سايبها معاه لاني واثق فيه احس بالقهر.. مش مستوعب فهد يعمل حاجة زي كدة
جنة : حبيبي خير ان شاء الله.. وبعدين انت مش فاكر عملت فيا ايه .. يمكن قصة حبهم هتبدأ من دلوقتي
بيجاد حضن جنة وباسها : انا اسف اني اذيتك زمان ، اسف ، انا مكنتش حاسس بيكي وقتها ، كل هدفي كان اني اخليكي ملكي
جنة حضنته بحب : ويمكن ده اللي عمله فهد
رن الجرس
بيجاد قام يفتح : فهد
فهد بتوتر : انا عايز …
يتبع..
لقراءة الحلقة الرابعة : اضغط هنا
لقراءة باقي حلقات الرواية : اضغط هنا
نرشح لك أيضاً رواية وحدة شغف للكاتبة ندى.
