اسكريبت يوميات رحمة الحلقة الثانية 2 بقلم آية محمد علي

 اسكريبت يوميات رحمة الحلقة الثانية 2 بقلم آية محمد علي 

اسكريبت يوميات رحمة الحلقة الثانية 2 بقلم آية محمد علي

اسكريبت يوميات رحمة الحلقة الثانية 2 بقلم آية محمد علي 

– ماشي ي بابا هقسي قلبي و أي حد يطلب مني حاجه هرفضها ..حلو كداا ..

– لا مش ب الضبط كداا ..

– انا قصدي تعرفي أمته تقدمي المساعده و أمته لا .. ازاي تعرفي اللي بيستغلك و اللي بيحبك بجد ..

– حاضر اصل أنا هشم علي ضهر أيدي إيه اللي في نية كل واحد..

– عمرگ ما هتتغيري وأنا ي بنتي عندي القلب و لو اتكلمت معاكي أكتر من كداا أنا هيجيلي سكته قلبيه دلوقت ..

– طيب روح أفطر ي حج و أنا ه‍ أفكر في كلامك و اراجع نفسي ..

– تمام …صحيح هي فين المحفظه ؟!!..

– محفظه ايه ؟!!.. آه أنا عطيتها لأمي باين ..

– طيب جبتلها العلاج ؟!!..

– لا .. نسيت ..

– طيب روحي جبيهولها لانه خلصان ومامتك ليها حبايه قبل الفطار ..

– تمام ماشي ..شغلوني علي الصبح بقي ..

– ي ستي اعملي حاجه مفيده علي الصبح ..

– حاضر .. والله أما طولك ي روح

– ……***….

– صباح الخير ي ماما ..

– سيبي الخياره ..

– إيه دا إنتي هتبصلي في الخياره و بعدين هي الخياره دي كنز يعني ولا انتي جيباهه تتصوري معاهاا ..

– علشان الخياره دي اخر واحده لقيتها في درح التلاجه و سيبيها بقي علشان اكمل السلطه كفايه عليكي اللي أكلتيه منها ..

– إنتي مالك مضايقه مني كدا ليه ؟!!..

– إنتي كنتي فين من الصُبحيه كدا ؟!..

– كنت بتمشي عادي ..هو حرام اتمشي الصبح ..

– أصل مش من عوايدك يعني ..

– عادي ي ماما حسيت نفسي مخنوقه قولت اطلع اشم هوا نظيف ..

– ماشي هعديهالگ المرادي.. صحيح إنتي جبتي الدوا ؟!..

– لا نسيت بس أنا هروح اجيبهولك اهه عبال ما تخلصي السلطه ..

– تمام ..

– تمام ..هاتي المحفظه بقي علشان أخد الروشته و الفلوس ..

– محفظه إيه ؟!!..

– المحفظه اللي أنا لسه عطيهالگ من شويه ..

– محفظه !!! ..ي بنتي هو أنا شوفتك من الصبح .. أنا لسه شيفاكي اهه ..

– بجد !! .. يعني انتي مأخدتهاش مني ..

– لا !!! مش وقت كدا علي الصبح..هي ضاعت ؟!!!..

– مش عارفه ضاعت.. ولا اللي اتعاركت معاه  ع الصبح داا هو اللي سرقها هو شكله اللي سرقهاا .. أصلا هو باين عليه انه حرامي و متنكر ورا العربيه الفخمه اللي راكبهاا ..

– ي دماغي و صحتي اللي اتخربوا منك ..

– اهدي ي ماما أنا هرجعلك المحفظه …هو الأخ داا انا شفته داخل الشركه بتاعت التكنولوجيا اللي في مدينه نصر دي .. انا هروح اخد المحفظه منه و اعرفه ازاي يسرق بعد كداا …

صمتت الأم ولم تنطق …

……””*…..

– انتي ي أنسه هي وكاله من غير بواب …

– بص وسع كداا أنا مش فيقالك علي الصبح ..

– هو إيه اللي مش فيقالك علي الصبح دي ..متلتزمي حدودك ولا انادي علي الحراس يرموكي براا ..

– الله !!! …بدم انتوا منظمين كدا من برا و حراس و لبس هاي ف انتوا ليه مش نظاف و منظمين من جوا ..صفوا قلوبكم  ؟!!…

– إنتي بتقولي إيه ؟!..و بعدين  إنتي عايزه مين هناا ي آنسه ..

– بص أنا عايزه صاحب العربيه اللي هناك دي ..

– دي عربيه ” سامح ” بيه إبن صاحب الشركه ..

– الله الله !!! .. دا انا هخلي نهاره زي وشه النهارده بقي عنده الشركه دي كلها و يسرق .. ” تقولها متمتمه” ….

– إنتي بتقولي ايه ؟!!..

– بص أنا عايزه صاحب الشركه داا ..و دلوقت حالا…

– يعني انتي واخده معاك يعني ..

– لا ..بس أنا هقابله يعني هقابله ..سواء بمعاد او بغيره 

– علي فكره إنتي وجعتيلي دماغي .. أنا هبلغ حضرته بوجودك وانتي و حظك بقي ..

– تمام ..يلاا اخلص ..

– ……

– ألو .. في ي فندم آنسه براا ..عايزه حضرتك ..

– مين دي ؟!! ..

– اسمك إيه ي آنسه ..

– إسمي رحمه ..

– إسمها رحمه حضرتك ..

– كانت واخده معاد يعني ؟!! ..

– لا ي فندم ..

– طيب هي عايزه إيه ..

– إنتي عايزه من حضرته إيه ؟!! …

– أمر شخصي ..و أخلص بقي ..

– بتقولك أمر شخصي ي فندم ..

– أمر شخصي ؟!! .. تمام دخلها أما نشوف حكايتها إيه ..

– تحت أمرك ي فندم ..

– أتفضلي ي آنسه..

– مكان من الأول ..

– ……….

– عندما دخلت رحمه إلي غرفه المدير التنفيذي للشركه وجدته يجلس علي كرسي ضخم و موجه لها ضهره ..

– رحمه :- ي تري أنت مش عايز تبصلي علشان ندمان علي سرقة المحفظه مني ..ولا أنت بارد ..

– ……صمت 

– مالك ما تتكلم انت ما بتتكلمش ليه ..هو انا هفضل اتكلم كدا لوحدي ؟!!..

– ….صمت ..

– بقولك إيه لو مكنتش تعطيني المحفظه هروح أعمل بلاغ ضدك في مركز الشرطه .. أنا مش هخاف منك أنا بقولك اهه..

– ….. ثم استدار سامح إليها …

– سمعيني بقي كلامك تاني كداا ..

– ايه داا أنت مين ..

– أنا اللي سارق منك المحفظه مش إنتي بتقولي كداا ..

– لا مش انتي .. دا التاني ..

– بجد !!.. التاني ..

– اااا ..ايوه التاني …

– طيب انا ممكن بقي أعمل بلاغ ضدك إن انتي جايه تتهجمي عليا في شركتي و بتتهميني ب اتهام كاذب ..

– انااا …ااا ….ما يمكن أنت مشترك معاه ..

– إنتي متخلفه ؟!!! ..

– لا مهي لعبتكم مش هتمشي عليا بردوا …

 يالهووي ي رحمه إنتي بتعملي إيه ، أجري بسرعه ” تقول متمتمه ” 

 يقطعهما صوت من خلفهماا ..

 – اتفضل ي فندم الملفات اللي حضرتك كنت طالبها مني ..

 – هو انت ؟!!..

 – اوبس .. انتي إيه جابك هناا ..هو إنتي متأجره عليا النهارده ..

 – والله الكلام دا تقوله لنفسك ..

 – هو أنا عملت ايه ؟!! ..

 – رحمه موجه الكلام الي سامح :- حضرتك هو داا اللي سرق مني المحفظه الصبح ..

 – سامح :- إنتي بتقولي إيه ..مستحيل محمد يعمل كداا ..

 – محمد :- والله ي فندم دي بنت بتاعت مشاكل وأنا ما سرقت منها حاجه ..

 – رحمه :- أنت هتتمسكن ..

 ليقطعهما للمره الثانيه صوت رنه تليفون رحمه ..

– رحمه :- ثواني بس ارد علي ماما و ارجعلكم ..

– سامح و محمد في صوت واحد :- والله مجنونه ..

– ……

– ماما رحمه :- ي رحمه المحفظه أنا لقتها علي مكتبك ..

– رحمه بصدمه :- بجد !!! ..

– ايوه ..تعالي بقي بسرعه علشان نفطر أنا بعت اخوكي يجبلي العلاج .. لاني لو اعتمدت عليكي عمره مهو جاي..

– رحمه :- تمام ي ماما أنا جايه اهه ..سلام …

-…….

– رحمه :- يلا بقي استأذن انا ..

– سامح و محمد بصوت واحد :- طب و المحفظه ..

– رحمه :- يلا بقي ربنا يعوض علياا فيها .. أنا همشي بقي علشان الحق أفطر مع العيله .. سلام ..

ثم تمشي و كأنها عباره عن لوح زحاج …

– رحمه لنفسها :- أجري ي رحمه ..

– ……

– محمد :- دي ي فندم شبه البلوه اللي بتحصل للواحد علي الصبح كداا من غير أحم ولا دستور ..

– سامح :-ههههه ..يلا سيبك منها و كمل باقي شغلك ..

– محمد :- تمام ي فندم ..بعد إذن حضرتك ..

– سامح لنفسه :- لذيذه قوي رحمه دي ..

يتبع..

لقراءة الحلقة الثالثة : اضغط هنا

لقراءة باقي حلقات الرواية : اضغط هنا

نرشح لك أيضاً رواية لن أتركها للكاتبة اسراء السيد.