نوفيلا نكهة حبك الفصل الثاني 2 بقلم إيمان العطار
 |
| نوفيلا نكهة حبك الفصل الثاني 2 بقلم إيمان العطار |
نوفيلا نكهة حبك الفصل الثاني 2 بقلم إيمان العطار
بعد مرور اسبوع كانت ريماس جالسه بحديقه منزلهم مع صديقتها مريم يتناقشون في كيفيه عمل البحث المطلوب منهم في الكليه…
__ ايه ده مش تقولي ان القمر عندنا
ريماس بخضه….. يخربيتك انت بتطلع منين
مريم …. اذيك يا ميرو انا بسال عليك من ساعه ما جيت
عمر…. معقوله القمر بيسال عليا
ريماس… يااد اسكت انت بتعاكس في صاحبتي وانا قاعده
عمر…. ملكيش دعوه اطلعي منها انتي مش كده يا مريومه
مريم بضحك…. بصراحه ااه ملكيش دعوه
ريماس….. ما انتي صايعه ركزي يا اختي في الي ورانا خلينا نشوف هنهبب ايه هنسقط يخربيتك
مريم… وانا هعمل ايه انا كان مالي ومال قسم مساحه وزفت
عمر… ما ترسوني علي الحوار وانا هساعدكوا
ريماس …. انت لا الله الغني
عمر بغمزه….. طب جربيني
شرحت مريم لعمر البحث المطلوب منهم
عمر…. بسكدا انا عندي الي هيعملوا ليكوا
ريماس…. مين يا فالح
عمر…. مروان
ريماس….. قوم يا عمر من هنا وايه هيفهم مروان اخوك في شغلنا اصلا
عمر…. يا بنتي مروان مهندس جامد جدااا وكل شغله في المواقع وحاجات زي الي انتوا بتعملوها ده غير انه مهندس استشاري وبيحضر الدكتوراه كمان يعني كل ده كلام تافه بالنسباله
مريم بفرحه…. بجد يا ميرو طالما هيعرف ما تودينا ليه يلا
ريماس…. لا لو اخر واحد في الدنيا مش عايزه اخوك البارد ده يساعدني
عمر… انا اخويا بارد مسمحلكيش علي فكره انتي واخده منه موقف كده ليه
مريم…. عمر سيبك منها.. هو اخوك ده حلو
عمر…. يا بنتي اخويا دا جااامد تقفيل اجنبي… بس انا احلي منه انتي هتخونيني معاه ولا ايه
ريماس بغيظ….. انتي بتقولي ايه يا زفته حلو ايه
عمر…. طب يلا بينا نلحقه قبل ما يمشي
ريماس… لا مش رايحاله استحاله لو هسقط مش هروح اطلب منه حاجه انا هعمله لنفسي
نظر لها عمر ومريم بغضب
ريماس…. متبوصليش كده مش هروح انسوا…
******’********************************
__ هو انت ممكن تساعدنا… هتعرف يعني
خرجت تلك الجمله من ريماس بعد ان شرح عمر ومريم المطلوب في البحث
نظر لها مروان وتحدث بغرور… ولما انا مش هعرف جيالي ليه
مريم بعصبيه وهيا تنظر لعمر ومريم
__ شوفتوا مش قلتولكوا مش جايه انا ماشيه
تدخلت مريم في الحوار بسرعه
__ ما تقعدي بقي يا ريمو
ثم نظرت الي مروان باعجاب…. بجد يا باشمهندس حضرتك هتساعدنا اصل احنا محتاسين بقالنا اسبوع واخر معاد بعد بكره
مروان…. لا اطمني يا انسه مريم انا هساعدكوا علشان خاطرك انتي بس سيبولي الورق ده وانا هعملهولكوا وهديهولكوا بكره
ريماس… طب طالما علشان خاطرها اعملهولها هيا بقي متعمليش حاجه
مروان… براحتك مش عاملك هعمل لمريم بس
ريماس… يكون احسن بردوا
مريم بفرحه…. بجد شكرا يا باشمهندس مش عارفه اشكرك ازاي انت ذوق جداا ومحترم قووي
ريماس بهمس لمريم…. بت مالك انت بتتسهوكي كده ليه
لكزتها مريم بيدها وكل تركيزها مع مروان
مروان… لا مفيش شكر ولا حاجه اعتبروا اتعمل انا هظطر امشي علشان عندي معاد عن اذنكوا
مريم بهيام بعد ذهابه…. يخربيت حلاوه امه ايه ده ابن عمك ده قمر يابت
ريماس… انت مالك يابت كده انظبطي وبعدين هو لا حلو ولا حاجه ده بارد
مريم… يا شيخه اتنيلي لما ده مش حلو امال مين الي حلو…
***************” ” ‘*********
في اليوم التالي في منزل ريماس
دخلت والدتها عليها الغرفه
__ قومي يا ريمو كفايه مذاكره مروان ابن عمك عايزك بره
__ عايزني ليه ده… قوليله نايمه
__ بت عيييب… قومي ورايا يلا
خرجت ريماس مع والدتها كانت ترتدي بيجامه طفوليه جدااا
__ هعملكوا حاجه تشربوها لغايه ما اجهز العشا هتتعشي معانا يا مروان
__ لا يا طنط معلش مره تانيه انا جاي ادي حاجه لريماس وماشي علطول
__ لا والله ما هيحصل هتزعلني منك
__ لا مقدرش علي زعلك
دخلت والده ريماس وبقي مروان وريماس فقط
__ هتفضلي واقفه كده كتير
__ نعم قولت انك عايزني
__ مش هتكلم وانتي واقفه كده اقعدي
__ اديني قعدت نعععم
__ ده ورقك وورق مريم انا عملتهولك معاها
__ وعملته ليه انا كنت هعمله لوحدي علفكره
__ هيا دي شكرا بتاعتك
__ ما كفايه مريم شكرتك هبقي انا وهيا
ضحك مروان بملئ بفاه…. فعلا كفايه جداا بس تعرفي ان صحبتك مختلفه عنك تمام
مريم…. يا سلام ازاي بقي
مروان وهو ينظر لها من اسفل لاعلي…. يعني لبسها وشكلها غيرك حتي طريقتها يعني الي يشوفها فعلا يقول طالبه جامعيه. لكن انتي بصي لنفسك كده الي يشوفك يديكي تسع سنين بلبسك والقطتتين الي انتي عاملاهم في شعرك دول ههههههه
ريماس بغيظ منه…. وانت مالك انت البس الي انا عايراه واعمل الي انا عايزاه مطلبتش رايك…
دخلت والده ريماس بعد ان حضرت العشاء وتناولوا العشاء سويا ولكن ريماس كادت ان تنفجر من ذلك الكائن الذي امامها
بعد انتهائهم من وجبتهم استأذن مروان حتي ينزل الي منزلهم ولكن اصرت ام ريماس ان يتناول الحلوي التي صنعتها ريماس
جلسوا سويا في شرفه الصاله يتناولون الحلوي وذهبت والدتها لاحضار النسكافيه
__ علي فكره حلوه قووي تسلم ايدك
__ مرسي
__ هو انتي دخلتي مجال انتي مش حباه ليه
__ مين قالك اني مبحبوش
__ مش لازم حد يقول باين عليكي
__ عادي يعني مش حكايه مبحبوش هو مكنش طموحي بس هو جه كده بقي..،
__ وكان ايه طموحك
__ ادخل فنون جميله
__ اممم فنانه يعني..،
__ وانت
__ انا ايه
__ دخلت هندسه ليه وسافرت ليه اصلا
__ انا اصلا من وانا صغير وانا حلمي هندسه وعافرت كتير علشان اوصل للمنحه دي وخدتها والحمدلله خلصت وحضرت الماستر ونجحت فيه ودلوقتي بحضر الدكتوراه
__ امم يعني انت راجع تاني
__ اكييد هرجع… مستقبلي هناك احسن من هنا بكتيير
دخلت والدتها عليهم واستأذن مروان ونزل للاسفل
*************************
نزل مروان للاسفل وجلس بجوار عمر
عمر… شكراا يا ريس انك مصغرتنيش قدام العيال وعملتلهم البحث
مروان…. هههههههه لا يا عم احنا منقدرش نصغرك
عمر….. مروان هيا البت ريمو قافشه من ناحيتك علطول ليه
مروان…. قافشه ازاي يعني مش فاهم
عمر…. يعني زي ما بتشوفها كده
تذكر مروان منظرها الطفولي وابتسم …. علشان هيا زيك متفرقش عنك كتير
عمر….. احنا فعلا بينا حاجات مشتركه كتير
مروان….. طب يلا بقي ادخل ذاكر شويه وكفايه لعب
عمر…. اوك سلام
***********” ” ” ” ‘********’
تاني يوم داخل الحرم الجامعي
مريم بفرحه…. ياااه يا ريمو انا فرحانه قوووي واخيرا سلمنا البحث خلاص كده دا انا كنت فقدت الامل
ريماس…. ااه الحمد لله
مريم… بس ابن عمك دا طلع جامد انتي لما حكتيلي مقولتيليش انه مز كده يا بت
ريماس…. ما تبطلي بقي طريقتك دي هو عادي علي فكره
مريم… عادي ايه انتي كمان….. ايه دا لا مش معقول
ريماس…. ايه في ايه يا بت
مريم….. بصي شوفي مين الي هناك ده وربنا هو
ريماس…. هو مين ده يا بت انتي تنحتي كده ليه
مريم….. طب بصي
التفتت ريماس الي حيث تنظر مريم
__ دا مروان ايه الي جابه هنا
__ تعالي نسلم عليه ونشكره
__ بس يا بت انتي اتجننتي لا طبعا يلا بينا من هنا
__ استني بس ده شكله جاي علينا
اقترب مروان منهم ووقف امامهم مباشره
__ اذيكوا ده ايه الصدفه الحلوه دي
__ الحمد لله يا باشمهندس ده انا كنت لسه بقول لريمو اني عايزه اشكر الباشمهندس جدااا علي تعبه معانا
مروان…. لا مفيش شكر ولا حاجه.. ولو عوزتوا اي حاجه تانيه انا موجود
تحدثت ريماس باندفاع… هو انت ايه الي جابك هنا
مروان بضحك… وانتي عايزه تعرفي ليه
ريماس…. لا ابدا اصلها غريبه
مريم… طب انا همشي انا بقي علشان اخويا جه وبيرن عليا سلام يا باشمهندس..، ريمو هبقي اكلمك
ريماس…. اوك
مروان….. يلا بينا احنا كمان نمشي ولا لسه وراكي حاجه تانيه هنا
ريماس باستغراب…. احنا مين الي هنمشي انا هروح لوحدي وانت شوف انت كنت جاي ليه
مروان… لا ما انا شوفت الي انا جاي علشانه
هنا فهمت ريماس انه يقصد مريم بكلامه وانه حضر هنا حتي يراها
ريماس…. امممم طب عن اذنك
مروان بعصبيه… انا قولت هنروح سوا بطلي عند في كل حاجه
ريماس… مش عند بس انا مبركبش مع حد غريب
مروان…. كمان خلتيني حد غريب..، خلي بالك انا مطول بالي عليكي لغايه دلوقتي بس بعد كده هتلاقي وش تاني
ريماس… انا ماشيه وابقي وريني الوش التاني
مروان…. طب ابقي جربي واتحركي خطوه والله اشيلك في وسط الجامعه واركبك العربيه غصب عنك… روحي اركبي باحترامك احسنلك
**********” ” ” ***********
__ اوعي تفتكر اني ركبت معاك علشان خوفت من كلامك.
ابتسم مروان…. ايه ده بجد هو انتي مخفتيش
__ لا مخوفتش طبعا..
__ امال ركبتي ليه
__ علشان انت ابن عمي بردو وانا مرضتيش اعمل مشكله معاك في الجامعه وكده.. كان ممكن يفصلوني بسببك
__ دلوقتي بقيت ابن عمك يعني كنت من شويه حد غريب
__ ايوه ما هو انت ابن عمي بس غريب ما هو انا لسه عرفاك من يومين.. وانا معرفش ولاد عم غير عمر
__ ظروفنا جت كده فعلا.. انا اخر مره شوفتك فيها كان عندك خمس سنين بس كنتي هاديه اتعلمتي العند واللماظه دي امتي
__ وانت كنت بارد ورخم
__ هو مين دا الي بارد ورخم
__ الله مش انت الي بدات… انت وقفت هنا ليه هترميني في النيل
__ هههههههههه لا مش للدرجادي..، هنتغدي سوا
__ لا انا عايزه اروح مش عايزه اكل
__ براحتك… خلاص انا هنزل اكل وانتي خليكي في العربيه
نزل مروان وعاد بعد قليل يحمل اكياس بيده
__ جبتلك وجبتك المفضله وجبت لنفسي وهناكل سوا بردوا
__ وانت عرفت منين وجبتي المفضله
__ وكاله رويتر الي في البيت سالته وقالي
__ هههههه عمر
__ طب ايه مش هناكل
__ هظطر اكل بقي.، بضعف قدام ماك بصراحه
يتبع..
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية دموعها ملاذي للكاتبة مريم حسني
