رواية ولما لا نعيش البارت الثاني 2 بقلم تسنيم خالد

انتي مين؟ 

دي الانسه اللي جبتك هنا

كانت بنت في العشرينات او قريبه للتلاتين،جميله وشعرها طويل واسود وعيونها عسلي 

اه أنتي بقاا إللي انقذني حياتى، ليه عملتي كدا، ليه جبتيتي….. ياريتني كنت مت وارتحت بقا 

طب والناس اللي بتحبك هتسيبهم لمين 

انا مليش حد….. كانت هي كل دنيتي واهلى وخلاص بقت ملك حد تاني… 

امممم….. طب قولى انت اسمك اي 

انا عمر 

وانا فريده….. بتشتغل اي يا عمر 

ههه انا عاطل… مفيش شغلانه مسكتها الا وفشلت فيها 

مش مهم النجاح اوله فشل 

وهيفيد اي اني انجح خلاص كل حاجه انتهت 

لا منتهتش مش لازم ننجح علشان حد…… احنا بننجح عشان احنا حابين ننجح 

معاكي حق 

طيب انت باين عليك شخص كويس، عشان كدا هعرض عليك عرض……. وانك تشتغل معايا 

اشتغل معاكي…… هشتغل اي؟؟  

طيب يلا نخرج من المستشفى ادام صحتك بقت تمام والدكتور قال انك سليم ومفكش حاجه 

ماشي…. اتفضلي 

تسمحلي اعزمك على العشا بصراحه جعانه اوى ومكلمتش من الصبح 

بس… انا مش جعان مليش نفس 

مستحيل هناكل سوا 

وفعلا مشينا ورحنا مطعم وكان واضح انه غالي، وبعدين طلبت اكل وقعدنا كلنا 

اي بقا الشغل؟ 

انا عندى مصنع ملابس وشركه صغيره كدا وبنصدر الملابس دى لبلاد برا 

وانا هشتغل اي معاكي 

هتبقا مدير العام للشركه دى وكمان مشؤل عن حاجه هناك 

معقوله…….. بس مش غريبه انك اول مره تشوفيني وتعرضي عليا العرض دا؟ 

انا بعرف احكم كويس من نظره وحده على الناس، وواضح انك جدع وشاطر واكيد مش هتخذلني 

انا مش عارف اقولك اي بجد، بس حقيقي انا هفضل احاول واجتهد عشان مخذلكيش يا انسه فريده 

خليها فريده بس احنا خلاص بقينا شغالين سوا واصحاب ولا اي 

دة شرف ليا 

الشرف ليا يا عمر… اتفضل ده الكارت بتاعي وبكرا تستعد لانك هتمسك الشغل من بكرا 

من النجمه هتلاقيني عندك.. 

                  *************** 

وفعلا روحت الشركه واشتغلت مع فريده….. كانت ست جميله وحنونه وكل الناس بتحبها…… عدى شهر وانا معاها وبنستشير بعض في كل حاجه، كانت معايا ديما وانا كنت بسعى اني مخذلهاش واعمل اللي قدر عليه عشان اكبر شركتها…. لحد ماجه في يوم ولقيتها واقفه مع واحد في مكتبها وبتحضنه وبتقوله وحشتني 

معقوله يكون حبيبها او جوزها….. بس دة باين انه كبير عليها وبعدين هي مقلتليش انها متجوزة وكله بيقولها يا انسه….. امال مين؟ 

ازيك يا فريده 

تمام يا عمر عندنا صفقه مهمه النهارده اوعي تنسى المعاد 

لا متقلقيش انا فاكر كويس… 

تمام 

فريده معلش سؤال بس 

ها؟ 

هو مين اللي كان هنا من شويه 

اه دة بابا…… شاكر امجد البحيري….. صاحب اكبر شريكات البحيري. 

ياه دة ابوكي دة غني اوى وعنده شركات مشاء الله يعني 

اه هو بابا 

طيب ليه مش بتشتغلي معاه وليه بتقوليله وحشتني….. انتي مش ساكنه معاه 

لا انا حبيبت ابدا من الصفر واعتمد على نفسي…… عشان كدا من عشر سنين تقريبا كان معايا مبلغ قليل كنت مجمعاه اشتريت بيهم كذا مكنه خياطه وابتديت اجيب الستات الارمال والمطلقات واي ست ملهاش حد واشغلهم عليهم وحده وحده وبقا عندى مصنع وشويه وبقا عندى شركه ومصنع والمشغل كبر وبجهز في التاني اهو 

ياه عشر سنين….. ليه انتي عندك كام سنه لكل دا 

تديني كام؟ 

لو على شكلك يبقا عشرين ولو على اجتهادك واللي حكتيه يبقا 40 

لا ???? لا دة ولا ده. انا عندى 30 

بس فعلا شابوه ليكي لكل اللي انتي فيه دا 

بس برضو لولا بابا مكنتش هوصل لحاجه هو كان بيساعدني كتير 

اكيد 

طيب المعاد قرب  يلا نمشي ومتنساش لان في موضوع عاوزة افاتحك فيه 

تمام 

وفعلا خلصنا الصفقه والناس مشيت وطلبنا اكل كالعاده، وفريد ابتدت تتكلم 

بص يا عمر انا عاوزة افاتحك في موضوع كدا، 

اتفضلي 

من حوالي ست شهور اتعرفت شاب وحبيته اوى اوى لدرجه متتخيلهاش واتجوزنا   كان عميني وهو كان الطف حد قبلته في حياتي وفجاه كان مسافر وعمل حدثه كبيره وتوفي….. من صدمتي قعدت شهر مصدومه ومبتكلمش. وبعدين اكتشفت اني حامل كنت فرحانه اوى على الاقل ذكري منه …..

بس الناس بتقولك يا انسه ليه 

 كل اللي حكتهولك دا وقتها كنت مسافر اوربا ومحدش كان عارف اني اتجوزت اصلا ولو كنت رجعت وقولت اني اتجوزت طب فين جوزي هيصدقو انه مات فعلا؟ الناس مش بترحم وكل اللي اساسته كان هيروح 

كملي 

انا عملت الفحوصات كلها والدكتورة اثبتتلي اني نسبه كبيره مخرجش من عمليه الولاده عايشه……. يعني ممكن اموت وانا بولد 

معقوله طب ليه مفيش حل يعني 

لا يا عمر ومش مهم اهم حاجه ابني……

طب وليه حكتيلي 

عمر…… تقبلي تتجوزني 

اي…..