رواية عشقت ميمونة الفصل التاسع والعشرون 29 بقلم هاجر محمد

صدح صوت ضحكات مالك وحمزه حينما رأو ميمونه تمسك ببرونة ممتلئة بحليب وتمسك دمية من القماش وكأنها تبكي وهي تحاول اسكتها و:- خلاص يافرح بقي خلاص ياقلب ماما هششش بابا جاي دلوقتي وهيجيب شيكو… صمتت ميمونه ورفعت راسها علي صوت ضحكتهم الصاخبه لتتفاجأ بهما وهما يقفان علي علي الباب

نهضت ميمونه بحرج والقت بتلك الدمية و:- ا ا انتم ه ه هنا من إمتي

دخل حمزه وأخذ الدمية عن الأرض و:- كده ترمي حبيبة خالو في الأرض

ضحك مالك وواصل معه مزاحه و:- حبيبة بابا شكلها تعبت ماما جامد النهارده مش كده ياميمو

ميمونه بغيظ و:- هتفضلوا تتريقوا عليه كده كتير إنتم الاتنين يعني

حمزه :- نتيرق لا سمح الله ليه كده إحنا بس صعبان علينا اللي فرح عملاه فيكي والتفت إلي الجه الاخري يكتم ضحكاته وضحك أيضا مالك مما أثار غضب ميمونه وضربت علي الارض بغيظ وصعدت إلي أعلي

عشقت ميمونه. هاجر محمد. حبيبة

لكز مالك حمزه و:- عاجبك كده أهو علشان تتصالح لازم ليها قد اللي معانا ده عشر مرات

حمزه :- طب اطلع صالحها وأنا هسكت فرح هههههه

ضحك مالك وضربه بخفه و:- طب خد بالك منها علشان لو عيطت ميمونه ممكن تاكلك

* صعد مالك ودخل الغرفة بثقل وحذر ليجد ميمونه تجلس علي الفراش والدموع متجمعه في عينيها وتبكي.. أسرع مالك وجلس أمامها وأمسك بيدها بقلق :- ميمونه والله كنا بنهزر وما تخيلناش الموضوع يقلب عياط كده

ازدادت ميمونه في البكاء :- ب بس أنا ما كنتش بهزر و ك كنت متخليه إنك لو جيت وشوفتني هتعمل غير كده

مالك بابتسامه بسيطه :- هعمل ايه ميمونه دي لعبه

اعتدلت ميمونه في جلستها و:- ب ب بس بالنسبه ليا ما كانتش لعبه كانت تجربه هتعامل إزاي مع بنتنا أنا خايفه تضيع مني أو إني مش اشوفهاش وحاسه جامد بكده

جذبها مالك إلي أحضانه بسرعه وحاوطها بذراعه بلهفه و:- بعد الشر عليكم ربنا يحفظكم ليا من كل شر ميمونه بلاش الكلام ده لأن ده الشيء الوحيد اللي يكسرني بجد علشان خاطري بلاش تقولي كده تاني

غيرت ميمونه الكلام و:- هو حمزه جاي بتغدي معانا

مالك :- أيوه كنت جايبه علشان تفرحي بس حصل العكس ودموعك نزلت بسببي

عشقت ميمونه. هاجر محمد. حبيبة

ابتعدت ميمونه عنه ومسحت دموعها ورسمت ابتسامه زينت ثغرها ووجها البشوش و:- مين قال إني مش فرحانه فرحت جدا.. بس للاسف ما فيش اكل هنا خااالص

رفع مالك حاجبيه و:- والاكل اللي أمي جايباه امبارح

بللت ميمونه شفتيها ووضعت يدها علي بطنها و:- خلصته

مالك بدهشه :- كله كله !!!

ضغطت ميمونه علي شفتيها وهزت رأسها و:- اممممم كله كله

مسح مالك علي رأسها و:- بألف هنا وشفا.. تعالي انزلي اقعدي مع حمزه وأنا هجهز أكل

ميمونه :- يلا وهنعمل أنا وانت مع بعض وخلي حمزه يقعد مع فرح

_هههههه طب يلا أصل فرح صوتها بتعيط تحت

ضحكت ميمونه وضربته بخفه و:- برضه بتتريق وامسكت بذراعه وخرجت مع مالك واتجهت معه إلي الأسفل لتحضير الغداء

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

في عند أمينه عاد صهيب بعد منتصف الليل وهو منهك بشده والقي بنفسه علي الاريكه بالأسفل وبعد فتره أتت أمينه وحاولت ايقاظه و:- صهييب صهييييب

همهم صهيب بتعب و:- هممممم

أمينه :- اصحي عايزه اتكلم معاك شويه

تقلب صهيب وأعطاها ظهره :- خليها الصبح ياماما مش قادر افتح عيني خالص دلوقتي

أمينه بحده :- والصبح مستعجل وعندك شغل اصحي دلوقتي أنا مستنياك من بدري قوم اتعدل وكلمني

اعتدل صهيب جالسا وهو يقاوم النعاس و:- أيوه ياست الكل إيه المهم اللي ما ينفعش تصبري عليه

أمينه :- أم سجود كلمتني النهارده وكلهم زعلانين منك يابني

صهيب :- ليه ياماما أنا اتكلمت أنا وسجود وظبطنا كل حاجه ما فيش داعي تقلقوا ولا تزعلوا

أمينه بضيق :- يابني الفرح اتأجل كذا مره ودلوقتي اكدتم الميعاد بعد 3 شهور وانت ولا كأنك العريس لا الشقه خلصت ولا بتروح تسأل ولا تشوف وكأن الموضوع ما يخصكش

عشقت ميمونه. هاجر محمد. حبيبة

صهيب :- اي حاجه سجود هتختارها هتعجبني لكن أنا اليومين دول مش هينفع اسيب الشركه خالص واحتمال يتأجل الفرح تاني لاني محتاج لكل قرش دلوقتي في الشركه

أمينه باعتراض :- لا طبعاً جوازك أهم من أي حاجه وكل حاجه هتتاجل علشانه بعد ولادة ميمونه إن شاء الله فرحك هيتم وبكره هتنزل مع حماتك وسجود تشوف هيجيبوا إيه ولو حد من بيت حماك اشتكي منك تاني هخليك توقف شغل الشركه كله لبعد جوازك

صهيب :- مااااما بجد انا مش فاضي ومش هقدر اسيب

قاطعته أمينه بحزم وهي تشير بكفها في وجهه و:- صهييييب أنا مش هعيد كلامي تاني نام دلوقتي وجهز نفسك بكره هتروح مع سجود وامها سااامع

تركته أمينه ورحلت لينفخ هو بغضب… اخرج هاتفه وطلب سجود أكثر من مره حتي ردت عليه بصوت ناعس و:- السلام عليكم

صهيب :- وعليكم السلام ورحمة الله وبركاته صحيتك

سجود وهي تتثاوب و:- لا كويس إنك اتصلت أنا كنت هصحي علشان أذاكر وافضي لمشوار بكره اكيد طنط أمينه قالت لك

صهيب :- أيوه قالت لي بس انا قايل لك إني مشغول ياسجود يبقي ليه تخلي حد يشتكي لماما

سجود بحده :- علشان اللي بيحصل فوق احتمال أي حد إنه يسكت عنه أنا سمعتك وعذرتك بس مش معني إنك تركني علي الرف خالص ولو مش عايز تيجي ما تجيش ولو عايز تلغي الفرح خالص الغيه علشان خاطر تفضي للشركه واتجوز شركتك أحسن سلام عليكم وأغلقت الخط بوجهه دون الاستماع لرده

ألقي صهيب الهاتف في الأرض بقلة حيله واستسلم لسلطان النوم الذي داهمه من فرط تعبه….

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

في منتصف الليل استيقظت ميمونه بقلق فوجدت مالك يصلي قيام الليل قامت وتوضأت وأتت بجانبه وصلي الاثنين معا عدة ركعات وبعدها جلس مالك أمامها وأمسك بكفها بين يديه وقبلها ثم نظر إليها بابتسامه و:- عيونك مليانه خوف لدرجة انك مش عارفه تنامي

عشقت ميمونه. هاجر محمد. حبيبة

رفعت ميمونه كفها الاخر علي يده وانحنت وقبلتها و:- أنا ما ينفعش أخاف ونفسك بيحميني من كل جهة

نهض مالك واخذ ميمونه من يدها واتجه بها ناحية الفراش وساعدها علي نزع إسدال الصلاة وبعدها تمدد علي الفراش واخذها بين أحضانه و:- سامعك

رفعت ميمونه رأسها بحاجب مرفوع و:- عايز تسمع إيه أنا كويسه

داعب مالك خدها بأطراف أصابعه و:- ميمونه عارفه إنتي حاطه دماغك دلوقتي علي قلبي وأنا ايدي محطوطه علي قلبك والاتنين دول مش بيخبوا علي بعض وعارفين إيه اللي جواكي بس أنا عايز اسمع منك إنتي

أبتسمت ميمونه ابتسامه بسيطه و:- خلي قلبك يقولك

مالك :- قولت لك عايز اسمعك يلا قولي بقي

أخذت ميمونه يده وحركتها علي بطنها المنتفخه و:- خايفه على اللي هنا مش عارفه إيه سبب الخوف بس أنا خايفه… رفعت وجهها إليه وترقرقت الدموع في مقلتيها و:- مالك هو أنا ممكن أموت وأنا بو

قطعها مالك سريعاً و:- بعد الشر عليكي ربنا ياخد من عمري ويديكي دي أوهام علشان أول مره تولدي لكن إنتي كويسه وإن شاء الله ربنا مش هيبتليني فيكي لانه عارف إنه هبقي فوق احتمالي

ميمونه :- بس يعني لو حصل هتفضل فاكر ميمونه

أعاد مالك يد ميمونه علي قلبه و:- عارفه ده بيدق علشانك ومالك نفسه حياته كلها عايشها علشان إنتي فيها… أنا لو خسرتك يبقي خسرت عمري وقلبي وحياتي

ضمته ميمونه ودست رأسها في عنقه و:- أنا بحبك أوي مش عارفه أوصف لك ده إزاي بس أنا أسعد واحده في الكون كله وأكتر واحده محظوظه كمان علشان بقيت مراتك وربنا أنعم عليه إني أشيل حاجه منك جوايا ربنا يديمك لقلبي

قبل مالك رأسها :- ويديمك تاج علي راسي وملكه لقلبي

*شددت ميمونه من احتضانه وابتسم بإطمئنان لسماع كلماته العذبه التي رطبت قلبها وازالت الخوف منه……

*في صباح جديد استيقظت ميمونه وهي تشعر بألم شديد في بطنها وظهرها فصرخت بصوت مكتوم و:- امممم اه م م مالك

_في هذا الوقت كان مالك يرتدي ملابسه استعداداً للخروج وما إن سمع صوتها حتي أسرع إليها و:- ميمونه مالك ياقلبي

بدأ وجه ميمونه يتلون من فرط المها والعرق يتصبب من أنحاء جسدها و:- ت تعبانه.. تعبانه أوي آآآه

امسك مالك بيدها و:- بس لسه بدري علي ميعاد الولاده

ضغطت ميمونه علي يدها و:- مش عارفه يامالك آآآآآه الحقني يامالك هموت مش قادره آآآه

دب الخوف في قلب مالك فترك يدها وقام سريعاً احضر لها ملابسها وساعدها في ارتدائها بصعوبه وبعدها حملها وذهب بها إلي المستشفي وهو يسابق الريح وصوت صرخاتها يتعالي

*في المستشفي خرج طبيب النسا بعد فحص ميمونه بسرعه و:- جهزو غرفة العمليات بسرعه لازم ولاده حالا

مالك بخوف :- ولاده دلوقتي.. بس ده لسه فاضل شهر ونص علي ميعاد الولاده

الطبيب :- للأسف يادكتور مالك الجنين لو فضل ساعة واحده كمان حياته وحياة الأم هتبقي في خطر بعد إذنك

عشقت ميمونه. هاجر محمد. حبيبة

*بعد تجهيز غرفة العمليات أخدوا ميمونه التي تمسك بيد مالك وترفض أن تتركها و:- مالك م م ما تسبنيش

مالك بدموع و:- معاكي وعمري ما هسيبك وزي ما قولت لك ما تخافيش وان شاء الله هتخرجي لي انتي وفرح بألف سلامه وتفرحوا دنيتي

غرست ميمونه أسنانها في شفتيها السفليه تقاوم الألم و:- ي يارب يارب يامالك

قبل أن تدخل ميمونه غرفة العمليات وصل حمزه وهو يلهث ويلتقط أنفاسه بصعوبه واتجه ناحية و:- ميمونه

التفتت ميمونه اليه بابتسامه تقاوم بها الألم و:- حمزه… الحمدلله إني شوفتك قبل ما ادخل خليك جنب مالك اوعي تسيبه

قبل حمزه يدها و:- اخرجي لينا بالسلامه إنتي وفرح

دخلت ميمونه إلي غرفة العمليات ومالك وحمزه علي بركان في الخارج

بعد فتره اتي صهيب يركض وخلفه أمينه تمشي علي قدر استطاعتها

وقف صهيب إمام مالك يلتقط أنفاسه بصعوبه و:- إيه اللي حصل وإزاي ميمونه بتولد دلوقتي

مالك بملامح باهته وأعينه تلمع فيها الدموع و:- مش عارف ياصهيب الدكتور قال لازم تولد حالا

أمسكت أمينه بيده و:- خير ياحبيبي ان شاء الله ربنا يطمنك عليها وعلي بنتك

تعلق مالك بأمينه وضمها بقوه وهو يبكي و:- المهم هي أنا مش عايز غير ميمونه وبس مش عايز غيرها

مسدت أمينه علي ظهره بحنان و:- انت قلقان علشان أول مره بس لكن يابني في ناس كتير بتولد في السابع إن شاء الله خير

مالك برجاء و:- يارب يارب بأمي

*ابتعد مالك عن أمه واخذ جانبا امام غرفة العمليات وأخرج سجادة الجيب الخاصه بالصلاة وفردها علي الأرض وصلي ركعتين قضاء للحاجه وبعدها رفع يداه إلي أعلي وأخذ يتضرع إلي من غرس بعشقها وهو معشوقه الذي لا منافس له وأخذ يناجيه بكل إسم هو له أن يرحم بقلبه الذي يتمزق الآن عليها

*بعد فتره طويله فتحت غرفة العمليات وخرج الطبيب يحمل ملاكا صغير تبكي بقوه وقف أمام مالك و:- ما شاء الله يادكتور مالك حوريه من الجنه

مالك بلهفه و:- طمني علي ميمونه المهم هي عامله إيه

نكس الطبيب رأسه إلي أسفل و:- ح ح حصل م ن زيف مفجأ وما قدرناش نسيطر عليه للأسف

نظر الجميع إليه بأعين واسعه أما مالك فتقدم منه خطوه ووجه أصبح مصفرا وهو يسأله بصوت متحشرج و:- ي ي يعني إيه م ميمونه إيه اللي حصل لها

_لم يجرأ الطبيب علي أن يرد عليه والتزم الصمت فصرخ مالك بوجهه بقوه صرخه جعلت الجميع ينتفض واسرعت أمينه بحمل الصغيره من يد الطبيب الذي تراجع إلى الخلف بخوف فكرر مالك عليه مره أخري و:- إيه اللي حصل انطق

الطبيب بتلعثم :- ا ل المدام ميمونه دخلت في غيبوبه والله أعلم هتفوق منها ولا لأ ودلوقتي لازم تتنقل العنايه المركزه … القي الطبيب تلك الكلمات علي مسامع مالك ورحل سريعاً….

عشقت ميمونه. هاجر محمد. حبيبة

*بعد عدة ايام نقلت ميمونه إلي غرفه أخري مجهزه واختلي مالك بها وأمر الجميع بالخروج وجلس أمامها ظل يتأملها لفتره وهي ممده علي فراش المرض أمام عينه هي المريضه لكنه من يتألم

قبل مالك يدها و:- بصي انا عارف إنك هتقومي ومش هتسيبني وعارف كمان ان ده عقابك ليا علي كل اللي عملته بس ده مش عدل .. ده إبتلاء مش هقدر أصبر عليه. إنتي عارفه إني بموت وأنا شايفك قدامي كده عارفه إني مش قادر ابص في وش فرحتنا اللي اتمنناها سوي لأن فرحتي ودنيتي إنتي كل إبتلاء حصلي كنت بستقبله بابتسامه ورضا وحتي لو كنت بغامر بحياتي ما كانش بيفرق معايا بس دلوقتي أنا بموت وأنا شايفك قدامي ومش قادر أسمع صوتك ولا أشوف ضحكتك… نهض مالك واقترب منها ورفعها إلي صدره وضمها وصرخ بوجع :- ياااااااارب ياااارب رجع لي قلبي يارب أو خد روحي ليها

*مالك……

التفت مالك ليجده هاني وهو يحمل طفلته بين يديه اقترب من مالك الذي نهض ومسح دموعه

هاني بابتسامه بسيطه و:- شايف اللي اداني الأمل يائس دلوقتي

مالك بصوت باكي :- مش قادر أشوفها قدامي كده ما كنتش متخيل إن وجعها صعب كده

هاني :- لو كنت اخدت بنتك في حضنك كانت هونت عليك كتير

نظر مالك إلي الصغيره و:- لما ميمونه أجهضت كنت حاسس إني مش عايز أشوفها.. و ودلوقتي حاسس ان دي السبب ان ميمونه هتروح مني

مد هاني يده بها إلي مالك و:- حاسس بوجعك بس صدقني وجودها جانبك هيهون عليك كتير مهما كان دي حته من ميمونه

_أخذ مالك منه فرح التي ما ان حملها حتي أبتسمت إبتسامه عذباء وهي مغمضه عينيها جعلت بالفعل شعاع النور والأمل يدق باب قلب مالك مره أخري وضمها إلي صدره بقوه وتنهد بقوه و:- سامحيني يافرحتي عارف إني غلطت بس قلبي موجوع أوي وأنا شايفها قدامي كده أنا آسف مش قادر ولا عارف أفرح بيكي …….

يتبع…..