رواية نعم احببت حياتي البارت الثاني والعشرون 22 بقلم جهاد عبدالرحمن
 |
| رواية نعم احببت حياتي البارت الثاني والعشرون 22 بقلم جهاد عبدالرحمن |
رواية نعم احببت حياتي البارت الثاني والعشرون 22 بقلم جهاد عبدالرحمن
ادم خلص الاغنيه تحت اعجاب الكل وحياه كانت مبسوطه اوي وادم فضل طول الخطوبه مركز مع حياه مشلش عينه عنها ومتابع كل حاجه ضحكتها.. وكلامها مع تقي وهزارها.. ومش قادر يمنع نفسه انو يقرب منها اما دارين فكانت مركزه مع حد تاني وهوا كمال كانت ملاحظه نظراته لحياه وضيقه من قرب أدم لحياه اما أسر وتقي كانو مع بعض وكل واحد مقرر انو يبدا حياه جديده ويسعد التاني علي قد ميقدر
كمال مش طايق المكان وكان خارج بره القصر دارين شافته طالع راحت وراه
دارين: انتا
كمال بيبوص حوليه: مين انا
دارين : ايوه
كمال بااستغراب: نعم
دارين: انا دارين بنت عمته ادم
كمال بضيق : اه تشرفنا
دارين : الشرف ليا بس انا ملاحظه انك مش طايق أدم
كمال بتوتر: ملاحظه ايه… لا مش هطيقو ليه
دارين : هوا انتا قريب حياه
كمال : اه ابن خلتها
دارين: امممم علشان كده
كمال : علشان كده ايه متتكلمي بصراحه معايا كده يحلوه علشان بس نبقا وضحين مع بعض
دارين : ايوه ياريت انا فعلا بحب الصراحه ومن غير لف ودوران كده انا عايزه أدم يطلق حياه علشان انا اجوزه لأني بحبه اوي….
كمال باانتباه: اممممم طيب انا هستفاد ايه كده ..
دارين: لا انتا كمان هتستفيد ده انتا هتموت علي حياه ولا انا هبله ومش وخده بالي من نظراتك ليها
كمال : اه انا فعلا بحب حياه ومن زمان من قبل أدم بتعها ده ميشفها حتي
دارين : حلو يبقا احنا الاتنين هدفنا واحد
كمال : طيب انتي هتعملي ايه يعني
دارين : هتعرف بس خد.. ده رقم تلفوني وهات رقمك علشان اعرف اكلمك
كمال: اوكي
كمال ادا رقمه لدارين ومشي من القصر
______________
حياه : طيب هوا هيجي يخدك يعني ولا ايه
ناديه : اه هوا طلع بره وجاي تاني يحياه اصل هوا مش بيحب جو الافراح وكده
حياه : امممم
أدم بهمس: بتسألي علي كمال ليه
حياه : علشان خالتو هتروح لوحدها يعني
أدم : ماشي
حياه : اوكي
اما تقي وأسر
أسر : انتي مبسوطه
تقي : اكيد
أسر : ديما اي رأيك في المكان
تقي بااعجاب : المكان جميل اوي
أسر : اممممم أدم هوا الي عمل كل ده الزينه وكل حاجه
تقي : شكل أدم بيحبك اوي …
أسر : اه احنا اكتر من الأخوات
تقي : انا وحياه كده بردو
أسر : ربنا يديم المحبه
تقي : يارب
حياه : خلي بالك من تقي ياأسر
أسر : متخفيش هيافي عنيا
أدم : وصيها عليا يتقي لحسن مطلعه عنيا
تقي : هههههههه حاضر
حياه : مين الي مطلع عين مين ده انتا مصيبه ياأدم… متنخدعوش فيه هوا شكلو حلو انما هوا مش سهل…
أدم بضحك : انا ده انا عسل والله
أدم قرب من حياه
أدم بااستفزاز : انا اساسا عارف اني حلو
حياه : هههههههههه لا انا بهزر
أدم: كذاب
تقي : الاغنيه الي غنتها جميله ياأدم صوتك حلو اوي
أدم : شكرا يتقي
تقي : لا متشكرنيش انا بقول الحقيقه معبره والكلام بتعها جميل
أدم بيبوص لحياه : كلمتها. عدن ناس كده تفهم بقا …
حياه باابتسامه ساحره وبتبص في الأرض
حياه وقلبها بيدق وبصت لاادم : حلوه اوي فعلا
أدم : امممم
حياه باارتباك : اه انا هروح لخلتو كانت مع مامه تقي هشوفها واجي
أدم بابتسامه: اوكي
أدم لنفسه: انا بحبك يحياه ايوه بحبك ايوه حبتك ايوه اختي قلبي وعقلي وتفكيري عرفتي تدخلي قلبي رغم اني قومت كتيررر كنت بكذب قلبي وبقول انا مش بحبك بس انا فعلا مش بحبك… انا بعشقك بعشق عيونك وكل حاجه فيكي انتي خليتي قلبي يرجع يعيش ويحب تاني ويكون عايز ينحب ايوه.. نفسي تبادليني الحب وتقبليني كازوج ليكي انا.. معرفش بتحبني او لا بس كل الي اعرفه اني بحبك ومش هسيبك مهما يحصل انتي خلاص رجعتيني لحياتي وخلتيني احبها بعد مكنت بكرها( نعم احببت حياتي )
●●بقلم / جهاد عبد الرحمن ♡♡>>>>>>>>●●
أسر : دومي
أدم بتوهان : نعم
أسر: انتا روحت فين يبني
أدم : معاكو اهوه انا معاكو
بعد مرور وقت مش قصير بعد الكل ممشي والخطوبه انتهت
أدم: يلا يحياتي نطلع فوق
حياه : يلا هموت وانام
أدم وحياه طلعو الاوضه بس حياه كانت هتفتح الاوضه أدم مسك ايديها
حياه : ايه ياأدم
أدم: غمضي عينك قبل مندخل
حياه باابتسامه: اشمعنا
أدم: غمضي
حياه غمضت عيونها
أدم قرب منها وطبع علي خدها قبله
حياه بنرفزه وفتحت عيونها : والله …
أدم: ههههههه غمضي تاني
حياه: غمضت
أدم فتحت الاوضه ودخلها
أدم: افتحيها بقا
حياه فتحت عيونها لقت الاوضه مليانه ورد وبلالين حمر وورد مرمي في كل مكان وكان المنظر جميل وتحفه
حياه بفرحه: الله جميله اوي ياأدم بجد
أدم طلع من جيبه علبه وقرب من حياه وفتح العلبه وطلع منها سلسال من الماس علي شكل قلب جواه فراشه عليها حرف ال h و A غايه في الجمال تحفه ولبسه لحياه
حياه : الله جميل اوي ياأدم بس شكلو غالي اوي
أدم: بس ميغلاش عليكي
حياه : بس ايه المناسبه
أدم: احنا اجوزنا علطول حتي مجبتلكيش شبكه ولا اي حاجه
انا ساعت مشفتو حبيته جدا وجبته علشانك
حياه بفرحه: جميل اوي عمري مهخلعه هخليه علطول معايا
أدم قرب من حياه
أدم: ترقصي
حياه : مش بعرف بس اتعلمت منك شويه يعني اوكي
أدم شغل اغنيه لعمرو دياب ( انا ليك )
( نقول ايه خلاص انا وانتا حبيبي مفيش حاجه نقولها وصلين لدرجه حب محدش في الدنيا وصلها.. انا ليك وعمري مكون يحبيبي غير ليك روحي شغلها دي الثانيه وانتا بعيد ازاي قلبي هيستحملها …)
أدم وحياه فضلو يرقصو شويه وبعدين فضلو يتكلمو فتره طويله وبعدين كل واحد اخد شور وغيرو هدومهم ونامو
___________
الصبح
قام ادم وحياه من النوم وراحو يطمنو علي صادق
صادق: انا كويس متخفوش عليا
حياه : دايما يبابا
أدم: طيب افطر واحنا كمان هننزل نفطر
صادق : ماشي
حياه وادم نزلو يفطرو
أدم: انا جعان جدا
حياه: طيب يلا كل وانا هعملك قهوه
أدم : اوكي
دارين : انا مش عايزه افطر انا هطلع في الجنينه بره
سهام : طيب خدي عصير
دارين : اوكي
بعد مالكل فطر معدا دارين أدم راح الشركه
_________
في شركه ادم البنهاوي
أدم وهوا داخل مكتبه رجل الأعمال نده عليه
أدم: انتا تاني انتا بتعمل ايه هنا
رجل الأعمال: بالله عليك ياأدم بيه تسمعني انا اسف عارف اني غلط وبعتزر ليك دلوقتي
أدم مشي من قدامه الراجل لحقه
رجل الاعمال: لو سمحت ياادم بيه ممكن تسمعني
أدم: اسمع ايه لا انا مسمعش الي زيك انتا اساسا ازاي واقف تتكلم معايا انا يوم موفقت علي الثفقه وفقت كا مجرد نوع من الشفقه علي شركتك قولت اساعد في تكبير الشركه علشان شوفت عندكم طموح وقولت عادي ايه الي هخصره بس انتا طلعت طماع وغير كده غبي وغبي جدا لانك فكرت انك ممكن تقدر تمشيني علي مزاجك ونصيحه مني في العالم بتعنا لازم تكون ذكي وعارف مين ينفعك ومين لا يعني تكسب مين وتخصر عادي مين .. انتا بغبائك ده مش هتنفع فيه فكر ميت مره قبل متقرر..
رجل الأعمال: اسف ياأدم بيه بس بالله عليكي اسمعني
أدم مشي من قدامه تاني
أدم: شفيه عايز ايه لأني مش فضيلو
تسنيم: حاضر ياادم بيه
>>>>>>>> بقلم / جهاد عبد الرحمن>>>>>>>>> >>>>>>>>>>>>■■
أدم دخل المكتب ووقف ومشا ايده في شعره بثقه: كنت عارف انو هيجي.. تقريبا باخد كل حاجه انا عايزها الا حياه الحاجه الوحيده الي مش عارف اخدها بس دي غير كل ده …عايز اخدها برداها عايزها تحبني هيا كمان زي مبحبها….وتنهد تنهيده حزينه وبعدين تابع شغله في المكتب
وبعد وقت مش قصير
باب المكتب خبط
أدم: ادخل
أسر فتح الباب ودخل
أسر : صباح الخير ياأدم
أدم: صباح النور
أسر : خلصت الملف الي طلبته اهوه
أدم: اوكي
أسر : عامل ايه حاسك مش كويس
أدم: عادي…. بس انا طلعت بحب حياه ياأسر
أسر انعدل في جلسته : بجد انا مش مصدق اخيرا عرفت حقيقه مشاعرك يدومي بجد مبسوط ليك
أدم: بس حياه مش عارف بتحبني ولا لا انا مقدرش استحمل ان اتعلق بحد ويسبني تاني ياأسر تعبت والله مكنتش عايز اعيش تاني ولا احب بس حبيت حياه ومبقتش اقدر استغنا عنها
( الحب بيجي من غير سببب ومن غير مقدمات وحتي من غير منحس بنلاقي نفسنا بنعيش واتزرع جوا قلبنا حب شخص معين والحنين الدائم ليه بنكون مش عارفين ليه ده بالذات بس بيكون سعدتنا معاه بتحس انك وانتا معاه طاير في السماء ومش عايز حاجه من الدنيا غيره ..الحب شعور جميل جدا مش بيحس بحلاوته غير الي بيحب بجد مش كل قصص الحب ناجحه ولا كلها فاشله لكل قصه نهايه معينه وكل واحد بياخد نصيبه والي ربنا مقدره لاكن بعيدا عن كل ده مفيش اجمل من احساس الحب احساس فريد من نوعه وملوش زي حتي مش لازم يكون الحب بين اتنين بيحبو بعض وبيسعو للنهايه السعيده وهيا الجواز لا ممكن يكون حب صداقه او اخوه الحب لي انواع كتير بس في النهايه مفيش اجمل من احساس الحب في قلبك بيطهره بيخلي جواه نقاء مش معقول بيخلي حيتنا أسهل بكتيرر علشان كده اكيد الحب بيتغلب علي الكره والقسوه واكيد ربنا ليه حكمه في انو خلق الحب مبنا مبين ابناء أدم كلهم لانو من غير الحب هتبقا الحياه ملهاش معني وهتبقا اسوء من كده بكتيرررر ❤????????)
أسر: بس انا حاسس انها بتحبك
أدم: عنيها لما بقرب منها بتقول كده انا بردو حاسس بكده… بس مش عارف بقا مش عايز اضحك علي نفسي… ومش هعرف اسيطر علي نفسي اكتر…
أسر : طيب اعترف ليها بحبك
أدم: اهوه ده الي مش هقدر اعمله وغير كده انا متفق معاها ان جوزنا علي الورق وبس ولو مش بتحبني مش عارف رد فعلها هيكون ايه وانا اكيد مش هسبها لأنها خلاص بقت بتعتي وعمري مهبعد عنها مهما يحصل مستحيل اسبها
أسر : بس ياأدم لازم تصرحها بالحقيقه
أدم: ربنا يقدم الي فيه الخير ..
________
في قصر أدم البنهاوي
حياه طلعت الجنينه ومسكه السلسال الي أدم جابه امبارح وهوا علي رقبتها وبتذكر ساعت ملبسهولها وبتبتسم
وفجاه الفون رن وكانت تقي
حياه : الو
>>>>>>>> بقلم / جهاد عبد الرحمن >>>>>>>>>
تقي بتعب: ازيك يحياه عامله ايه
حياه : الحمد الله يتوته انتي عامله ايه
تقي : بطني بتتقطع يحياه بتوجعني اوي وبابا وماما بيزورو تيته ومحدش هنا وانا مش قادره
حياه بخوف : متخفيش يتقي انا هجيلك اهوه
حياه كانت متلغبطه وخايفه علي تقي وراحت تجيب شنطتها من جوه خبتت في فاطمه
داده فاطمه : مالك يحياه مستعجله كده ليه
حياه : لازم اطلع دلوقتي حالا يداده وأدم قلي مطلعش غير لما اقوله ومفيش وقت متقليلوش لو اتصل اني بره البيت وانا هبقا اقوله بليل …
داده فاطمه: بس يحياه أدم مش بيحبك تتطلعي من القصر خالص من غيره
حياه : عارفه يداده بس مجبوره سلام بقا
حياه اخده الشنطه وطلعت تروح لتقي
دارين كانت واقفه وسامعه حديث فاطمه وحياه
دارين بحقد : انا هوريكي يحياه
حياه ركبت تاكسي وراحت لتقي
حياه بتخبط علي الباب تقي فتحت ليها وكانت وشها أصفر وتعبانه جدا
حياه بلهفه : مالك يحببتي في ايه
تقي بتعب : مش قادره يحياه مغص بيقطع بطني ومش قادره
حياه : تعالي
حياه سنده تقي وسعدتها لحد ملبست هدومها ونزلت بيها وراحو المستشفي
_______
عند ادم في الشركه
تسنيم : وافق ياأدم علي السعر الي انتا قولته
أدم: تمام خلاص خلصي معاه
تسنيم: حاضر ياادم بيه
أدم: اوكي انا همشي هروح القصر سلام
تسنيم : سلام
أدم نزل من الشركه وراح القصر
أدم وصل القصر ودخل المطبخ علشان يشوف حياه زي عدتها اكيد بتساعد فاطمه في الاكل لاكن ملقاش حد طلع من المطبخ ودارين قابلته
دارين : ازيك ياأدم
أدم : الحمد الله ازيك انتي
دارين : تمام انتا بدور علي حياه
أدم: اه
دارين : لا دي حياه طلعت بره القصر من بدري
أدم بعصبيه: ازاي يعني طلعت بره ازاي من غير متقولي
دارين ببرائه مصتنعه : ايه طب انا معرفش …بوص ولا كاني قولت حاجه
أدم: اخلصي يدارين تعرفي هيا فين
دارين : انا بس مش عايزه اكون سبب في خناق بنكو
أدم: متخفيش قولي بس ومفيش خناق ولا حاجه
دارين : انا سمعتها وهيا بتقول لداده فاطمه انها هتطلع وانها متقولكش لو اتصلت انها بره وداده فاطمه قلتلها لا أدم بيه هيزعق طلعت من غير مترود عليها
أدم والغضب اتملك منو ساب دارين وراح طلع فوق في الاوضه
أدم لنفسه: طيب ليه تقول لداده تكذب عليا وليه متتصلش عليا وتقولي هيا عايزه تروح فين وليه تتطلع اساسا من غير متقولي
أدم كان متعصب جدا ورايح جاي في الاوضه وبيتصل علي حياه لاكن فونها مغلق وده ذاد من عصبيه اكتر
أدم بجنون : ليه عايزه تكذب عليا ليه
___________
>>>>>>>بقلم / جهاد عبد الرحمن>>>>>>>>>> >>>>>>>>>>>♡♡♡■
عند حياه
حياه : هوا ده تسمم صح يدكتور
الدكتور : ايوه يحياه في حاجه اكلتها وهيا مده الصلحيه منتهيه
حياه : امممم طب هيا كويسه
الدكتور : ايوه عملنلها غسيل معده وهيا دلوقتي كويسه
حياه : تمام شكرا يدكتور
الدكتور : العفو علي ايه ده وجبي
حياه دخلت لتقي واطمنت عليها وطلعو من المستشفي وصلتها البيت وكلمت دكتور اشرف وجه
حياه : انا همشي بقا يعمي اصل تلفوني فصل شحن وانا طلعت من غير مقول لاادم
دكتور اشرف : ماشي شكرا جدا يحياه تعبناكي معانا
حياه : ولا تعب ولا حاجه تقي دي اختي
دكتور اشرف : انا هوصلك
حياه : ملوش لزوم التاكسي مستني تحت
دكتور اشرف نزل مع حياه لحد مركبت
حياه وصلت القصر وطلعت فوق في الاوضه لقت أدم قاعد علي السرير وبيهز رجليه وساعت مشفها قام وراح قدمها وقفل الباب وشدها من درعها جامد لدرجه انها اتألمت ….
أدم بغضب : كنتي فين للوقت المتأخر ده وتلفونك مغلق ليه
حياه بخوف : في ايه ياأدم مالك
حياه بتزق أدم وبتبعده عنها
أدم احكم قبضته وحياه معرفتش تتحرك وكان ماسك اديها جامد
حياه بعياط وخوف : ابعد ياأدم عني وبتزقه …وسيب ايدي ايدي وجعتني اوي
أدم والغضب مسيطر عليه: مش هبعد عنك انتي كنتي فين لدلوقتي
حياه بوجع وخوف شديد : اي ده ابعد
حياه عماله تذق في أدم ومش طايقه ايده
أدم: مش هبعد عنك ومش هسيبك وهعرفك ازاي تكسري كلمتي وتطلعي من غير اذني وكمان بتقولي لداده تكذب عليا
حياه بعياط : انتا بتقول اي انا قولت لداده كده..
وحياه بتزق أدم أدم شدها جامد والدرس بتعها انقطع
حياه بصدمه بتحاول تداري نفسها
أدم بعصبيه مسكها من شعرها : متخلصي وتقولي انتي كنتي فين
حياه بخوف وعياط منه وبتحاول تداري نفسها
أدم: لاحظ خوفها منو الواضح وبعدها عنه
أدم بعد عن حياه ودير وشه للجهه التانيه
أدم: قومي البسي حاجه تانيه يحياه
حياه بعياط جريت علي الحمام وقفلت الباب
>>>>> بقلم / جهاد عبد الرحمن >>>>> وفضلت تعيط بصوت عالي افتكرت كمال والحياه الصعبه الي كانت عيشاها في بيت خلتها هترجع للخوف نفسه أدم خوفها جدا وده شي جديد لأنها عمرها محست معاه غير بالامان…
أدم سامع صوت عيطها ومكنش طايق يسمعها بتعيط وحس ان قلبه بيوجعه عليها وضميره بيأنبه
أدم: مكنش ينفع اتعامل معاها بالقسوه دي..
أدم راح وقف علي باب الحمام وخبط
أدم: حياه انتي كويسه
حياه مردتش عليه وكانت بتعيط وراحت تحت الدش وقفت وفتحت المايه وشريت حيتها بيمر قدمها افتكرت تصرفات كمال القذره معاها وافتكرت يوم مااعتدا عليها والتعب والعناء الي مرت بيه في اليوم ده علشان تنقذ نفسها منه وفضلت تحت الدش فتره طويله وبعدين لبست بجامه وفتحت الباب وطلعت
أدم اول مشفها راح عندها وبيقرب منها
حياه زقته وبعده عنه ورجعت لورا وكانت خايفه وبتعيط
حياه بصوت مبحوح من العياط : ابعد عني متقربش مني
أدم وقف مكانه : متخفيش مني يحياه انا مش هعملك حاجه انتي كويسه …وبيقرب
حياه بخوف : لا خليك عندك انا كويسه
أدم بزعل خوف حياه منه زعله جامد وفعلا بعد عنها زي مطلبت
حياه بعياط : انا كنت عند تقي وحكت لاأدم كل الي حصل معاها وهيا بتعيط
حياه : قولت لداده متقولكش علشان انا الي اقولك وكمان تلفوني فصل شحن
أدم: طب متصلتيش عليا ليه قبل متطلعي
حياه : كنت خايفه علي تقي وكنت متلغبطه وطلعت علطول وداده هيا الي وقفتني فقولتلها كده ولما روحت المستشفه كنت هكلمك لاكن التلفون فصل
أدم: طيب انا اسف مكنتش اعرف…الكلام ده
حياه: كنت اديني فرصه وانتا تعرف ولو مش مصدق ممكن تسأل دكتور اشرف
أدم: سكت ومردش هوا بيخاف عليها وبيحبها جدا كل الفكره انو ميقدرش يتخيل انها تكذب عليه او تكون بتعمل حاجه من وراه هوا فاقد الثقه في كل الستات بعد ما شاف خيانه امه لاابوه بعنيه لاكن حياه عنده غير كل الستات هيا الي سرقت قلبه وخلاته ينبض من جديد هوا من الي حصل فيه بيخاف انو ينخزل تاني من اعز الناس ليه
>>>>>>> بقلم / جهاد عبد الرحمن >>>>>>>>>>
>>>>>>>>>>>>????????
حياه راحت علي التسريحه علشان تستشور شعرها وبتحاول تسرحه لاكن أدم كان مسك ايديها جامد وبتوجعها جدا ومش عارفه تسرح من الوجع…
حياه بالم: اه ومسكت ايديها من الوجع
أدم قام وقف وراح عندها
أدم:خليني اسعدك
حياه خافت : وقامت من مكنها
حياه : لا لا انا كويسه شكرا
أدم خوف حياه منو بيموته طلع من الاوضه وقفل الباب وراه جامد ونزل تحت في الجنينه ودخل اوضه خاصه بيه فيها ملابس ليه واجهزه رياضيه خاصه بيه بيتمرن فيها وغير هدومه ونزل البسين وفضل يعوم فتره طويله وطلع عصبيته في المايه اما حياه فضلت تعيط فوق بصمت وقعده علي الاوض لحد منامت علي الارض
دارين كانت فوق وشايفه أدم وهوا بيعوم وفهمت انهم اتخانقو ..وأدم في عاته لما يكون مخنوق بيطلع زهقه في العوم من وهوا صغير
دارين : هتبقا ليا انا ياأدم هخليك تطلق حياه وتجوزني انا انتا بتاعي انا وهتفضل بتاعي ومحدش هيقدر ياخدك مني
وراحت تنام وهيا مبسوطه ( ???????? )
أدم طلع من المايه وقعد يرتاح وبعدين راح لبس ترنج من الاوضه الخاصه بيه الي تحت وطلع فوق عند حياه بيفتح الاوضه براحه لقا حياه نايمه علي الارض وشعرها كان مفرود حوليها ووشها آحمر من العياط شكلها كان برئ جدا وكانت زى الملاك
أدم راح قرب منها براحه وشلها وحطها علي السرير ومشا ايده في شعرها الحرير
أدم: انا اسف يحياتي
وبعدين نام هوا كمان جمبها وكان زعلان انها بقت تخاف منه
يتبع..
لقراءة البارت الثالث العشرون : اضغط هنا
لقراءة باقي فصول الرواية : اضغط هنا
نرشح لك أيضاً رواية خطأ أفقدني عذريتي للكاتبة سمسمة سيد
