رواية حب وعذاب البارت العشرون 20 بقلم آية السيد
 |
| رواية حب وعذاب البارت العشرون 20 بقلم آية السيد |
رواية حب وعذاب البارت العشرون 20 بقلم آية السيد
رحيم كان قاعد في اوضته وجاله تليفون من الحرس اللي عند احمد
رحيم /الو
الحارس /الو يا رحيم بيه
رحيم /فيه ايه
الحارس /الحقنا يا رحيم بيه
رحسم بنفاذ صبر /فيه ايه يا زفت انت هتنقطني
الحارس /احمد
رحيم /ماله
الحارس / قاطع النفس خالص ومش بيتحرك
رحيم /انقلوة مستشفى الجرحى فورا
الحارس بخوف /بس
رحيم /مبسش انقلوة وانا هكلم الدكتور يشوف حالته ايه واكمل بشر /مش لازم يموت لان الموت للي زيه راحه وصدقني لو مات حياتكم هتكون قصاد حياته مفهوم
الحارس بخوف من نبرة صوت رحيم /اا… اوامرك يا رحيم باشا
رحيم /سلام
رحيم قفل مع الحارس وكلم المستشفى وبلغهم بأوامر وبحاله احمد وحذرهم انه لازم يعيش ومش يجراله حاجه
رحيم قفل معاهم واتكلم بشر /متستعجلش اوي يا احمد انا هعرفك ازاي تعمل كده في اخت رحيم الجرحي
وبعدين سمع صوت خبط علي الباب
رحيم فتح واتفاجئ لما لقي ياسين
رحيم /ياسين تعالا ادخل
ياسين بتوتر /امممم بص يا رحيم انا كنت عاوزك في موضوع
رحيم /فيه ايه يبني اتكلم
ياسين /بص يا رحيم كده وبدون مقدمات يعني
رحيم /أنجز يا ياسين فيه ايه
ياسين اتكلم بسرعه /بصراحه كده انا طالب ايد وعد
ياسين بص علي رحيم ومستني يشوف رده فعله
رحيم سمع كلام ياسين ومداش اي رده فعل
ياسين اول لما شافه كده فهم ان رحيم مش موافق
ياسين /بص يا رحيم انا عارف ان فيه فرق مستوي وكده وان انا فين وعايله الجرحي فين بس يعني انا هشتغل ليل نهار عشان اخلي وعد تعيش في نفس المستوى واتمني انك توافق
رحيم قام وقف وياسين هو كمان وقف
وبعدين رحيم بص لياسين وقام ضربه بالبوكس في وشه خلي ياسين يقع علي الكنبه اللي وراه
___________________
في المخزن
الحارس 1/ها رحيم بيه قال ايه
الحارس2/قال اننا ناخده مستشفى الجرحي وهو هيتصرف وقال
الحارس 1/قال ايه
الحارس 2/انه مينفعش يموت وانه لو مات حياتنا هتكون قصاد حياته وانت عارف رحيم الجرحي مش صعب عليه يعملها
الحارس 1/بعد الكلام دا ولسه واقف يلا بسرعه ننقله علي المستشفى
الحارس 2/يلا وربنا يستر
واخدوه علي المستشفي ولقوا ان رحيم اتصل بيهم وبلغهم بكل حاجه وهما اخدوا احمد في اوضه العمليات بسبب حالته
_________________
قدام القسم
فارس نزل من عريبته وبيبص لقي ريم نازله من القسم ومبتسمه فعرف انها اكيد الصحفيه اللي كانت عند زين لانه كان عرف كل حاجه عن ريم
واللي أكد انها كانت عند زين انه عارف ان محمد في ماموريه دلوقتي
فارس لنفسه بشر /ورحمه امي يا ريم مهتكوني لحد غيري…. وهتكوني ليا وليا انا وبس وهخليكي تزعلي عليه قريب هههههههه
وبعد كده دخل القسم وراح علي مكتبه
_________________
علا خرجت من المستشفى ورجعت بيتها تاني واول لما دخلت راحات اوضتها ونسرين والدتها وقفتها
نسرين /راحه فين يا علا
علا وهي بتحاول تسيطر علي دموعها /ابدا يا ماما تعبانه شويه ومحتاجه انام
نسرين بقلق /ماشي يا حبيبتي
علا دخلت اوضتها وقفلت الباب وفضلت تعيط بكل القهر اللي موجود في الدنيا
علا لنفسها /انتي اللي غبيه حبيتي واحد وانتي متأكده ان عمره ما حبك ولا حتي شافك اي حاجه في حياتي
حبتيه وانتي عارفه انه مش ليكي
بس كده كفايه كفايه تعب قلب بقا انا خلاص هبعد واحاول انساه وانسي حبي ليه وانسي تعب قلبي
علا خرجت من الاوضه وقررت تتكلم مع أهلها
علا /بابا.. ماما كنت عاوزة الطلب منكم طلب
نسرين /مش قلتي هتنامي شويه
علا /حبيت اتكلم معاكم الاول
عبدالحميد /ها يا حبيبتي اتكلمي
نسرين بقلق /فيه ايه يا علا
علا /بصراحه انا كنت عاوزة اروح اقعد فتره كده في اسكندريه عند عمتو
نسرين بشهقه /انتي بتتكلمي جد يا علا عاوزة تسافري
عبدالحميد /اشمعنا يعني يا علا
علا بكذب/عاوزة اغير جو وكمان اشوف عمتو بقالي كتير ما شفتهاش
نسرين كانت متابعه كلامهم ومش بتتكلم وهي متأكده من جواها ان فيه سبب تاني عشان علا تطلب انها تروح اسكندريه بسب فضلت انها تسكت وتبقا تسأل علا وهما لوحدهم
عبدالحميد /وشغلك
علا بتأكيد /انا هطلب اني اتنقل فرع اسكندريه وبكده هكمل شغلي
عبدالحميد قرر انه يوافق لانه حس ان علا فعلا محتاجه تغير جو وبص علي نسرين لقاها مستنيه رده
علا بترقب/ها يا بابا قولت ايه
عبدالحميد بابتسامه /موافق يا علا بس بشرط فتره ولما تحسي انك بقيتي احسن ترجعي
علا وهي تحتضن والدها /شكرا يا بابا انا بحبك اوي واكيد هرجع هو انا ليا غيركم
وبعدين بصت لنسرين/ها يا ماما موافقه
عبدالحميد بصالها وهز دماغه بمعني اه
نسرين بابتسامه /ايوة يا حبيبتي وانا هبقا متطمنه عليكي لانك هتبقي مع عمتك وانا عارفه هي بتحبك اد ايه
علا حضنتها /حبيبتي يا اغلي ام في الدنيا يلا انا هقوم بقا اجهز حاجتي وبكره هروح الجريده وأقدم طلب
عبدالحميد /ماشي يا بنتي
علا قامت وبعدين نسرين بصت لعبدالحميد
عبدالحميد فهم من نظرتها انها مستنيه تعرف سبب موافقته
عبدالحميد /صدقيني كده احسن هي محتاجه الفتره دي تغيير جو
نسرين /ماشي انا هقوم اشوفها
وبعدين قامت ودخلت الاوضه لعلا
نسرين خبطت ودلت ولقت علا واقفه بتحط هدومها في الشنطه
نسرين /عاوزه اتكلم معاكي شويه يا علا
علا /طبعا يا ماما
نسرين /مش احنا أصحاب وبنحكي كل حاجه لبعض
علا بتأكيد /اكيد يا حبيبتي بس فيه ايه
نسرين /عاوزة اعرف ايه سبب قرارك انك تسافري
علا قعدت جنبها ودموعها بدأت تنزل
نسرين بصت ليها بقلق/فيه ايه يا حبيبتي
علا وهي بتمسح دموعها /مفيش يا ماما انا كويسه
نسرين /يعني هتخبي عليا
علا هزت راسمها بنفي وبعدين حضنت والدتها وفضلت تعيط
نسرين فضلت تمسح علي شعرها
نسرين بخوف /مالك يا حبيبتي بس فيكي ايه
علا بعياط /هيخطب يا ماما خلاص هيخطب
نسرين /اهدي بس يا حبيبتي مين اللي هيخطب الشاب اللي حكتيلي عنه قبل كده
علا وهي بتهز راسها بعياط /ايوة
نسرين /معلشي يا حبيبتي اكيد دا خير ليكي… صدقيني يا حبيبتي لو هو كان خير ليكي اكيد ربنا كان هيقربه ليكي… وهو موعدكيش بحاجه ولا اصلا يعرف انك بتحبيه… اهدي يا قلبي وصدقيني محدش عارف الخير فين
نسرين فضلت تهدي في علا لغايه ما هديت
علا بعدت عن امها ومسحت دموعها /متقلقيش يا حبيبتي انا هبقا كويسه بس محتاجه ابعد
نسرين /انتي كده بتهربي يا علا
علا /عارفه بس فعلا محتاجه ابعد الفتره دي ولما احس اني هقدر أواجه هرجع
نسرين /ماشي يا حبيبتي اعملي اللي يريحك وانا معاكي ودايما هدعمك
علا /ربنا يديمك ليا يا ماما
نسرين حضنتها /ويديمك ليا يا روحي
_________________
في الجريده
ريم وصلت الجريده وبعدين دخلت للرئيس التحرير
ريم خبطت ودخلت
ريم بابتسامه /ازي حضرتك يا فندم
أمجد (رئيس التحرير) /الحمد لله يا ريم… تعالي وطمنيني عملتي ايه
ريم بثقه /تلمذتك طبعا
أمجد بابتسامه /يبت يا بكاشه
ريم بضحك /ابدا والله وادي التقرير اهوه
أمجد وهو بيبص علي التقرير باعجاب
أمجد بابتسامه /لا بجد تلميذه ممتازة كمان
ريم /شكرا جدا لحضرتك يا فندم
أمجد بابتسامه /انتي بجد يا ريم ليكي مستقبل مزهر واتمني انك في يوم من الايام تبقي اكبر صحفيه
ريم /شهاده اعتز بيها يا فندم… اي أوامر تانيه
أمجد /لا اتفضلي انتي
ريم /ماشي عن اذنك يا فندم
ريم خرجت وراحت مكتبها هي وعلا ومي
ريم بابتسامه /ازيك يا ميمو
مي بابتسامه /الحمد لله يا حبيبتي.. انتي عامله ايه
ريم /الحمد لله ميت فل وعشره
مي /يديم حمدك يا قلبي… ها البت علا عامله ايه
ريم /كويسه الحمد لله كنت عندها الصبح وكانت هتخرج من المستشفى النهارده وانا هعدي عليها وانا مروحه
مي /اشطا يا جميل هاجي معاكي
ريم /اشطا يا حب
________________
في الفندق في شرم وخصوصا في اوضه رحيم
ياسين بعد ما وقع علي الكنبه حط ايده علي وشه وفضل مصدوم من اللي رحيم عمله
ياسين قام من مكانه وباص لرحيم اللي ملامحه مش مفهومه
ياسين /انا اسف يا رحيم ردك وصلني عن اذنك
وبعدين راح عشان يخرج من الاوضه ووقفه صوت رحيم
رحيم بعصبيه وصوت عالي/استني عندك انا لسه مخلصتش كلامي
ياسين وقف ورحيم راح وقف قصاده واتكلم
رحيم /……
يتبع..
لقراءة البارت الحادي والعشرون : اضغط هنا
لقراءة باقي فصول الرواية : اضغط هنا
نرشح لك أيضاً رواية أحببت عفيفة للكاتبة آية السيد
